ଲକ୍‌ଡାଉନର ସଦୁପଯୋଗ କରି ଚର୍ଚ୍ଚାରେ ସୁଧନ୍ୟା

ଭୁବନେଶ୍ୱର, ୪।୧୦(ବ୍ୟୁରୋ): କରୋନା ପାଇଁ ସାରା ଦେଶରେ ଦୀର୍ଘଦିନ ଧରି ଲକ୍‌ଡାଉନ୍‌ ଜାରି ରହିଥିଲା। ସ୍କୁଲ୍‌, କଲେଜଠାରୁ ଆରମ୍ଭ କରି କଳକାରଖାନା ସବୁକିଛି ବନ୍ଦ ହୋଇଯାଇଥିଲା। ଛାତ୍ରୀଛାତ୍ରମାନେ ପାଠପଢ଼ା ଛାଡ଼ି ଘରେ ରହିବାରୁ ବହୁ ମୂଲ୍ୟବାନ ସମୟ ନଷ୍ଟ ହୋଇଥିଲା। ହେଲେ ଏହି ସମୟର ସଦୁପଯୋଗ କରି ଚର୍ଚ୍ଚାକୁ ଆସିଛନ୍ତି ଜଣେ ଓଡ଼ିଆ ଝିଅ। ସେ ହେଲେ ଡାକ୍ତର ସୁଧନ୍ୟା ନାଥ। ୩ଶହରୁ ଊର୍ଦ୍ଧ୍ୱ ଜାତୀୟ ତଥା ଅନ୍ତର୍ଜାତୀୟ ସାର୍ଟିଫିକେଟ ହାସଲ କରି ଅନ୍ୟମାନଙ୍କ ପାଇଁ ଉଦାହରଣ ସାଜିଛନ୍ତି।
ସୁଧନ୍ୟାଙ୍କ ଘର ଭୁବନେଶ୍ୱରରେ। ୨୦୧୭ରେ ଓୟୁଏଟିରୁ ପ୍ରାଣୀ ଚିକିତ୍ସା ବିଜ୍ଞାନରେ ସ୍ନାତକ ସାରିବା ପରେ ୨୦୧୯ରେ ଆସାମ କୃଷି ବିଶ୍ୱବିଦ୍ୟାଳୟରୁ ଆନିମଲ ନ୍ୟୁଟ୍ରିଶନରେ ସ୍ନାତକୋତ୍ତର ଶିକ୍ଷାଲାଭ କରିଥିଲେ। ବର୍ତ୍ତମାନ ସେ ପଶ୍ଚିମବଙ୍ଗ ପ୍ରାଣୀ ଏବଂ ମତ୍ସ୍ୟ ବିଶ୍ୱବିଦ୍ୟାଳୟର ପିଏଚ୍‌ଡି ସ୍କଲାର। ତେବେ ଦେଶବ୍ୟାପୀ କରୋନା କଟକଣା ଲାଗୁ ହେବା ପରଠୁ ସେ ନିଜ ଘରେ ମା’ ବାପାଙ୍କ ସହ ରହୁଛନ୍ତି। ଲକ୍‌ଡାଉନର ପ୍ରଥମ କିଛିଦିନ ସାଧାରଣ ଝିଅଙ୍କ ପରି ଲାପ୍‌ଟପ୍‌ରେ ଫିଲ୍ମ ଦେଖିବାରେ ସମୟ ଗଲା। କିନ୍ତୁ ସେଥିରେ ସୁଧନ୍ୟାଙ୍କ ମନ ମାନିଲା ନାହିଁ। ପ୍ରଥମେ ସୋସିଆଲ ମିଡିଆ ମାଧ୍ୟମରେ ଏକ ୱେବିନାରରେ ଭାଗ ନେଇ ସାର୍ଟିଫିକେଟ ପାଇଲେ। ଏହାପରେ ସମୟର ଠିକ୍‌ ଉପଯୋଗ ପାଇଁ ବିଭିନ୍ନ ୱେବିନାର, ଅନ୍‌ଲାଇନ କମ୍ପିଟିଶନ, ୱାର୍କଶପରେ ଭାଗ ନେଇ ଚାଲିଲେ। ନୂଆ ନୂଆ କଥା ଜାଣିବାକୁ ଶତାଧିକ ଇଭେଣ୍ଟରେ ଭାଗନେଇ ସାର୍ଟିଫିକେଟ ସହ ପୁରସ୍କାର ମଧ୍ୟ ପାଇଲେ। ଏସବୁ ଇଭେଣ୍ଟ ମଧ୍ୟରେ ଭେଟେରିନାରି ବିଜ୍ଞାନର ବିଷୟକୁ ନେଇ ୱେବିନାର, ଟ୍ରେନିଂ, ୱାର୍କଶପ୍‌, କନଫରେନ୍ସ, କୁଇଜ ସମେତ ଅନ୍ୟ ବିଷୟ ଯଥା ଫଟୋଗ୍ରାଫି, ଭିଡିଓଗ୍ରାଫି, ରୋଷେଇ, ଚିତ୍ରକଳା, ସଙ୍ଗୀତ, ଟ୍ରେଜର ହଣ୍ଟ, କ୍ରାକିଂ କ୍ରସ ୱାର୍ଡ, ରିଡିଲ ଇତ୍ୟାଦି ରହିଛି। ଏଯାବତ୍‌ ସୁଧନ୍ୟା ଦେଶ ବିଦେଶରୁ ୩୧୭ଟି ସାର୍ଟିଫିକେଟ ହାସଲ କରିଥିବାବେଳେ ଏହା ଏକ ରେକର୍ଡ ବୋଲି କୁହାଯାଉଛି। ଏହାଛଡା ‘ପଶୁଧନ ପ୍ରହରୀ’ ଓ ‘ବିଜ୍ଞାନ ମିତ୍ର’ ଭଳି ଅନ୍ତର୍ଜାତୀୟ ପତ୍ରିକାରେ ୧୧ଟି ଲେଖା ପ୍ରକାଶିତ କରି ବେଶ୍‌ ପ୍ରଶଂସା ସାଉଣ୍ଟିଛନ୍ତି। ଏନେଇ ସୁଧନ୍ୟା କୁହନ୍ତି, ରେକର୍ଡ ତାଲିକାରେ ସ୍ଥାନ ପାଇବା ମୋର ଲକ୍ଷ୍ୟ ନ ଥିଲା। ସମୟକୁ ମୂଲ୍ୟଯୁକ୍ତ କରିବା ପାଇଁ ଏହା ଏକ ଉଦ୍ୟମ ଥିଲା। ଏବେ ମୋର ଜୁନିୟରମାନେ ମୋ ଦ୍ୱାରା ଅନୁପ୍ରାଣିତ ହୋଇ ୱେବିନାର ଓ କମ୍ପିଟିଶନ ଆଦିରେ ଭାଗ ନେଉଥିବାରୁ ମୋତେ ଆତ୍ମତୃପ୍ତି ଦେଇଛି। ସୂଚନାଯୋଗ୍ୟ, ସୁଧନ୍ୟା ହେଉଛନ୍ତି ଓୟୁଏଟି ଭେଟେରିନାରି କଲେଜର ସର୍ଜରି ଓ ରେଡିଓଲୋଜି ବିଭାଗର ପ୍ରଫେସର ତଥା ବିଭାଗୀୟ ମୁଖ୍ୟ ଡାକ୍ତର ଇନ୍ଦ୍ରମଣି ନାଥ ଓ ମାତା କମଳା ନେହେରୁ କଲେଜର ଓଡ଼ିଆ ବିଭାଗର ରିଡର ଡ. ଶାଶ୍ୱତୀ ସୌମ୍ୟା ସାହୁଙ୍କ ଜ୍ୟେଷ୍ଠା କନ୍ୟା। ସେ ଏଥିପାଇଁ ମା’ଙ୍କୁ ଅଧିକ ଶ୍ରେୟ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଆଜି ହୀରାକୁଦ ଡ୍ୟାମ୍‌ରୁ ନିଷ୍କାସନ ହେବ ପ୍ରଥମ ବନ୍ୟାଜଳ

ସମ୍ବଲପୁର,୨୫ା୬(ବ୍ୟୁରୋ): ହୀରାକୁଦ ଡ୍ୟାମ୍‌ରୁ ଚଳିତବର୍ଷର ପ୍ରଥମ ବନ୍ୟାଜଳ ଗୁରୁବାର ଛଡ଼ାଯିବ। ପୂର୍ବାହ୍ନ ୧୦ଟା ପରେ ଯେକୌଣସି ସମୟରେ ଫାଟକ ଖୋଲାଯାଇ ପାରେ ବୋଲି ହୀରାକୁଦ ଡ୍ୟାମ୍‌...

ଓଡ଼ିଶାର ସ୍କିଲ୍‌ ଇକୋସିଷ୍ଟମ୍‌ ପରିଦର୍ଶନ କଲେ ମହାରାଷ୍ଟ୍ରର ୪୦ ଜଣିଆ ଦଳ

ଭୁବନେଶ୍ୱର, ୨୦।୧୧(ବ୍ୟୁରୋ): ଦେଶରେ ଦକ୍ଷତା ବିକାଶ ଓ ଶିଳ୍ପ ତାଲିମ କ୍ଷେତ୍ରରେ ଓଡ଼ିଶା ଆଜି ଉଦାହରଣ ସାଜିଛି। ରାଜ୍ୟର ବୈଷୟିକ ଏବଂ ଧନ୍ଦାମୂଳକ ଶିକ୍ଷା ଓ...

କମିଶନରେଟ ପୋଲିସର ଅପରାଧ ସମୀକ୍ଷା ବୈଠକ: ବିଶୃଙ୍ଖଳାକାରୀଙ୍କ ବିରୋଧରେ ଲାଗିବ ଏନ୍‌ଏସ୍‌ଏ

ଭୁବନେଶ୍ୱର, ୫ା୧୧(ବ୍ୟୁରୋ): କଟକ-ଭୁବନେଶ୍ୱର କମିଶନରେଟ ପୋଲିସ ପକ୍ଷରୁ ସୋମବାର ତ୍ରୈମାସିକ ଅପରାଧ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା। ପୋଲିସ କମିଶନର ସୁଧାଂଶୁ ଷଡ଼ଙ୍ଗୀଙ୍କ ଅଧ୍ୟକ୍ଷତାରେ ଅନୁଷ୍ଠିତ...

ଆଜି ପୁଣି ୮ ଜୀବନ ନେଲା କରୋନା, ମୃତ୍ୟୁସଂଖ୍ୟା ୧୯୮୧କୁ ବୃଦ୍ଧି

ଭୁବନେଶ୍ୱର,୨୪।୪(ବ୍ୟୁରୋ): ଦିନକୁ ଦିନ ରାଜ୍ୟରେ କରୋନା ସ୍ଥିତି ବିଗିଡ଼ିବାରେ ଲାଗିଛି। ଗୋଟିଏ ପଟେ ଆକ୍ରାନ୍ତଙ୍କ ସଂଖ୍ୟା ବଢ଼ି ଚାଲିଥିବା ବେଳେ ମୃତ୍ୟୁସଂଖ୍ୟା ମଧ୍ୟ ବଢ଼ିବାରେ ଲାଗିଛି।...

ସରକାରୀ ନିର୍ଦ୍ଦେଶକୁ ବେଖାାତିର: ସ୍କୁଲ ବ୍ୟାଗ୍‌ର ଓଜନ କମିଲାନି

ବଡବିଲ, ୧୧।୯(ସ୍ବ.ପ୍ର.)-ରାଜ୍ୟ ସରକାରଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ସ୍କୁଲ ବ୍ୟାଗର ଓଜନ କମାଇବାକୁ ଦିଆଯାଇଥିବା ନିର୍ଦ୍ଦେଶନାମା ପାଳନ ହେଉ ନ ଥିବା ଅଭିଯୋଗ...

‘ଓଡ଼ିଆ ମୋ ପରିବାରର’ ପ୍ରଥମ ବୈଠକ: ୩ ଦିଗ ଉପରେ କାର୍ଯ୍ୟ ଲାଗି ଖସଡା ପ୍ରସ୍ତୁତି

ଭୁବନେଶ୍ୱର,୫।୧(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ‘ଓଡ଼ିଆ ମୋ ପରିବାରର’ ପ୍ରଥମ ଆନୁଷ୍ଠାନିକ ବୈଠକ ରବିବାର ନବୀନ ନିବାସରେ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ଆବାହକ...

କୋଭିଡ୍‌ ଯୁଦ୍ଧରେ ଡାକ୍ତର ଗୋଷ୍ଠୀ ଆଗରେ: ମୁଖ୍ୟମନ୍ତ୍ରୀ

ଭୁବନେଶ୍ୱର,୧୭ା୬(ବ୍ୟୁରୋ): ରାଜ୍ୟ ସରକାର ସ୍ବାସ୍ଥ୍ୟ କ୍ଷେତ୍ରକୁ ପ୍ରାଥମିକତା ଦେଉଛନ୍ତି। ସେଥିପାଇଁ ସ୍ବାସ୍ଥ୍ୟ ଭିତ୍ତିଭୂମି କ୍ଷେତ୍ରରେ ୮,୫୦୦କୋଟି ଟଙ୍କା ବିନିଯୋଗ କରାଯାଉଛି। ଓଡ଼ିଶା ପ୍ରଶାସନିକ ସେବା ଆୟୋଗ(ଓପିଏସ୍‌ସି)...

ବାତ୍ୟା ଅମ୍ପନ ତାଣ୍ଡବ: ୪୮ ଘଣ୍ଟାରେ ରିପୋର୍ଟ ଦେବାକୁ ପ୍ରଭାବିତ ଜିଲାର ଜିଲାପାଳଙ୍କୁ ନିର୍ଦ୍ଦେଶ

ଭୁବନେଶ୍ୱର,୨୦।୫(ବ୍ୟୁରୋ): ବାତ୍ୟା ଅମ୍ପନ ବୁଧବାର ସନ୍ଧ୍ୟାରେ ପଶ୍ଚିମବଙ୍ଗର ସୁନ୍ଦରବନ ଠାରେ ସ୍ଥଳଭାଗ ଅତିକ୍ରମ କରି ଯାଇଛି। ସ୍ଥଳଭାଗ ମୁହାଁ ହେବା ବେଳେ ଓଡିଶା ଉପକୂଳରେ କିଛି...

Advertisement


Archives

Model This Week