ଲାଇବ୍ରେରି ବହି କିଣା ପାଇଁ ଚାଲିଛି ଷଡ଼ଯନ୍ତ୍ର

ଜଗତ୍‌ସିଂହପୁର ଅଫିସ, ୨୨ା୮: ବିଦ୍ୟାଳୟ ଲାଇବ୍ରେରି ପାଇଁ ବହି କିଣା ବାବଦରେ ସରକାରୀ ଅନୁଦାନ ଯୋଗାଇ ଦିଆଯାଇଛି। ଏଥିରେ ବିଦ୍ୟାଳୟ କର୍ତ୍ତୃପକ୍ଷ ସେମାନଙ୍କ ପସନ୍ଦର ବହି କିଣି ରଖିପାରିବେ। ଯଦ୍ଦ୍ବାରା ଛାତ୍ରୀଛାତ୍ରଙ୍କୁ ବହୁ ଶିକ୍ଷଣୀୟ ପୁସ୍ତକ ସହଜରେ ପଠନ ପାଇଁ ସୁଯୋଗ ମିଳିବ। ଏହି ଅନୁଯାୟୀ ଜଗତ୍‌ସିଂହପୁର ଜିଲାକୁ ପାଖାପାଖି ୬୦ ଲକ୍ଷ ଟଙ୍କା ମିଳିଛି। ଅନୁଦାନ ରାଶି ମଧ୍ୟ ବିଦ୍ୟାଳୟ ଆକାଉଣ୍ଟକୁ ପଠାଇ ଦିଆଯାଇଛି। କିନ୍ତୁ ବିଦ୍ୟାଳୟ କର୍ତ୍ତୃପକ୍ଷ ଏହି ବହି ନ କିଣିବା ପାଇଁ ଷଡ଼ଯନ୍ତ୍ର କରିଛନ୍ତି। କେତେଜଣ ପୁସ୍ତକ ପ୍ରକାଶକଙ୍କ ସହ ବୁଝାମଣା କରାଯାଇ ପ୍ରତି ବ୍ଲକ ପଏଣ୍ଟରେ ପୁସ୍ତକ ଗଚ୍ଛିତ ରଖାଯାଇଥିବା କୁହାଯାଉଛି। ବିଦ୍ୟାଳୟ କର୍ତ୍ତୃପକ୍ଷ ଚେକ୍‌ ଦେଇ ସେମାନଙ୍କ ଲାଇବ୍ରେରି ପାଇଁ ବହି ନେବାକୁ ଚାପ ପ୍ରୟୋଗ କରାଯାଉଛି। ତେବେ କାହିଁକି ଏଭଳି ଚାପ ପଡୁଛି ତାକୁ ନେଇ ଚର୍ଚ୍ଚା ଜୋର ଧରିଛି। କୁହାଯାଉଛି ପ୍ରକାଶକ ଏ ବାବଦରେ କୁଆଡେ ସର୍ବଶିକ୍ଷା ଅଭିଯାନ ପ୍ରକଳ୍ପ ସଂଯୋଜକଙ୍କୁ କମିଶନ ଦେବେ। ଯେଉଁ କାରଣରୁ କେତେକ ସିଆର୍‌ସିସି, ବିଆର୍‌ସିସି ଆଦି ବିଦ୍ୟାଳୟ କର୍ତ୍ତୃପକ୍ଷଙ୍କୁ ଏ ସମ୍ପର୍କରେ ବୁଝାଇଛନ୍ତି। ଯଦିଓ ଏ କଥାରେ ଅନେକ ବିଦ୍ୟାଳୟ କର୍ତ୍ତୃପକ୍ଷ ନାରାଜ ହେଉଛନ୍ତି ତଥାପି ମୁହଁ ଖୋଲିବାକୁ ସାହାସ ଜୁଟାଇ ପାରୁନାହାନ୍ତି।
ସମଗ୍ର ଶିକ୍ଷା (ପଢେ ଭାରତ ବଢେ ଭାରତ)ରେ ସମସ୍ତ ସରକାରୀ ପ୍ରାଥମିକ, ଉଚ୍ଚ ପ୍ରାଥମିକ ଓ ଉଚ୍ଚ ବିଦ୍ୟାଳୟ ଲାଇବ୍ରେରୀ ବହି କିଣା ପାଇଁ ଓପେପା (ଓଡ଼ିଶା ପ୍ରାଇମେରୀ ଏଜୁକେଶନ ପ୍ରୋଗ୍ରାମ ଅଥରିଟି)ପକ୍ଷରୁ ୧୮ା୨ା୧୯ରେ ଅନୁଦାନ ଯୋଗାଇ ଦିଆଯାଇଛି। ଏଥିରେ ଉଲ୍ଲେଖ ଅଛି ୧ମରୁ ୮ମ ଓ ୯ମରୁ ୧୦ମ ଶ୍ରେଣୀ ଯାଏ ଥିବା ବିଦ୍ୟାଳୟଗୁଡିକୁ ୬.୯୮୦ ଟଙ୍କା ଲେଖାଏଁ, ୬ଷ୍ଠରୁ ୮ମ ୪,୯୮୦, ୧ମରୁ ୫ମ ୨,୯୮୦, ୬ଷ୍ଠରୁ ଦ୍ୱାଦଶ ୧୧,୯୮୦ ଓ ୬ଷ୍ଠରୁ ୧୦ମ ଶ୍ରେଣୀ ପର୍ଯ୍ୟନ୍ତ ଥିବା ବିଦ୍ୟାଳୟଗୁଡିକୁ ୯,୯୮୦ ଟଙ୍କା ଅନୁଦାନ ରାଶି ଯୋଗାଇ ଦିଆଯାଇଛି। ଏହି ଅନୁଯାୟୀ ଜିଲାରେ ୧ମରୁ ୮ମ ଶ୍ରେଣୀ ପର୍ଯ୍ୟନ୍ତ ଥିବା ବିଦ୍ୟାଳୟଗୁଡିକ ପାଇଁ ପାଖାପାଖି ୪୦ ଲକ୍ଷ ଓ ଉଚ୍ଚ ବିଦ୍ୟାଳୟ ବାବଦରେ ପାଖାପାଖି ୨୦ ଲକ୍ଷ ଟଙ୍କା ଅନୁଦାନ ଯୋଗାଇ ଦିଆଯାଇଛି। ଏହି ବହି କିଣା ସଂକ୍ରାନ୍ତରେ ଉଲ୍ଲେଖ କରାଯାଇଛି ଏନ୍‌ସିଇଆର୍‌ଟି, ଏନ୍‌ବିଟି, ରାଜ୍ୟ ସରକାର ପ୍ରକାଶନ (ସଂସ୍କୃତି ବିଭାଗ ଏବଂ ଅନ୍ୟ ବିଭାଗ ଦ୍ୱାରା) ଏବଂ ଏସ୍‌ସିଇଆର୍‌ଟି ପକ୍ଷରୁ ବୟସ ଅନୁସାରେ ପ୍ରକାଶ ପାଉଥିବା ପୁସ୍ତକ କିଣାଯାଇପାରେ। ନ୍ୟାଶନାଲ ବୁକ୍‌ ଟ୍ରଷ୍ଟ ଇଣ୍ଡିଆର ଶାଖା ଏନ୍‌ସିସିଏଲ୍‌ (ନ୍ୟାଶନାଲ ସେଣ୍ଟର ଫର ଚିଲ୍‌ଡ୍ରେନ୍ସ ଲିଟରେଚର୍‌) ସହାୟତାରେ ବିଦ୍ୟାଳୟଗୁଡିକରେ ରିଡର୍ସ କ୍ଲବ୍‌ ପାଇଁ ପଦକ୍ଷେପ ନିଆଯିବ। ପ୍ରଥମ ବର୍ଷ ଲାଇବ୍ରେରି ଅନୁଦାନରେ କୌଣସି ମାଗାଜିନ୍‌ କିମ୍ବା ଖବରକାଗଜ କିଣାଯାଇ ପାରିବ ନାହିଁ। ବିଦ୍ୟାଳୟ ଟାଇମଟେବୁଲ୍‌ରେ ସପ୍ତାହରେ ୨ଟି ପିରିୟଡ୍‌ ରିଡିଂ ପିରିୟଡ ରଖାଯିବ। ଜଣେ ଶିକ୍ଷକ ଲାଇବ୍ରେରି ବହିର ଅତିରିକ୍ତ ଦାୟିତ୍ୱ ନେବେ। ଅର୍ଥାତ୍‌ ବହି ଦେବା ଓ ନେବା ଦାୟିତ୍ୱ ତୁଲାଇବେ। ଜିଲା ପ୍ରକଳ୍ପ ନିର୍ଦ୍ଦେଶକ ପ୍ରାଥମିକ ଓ ଜିଲା ଶିକ୍ଷା ଅଧିକାରୀ ଉଚ୍ଚ ବିଦ୍ୟାଳୟଗୁଡିକୁ ଏହି ନିର୍ଦ୍ଦେଶନାମା ପଠାଇଛନ୍ତି। ଏସବୁ ଆଗକୁ କେତେଦୂର କାର୍ଯ୍ୟକାରୀ ହେଉଛି ତାହା ସମୟ କହିବ। ପୁସ୍ତକ କିଣିବା ପାଇଁ ବିଦ୍ୟାଳୟ ଆକାଉଣ୍ଟକୁ ଅନୁଦାନ ପଠାଯାଇଥିଲେ ସୁଦ୍ଧା ବାସ୍ତବ ଲକ୍ଷ୍ୟ ପୂରଣ ନେଇ ସନ୍ଦେହ ପ୍ରକାଶ ପାଇଛି। ଏ ସମ୍ପର୍କରେ କେତେଜଣ ଶିକ୍ଷକ ନାମ ଗୋପନ ରଖି କହିଛନ୍ତି, ବିଦ୍ୟାଳୟଗୁଡିକରେ ନିର୍ଦ୍ଧିଷ୍ଟ ପ୍ରକାଶକଙ୍କ ବହି ଯୋଗାଯିବା ସଂକ୍ରାନ୍ତରେ ସିଆର୍‌ସିସି ଓ ବିଆର୍‌ସିସିମାନେ ଉଦ୍ୟମ କରୁଛନ୍ତି। ସେମାନେ ଜିଲା ପ୍ରକଳ୍ପ ସଂଯୋଜକଙ୍କ ନାଁ ନେଇ ଏଭଳି ମନାଉଛନ୍ତି। ବାସ୍ତବରେ ବିଦ୍ୟାଳୟରେ ଯେଉଁସବୁ ବହି ଅଛି ତାକୁ ଛାଡି ଅନ୍ୟ କିଛି ବହି କିଣିବା ପାଇଁ ସେମାନେ ଚିନ୍ତା କରୁଛନ୍ତି। ଏବେ ନିର୍ଦ୍ଦିଷ୍ଟ ପ୍ରକାଶକଙ୍କ ବହି କିଣିଲେ ଲାଇବ୍ରେରିରେ ଥିବା ପୁରୁଣା ବହି ସହ ମିଶିଯିବାର ସମ୍ଭାବନା ରହିଛି। ଏହାସତ୍ତ୍ବେ ସେମାନେ ସିଆର୍‌ସିସି, ବିଆର୍‌ସିସିଙ୍କ କଥାକୁ ଅବମାନନା କରିବାକୁ ସାହାସ ଜୁଟାଇ ପାରୁନାହାନ୍ତି। କାରଣ ଭବିଷ୍ୟତରେ ସେମାନଙ୍କୁ ଟାର୍ଗେଟ୍‌ କରାଯିବାର ଭୟ ରହିଛି। ନିକଟ ଅତୀତରେ ତିର୍ତ୍ତୋଲ ଅଞ୍ଚଳରେ ଅନୌପଚାରିକ ଭାବେ ଏକ ବୈଠକର ଆୟୋଜନ ହୋଇଥିଲା। ଏଥିରେ ବ୍ଲକର ଏକାଧିକ ବିଦ୍ୟାଳୟ ପ୍ରଧାନଶିକ୍ଷକ ଉପସ୍ଥିତ ଥିଲେ। ସେମାନଙ୍କୁ କୁହାଯାଇଥିଲା ଡିପିସିଙ୍କ ନିଷ୍ପତ୍ତିପ୍ରକାରେ ପ୍ରକାଶକ ବ୍ଲକ ଅଞ୍ଚଳରେ ପୁସ୍ତକ ଗଚ୍ଛିତ କରି ରଖିଛନ୍ତି। କେବଳ ଚେକ୍‌ ଦେଇ ବହି ନେଇଯିବା କଥା। ଏହି ସମୟରେ କେତେଜଣ ପ୍ରଧାନଶିକ୍ଷକ ସେମାନଙ୍କ ସମସ୍ୟା ସମ୍ପର୍କରେ ଅବଗତ କରିଥିଲେ ସୁଦ୍ଧା ପରବର୍ତ୍ତୀ ସମୟରେ ସେମାନଙ୍କ ଉପରେ ଚାପ ପଡିଥିବା କୁହାଯାଉଛି। ଏ ସମ୍ପର୍କରେ ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରୁ ମିଳିଥିବା ସୂଚନା ଅନୁଯାୟୀ ସେମାନେ ଏକ କମିଟି ଗଠନ କରିଛନ୍ତି। ଏହି କମିଟି ବୟସ ଅନୁଯାୟୀ ବହି ଚୟନ କରିବ। ବହି ତାଲିକା ହେଲାପରେ ଜିଲାପାଳଙ୍କ ଅନୁମୋଦନ ପାଇଁ ପଠାଯିବ। ପରେ ବିଦ୍ୟାଳୟକୁ ସେମାନଙ୍କ ପସନ୍ଦର ବହି କିଣିବା ପାଇଁ ପରାମର୍ଶ ଦିଆଯିବ ବୋଲି କୁହାଯାଇଛି। ଏ ସମ୍ପର୍କରେ ସର୍ବଶିକ୍ଷା ଅଭିଯାନର ଜିଲା ପ୍ରକଳ୍ପ ସଂଯୋଜକ ସପନ କୁମାର ଜେନାଙ୍କୁ ପଚାରିବାରୁ ବିଦ୍ୟାଳୟଗୁଡିକୁ ଅନୁଦାନ ରାଶି ପଠାଇ ଦିଆଯାଇଛି। କୌଣସି ପ୍ରକାଶକଙ୍କ ସହ ବୁଝାମଣା ହୋଇନାହିଁ। କେହି ଏପରି ଅଭିଯୋଗ ଆଣୁଥିଲେ ତାହା ସମ୍ପୂର୍ଣ୍ଣ ଭିତ୍ତିହୀନ ବୋଲି କହିଥିଲେ।


Enter your email to get our daily news in your inbox.

All Right Reserved By Dharitri.Com

ସରକାରଙ୍କ ନିର୍ଦ୍ଦେଶ ସତ୍ତ୍ୱେ ଭତ୍ତା ଟଙ୍କା ମିଳିନି

କର୍ଲାମୁଣ୍ଡା, ୨।୪ (ଡି.ଏନ.ଏ)- କରୋନାକୁ ମହାମାରି ଘୋଷଣା ହେବା ପରେ ସରକାର ବାର୍ଦ୍ଧକ୍ୟ, ବିଧବା, ମଧୁବାବୁ ପେନସନ ଯୋଜନାରେ ଭତ୍ତା ପାଉଥିବା ହିତାଧିକାରୀମାନଙ୍କୁ ୪ ମାସର...

ଦାନା ଛଡ଼ାଇନେଲାଣି କରୋନା

କାମାକ୍ଷାନଗର, ୨୫।୩(ଡି.ଏନ.ଏ.) – କରୋନା କଟକଣା ପାଇଁ ପ୍ରଭାବିତ ହୋଇଛି ସ୍ବାଭାବିକ ଜୀବନଯାତ୍ରା। ଅତି ଜରୁରୀ କାମ ନ ଥିଲେ ବାହାରକୁ ବାହାରିବାକୁ ଜାରି ହୋଇଛି...

୧୦ହଜାର ପ୍ରବାସୀଙ୍କ ପାଇଁ ୧୭୮ ଅସ୍ଥାୟୀ ସ୍ବାସ୍ଥ୍ୟ ଶିବିର

ଚଣ୍ଡିଖୋଲ, ୧୦।୫ (ଡି.ଏନ୍‌.ଏ.)-ରାଜ୍ୟ ବାହାରୁ ଓଡ଼ିଆ ଶ୍ରମିକମାନେ ଫେରୁଥିବା ବେଳେ ସେମାନଙ୍କ ପାଇଁ ଯାଜପୁର ଜିଲା ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି। ବଡ଼ଚଣା ନିର୍ବାଚନ...

କୋଭିଡ୍‌ ଫଣ୍ଡକୁ ଋଷିକୁଲ୍ୟା ବଣିକ ସଂଘ ଦେଲା ଏକଲକ୍ଷ

ସୋରଡା,୧ା୫(ଡି.ଏନ୍‌.ଏ.)- ସୋରଡାର ଋଷିକୁଲ୍ୟା ବଣିକ ସଂଘ ତରଫରୁ ଶୁକ୍ରବାର ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡ (କୋଭିଡ୍‌)କୁ ଏକ ଲକ୍ଷ ଟଙ୍କା ସ୍ଥାନୀୟ ଥାନା ଅଧିକାରୀଙ୍କ ଜରିଆରେ ପ୍ରଦାନ...

ଅଭିଭାବକ ଛାତ୍ରୀଛାତ୍ରଙ୍କ ବିକାଶର ମୂଳଦୁଆ

ଭୁବନ, ୧୪।୯(ଡି.ଏନ.ଏ.)- ଅଭିଭାବକ ହେଉଛନ୍ତି ଛାତ୍ରୀଛାତ୍ରଙ୍କ ବିକାଶର ମୂଳଦୁଆ। ଶିକ୍ଷାର ଅଭିବୃଦ୍ଧିରେ ପିଲାମାନଙ୍କ ଯେତିକି ଭୂମିକା ତା’ଠାରୁ ଢେର ବେଶି ମା’ବାପାଙ୍କର। ଶିକ୍ଷାର୍ଥୀ, ଅଭିଭାବକ ଏବଂ...

ବିଧାୟିକା ମୀନାକ୍ଷୀଙ୍କ ଅଚାନକ ଡାକ୍ତରଖାନା ପରିଦର୍ଶନ

ଚମ୍ପୁଆ, ୩୦।୮(ଡି.ଏନ.ଏ.)-ନିର୍ବାଚନ ପରେ ଚମ୍ପୁଆ ବିଧାୟିକା ମୀନାକ୍ଷୀ ମହାନ୍ତଙ୍କ ଗୁରୁବାର ଉପଖଣ୍ଡ ଚିକିତ୍ସାଳୟ ପରିଦର୍ଶନ କରିବା ସହିତ ଉପୁଜୁଥିବା ସମସ୍ୟା ଓ ଅବ୍ୟବସ୍ଥାକୁ ନେଇ ବିରକ୍ତି...

ବାଗେଡିଆ-ପୁରୁଣାଗଡ ରାସ୍ତାରେ ଗର୍ତ୍ତ

ଛେଣ୍ଡିପଦା,୧୩।୮(ଡି.ଏନ.ଏ.) ଛେଣ୍ଡିପଦା ବ୍ଲକ ବାଗେଡିଆ ଗ୍ରାମଠାରୁ ପୁରୁଣାଗଡ ଗ୍ରାମକୁ ସଂଯୋଗ କରୁଥିବା ଗ୍ରାମ୍ୟ ରାସ୍ତାର ପୁରୁଣାସାହି ନିକଟରେ ଏକ ବଡ ଗର୍ତ୍ତ ସୃଷ୍ଟି ହୋଇଛି। ଫଳରେ...

ଗୁରୁପୂଜନ, ପ୍ରତିଭା ସମ୍ମାନ ଉତ୍ସବ ଅନୁଷ୍ଠିତ

ତାଳଚେର,୫।୯(ନି.ପ୍ର.):ଆମ ପ୍ରତିଭା ଆମ ପରିଚୟ ପରିବାର ପକ୍ଷରୁ ଗୁରୁପୂଜନ ଓ ପ୍ରତିଭା ସମ୍ମାନ ଉତ୍ସବ ସ୍ଥାନୀୟ ଅଫିସର୍ସ କ୍ଲବ ମଙ୍ଗଳମ ଦେଉଳ ବେଡାଠାରେ ଅନୁଷ୍ଠିତ ହୋଇଯାଇଛି।...

Advertisement


Archives

Model This Week

Why Dharitri