ଯାଞ୍ଚ ଘେରରେ ବୃହତ ଟେକ୍‌ କମ୍ପାନୀ

ଓ୍ବାଶିଂଟନ,୨୬-୭: ଫେସ୍‌ବୁକ, ଗୁଗଲ, ଆମାଜନ ଭଳି ଆମେରିକାର ବୃହତ ଟେକ୍‌ ଓ ଇ-କମର୍ସ କମ୍ପାନୀ ନିଜର କ୍ଷମତା ଓ ପ୍ରତିପତ୍ତିର ବିସ୍ତାର କରି ସରକାର ତଥା ବ୍ୟବସାୟକୁ ପ୍ରଭାବିତ କରୁଥିବାରୁ ଏବେ ଯାଞ୍ଚ ଘେରକୁ ଆସିଗଲେଣି। ସେମାନଙ୍କର ଏକଚାଟିଆ ବ୍ୟବସାୟିକ ନୀତି ଯୋଗୁ ପ୍ରତିଯୋଗିତା ପ୍ରାୟ ଶେଷ ହୋଇଗଲାଣି। ପରିସ୍ଥିତି ଏପରି ହେଲାଣି ଯେ, ଟ୍ରମ୍ପ ପ୍ରଶାସନ ନିକଟରେ ସେମାନଙ୍କର ପକ୍ଷଚ୍ଛେଦନ ପାଇଁ ଦାବି ଜୋର୍‌ ଧରିଛି। ଆମେରିକା ସରକାର ମଧ୍ୟ ଏହି ବୃହତ ଟେକ୍‌ କମ୍ପାନୀଙ୍କ କାର୍ଯ୍ୟଶୈଳୀକୁ ନେଇ ସନ୍ତୁଷ୍ଟ ନୁହନ୍ତି। କୌଣସି ବଡ଼ ଧରଣର କାର୍ଯ୍ୟାନୁଷ୍ଠାନ ଗ୍ରହଣ କରିବା ପୂର୍ବରୁ ଫେସ୍‌ବୁକ, ଗୁଗଲ, ଆମାଜନ ବିରୋଧରେ ବ୍ୟାପକ ତଦନ୍ତ କରିବାକୁ ପ୍ରଶାସନିକ ନିଷ୍ପତ୍ତି ନିଆଯାଇଛି।
ବଢ଼ିଛି ଚିନ୍ତା
ବିଶେଷଜ୍ଞ ଓ ସମାଲୋଚକଙ୍କ କହିବାନୁଯାୟୀ, ଏହି ୪ ବୃହତ ଟେକ୍‌ କମ୍ପାନୀଙ୍କ ଏକଚାଟିଆ ବ୍ୟବହାରକୁ ନେଇ ଯେ କେବଳ ଚିନ୍ତା ବଢ଼ିଛି ତାହା ନୁହେ ଏଥିସହିତ ଗୋପନୀୟତା ଏବଂ ରାଜନୀତି ମଧ୍ୟ ଜଡ଼ିତ ରହିଛି। ଜଷ୍ଟିସ୍‌ ଡିପାର୍ଟମେଣ୍ଟ କେଉଁ କମ୍ପାନୀଗୁଡ଼ିକ ବିରୋଧରେ ଯାଞ୍ଚ କରିବ ସେ ସମ୍ପର୍କରେ ଉଲ୍ଲେଖ କରିନାହିଁ ସତ ତେବେ ଉକ୍ତ ୩ ବୃହତ କମ୍ପାନୀ ଏହାର ଯାଞ୍ଚ ପରିସରରେ ରହିଥିବା ସ୍ପଷ୍ଟ ହୋଇଛି।
କିଭଳି ହୋଇଛନ୍ତି ବିପଦ
ଫେସ୍‌ବୁକ
ସାରା ବିଶ୍ୱରେ ପ୍ରାୟ ୨୭୦ କୋଟି ୟୁଜର ଏହି କମ୍ପାନୀର ମୁଖ୍ୟ ଓ୍ବେବ୍‌ସାଇଟ୍‌କୁ ବ୍ୟବହାର କରୁଛନ୍ତି। ଏହିସହିତ ଏହାର ଦୁଇ ସହଯୋଗୀ କମ୍ପାନୀ ଇନ୍‌ଷ୍ଟାଗ୍ରାମ୍‌ ଓ ହ୍ବାଟ୍ସଆପ୍‌ ମଧ୍ୟ ୟୁଜରଙ୍କୁ ସହାୟତା କରିଚାଲିଛି। ଏହାକୁ ଦୃଷ୍ଟିରେ ରଖିଲେ ଏହା ପ୍ରାୟ ୧୦୦ କୋଟିରୁ ଊର୍ଦ୍ଧ୍ୱ ୟୁଜରଙ୍କ ଡାଟାକୁ ନିୟନ୍ତ୍ରଣ କରୁଛି। ଡାଟାର ଅପବ୍ୟବହାର ସହ ଏହାକୁ ନେଇ ଯେ କାରସାଦି କରି ହେବ ତାହା କେମ୍ବ୍ରିଜ ଆନାଲିଟିକା ଦୁର୍ନୀତିର ପର୍ଦ୍ଦାଫାଶ୍‌ ପରେ ଜଣାପଡିଛି। ଗୋପନୀୟତା ଭଙ୍ଗ କରିବା ଅଭିଯୋଗରେ ବୁଧବାର ଫେଡେରାଲ ଟ୍ରେଡ୍‌ କମିଶନ ଫେସ୍‌ବୁକ୍‌ ବିରୋଧରେ ୫ ବିଲିୟନ ଡଲାର ଜରିମାନା ଆଦାୟ ନିର୍ଦ୍ଦେଶ ଦେଇଛନ୍ତି। ଏହି ଅର୍ଥ ଦେବାକୁ କମ୍ପାନୀ ରାଜି ମଧ୍ୟ ହୋଇଯାଇଛି। ସେହିପରି ସିକ୍ୟୁରିଟି ରେଗୁଲେଟରଙ୍କୁ ଭୁଆଁ ବୁଲାଇବା ଅଭିଯୋଗରେ ଏହା ଆହୁରି ୧୦୦ମିଲିୟନ ଡଲାର ଦେବାକୁ ସମ୍ମତି ପ୍ରକାଶ କରିଛି।
ଗୁଗଲ
ବିଶେଷଜ୍ଞଙ୍କ କହିବାନୁଯାୟୀ, ସାରା ବିଶ୍ୱରେ ଭରସାଯୁକ୍ତ ସର୍ଚ୍ଚ ଇଞ୍ଜିନ ଭାବେ ୟୁଜରଙ୍କ ଅତି ପ୍ରିୟ ହୋଇଥିବାରୁ ଅନ୍ୟ ପ୍ରତିଯୋଗୀଙ୍କ ଅପେକ୍ଷା ଗୁଗଲ ନିଜର ଉତ୍ପାଦ, ବିଜ୍ଞାପନ ଆଦିକୁ ନିଜ ଓ୍ବେବ୍‌ସାଇଟ୍‌ରେ ପ୍ରଦର୍ଶନ କରିପାରୁଛି। ସେହିପରି ସ୍ମାର୍ଟଫୋନ ନିର୍ମାତାଙ୍କ ସହ ଷଡଯନ୍ତ୍ର କରି ମୋବାଇଲ ଫୋନ୍‌ରେ ନିଜର ଉତ୍ପାଦ ଓ ବିଜ୍ଞାପନ ପ୍ରଦର୍ଶନ କରୁଥିବା ନେଇ କମ୍ପାନୀ ବିରୋଧରେ ଅଭିଯୋଗ ହୋଇଛି। ଏହାକୁ ନେଇ ଯାଞ୍ଚ ମଧ୍ୟ ହୋଇଛି। ଏହାଛଡ଼ା ଗୁଗଲ ପକ୍ଷରୁ ବିଜ୍ଞାପନ ପ୍ରଦର୍ଶନ ସବୁଠୁ ବଡ଼ ଚିନ୍ତାର ବିଷୟ ହୋଇଛି। ଏହି କାରଣରୁ କମ୍ପାନୀ ବିରୋଧରେ ଅବିଶ୍ୱାସ ଅଭିଯୋଗ ଆଣି ୟୁରୋପୀୟ ୟୁନିୟନ ୮ ବିଲିୟନ ଡଲାର ଜରିମାନା ଦେବାକୁ ନିର୍ଦ୍ଦେଶ ଦେଇଛି।
ଆମାଜନ
ବିଶ୍ୱର ବହୁ ଦେଶରେ ଆମାଜନ ଇ-କମର୍ସ ବ୍ୟବସାୟରେ ପ୍ରାଧାନ୍ୟ ବିସ୍ତାର କରିଛି। ଏହା ଡାଟାକୁ ବ୍ୟବହାର କରି ଥାର୍ଡ ପାର୍ଟି ମର୍ଚ୍ଚାଣ୍ଟଙ୍କ ଉପରେ ନିଜର ପ୍ରଭାବ ବିସ୍ତାର କରିପାରୁଛି। ଫଳରେ ଉଭୟ ଗ୍ରାହକ ଓ ଅନ୍ୟ ପ୍ରତିଯୋଗୀମାନେ ପ୍ରଭାବିତ ହେଉଛନ୍ତି। ଜଣେ କଂଗ୍ରେସ ସାଂସଦଙ୍କ ଅଭିଯୋଗ ଅନୁଯାୟୀ, ଆମାଜନ ନିଜ ବ୍ରାଣ୍ଡରେ ବିଶିଷ୍ଟ କଳାକାରଙ୍କ ଦ୍ୱାରା ନିର୍ମିତ ସାମଗ୍ରୀର ପ୍ରତିରୂପ ବଜାରକୁ ଛାଡୁଛି ଏବଂ ଗ୍ରାହକଙ୍କୁ ନିଜ ଉତ୍ପାଦ ସହ ଯୋଡୁଛି। ଆମାଜନ ରିଟେଲ ଉଦ୍ୟୋଗକୁ ନଷ୍ଟ କରିଦେଉଛି ବୋଲି ୟୁଏସ୍‌ ଟ୍ରେଜେରୀ ସଚିବ ଷ୍ଟିଭ୍‌ ଏମ୍‌ନୁଚିନ ଅଭିଯୋଗ କରିଛନ୍ତି।
କ’ଣ ହେବ ତଦନ୍ତ
ଏମାନଙ୍କ ବିରୋଧରେ ବିଭିନ୍ନ ଦୃଷ୍ଟିକୋଣରୁ ଯାଞ୍ଚ କରିବା ଲାଗି ୟୁଏସ୍‌ ଡିପାର୍ଟମେଣ୍ଟ ଘୋଷଣା କରିଛି। ବ୍ୟବସାୟ କ୍ଷେତ୍ରରେ ସେମାନେ ପ୍ରତିଯୋଗିତାକୁ ନଷ୍ଟ କରିଦେବା ଲାଗି ଉଦ୍ୟମ କରୁଛନ୍ତି କି, ସେ ସମ୍ପର୍କରେ ଯାଞ୍ଚ ହେବ ବୋଲି ଡିପାର୍ଟମେଣ୍ଟ କହିଛି। ଏହି ଅନ୍‌ଲାଇନ ମାର୍କେଟିଂ କମ୍ପାନୀଗୁଡ଼ିକ କିଭଳି ଦିନକୁ ଦିନ କ୍ଷମତା ବୃଦ୍ଧି କଲେ, ପ୍ରତିଯୋଗିତାକୁ ଶେଷ କରିଦେବା ଲାଗି ସେମାନେ କେଉଁ ରଣନୀତି ଆପଣାଇଲେ, ଇନୋଭେଶନକୁ କିପରି ଭାବେ ଶ୍ୱାସରୁଦ୍ଧ କରାଯାଉଛି ଆଦି ସମ୍ପର୍କରେ ତଦନ୍ତ ହେବ ବୋଲି କୁହାଯାଇଛି। ଆମେରିକା ଡିପାର୍ଟମେଣ୍ଟ ଅଫ୍‌ ଜଷ୍ଟିସ୍‌ ଆଣ୍ଟିଟ୍ରଷ୍ଟ ଡିଭିଜନ ପକ୍ଷରୁ କୁହାଯାଇଛି ଯେ, ଏହି କମ୍ପାନୀଗୁଡ଼ିକ ନିଜର କ୍ଷମତାର ପ୍ରୟୋଗ କରି ପ୍ରତିଯୋଗିତାକୁ କୋଣଠେସା କରୁଛନ୍ତି କିନା ଯାଞ୍ଚ ହେବ। ସେହିପରି ଗୁଗଲ, ଫେସ୍‌ବୁକ୍‌, ଆମାଜନ ଓ ଆପଲ ଦ୍ୱାରା ଗ୍ରହଣ କରାଯାଉଥିବା ଆକ୍ରମଣାମତ୍କ ବ୍ୟବସାୟିକ ବ୍ୟବସ୍ଥା ସମ୍ପର୍କରେ ୟୁଏସ୍‌ ଲେଜିସଲେଟିଭ କମିଟି ସ୍ବତନ୍ତ୍ର ଭାବେ ଯାଞ୍ଚ ଆରମ୍ଭ କରିଛି।


Enter your email to get our daily news in your inbox.

All Right Reserved By Dharitri.Com

ଶତକ ମାରିବା ପରେ ପକେଟରୁ ଚିଠି ବାହାର କଲେ ଏହି କ୍ରିକେଟର: ଚିଠି ପଢିଲେ ହୋଇଯିବେ ଭାବବିହ୍ବଳ

ଜୋହାନ୍ସବର୍ଗ,୧୭।୧୧: କ୍ରିକେଟ ପଡ଼ିଆରେ ଅନେକ ଖେଳାଳି ନିଜ ଅନନ୍ୟ ଅନ୍ଦାଜରେ ଶତକ ପାଳନ କରିଥାନ୍ତି। କିନ୍ତୁ ବାଂଲାଦେଶର ଉଇକେଟ୍‌କିପର ବ୍ୟାଟର ଲିଟନ ଦାସ ଏଥର ନିଜ ଶତକକୁ…

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ଏଇ ଭାରତରେ

ମହାରାଷ୍ଟ୍ରର କୋହ୍ଲାପୁର ଜିଲା କରବିର ବ୍ଲକ୍‌ର ଛୋଟ ଗାଁ ଶିଲ୍‌କଓ୍ବାଡ଼ି। ଏଠାରେ କେବଳ ଗୋଲାପି ରଙ୍ଗର ଘର ଦେଖିବାକୁ ମିଳେ। ସେଥିପାଇଁ ଏହା ପିଙ୍କ୍‌ ଭିଲେଜ ବା…

ଦାନ, ଦମ୍ଭ ଓ ଦୁର୍ଦ୍ଦିନର ଆତ୍ମସମ୍ମାନ

ଯେତେବେଳେ ଜଣେ ବ୍ୟକ୍ତି କିମ୍ବା ଗୋଷ୍ଠୀ ସାମାଜିକ ସ୍ତରରେ ନିଜକୁ ଅନ୍ୟମାନଙ୍କଠାରୁ ଶ୍ରେଷ୍ଠ ବୋଲି ପ୍ରମାଣ କରିବାକୁ ଚେଷ୍ଟା କରନ୍ତି, ସେତେବେଳେ ତାହା ଅହଂକାରରେ ପରିଣତ ହୁଏ।…

ସମବାୟରେ ମାନବ ସମ୍ବଳ ନୀତି

ନୂଆଦିଲ୍ଲୀଠାରେ ମିଳିତ ଜାତିସଂଘ ତରଫରୁ ୨୦୨୪ ନଭେମ୍ବରରେ ଯେଉଁ ଅନ୍ତର୍ଜାତୀୟ ସମବାୟ ସମ୍ମିଳନୀ କରାଯାଇଥିଲା ତାହାର ନିଷ୍କର୍ଷକୁ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସମବାୟ ମନ୍ତ୍ରଣାଳୟ ଯୋଜନାମାନ…

ପୋଲିସ ଏନ୍‌କାଉଣ୍ଟର

ପଶ୍ଚିମବଙ୍ଗର ବୀରଭୂମ ଜିଲାରେ ୧୫ ନଭେମ୍ବରରେ ପୋଲିସ ଗୁଳିରେ ରତନ ଶେଖ୍‌ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଏହି ହତ୍ୟାକୁ ଏନ୍‌କାଉଣ୍ଟର ଆଖ୍ୟା ଦିଆଯାଇଛି। ପୋଲିସ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?