ଭିନ୍ନ ନିଶା କବଳରେ ଯୁବଗୋଷ୍ଠୀ: କଫ୍‌ସିରପ, ଅଠାକୁ କରୁଛନ୍ତି ନିଶା

ଅନୁଗୋଳ ଅଫିସ, ୧୪।୧୨ – ସାଧାରଣତଃ ନିଶା ସେବନ କଥା କହିଲେ ଅନେକେ ମଦ୍ୟପାନକୁ ବୁଝିଥାନ୍ତି। ହେଲେ ଏବର ଯୁବପିଢ଼ି କେବଳ ମଦ୍ୟପାନକୁ ନିଶା କରିନାହାନ୍ତି, ସେମାନେ ଅପେକ୍ଷାକୃତ ଶସ୍ତା ଓ ସହଜରେ ମାର୍କେଟରେ ମିଳୁଥିବା କଫ୍‌ସିରପ ଏବଂ ଏକପ୍ରକାର ଅଠାକୁ ବ୍ୟବହାର କରୁଥିବା ଦେଖାଯାଉଛି। ଏହାଛଡ଼ା ଧଳା ଜହର ଭାବେ ପରିଚିତ ବ୍ରାଉନସୁଗାର ନିଶାରେ ମଧ୍ୟ ଅନେକ ଯୁବ ଗୋଷ୍ଠୀ ପଡ଼ିଛନ୍ତି। ଏସବୁ ନିଶା କାରବାର ଏବେ ଅନୁଗୋଳ ସହରରେ ବଢ଼ିଚାଲିଛି। ସକାଳୁ ସନ୍ଧ୍ୟା ଯାଏ ସହରର ବିଭିନ୍ନ ମାର୍କେଟ୍‌ରେ ଚୋରାରେ ଓ କୋଡ୍‌ ଓ୍ବାର୍ଡ୍‌ରେ ଏସବୁ ବିକ୍ରି କରାଯାଉଥିବା ବେଳେ ଅତି ସହଜରେ ଯୁବଗୋଷ୍ଠୀ ଏହାକୁ ପାଇପାରୁଛନ୍ତି। ଫଳରେ ଶିଳ୍ପନଗରୀ ଅନୁଗୋଳ ଏବେ ଏହି ଭିନ୍ନ ନିଶାଡିଙ୍କ ପାଇଁ ସେଫ୍‌ ଜୋନ୍‌ ପାଲଟି ଯାଇଛି।
ସହରବାସୀଙ୍କ କହିବା ଅନୁଯାୟୀ, କଫ୍‌ସିରପ ଓ ଏହି ଅଠା ସାମଗ୍ରୀକୁ ନିଶା ଭାବେ ବ୍ୟବହାର କରାଯିବା ଏବେ ଅନେକ ସ୍ଥାନରେ ଦେଖାଯାଉଛି। ପୂର୍ବରୁ ସହରରେ କଁା ଭଁା କେତେଜଣ ଏହାକୁ ବ୍ୟବହାର କରୁଥିବା ଶୁଣାଯାଉଥିଲା। ହେଲେ ବର୍ତ୍ତମାନ ଅତି ସହଜରେ ଓ ଶସ୍ତାରେ ଏହା ସବୁଠି ମିଳିଯାଉଥିବାରୁ ଅଧିକରୁ ଅଧିକ ନିଶାଡ଼ି ଏପରି ନିଶାରେ ପଡ଼ିଛନ୍ତି। ବିଶେଷକରି ଯୁବଗୋଷ୍ଠୀ ଏହାକୁ ଅଧିକ ଲୋଡ଼ୁଥିବାରୁ ଚୋରା କାରବାର ସହରରେ ବଢ଼ିଚାଲିଛି। କେତେକ ପାନ ଦୋକାନ, ଗ୍ୟାରେଜ, ଏପରି କି କେତେଜଣ ବହି, ଫୁଲ ଦୋକାନୀ ମଧ୍ୟ ଏପରି ନିଶା କାରବାରରେ ସମ୍ପୃକ୍ତ ରହୁଥିବା ଆଲୋଚନା ହେଉଛି। ପୂର୍ବରୁ ନାଲ୍‌କୋକୁ ଏପରି ଚୋରା କାରବାରର ପେଣ୍ଠସ୍ଥଳୀ କୁହାଯାଉଥିଲା। କିନ୍ତୁ ଏବେ ଅନୁଗୋଳ ସହରରେ ଏହି କଫ୍‌ସିରପ ଓ ଅଠାର ନିଶା ବ୍ୟବସାୟ ତାର କାୟା ବିସ୍ତାର କରିଛି। ସ୍ବଳ୍ପ ଦରରୁ ଆରମ୍ଭ କରି ଦାମୀ ନିଶା ପର୍ଯ୍ୟନ୍ତ, ସହରରେ ସବୁକିଛି ଉପଲବ୍ଧ ହେଉଛି। ବିଗତ ଦିନରେ ଅନୁଗୋଳର କେତେକ ସ୍ଥାନରୁ ବ୍ରାଉନସୁଗାର ବେପାରୀଙ୍କୁ ଧରି ପୋଲିସ ଓ ସ୍ପେଶାଲ ସ୍କ୍ବାଡ୍‌ କୋର୍ଟ ଚାଲାଣ କରିଥିଲା। କିନ୍ତୁ ଏହି ଚୋରା କାରବାରର ମୂଳ ବ୍ୟବସାୟୀଙ୍କ ନିକଟରେ ପୋଲିସ ଅଦ୍ୟାବଧି ପହଞ୍ଚତ୍ ପାରିନାହିଁ। ଛୋଟ ଛୋଟ ପୁଡ଼ିଆରେ ବିକ୍ରି ହେଉଛି ବ୍ରାଉନ ସୁଗାର। ଗୋଟିଏ ପୁଡ଼ିଆ ଦାମ୍‌ ୨୦୦ ଟଙ୍କାରୁ ଆରମ୍ଭ କରି ୫୦୦ ଟଙ୍କା ପର୍ଯ୍ୟନ୍ତ ବିକ୍ରି କରାଯାଉଛି। ଏହାର ସ୍ବତନ୍ତ୍ର କୋଡ୍‌ ଓ୍ବାର୍ଡ୍‌ ରହିଥିବାବେଳେ କଫ୍‌ସିରପକୁ ପାଣି ଓ ଅଠା ସାମଗ୍ରୀର ନାମ ପଲିଥିନ୍‌ ପ୍ୟାକ୍‌ ରଖାଯାଇଥିବା ଶୁଣାଯାଉଛି। ସାଧାରଣତଃ ସହରରେ ବୁଲୁଥିବା ଯାଯାବର ପିଲାମାନେ ଏହି ଅଠାକୁ ନିଶା ଆକାରରେ ଅଧିକ ବ୍ୟବହାର କରୁଥିବାବେଳେ ଅନେକ କଲେଜ ଛାତ୍ର ମଧ୍ୟ ଏହାସହ କଫ୍‌ସିରପ ଓ ବ୍ରାଉନସୁଗାର କବଳରେ ପଡ଼ୁଛନ୍ତି। ତେବେ ବ୍ରାଉନସୁଗାର ପାଇଁ ଅଧିକ ଅର୍ଥ ଆବଶ୍ୟକ ପଡ଼ୁଥିବାରୁ ଯୁବଗୋଷ୍ଠୀ ଚୋରି, ଲୁଟ୍‌, ଛିନ୍‌ତାଇ ଆଦି ଆପରାଧିକ କାର୍ଯ୍ୟ କରିବାକୁ ମଧ୍ୟ ପଛାଉ ନାହାନ୍ତି। ସେଥିପାଇଁ ସହରରେ ଅପରାଧ ମଧ୍ୟ ବୃଦ୍ଧି ପାଉଥିବା କୁହାଯାଉଛି। ରାୟପୁରରୁ ସମ୍ବଲପୁର ବାଟ ଦେଇ କଫ୍‌ସିରପ ଅନୁଗୋଳକୁ କକଆସଥିବା ଚର୍ଚ୍ଚା ହେଉଥିବା ବେଳେ ଅନୁଗୋଳ ପୋଲିସ କିମ୍ବା ଅବକାରୀ ବିଭାଗ ଏହାକୁ ଅଟକାଇ ପାରୁନାହିଁ।


Enter your email to get our daily news in your inbox.

All Right Reserved By Dharitri.Com

ଜିଲା ମୁଖ୍ୟ ଚିକିତ୍ସାଳୟରେ ଖୋଲିଲା ‘ସଖୀ’ ୱାନଷ୍ଟପ୍‌ ସେଣ୍ଟର: ଗୋଟିଏ ସ୍ଥାନରେ ମିଳିବ ଚିକିତ୍ସା, ଆଇନ ସୁବିଧା

ଅନୁଗୋଳ ଅଫିସ, ୨୮।୮-ନିର୍ଯାତିତା ମହିଳା ଓ ବାଳିକାମାନଙ୍କୁ ସମନ୍ବିତ ସୁବିଧା, ସୁଯୋଗ ଯୋଗାଇ ଦେବା ଉଦ୍ଦେଶ୍ୟରେ ମଙ୍ଗଳବାର ଜିଲା ମୁଖ୍ୟ ଚିକିତ୍ସାଳୟରେ ‘ସଖୀ’ର ୱାନଷ୍ଟପ୍‌ ସେଣ୍ଟର...

ସହର ସୁରକ୍ଷାକୁ ଗୁରୁତ୍ୱ ନାହିଁ

ଅନୁଗୋଳ ଅଫିସ, ୨୨।୧୨ ବଜାର ମଧ୍ୟରେ ହେଉ କିମ୍ବା କଲୋନୀ, ଲୁଟ୍‌, ଛିନତାଇ କରି ସହଜରେ ଖସିଯାଉଛନ୍ତି ଦୁର୍ବୃତ୍ତ। ସର୍ବସମ୍ମୁଖରେ ଅପରାଧ ଘଟୁଥିଲେ ମଧ୍ୟ ରୋକିବାକୁ...

୨୮ରେ ଅନୁଗୋଳ ଓକିଲ ସଂଘ ନିର୍ବାଚନ

ଅନୁଗୋଳ ଅଫିସ୍‌, ୧୭।୩- ଅନୁଗୋଳ ଓକିଲ ସଂଘର ବାର୍ଷିକ ନିର୍ବାଚନ ଚଳିତ ମାସ ୨୮ ତାରିଖରେ ଅନୁଷ୍ଠିତ ହେବ। ଗତ ୧୩ ତାରିଖରେ ଏ ନେଇ...

ଦୃଷ୍ଟାନ୍ତମୂଳକ ଦଣ୍ଡ ଦିଆଯାଉ

ଅନୁଗୋଳ ଅଫିସ, ୨୬ା୭:  ଅନୁଗୋଳ ଜିଲାରେ ବଢ଼ୁଛି ବଳାତ୍କାର ଓ ହତ୍ୟା ମାମଲା। ଗତ ୩ ବର୍ଷ ମଧ୍ୟରେ ଶତାଧିକ ବଳାତ୍କାର ଅଭିଯୋଗ ପୋଲିସ ନିକଟକୁ...

ଚା’ ଦୋକାନୀଙ୍କ ଝିଅ ଜିଲା ଟପ୍ପର

ବନ୍ତଳା, ୨୪ା୬ (ଡି.ଏନ.ଏ.) ପାଠ ପଢାରେ ଅର୍ଥାଭାବ ବାଧକ ସାଜିଥିଲେ ବି ପରିଶ୍ରମ ଦ୍ୱାରା ଏହାକୁ ଦୂରେଇ ସଫଳତା ପାଇପାରିଛନ୍ତି ଚା’ ଦୋକାନୀଙ୍କ ଝିଅ ମଧୁସ୍ମିତା ବେହେରା।...

ଅଳିଆପକାକୁ ନେଇ ବିବାଦ: ଡ୍ରାଇଭରଙ୍କୁ ବାନ୍ଧିଲେ, ଗାଡ଼ି ଅଟକ ରଖିଲେ

ଅନୁଗୋଳ ଅଫିସ, ୧୨।୯- ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ କଲୋନୀ ପଛପଟେ ପୌରପାଳିକା ଟ୍ରାକ୍ଟର ଅଳିଆ ପକାଇବାକୁ ନେଇ ବୁଧବାର ସୃଷ୍ଟି ହୋଇଥିଲା ବିବାଦ। କଲୋନୀବାସୀ...

କୃଷି ଋଣ ହଡ଼ପ ଅଭିଯୋଗ: ଚାଷୀ ଥାନାର ଦ୍ୱାରସ୍ଥ

ଛେଣ୍ତିପଦା,୧୬।୯(ସ୍ବ.ପ୍ର) ଛେଣ୍ଡିପଦା ବ୍ଲକ ଚାଙ୍ଗୁଡିଆ ସମବାୟ ସମିତିରେ ଚାଷୀଙ୍କ ଋଣ ଟଙ୍କା ହଡପ ହୋଇଥିବା ନେଇ ରବିବାର ଥାନାରେ ଅଭିଯୋଗ ହୋଇଛି। ଅଭିଯୋଗ ପାଇ ପୋଲିସ କେସ...

ନାଲକୋ ଦୁର୍ଘଟଣାରେ ଆଉ ଜଣେ ଠିକା ଶ୍ରମିକଙ୍କ ମୃତ୍ୟୁ: କ୍ଷତିପୂରଣ ଦାବିରେ ଆନ୍ଦୋଳନ

ଅନୁଗୋଳ ଅଫିସ, ୮।୮: ନାଲକୋ ସ୍ମେଲଟର ପ୍ଲାଣ୍ଟ କାଷ୍ଟ ହାଉସ ପରିସରରେ ଗତ ୨୩ରେ ବିଦ୍ୟୁତ ଆଘାତରେ ୪ ଜଣ ଶ୍ରମିକ ଗୁରୁତର ଆହତ ହୋଇଥିଲେ।...

Advertisement
Archives

Model This Week