ସିଇସି ରିପୋର୍ଟକୁ ନେଇ ଅଡ଼ୁଆରେ ପ୍ରଶାସନ: ଲିଜ୍‌ପ୍ରାପ୍ତ ଚିଙ୍ଗୁଡିଘେରି ପ୍ରକଳ୍ପ ଉଚ୍ଛେଦ ଚିନ୍ତାର କାରଣ

କେନ୍ଦ୍ରାପଡା ଅଫିସ, ୨୫ା୯- କେନ୍ଦ୍ରାପଡା ଜିଲାର ସମୁଦ୍ରତଟବର୍ତ୍ତୀ ଅଞ୍ଚଳରେ ବେଆଇନ ଚିଙ୍ଗୁଡ଼ି ଘେରି ଉଚ୍ଛେଦ ଏବେ ଜିଲା ପ୍ରଶାସନ ପାଇଁ ଆହ୍ବାନ ପାଲଟିଛି। ଆସନ୍ତା ଅକ୍ଟୋବର ୨୧ ସୁଦ୍ଧା ୨୯୦୦ ହେକ୍ଟରରୁ ଅଧିକ ଅଞ୍ଚଳରେ ଗଢ଼ି ଉଠିଥିବା ବେଆଇନ ଘେରି ଉଚ୍ଛେଦ କରି ରିପୋର୍ଟ ଦେବା ପାଇଁ ଉଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି ା ତେବେ ନାବାର୍ଡ ସହାୟତାରେ ନିର୍ମିତ ମହାକାଳପଡା ବ୍ଲକ ଅନ୍ତର୍ଗତ ଜଗତଜୋର ଓ ବଣପଦା ଚିଙ୍ଗୁଡି ଘେରି ପ୍ରକଳ୍ପକୁ ନେଇ ଏବେ ପ୍ରଶାସନ ଅଡୁଆରେ ପଡିଛି। ୨୦୧୬ ମସିହାରେ ଏହି ଦୁଇ ପ୍ରକଳ୍ପକୁ ୧୫ ବର୍ଷ ପାଇଁ ରାଜ୍ୟ ସରକାର ଓ ଫାଲକନ୍‌ ମେରାଇନ ଏକ୍ସପୋର୍ଟସ୍‌ ଲିମିଟେଡ୍‌ ପକ୍ଷରୁ ଏମଓୟୁ ସ୍ବାକ୍ଷର ହୋଇ ୧୫ ବର୍ଷ ପାଇଁ ଲିଜ୍‌ ଦିଆଯାଇଛି।
ଅପରପକ୍ଷେ ସିଇସି ରିପୋର୍ଟକୁ ଉପେକ୍ଷା କରୁଥିବାରୁ ବେଆଇନ ଚିଙ୍ଗୁଡି ଘେରି ସହ ଏହାକୁ ତୁରନ୍ତ ଉଠାଯାଉ ବୋଲି ସ୍ଥାନୀୟ ଅଞ୍ଚଳବାସୀ ଓ ପରିବେଶବିତ ଦାବି କରିଛନ୍ତି ା ଦାବି ପୂରଣ ନ ହେଲେ ଆନ୍ଦୋଳନ ହେବ ବୋଲି ସେମାନେ ଚେତାବନୀ ଦେଇଛନ୍ତି ା ଏହା ପ୍ରଶାସନ ପାଇଁ ମୁଣ୍ଡବ୍ୟଥାର କାରଣ ସାଜିଛି।
ସୂଚନାଯୋଗ୍ୟ, ଗହିରମଥା ସାମୁଦ୍ରିକ ଅଭୟାରଣ୍ୟ ଅଞ୍ଚଳ ବିରଳ ଅଲିଭରିଡଲେ କଇଁଛଙ୍କ ସଙ୍ଗମସ୍ଥଳୀ ା ଏହି ଜଳଚର ଜୀବର ସୁରକ୍ଷା ପାଇଁ ସୁପ୍ରିମ କୋର୍ଟରେ ୨୦୨/୯୫ ଓ ୧୭୧/୯୬ରେ ୨ଟି ରିଟ ପିଟିସନ ଦାଖଲ ହୋଇଥିଲା ା ଏହାର ଶୁଣାଣିକରି ତତ୍କାଳୀନ ସମୟରେ ସୁପ୍ରିମକୋର୍ଟ ପକ୍ଷରୁ ସେଣ୍ଟ୍ରାଲ ଏମ୍ପପାଓ୍ବାର୍ଡ କମିଟି (ସିଇସି) ଗଠନ କରାଯାଇଥିଲା ା ପରେ ୨୦୦୪ ଫେବୃୟାରୀ ୧୦ରୁ ୧୪ ତାରିଖ ପର୍ଯ୍ୟନ୍ତ ୫ ଦିନ ଧରି କମିଟି ଅଧ୍ୟକ୍ଷ ପିଭି ଜୟ କ୍ରିଷ୍ଣନ, ସଦସ୍ୟ ବିଟ୍ଟୁ ସେହଗଲ ଓ ଭିଆର ଚିତ୍ରାପୁ ଗହିରମଥାର ଆଖପାଖ ଅଞ୍ଚଳକୁ ତନଖି କରି ଏକ ଗାଇଡଲାଇନ ପ୍ରସ୍ତୁତ କରିଥିଲେ ା ପରବର୍ତ୍ତୀ ସମୟରେ ଭାରତ ସରକାରଙ୍କ ଦ୍ୱାରା ଏହି ଗାଇଡ୍‌ଲାଇନ କାର୍ଯ୍ୟକାରୀ ହୋଇଥିଲା ା ଗାଇଡ୍‌ଲାଇନ ଅନୁଯାୟୀ, ନଭେମ୍ବରରୁ ମେ ପର୍ଯ୍ୟନ୍ତ ଏହି ଅଞ୍ଚଳରେ ମତ୍ସ୍ୟଜୀବୀଙ୍କ ପାଇଁ ନିଷେଧାଞ୍ଚଳ ଘୋଷଣା କରାଯାଇଥିବା ବେଳେ ତଟବର୍ତ୍ତୀ ଅଞ୍ଚଳରେ ଚିଙ୍ଗୁଡ଼ି ଚାଷଉପରେ ପ୍ରତିବନ୍ଧକ ଲଗାଯାଇଥିଲା ା ଏହି ଗାଇଡ୍‌ଲାଇନରେ ସେମାନେ ଉଲ୍ଲେଖ କରିଛନ୍ତି ଯେ, କଇଁଛଙ୍କ ସମେତ ଡଲଫିନ, ମାଛ, ଚିଙ୍ଗୁଡି, କଙ୍କଡା ଆଦି ସାମୁଦ୍ରିକ ପ୍ରାଣୀଙ୍କ ସମେତ ବନ୍ୟପ୍ରାଣୀଙ୍କ ସୁରକ୍ଷା ପାଇଁ ଗହିରମଥା ସାମୁଦ୍ରିକ ଅଞ୍ଚଳ ଓ ଭିତରକନିକାର ଜାତୀୟ ଉଦ୍ୟାନର ୫ କିଲେମିଟର ପରିଧି ମଧ୍ୟରେ ନିଷେଧାଜ୍ଞା ଜାରି ରହିବ ା ଗାଇଡ୍‌ଲାଇନର ଏକ ପାରା(ନଂ-୩.୪.୨)ରେ ଦର୍ଶାଇଛନ୍ତି, ଚିଙ୍ଗୁଡି ଚାଷରେ ବ୍ୟବହୃତ ଖାଦ୍ୟ, ସାର ଓ ଔଷଧ ପ୍ରୟୋଗରେ ପରିବେଶ ଦୂଷିତ କରୁଛି। ଏଥିପାଇଁ ଏହି ପରିଧି ମଧ୍ୟରେ ଚିଙ୍ଗୁଡି ଚାଷକୁ ସମ୍ପୂର୍ଣ୍ଣ ନିଷେଧ କରାଯାଇଛି ା ଏହି ୫ କିଲୋମିଟର ନିଷୋଧାଞ୍ଚଳ ପରିଧି ମଧ୍ୟରେ ବଣପଦା ଓ ଜଗତଯୋର ଚିଙ୍ଗୁଡି ଘେରି ରହିଛି ା ସ୍ଥାନୀୟ ଅଞ୍ଚଳର ପ୍ରଭୁପ୍ରସାଦ ମହାପାତ୍ର ଓ ନରୋତ୍ତମ ସ୍ବାଇଁ ଏସମ୍ପର୍କରେ କୁହନ୍ତି, ସିଇସି ଗାଇଡ ଲାଇନକୁ ଆଧାର କରି ଏହି ୨ ଚିଙ୍ଗୁଡି ପ୍ରକଳ୍ପ ଉଚ୍ଛେଦ ଲାଗି ଉଚ୍ଚ ନ୍ୟାୟାଳୟରେ ଜିଲା ପ୍ରଶାସନ ବିରୋଧରେ ଏକ ପିଆଇଏଲ ମାମଲା (ନଂ- ୨୫୧୩/୧୭) ଦାଖଲ କରିଛନ୍ତି ା ତେବେ ଅଦ୍ୟାବଧି ଏହି ମାମଲାର ଚୂଡ଼ାନ୍ତ ରାୟ ଆସି ନାହିଁ ା ସିଇସି ଗାଇଡଲାଇନ ଅନୁଯାୟୀ, ଜିଲା ପ୍ରଶାସନ ଜିଲାର ସମସ୍ତ ଘେରିକୁ ଉଚ୍ଛେଦ ନ କଲେ ଏକ ବଡ ଧରଣର ଆନ୍ଦୋଳନ ହେବ ବୋଲି ସେମାନେ ମତ ଦେଇଛନ୍ତି ା
ଏ ସମ୍ପର୍କରେ ପରିବେଶବିତ ହେମନ୍ତ କୁମାର ରାଉତ, ଗୋଗୁଆ ଗ୍ରାମର ବଟ ଜେନା, ଶ୍ରୀଧର ମହାନ୍ତି, ଖଡିଅନ୍ତା ଗ୍ରାମର ଜିତେନ୍ଦ୍ର ନାୟକ, ଭୋପାଳର ପ୍ରଦୀପ୍ତ ନାୟକ ପ୍ରମୁଖ ସୂଚନା ଦେଇଛନ୍ତି ଯେ, ଚିଙ୍ଗୁଡି ଘେରି ଉଚ୍ଛେଦ ପରେ ପ୍ରଶାସନ ପକ୍ଷରୁ ଏହି ସ୍ଥାନରେ ହେନ୍ତାଳବଣ ସୃଷ୍ଟି କରାଯାଉ ା ଏହା ସାମୁଦ୍ରିକ ପ୍ରାଚୀର ଭାବେ ସ୍ଥାନୀୟ ଅଞ୍ଚଳକୁ ରକ୍ଷା କରିବାରେ ସହାୟକ ହେବ। ଏନେଇ ପ୍ରଶାସନ ଧ୍ୟାନ ଦେବା ଜରୁରୀ ବୋଲି ସେମାନେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସ୍ବାସ୍ଥ୍ୟକେନ୍ଦ୍ରରେ ରହିଲାନି ସାମାଜିକ ଦୂରତ୍ୱ

ରତ୍ନଗିରି,୮।୪(ଡି.ଏନ.ଏ): ସାମାଜିକ ଦୂରତ୍ୱ ରକ୍ଷା କରବା ପାଇଁ ସରକାରଙ୍କ କଡ଼ା ନିର୍ଦ୍ଦେଶ ରହିଛି। ଏହାକୁ ପାଳନ କରା ନ ଗଲେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ...

ବସ୍‌ରେ ଗଞ୍ଜେଇ ଚାଲାଣ, ଦୁଇ ଜଣଙ୍କୁ ଗିରଫ କଲା ପୋଲିସ

ଜୁନାଗଡ,୨୬।୧(ଡି.ଏନ୍‌.ଏ.): କଳାହାଣ୍ଡି ଜିଲା ଜୁନାଗଡ ପୋଲିସ ବୁଧବାର ସକାଳେ ଏକ ବସ୍‌ରେ ଗଞ୍ଜେଇ ଚାଲାଣ ଉପରେ ଚଢାଉ କରିଛି। ଏଥିରେ ୨ଜଣଙ୍କୁ ଗିରଫ କରିଛି। ପରେ...

ସିନେ କଳାକାରଙ୍କ କାର ଧକ୍କାରେ ଯୁବକ ଗୁରୁତର

ପାତ୍ରପଡ଼ା,୧୦।୯(ଡି.ଏନ୍‌.ଏ.): ଖଣ୍ଡଗିରି ଥାନା ଅନ୍ତର୍ଗତ ଶ୍ୟାମପୁର ନିକଟରେ ସୋମବାର ରାତିରେ ଜଣେ ଓଡ଼ିଆ ସିନେ କଳାକାରଙ୍କ କାର ଧକ୍କାରେ ଜଣେ ଯୁବକ ଗୁରୁତର ହୋଇଛନ୍ତି। ସେ...

ଦିଲ୍ଲୀ ଏମ୍‌ସ ଆକାଉଣ୍ଟରୁ ୪.୭୬ କୋଟି ଠକେଇ ଘଟଣା; ମାମଲାର ତଦନ୍ତ କରିବ ଦିଲ୍ଲୀ ସିବିଆଇ

ଫୁଲବାଣୀ ଅଫିସ, ୨୮ା୧୧ -ଦିଲ୍ଲୀ ଏମ୍‌ସ (ଅଲ ଇଣ୍ଡିଆ ଇନ୍‌ଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ)ର ଆକାଉଣ୍ଟରୁ ୪ କୋଟି ୭୬ ଲକ୍ଷ ୪୬ ହଜାର ୬୨୫...

ଯବାନଙ୍କ ବଦଳରେ ଅନ୍ୟଙ୍କ ଫଟୋ ପ୍ରସାରଣ : ବୈଦ୍ୟୁତିକ ଗଣମାଧ୍ୟମ ନଁ।ରେ ଅଭିଯୋଗ

ହିଞ୍ଜିଳିକାଟୁ,୯ା୧୧(ଡି.ଏନ.ଏ) -ପାକିସ୍ତାନୀ ଗୁପ୍ତଚର ମହିଳା ଏଜେଣ୍ଟଙ୍କ ହନି ଟ୍ରାପରେ ଫସି ଦେଶର ଗୁରୁତ୍ୱପୁର୍ଣ୍ଣ ଖବର ପ୍ରଦାନ କରିଥିବା ଅଭିଯୋଗରେ ରାଜସ୍ଥାନ ପୋଲିସ ହିିଞ୍ଜିଳିକାଟୁ ପୌରାଞ୍ଚଳ ଆଙ୍କୋରଡ଼ା...

ଗୋପବନ୍ଧୁ ନଗର ବ୍ଲକରେ ୨୦ ପଜିଟିଭ୍‌ ଚିହ୍ନଟ

କୁଆମରା,୨୧।୮(ଡି.ଏନ.ଏ.)- ମୟୂରଭଞ୍ଜ ଜିଲା ଗୋପବନ୍ଧୁ ନଗର ବ୍ଲକରେ ଦିନକୁ ଦିନ ସ୍ଥାନୀୟ ସଂକ୍ରମଣ ବୃଦ୍ଧି ପାଇବାରେ ଲାଗିଛି। ଫଳରେ ପ୍ରଶାସନ ପାଇଁ ଏହା ମୁଣ୍ଡବ୍ୟଥାର କାରଣ...

ଗର୍ଭପାତ ମୌଳିକ ଅଧିକାର: ହାଇକୋର୍ଟ

କଟକ ଅଫିସ,୨୧।୧୨(ବ୍ୟୁରୋ): ଗର୍ଭଧାରଣର ୨୦ ସପ୍ତାହ ପରେ ଗର୍ଭପାତ କରିବାର ନିୟମ ନାହିଁ। ହେଲେ ପୀଡ଼ିତା ନାବାଳିକାଙ୍କ ଭବିଷ୍ୟତ, ଶିକ୍ଷା, ସାମାଜିକ ସୁରକ୍ଷାକୁ ଦୃଷ୍ଟିରେ ରଖି...

ଅଙ୍ଗନଓ୍ବାଡି କେନ୍ଦ୍ର ରୋଷେଇଘରୁ ମୃତଦେହ ମିଳିବା ଘଟଣା: ପୋଲିସ-ଜନତା ମୁହାଁମୁହିଁ

ଚିତ୍ରକୋଣ୍ଡା, ୧୬।୯(ଡି.ଏନ୍‌.ଏ.): ମାଲକାନଗିରି ଜିଲା ଚିତ୍ରକୋଣ୍ଡାର ସ୍ବାଭିମାନ ଅଞ୍ଚଳରେ ପାପରମେଟଲା ପଞ୍ଚାୟତ ଯନ୍ତାପାଇ ଗାଁମୁଣ୍ଡରେ ଥିବା ଅଙ୍ଗନବାଡ଼ି କେନ୍ଦ୍ର ରୋଷେଇ ଘରୁ ରାଜୁ ହାନ୍ତାଳ ନାମକ...

Advertisement
Archives

Model This Week