ମାଦ୍ରିଦ୍/ରୋମ,୨୬।୩: କରୋନା ସଂକ୍ରମଣ ପୃଥିବୀର ସମସ୍ତ ଦେଶରେ ଆତଙ୍କ ଜାରି ରଖିଛି। ସ୍ପେନ୍ ଏବଂ ଇଟାଲିରେ ସୁରକ୍ଷା ଦୃଷ୍ଟିରୁ ଲକ୍ ଡାଉନ୍ ଜାରି ହେବା ପରେ ମଧ୍ୟ ଗୋଟିଏ ଦିନରେ ୧,୪୨୧ଜଣ ସଂକ୍ରମିତଙ୍କ ମୃତ୍ୟୁ ଘଟିଛି। ସ୍ପେନ୍ରେ ସରକାର ଗତ ୧୧ ଦିନ ଧରି ଲକ୍ ଡାଉନ୍ ଜାରି କରିଛନ୍ତି। ତେବେ ଏଠାରେ ଲକ୍ ଡାଉନ୍ କାମ ଦେଇନି। ସ୍ପେନ୍ରେ ୨୪ ଘଣ୍ଟାରେ ୭୩୮ ଲୋକଙ୍କ ମୃତ୍ୟୁ ଘଟିଛି। ସେହିପରି ଇଟାଲିରେ ମଧ୍ୟ ସମାନ ସ୍ଥିତି ଦେଖିବାକୁ ମିଳିଛି। ଦେଶରେ ଲକ୍ ଡାଉନ୍ ଯୋଗୁ ସାଢ଼େ ୬ କୋଟି ଲୋକ ଘରେ ବନ୍ଦ ଥିଲେ ମଧ୍ୟ ଗତ ୨୪ ଘଣ୍ଟା ମଧ୍ୟରେ ଇଟାଲିରେ ୬୮୩ ଲୋକଙ୍କ ମୃତ୍ୟୁ ଘଟିଛି। ସ୍ପେନ୍ରେ କରୋନା ସଂକ୍ରମିତଙ୍କ ମୃତ୍ୟୁ ସଂଖ୍ୟା ୩,୪୩୪ ଛୁଇଁଛି। ସେହିପରି ଇଟାଲିରେ କରୋନା ସଂକ୍ରମଣ ଇତିମଧ୍ୟରେ ୭,୫୦୩ ଜଣଙ୍କ ମୃତ୍ୟୁ ଘଟିଛି।
