ସିଙ୍ଗାପୁର ଗବେଷକଙ୍କ ପୂର୍ବାନୁମାନ: କରୋନାର ବିଦାୟ ତାରିଖ ଜଣାଇଲା ଅଧ୍ୟୟନ

ଓ୍ବାଶିଂଟନ,୨୫।୫: କରୋନା ସଂକ୍ରମଣରେ ସାରା ବିଶ୍ୱରେ ପ୍ରାୟ ୫୫ ଲକ୍ଷ ଲୋକ ଆକ୍ରାନ୍ତ ହୋଇଥିବାବେଳେ ପାଖାପାଖି ସାଢ଼େ ୩ ଲକ୍ଷ ଲୋକଙ୍କ ମୃତ୍ୟୁ ଘଟିଲାଣି। ଏଥିରେ ଆମେରିକା ଶୀର୍ଷରେ ରହିଛି। ଏଠାରେ ରବିବାର ସୁଦ୍ଧା ୧୬ ଲକ୍ଷ ୭୫ ହଜାରରୁ ଊର୍ଦ୍ଧ୍ୱ ଲୋକ ସଂକ୍ରମିତ ହୋଇଥିବାବେଳେ ପ୍ରାୟ ଲକ୍ଷେ ଜୀବନଦୀପ ଲିଭିଲାଣି। ଏଭଳି ସ୍ଥିତିରେ ଆମେରିକା ପାଇଁ ସିଙ୍ଗାପୁର ଗବେଷକମାନଙ୍କ ଅଧ୍ୟୟନ ଆଶ୍ୱସ୍ତି ଆଣିଦେଇଛି। କାରଣ ଆମେରିକାରେ କରୋନା ମହାମାରୀର କେବେ ଅନ୍ତ ଘଟିବ ତାହାର ତାରିଖ ସେମାନେ ବତାଇଛନ୍ତି। କେବଳ ଆମେରିକା ନୁହେଁ, ବ୍ରିଟେନ, ଇଟାଲୀ ଭଳି କେତେକ ଦେଶରେ ମଧ୍ୟ ଏହି ମହାମାରୀର ବିଲୋପ ତାରିଖ ସେମାନେ ଜଣାଇଛନ୍ତି। ଏହାସହିତ କରୋନା ସଂକ୍ରମଣର ନିରନ୍ତର ହ୍ରାସ ଜାରି ରହିବ ଏବଂ ଆଉ କୌଣସି ଦ୍ୱିତୀୟ ପର୍ଯ୍ୟାୟ ସଂକ୍ରମଣ ଲହରର ଆଶଙ୍କା ନାହିଁ ବୋଲି ସେମାନେ ଭବିଷ୍ୟବାଣୀ କରିଛନ୍ତି।
ସିଙ୍ଗାପୁର ଟେକ୍ନୋଲୋଜି ଆଣ୍ଡ ଡିଜାଇନ ୟୁନିଭର୍ସିଟିର ଗବେଷକମାନେ ଗାଣିତିକ ମଡେଲିଂ ଜରିଆରେ ବିଭିନ୍ନ ଦେଶରେ କରୋନା ବିଦାୟ ନେବାର ତାରିଖଗୁଡ଼ିକୁ ପୂର୍ବାନୁମାନ କରିଛନ୍ତି। ତଦନୁଯାୟୀ, ନଭେମ୍ବର ୧୧ ସୁଦ୍ଧା ଆମେରିକା କରୋନା ଭାଇରସ୍‌ ମୁକ୍ତ ହେବା ଭଳି ସ୍ଥିତି ଉପୁଜିଥିବାବେଳେ ସେପ୍ଟେମ୍ବର ୩୦ ସୁଦ୍ଧା ବ୍ରିଟେନରୁ କରୋନା ସଂକ୍ରମଣର ବିଲୋପ ଘଟିପାରେ। ସେହିପରି ମେ ୮ରେ କରାଯାଇଥିବା ଆକଳନ ଅନୁଯାୟୀ ଇଟାଲୀ ଅକ୍ଟୋବର ୨୪ ସୁଦ୍ଧା ଏହି ମହାମାରୀରୁ ସମ୍ପୂର୍ଣ୍ଣ ଆଶ୍ୱସ୍ତି ପାଇବ। ଦେଶଗୁଡ଼ିକର ପ୍ରତିଦିନର ନୂଆ ମାମଲାଗୁଡ଼ିକୁ ଉକ୍ତ ମଡେଲ ଟ୍ରାକ୍‌ କରି ଭୂତାଣୁ କେତେଦିନ ଯାଏ ବିସ୍ତାରିତ ହେବ ସେନେଇ ଜାଣିପାରୁଛି। ତଥାପି ପୂର୍ବାନୁମାନ ଏକ ଅନିଶ୍ଚିତତା ବୋଲି ଗବେଷକମାନେ ସୂଚାଇ ଦେଇଛନ୍ତି। ଏହାର କାରଣ ହେଉଛି ଭୂତାଣୁର ଜଟିଳତା। ଏହାସହିତ ଦେଶଗୁଡ଼ିକରେ କଟକଣା ଏବଂ ଟେଷ୍ଟିଂ ପ୍ରୋଟୋକଲ ଭଳି କେତେକ ଫ୍ୟାକ୍ଟର ଅନ୍ୟତମ କାରଣ ହୋଇପାରେ।
ଆମେରିକାରେ ମେ ୬ରୁ ୧୨ତାରିଖ ମଧ୍ୟରେ ପୂର୍ବାନୁମାନଗୁଡିକରେ କ’ଣ ପରିବର୍ତ୍ତନ ଘଟୁଛି ତାହା ଲକ୍ଷ୍ୟ କରାଯାଇଥିଲା। ତାହା ଅପେକ୍ଷାକୃତ ସ୍ଥିର ଥିବା ଜଣାପଡିଛି। ଏହା ସୂଚାଉଛି ଯେ, ମହାମାରୀର ତାତ୍ତ୍ୱିକ ପରିସମାପ୍ତି ପାଇଁ ଦୀର୍ଘ ସମୟ ଲାଗିବ। ସଂକ୍ରମଣର ସ୍ଥିିତିକୁ ଆଧାର କରି ଗବେଷକମାନେ ଅତିରିକ୍ତ ନୀତି ଓ ପଦକ୍ଷେପ ଦରକାର ପଡ଼ିବ ବୋଲି ପରାମର୍ଶ ଦେଇଛନ୍ତି। ଏପରି କି ଆମେରିକା ଏବଂ ବ୍ରାଜିଲରେ ବର୍ତ୍ତମାନର ପଦକ୍ଷେପ ଯଦି ସ୍ଥିର ହୋଇରହେ ଏବଂ ଟିକା ବିକଶିତ ନ ହୁଏ ତେବେ ବର୍ଷର ଅବଶିଷ୍ଟ ସମୟରେ ମଧ୍ୟ ଦୁର୍ଦ୍ଦଶା ଭୋଗିବାକୁ ପଡ଼ିପାରେ ବୋଲି ଗବେଷକମାନଙ୍କ ଅଧ୍ୟୟନରୁ ଜଣାପଡ଼ିଛି। ପୂର୍ବାନୁମାନଗୁଡିକ କେବଳ ଆକଳନ ଏବଂ ବିଭିନ୍ନ କାରଣ ଉପରେ ନିର୍ଭର କରି ଏହା ପରିବର୍ତ୍ତନ ହୋଇପାରେ ବୋଲି ବୈଜ୍ଞାନିକମାନେ ସ୍ପଷ୍ଟ କରିଛନ୍ତି।
କିଛି ପୂର୍ବାନୁମାନକୁ ଆଧାରକରି ଅତ୍ୟଧିକ ଆଶାବାଦୀ ହେବା ବିପଜ୍ଜନକ ହୋଇପାରେ। କାରଣ ଏହା ହୁଏତ ଆମର ଶୃଙ୍ଖଳା ଏବଂ ନିୟନ୍ତ୍ରଣକୁ ମୁକ୍ତ କରିପାରେ, ଯାହା ସଂକ୍ରମଣର କାରଣ ସାଜିବା ଆଶଙ୍କା ରହିଛି। ତେଣୁ ଅସାବଧାନତାକୁ ଏଡ଼ାଇବାକୁ ହେବ ବୋଲି ବିଶେଷଜ୍ଞମାନେ କହିଛନ୍ତି। କିଛି ମାସର ଲକ୍‌ଡାଉନ୍‌ ପରେ ବର୍ତ୍ତମାନ ଆମେରିକାର ସମସ୍ତ ୫୦ ରାଜ୍ୟ ଧୀରେ ଧୀରେ ଖୋଲୁଛି ଏବଂ କଟକଣାଗୁଡ଼ିକ କୋହଳ ହେବାରେ ଲାଗିଛି। ତେବେ ଅତିଶୀଘ୍ର କଟକଣା କୋହଳ ହେବା ଦ୍ୱାରା ସଂକ୍ରମଣ ମାମଲା ବୃଦ୍ଧି ଘଟିପାରେ ବୋଲି ବିଶେଷଜ୍ଞ ଏବଂ ସ୍ବାସ୍ଥ୍ୟ ଅଧିକାରୀମାନେ ଚେତାବନୀ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ୟେମେନରେ ୨୦୧୫ରୁ ନିହତ ହେଲେଣି ଲକ୍ଷେ

କାଇରୋ,୧।୧୧:ୟେମେନରେ ଲାଗିରହିଥିବା ଗୃହଯୁଦ୍ଧରେ ୨୦୧୫ରୁ ବର୍ତ୍ତମାନ ସୁଦ୍ଧା ଲକ୍ଷେରୁ ଊର୍ଦ୍ଧ୍ୱ ଲୋକ ପ୍ରାଣ ହରାଇଲେଣି। ଏଥିରେ ୧୨ ହଜାରରୁ ଅଧିକ ସାଧାରଣ ଲୋକଙ୍କ ଜୀବନ ଯାଇଥିବା...

ଅଲ୍‌-କାଏଦା ମୁଖ୍ୟ ଜୀବିତ ଚର୍ଚ୍ଚା

ବେରୁଟ, ୧୩ା୯: ଆତଙ୍କବାଦୀ ସଙ୍ଗଠନ ଅଲ୍‌-କାଏଦା ମୁଖ୍ୟ ଆୟାମାନ୍‌ ଅଲ୍‌-ଜଓ୍ବାହିରିଙ୍କୁ ଏକ ଭିଡିଓରେ ଦେଖିବାକୁ ମିଳିଛି। ତେଣୁ ଏବେ ବି ସେ ଜୀବିତ ଥିବା ନେଇ...

ନ୍ୟାଶନାଲ ରିଫ୍ରେଶମେଣ୍ଟ୍‌ ଡେ’: ବ୍ୟସ୍ତବହୁଳ ଜୀବନରେ ମନ ହାଲୁକା କରେ

ପ୍ରତିବର୍ଷ ଜୁଲାଇ ଚତୁର୍ଥ ଗୁରୁବାର ନ୍ୟାଶନାଲ ରିଫ୍ରେଶ୍‌ମେଣ୍ଟ ଡେ’ ପାଳନ କରାଯାଏ। ୨୦୧୮ରେ ଏହିି ଦିବସ ଜୁଲାଇ ୨୬ ଓ ୨୦୧୯ରେ ଜୁଲାଇ ୨୫ରେ ପାଳନ...

ୟୁରୋପାରେ ଜଳୀୟବାଷ୍ପ

ଓ୍ବାଶିଂଟନ,୨୧।୧୧(ପି.ଟି.): ବୃହଷ୍ପତିର ଉପଗ୍ରହ ୟୁରୋପାରେ ଜଳୀୟବାଷ୍ପର ସନ୍ଧାନ ପାଇଛି ଆମେରିକାର ମହାକାଶ ଗବେଷଣା ସଂସ୍ଥା ନାସା। ଏହାର ବୈଜ୍ଞାନିକମାନେ ପ୍ରଥମଥର ପାଇଁ ୟୁରୋପା ପୃଷ୍ଠରେ ଏପରି...

ପାକିସ୍ତାନ ବହିର୍ବ୍ୟାପାର ମନ୍ତ୍ରୀଙ୍କୁ କରୋନା

ଇସ୍‌ଲାମାବାଦ,୩ା୭-ମହାମାରୀ କରୋନା ସାରାବିଶ୍ୱରେ କାୟାବିସ୍ତାର କରିଚାଲିଛି। ତେବେ ପାକିସ୍ତାନ ବହିର୍ବ୍ୟାପାର ମନ୍ତ୍ରୀ ଶାହ ମହମୁଦ କ୍ୟୁରେସି କରୋନାରେ ଆକ୍ରାନ୍ତ ହୋଇଛନ୍ତି। ଶୁକ୍ରବାର ତାଙ୍କ ରିପୋର୍ଟ ପଜିଟିଭ...

ଆଫଗାନ୍‌ ସେନାର ଆତ୍ମସମର୍ପଣ

କାବୁଲ, ୧୭ା୮: ମାତ୍ର ୨୦ ସପ୍ତାହରେ କୋଡ଼ିଏ ବର୍ଷ ପଛକୁ ଫେରିଛି ଆଫ୍‌ଗାନିସ୍ତାନ। ଆମେରିକା ସୈନ୍ୟ ପ୍ରତ୍ୟାହାର ସମ୍ପୂର୍ଣ୍ଣ ହେବା ପୂର୍ବରୁ ନିଜକୁ ସମ୍ପୂର୍ଣ୍ଣ ପ୍ରସ୍ତୁତ...

କଶ୍ମୀର ପଣ୍ଡିତଙ୍କୁ ଭେଟି କହିଲେ ମୋଦି: ତୁମେମାନେ ବହୁତ ସହିଛ, ଏବେ ମିଶିକି ନୂଆ କଶ୍ମୀର ଗଠନ କରିବା

ହ୍ୟୁଷ୍ଟନ,୨୨।୯: ‘ହାଓଡି ମୋଦି’ କାର୍ଯ୍ୟକ୍ରମ ପାଇଁ ଆମେରିକାର ହ୍ୟୁଷ୍ଟନରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ଅବସରରେ ପ୍ରବାସୀ ଭାରତୀୟ କଶ୍ମୀର ପଣ୍ଡିତମାନେ ପ୍ରଧାନମନ୍ତ୍ରୀ ମୋଦିଙ୍କୁ...

ଉହାନରେ ପୁଣିଥରେ କାମ ଆରମ୍ଭ କରିବାକୁ ଅନୁମତି ଦେଲେ ସରକାର

ବେଜିଂ,୧୧।୩: କରୋନା ଭାଇରସ ଯୋଗୁ ଚାଇନାର ଉହାନ ସହର ବିଶେଷ ପ୍ରଭାବିତ ହୋଇଥିବା ବେଳେ ଏହାକୁ ଏକ ପ୍ରକାର ବନ୍ଦ କରି ଦିଆଯାଇଥିଲା। ଏବେ କରୋନା...

Advertisement


Archives

Model This Week