ସମର ଫ୍ୟାଶନରେ ‘ଅରେଞ୍ଜ୍‌’ ଟ୍ରେଣ୍ଡ

ଭୁବନେଶ୍ୱର,୨୨।୪(ବ୍ୟୁରୋ)-ଫ୍ୟାଶନର ପରିଭାଷା ଦିନକୁ ଦିନ ପରିବର୍ତ୍ତନ ହେଉଥିବା ବେଳେ ଏଥିରେ ପ୍ରତିଦିନ ନୂଆ ନୂଆ ଷ୍ଟାଇଲ୍‌ ଓ ଷ୍ଟେଟ୍‌ମେଣ୍ଟ ଦେଖିବାକୁ ମିଳୁଛି। ଆଗରୁ କେବଳ କଳା, ଧଳା ଓ ଗାଢ଼ ରଙ୍ଗର ମୋହରେ ଥିବା ଫ୍ୟାଶନ ଇଣ୍ଡଷ୍ଟ୍ରୀ ଏବେ ରଙ୍ଗ ଉପରେ ଏକ୍ସପେରିମେଣ୍ଟ କରିବାକୁ ଭଲପାଉଛି। ସେହିଭଳି ଗ୍ରାହକଙ୍କ ପସନ୍ଦ ମଧ୍ୟ ବଦଳୁଛି। ହାଲ୍‌କା ରଙ୍ଗ ସହ ହାଲ୍‌କା ଫ୍ୟାବ୍ରିକ୍‌ ଉଭୟ ଡିଜାଇନର୍‌ ଓ ଗ୍ରାହକଙ୍କ ଦ୍ୱାରା ଆଦୃତ ହେଉଛି। ବିଶେଷକରି ଖରାଦିନେ ଏଭଳି ଟ୍ରେଣ୍ଡ୍‌ ଅଧିକ ଦେଖିବାକୁ ମିଳୁଛି। ତେବେ ଆଗରୁ କେବଳ ଖରାରେ ହ୍ବାଇଟ୍‌ ଫ୍ୟାଶନ ବା ଧଳାରଙ୍ଗ ପୋଷାକର ଡିମାଣ୍ଡ ଥିବାବେଳେ ଏବେ କିନ୍ତୁ ସମୟ ବଦଳିଛି। ଧଳା ପରିବର୍ତ୍ତେ କମଳା ରଙ୍ଗ ବା ଅରେଞ୍ଜ୍‌ କଲର୍‌ ଏଥର ସମର ଫ୍ୟାଶନରେ ନୂଆ ଟ୍ରେଣ୍ଡ୍‌ ହୋଇଛି। ଅଗ୍ନି ଓ ସୂର୍ଯ୍ୟାସ୍ତର ଏହି ରଙ୍ଗକୁ ଫ୍ୟାଶନ ଡିଜାଇନର୍‌ମାନେ ଚଳିତ ଋତୁର ନୂଆ ଷ୍ଟାଣ୍ଡ୍‌-ଆଉଟ୍‌ କଲର୍‌ ଭାବେ ଫୋକସ୍‌ କରିଛନ୍ତି।

ପ୍ରଚଣ୍ଡ ଗ୍ରୀଷ୍ମ ପ୍ରବାହରେ ରାଜଧାନୀ ଭୁବନେଶ୍ୱରର ତାପମାତ୍ରା ସର୍ବାଧିକ ରହୁଥିବା ବେଳେ ଖରାରୁ ମୁକ୍ତି ପାଇବା ସହରବାସୀଙ୍କ ପାଇଁ ଚିନ୍ତାର କାରଣ ହୋଇଛି। ଏଭଳିସ୍ଥଳେ ପୋଷାକ ପରିଧାନ ଶୈଳୀ ଗୁରୁତ୍ୱପୂର୍ଣ୍ଣ ରହିଛି। ହିଟ୍‌ ଓ୍ବେଭ୍‌ରୁ ମୁକ୍ତି ପାଇବାକୁ ଶରୀରକୁ ଢାଙ୍କି ରଖିବାକୁ କୁହାଯାଉଛି। ତେଣୁ ଖରାରେ ହାଲ୍‌କା ଲାଗିବା ସହ ଫ୍ୟାଶନେବୁଲ ଲୁକ୍‌ ଦେଉଥିବା ପୋଷାକ ପିନ୍ଧିବାକୁ ସହରବାସୀ ପସନ୍ଦ କରୁଛନ୍ତି। ଏପଟେ ଲୋକଙ୍କ ପସନ୍ଦକୁ ଦୃଷ୍ଟିରେ ରଖି ରାଜ୍ୟର ଜଣାଶୁଣା ଫ୍ୟାଶନ ଡିଜାଇନର୍‌ମାନେ ନିଜର ନୂଆ ନୂଆ ସମର କଲେକ୍ସନ ବଜାରକୁ ଛାଡ଼ିଛନ୍ତି, ଯେଉଁଥିରେ ଧଳା ନୁହେଁ, ବରଂ ‘କଲର୍‌ ଅଫ୍‌ ଫାୟାର୍‌’ କୁହାଯାଉଥିବା କମଳା ରଙ୍ଗକୁ ଏଥର ସିଜିନ ସ୍ପେଶାଲ ଭାବେ ଦେଖିବାକୁ ମିଳିଛି। ଓଡ଼ିଶାର ବେଶ୍‌ ଜଣାଶୁଣା ଫ୍ୟାଶନ କନ୍‌ସଲ୍‌ଟାଣ୍ଟ ସ୍ବାଗତ ରଞ୍ଜନଙ୍କଠାରୁ ଆରମ୍ଭକରି ଅନ୍ତର୍ଜାତୀୟ ସ୍ତରରେ ଖ୍ୟାତିଅର୍ଜନ କରିଥିବା ଫ୍ୟାଶନ ଡିଜାଇନର୍‌ ଡଲି ପାରେଖଙ୍କ ପର୍ଯ୍ୟନ୍ତ ସମସ୍ତଙ୍କର ଫେଭରାଇଟ୍‌ ସମର୍‌ କଲେକ୍ସନରେ ଅରେଞ୍ଜ୍‌ ରଙ୍ଗ ଦେଖିବାକୁ ମିଳିଛି। ଏହାକୁ ଉତ୍କଣ୍ଠା, ଉତ୍ସାହ ଓ ଉଦ୍ଦୀପନାର ରଙ୍ଗ କୁହାଯାଉଥିବା ବେଳେ ଖରାରେ ମନକୁ ଖୁସି ଓ ଜୀବନ୍ତ ରଖିବାରେ ଏହି ରଙ୍ଗ ସାହାଯ୍ୟ କରେ। କମଳା ରଙ୍ଗର ଯେକୌଣସି ପୋଷାକ ପିନ୍ଧିଲେ ଏହା ସାର୍ପ ଲୁକ୍‌ ଦେବା ସହ ଖରାରେ ବି ଆକର୍ଷଣୀୟ ଦେଖାଯିବାରେ ସାହାଯ୍ୟ କରେ। ତେଣୁ ଅରେଞ୍ଜ୍‌କୁ ଷ୍ଟାଇଲ୍‌ ଷ୍ଟେଟ୍‌ମେଣ୍ଟ କରିବାକୁ ଡିଜାଇନର୍‌ମାନେ ପରାମର୍ଶ ଦେଇଛନ୍ତି।

‘ଡେଟ୍‌’ରୁ ଡେ’ଆଉଟ୍‌

କେବଳ ଓ୍ବାର୍କ ଓ୍ବେର୍‌ କି କାଜୁଆଲ୍‌ ଓ୍ବେର୍‌ ନୁହେଁ, ଡେଟ୍‌ରେ ଯିବାବେଳେ ବି ଏକ ହଟ୍‌-ଅରେଞ୍ଜ୍‌ ଡ୍ରେସ୍‌ ଡେଟ୍‌କୁ ଆହୁରି ସ୍ବତନ୍ତ୍ର କରିବ। ସେହିଭଳି ସମର୍‌ ଓ୍ବେଡିଂ ହେଉ କି କକ୍‌ଟେଲ୍‌ ପାର୍ଟି, ଏଥିରେ ‘ଫ୍ଲୋଇଙ୍ଗ୍‌ ଅରେଞ୍ଜ୍‌ ଲଙ୍ଗ୍‌ ଡ୍ରେସ୍‌’ ଅନ୍ୟମାନଙ୍କଠାରୁ ଭିନ୍ନ କରିବ। ଏକ କ୍ରିମ୍‌ ଟପ୍‌ ସହ ଲାଇଟ୍‌ ଅରେଞ୍ଜ୍‌ ଓ୍ବାଇଡ୍‌-ଲେଗ୍‌ ଟ୍ରାଉଜର୍‌ ଓ ଏହାସାଙ୍ଗକୁ ହାଇ ପନିଟେଲ୍‌ ସମର୍‌ ଅଫିସ୍‌ ଲୁକ୍‌ ପାଇଁ ସବୁଠାରୁ ଉତ୍କୃଷ୍ଟ। ଅରେଞ୍ଜ୍‌ ଷ୍ଟିଲିଟୋଜ୍‌ ସାଙ୍ଗକୁ ଡେନିମ୍‌ ସ୍କାର୍ଟ ଚିକ୍‌ ଲୁକ୍‌ ଦେବା ସହ ସମର୍‌ ଆଉଟିଂ ପାଇଁ କାଜୁଆଲ୍‌ ଲୁକ୍‌ରେ ଅରେଞ୍ଜ୍‌-ବ୍ରାଉନ୍‌ ସର୍ଟସ ଓ ବିଜ୍‌ ଟପ୍‌ ବେଶ୍‌ ଆକର୍ଷଣୀୟ ଲାଗିବ।

ଆସେସୋରିଜ୍‌ରେ ଅରେଞ୍ଜ୍‌

କେବଳ ପୋଷାକ ନୁହେଁ, ଅରେଞ୍ଜ୍‌ ଆସେସୋରିଜ୍‌ ମଧ୍ୟ ଖରାରେ ଏକ ଭିନ୍ନ ଲୁକ୍‌ ଦେବ। ଧଳା, କଳା ଓ ବ୍ରାଉନ୍‌ ରଙ୍ଗ ପରିବର୍ତ୍ତେ ଆଜିକାଲି ବିଭିନ୍ନ ରଙ୍ଗର ଜୋତା ଫ୍ୟାଶନରେ ସାମିଲ ହୋଇଛି। ଚିକ୍‌ ଲୁକ୍‌ ଦେଖାଯିବା ପାଇଁ ବର୍ତ୍ତମାନର ଯୁବପିଢ଼ି ପିଙ୍କ୍‌, ଅରେଞ୍ଜ୍‌, ଗ୍ରୀନ୍‌ ଓ ବ୍ଲୁ ରଙ୍ଗ ଭଳି ବିଭିନ୍ନ ରଙ୍ଗର ସୁ ଏବଂ ସ୍ନିକର୍‌ ପିନ୍ଧିବାକୁ ପସନ୍ଦ କରୁଛନ୍ତି। ସେହିଭଳି ଖରାରେ ଡେନିମ୍‌ ସହ ଅରେଞ୍ଜ୍‌ ସ୍ନିକର୍‌ ଓ ମର୍ନିଂ ଓ୍ବାକ୍‌ ପାଇଁ ଅରେଞ୍ଜ୍‌ ସ୍ପୋର୍ଟସ ସୁ ଚିରାଚରିତଠାରୁ ନିଶ୍ଚିତ ଭିନ୍ନ ଲୁକ୍‌ ଦେବ। ଏହାବ୍ୟତୀତ ଫ୍ୟାଶନ ସହ ଏକ୍ସପେରିମେଣ୍ଟ କରିବାକୁ ଭଲପାଉଥିବା ଯୁବପିଢ଼ି ଲାଇଟ୍‌-ଅରେଞ୍ଜ୍‌ ଲିପ୍‌ଷ୍ଟିକ୍‌, ଅରେଞ୍ଜ୍‌ ହ୍ୟାଣ୍ଡ୍‌ବ୍ୟାଗ୍‌, ଅରେଞ୍ଜ୍‌ ନେଲ୍‌ପଲିସ୍‌ର ବ୍ୟବହାର କରିପାରିବେ।

– ସ୍ବାଗତ ରଞ୍ଜନ, ଫ୍ୟାଶନ କନ୍‌ସଲଟାଣ୍ଟ୍‌


Enter your email to get our daily news in your inbox.

All Right Reserved By Dharitri.Com

ରାଜ୍ୟ ଯୋଜନା ବୋର୍ଡ ଭଙ୍ଗ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୭।୭: ରାଜ୍ୟରେ ଭାଜପା କ୍ଷମତାକୁ ଫେରିବା ପରେ ପୂର୍ବ ସରକାରରେ ଗଠନ ହୋଇଥିବା ଯୋଜନା ବୋର୍ଡକୁ ଭଙ୍ଗ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝି। ପୂର୍ବ...

ଦଳୀୟ ବିଧାୟକଙ୍କୁ ବଡ଼ ଦାୟିତ୍ୱ ଦେଲେ ନବୀନ; ରାଜ୍ୟ ସରକାରଙ୍କୁ ଘେରିବେ

ଭୁବନେଶ୍ୱର,୧୭।୭: ଆଗାମୀ ବିଧାନସଭା ଅଧିବେଶନ ପୂର୍ବରୁ ବିରୋଧୀ ଦଳ ନେତା ନବୀନ ପଟ୍ଟନାୟକ ଦଳର ଦଳର ବିଧାୟକମାନଙ୍କୁ ବଡ଼ ଦାୟିତ୍ୱ ଦେଇଛନ୍ତି। ଦଳର ସମସ୍ତ ବିଜୟୀ...

୫ ଦିନ ଯାଏ ପ୍ରବଳ ବର୍ଷିବ, ଏହି ୭ ଜିଲାକୁ ୟେଲୋ ଓ୍ବାର୍ନିଂ

ଭୁବନେଶ୍ୱର,୧୭ା୭: ଆସନ୍ତା ୫ ଦିନ ପାଇଁ ରାଜ୍ୟରେ ପ୍ରବଳ ବର୍ଷା ହେବ। ଏନେଇ ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ପ୍ରକାଶ ପାଇଛି। ୨୪ ଘଣ୍ଟା...

ରାତି ପାହିଲେ ଖୋଲିବ ରତ୍ନଭଣ୍ଡାର: ଏ ବର୍ଷ ବଢ଼ିବନି ସୁନାବେଶ ଦର୍ଶନ ସମୟ

ପୁରୀ,୧୭।୭: ଏବର୍ଷ ସୁନାବେଶ ଦର୍ଶନ ସମୟ ବଢ଼ିବନି। ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ଏ ନେଇ ସୂଚନା ଦେଇଛନ୍ତି। ସେ କହିଛନ୍ତି,ଯେଉଁ ସମୟ ନିର୍ଘଣ୍ଟ...

ନୀତି ଆୟୋଗ କମିଟି ସଦସ୍ୟ ମନୋନୀତ ହେଲେ ଜୁଏଲ ଓରାମ

ଭୁବନେଶ୍ୱର,୧୭।୭: କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ ନୀତି ଆୟୋଗ କମିଟି ସଦସ୍ୟ ଭାବେ ମନୋନୀତ ହୋଇଛନ୍ତି। ଜୁଏଲ ସ୍ବତନ୍ତ୍ର ଆମନ୍ତ୍ରିତ ସଦସ୍ୟ ଭାବେ...

ଖୋଳତାଡ଼ ହେବ ଆମ ଓଡ଼ିଶା ନବୀନ ଓଡ଼ିଶା, ମନ୍ତ୍ରୀ କହିଲେ ପଞ୍ଚାୟତକୁ ମିଳିଥିବା…

ଭୁବନେଶ୍ୱର,୧୭।୭: ଆମ ଓଡ଼ିଶା ନବୀନ ଓଡ଼ିଶାରେ ମିଳିଥିବା ଅନୁଦାନର ହେବ ଖୋଳତାଡ଼। ଏନେଇ ବୁଧବାର ପଞ୍ଚାୟତିରାଜ ମନ୍ତ୍ରୀ ରବି ନାୟକ ସୂଚନା ଦେଇ କହିଛନ୍ତି, ପଞ୍ଚାୟତକୁ...

ସୁରେଶ ପୂଜାରୀଙ୍କ ବଡ଼ ସୂଚନା, ସରକାରୀ ଜମି ଜବରଦଖଲ କରି କୋଠା କରିଥିଲେ…

ଭୁବନେଶ୍ୱର,୧୭।୭: ଜବରଦଖଲ ନେଇ ରାଜସ୍ବ ମନ୍ତ୍ରୀ ସୁରେଶ ପୂଜାରୀ ବଡ଼ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ସରକାରୀ ଜମି ଜବରଦଖଲ କରି କୋଠା କରିଥିଲେ ବୁଲିବ...

ନବୀନଙ୍କ ନାଁରେ ରୁଜୁ ହେବ ଏଫଆଇଆର! ଜାଣନ୍ତୁ କାହିଁକି…

ଭୁବନେଶ୍ୱର,୧୭।୭: ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକଙ୍କ ନାଁରେ ରୁଜୁ ହେବ ଏଫଆଇଆର। କେବଳ ନବୀନ ନୁହନ୍ତି, ପୂର୍ବତନ ମନ୍ତ୍ରୀ ଓ ସଚିବଙ୍କୁ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri