ଛତ୍ରପୁର,୧୫ା୪(ଡି.ଏନ୍.ଏ.): ଭାରତୀୟ ବିରଳ ମୃତ୍ତିକା (ଆଇଆର୍ଇ) ପ୍ଲାଣ୍ଟ ପକ୍ଷରୁ ନିକଟବର୍ତ୍ତୀ କଣମଣା, ଆର୍ଜିପଲ୍ଲୀ ଓ କାଳୀପାଲି ପଞ୍ଚାୟତକୁ ସାନିଟାଇଜ୍ କରାଯାଇଛି। ପ୍ଲାଣ୍ଟର ସିଜିଏମ ଏ. ଜେ. ଜନର୍ଥନନ୍ଙ୍କ ନିର୍ଦ୍ଦେଶକ୍ରମେ ଆଇଆର୍ଇର ଫାୟାର ବ୍ରିଗେଡ୍ ଟିମ୍ ଉକ୍ତ ୩ ପଞ୍ଚାୟତକୁ ସାନିଟାଇଜ୍ କରିଥିଲେ। ସିନିୟର ମ୍ୟାନେଜର ପି. କେ. ରାଉତ ମନିଟରିଂ କରିଥିବା ବେଳେ ଆଇଆର୍ଇ ହାଉସିଂ କଲୋନୀ ମହିଳା କଲ୍ୟାଣ କେନ୍ଦ୍ର ସଭାପତି ଏମ୍. ରାମଲକ୍ଷ୍ମୀଙ୍କ ନେତୃତ୍ୱରେ ଲୋକଙ୍କୁ ମାସ୍କ ବଣ୍ଟାଯାଇଥିଲା। ଡିଜିଏମ୍ ଗତିକୃଷ୍ଣ ନାୟକ, ଛତ୍ରପୁର ଉପଜିଲାପାଳ ପ୍ରିୟରଞ୍ଜନ ପୃଷ୍ଟିଙ୍କୁ ୫୦୦ ମାସ୍କ ପ୍ରଦାନ କରିଥିଲେ। ଆଗକୁ ଏଭଳି ସାନିଟାଇଜ୍ କାର୍ଯ୍ୟ ଜାରି ରହିବ ବୋଲି ଆଇଆର୍ଇର ସୁରେଶ ଚନ୍ଦ୍ର ପାତ୍ର ସୂଚନା ଦେଇଛନ୍ତି ।
