ନୂଆଦିଲ୍ଲୀ, ୧୬ା୫ (ପି.ଟି.)-କୋଭିଡ୍-୧୯ ଯୋଗୁ କୌଣସି ଭାରତୀୟ ଆଥଲେଟଙ୍କୁ ସେମାନଙ୍କ ସୁରକ୍ଷା ଦୃଷ୍ଟିରୁ ବିଦେଶରେ କୌଣସି ପ୍ରତିଯୋଗିତାରେ ଭାଗ ନେବାଲାଗି ଅନୁମତି ମିଳିବ ନାହିଁ । ଶୁକ୍ରବାର ଏକଥା କହିଛନ୍ତି ଆଥଲେଟିକ୍ସ ଫେଡେରେଶନ ଅଫ୍ ଇଣ୍ଡିଆ (ଏଏଫ୍ଆଇ) ସଭାପତି ଆଦିଲ ସାମାରିଓ୍ବାଲ। କଟକଣା ଜାରି ଯୋଗୁ ଭାରତୀୟ ଆଥଲେଟମାନେ ଅଗଷ୍ଟ ୧୪ରୁ ଆରମ୍ଭ ହେବାକୁଥିବା ମର୍ଯ୍ୟାଦାପୂର୍ଣ୍ଣ ଡାଇମଣ୍ଡ ଲିଗ୍ରେ ଭାଗ ନେଇପାରିବେ ନାହିଁ। ବିଶେଷ କରି ଟୋକିଓ ଅଲିମ୍ପିକ୍ସରେ ଭାଗନେବାକୁ ଥିବା ଜାଭେଲିନ୍ ଥ୍ରୋୟର ନୀରଜ ଚୋପ୍ରାଓ ଶିବପାଲ୍ ସିଂ ଏହାକୁ ମିସ୍ କରିବେ। ଓ୍ବାଲର୍ଡ ଆଥଲେଟିକ୍ସ ଚିଫ୍ ସେବାଷ୍ଟିଆନ୍ କୋ’ଙ୍କ ଉପସ୍ଥିତିରେ ଏକ ବାର୍ତ୍ତାଳାପ ବେଳେ ସୁମାରିଓ୍ବାଲା କହିଛନ୍ତି ଆକ ଆଥଲେଟମାନେ ବର୍ତ୍ତମାନ ଜାତୀୟ କ୍ୟାମ୍ପଗୁଡ଼ିକରେ ଅଛନ୍ତି। ଡାଇମଣ୍ଡ ଲିଗ୍ରେ ଆମର କେହି ଅଂଶଗ୍ରହଣ କରିବାକୁ ନ ଥିବାରୁ ସେମାନେ କ୍ୟାମ୍ପରେ ଆଉ ୩ ମାସ ରହିବେ। ଇଣ୍ଡିଆନ୍ ସର୍କିଟରେ ୫ଟି ଇଭେଣ୍ଟର ଆୟୋଜନର ଯୋଜନା ରହିଛି। ଏହା ସେପ୍ଟେମ୍ବର ୧୨ରୁ ଆରମ୍ଭ ହେବ। ଏଥିରେ ଆମ ଆଥଲେଟ୍ମାନେ ଭାଗ ନେବେ। ସ୍ଥିତିରେ ଯଦି ଉନ୍ନତି ଘଟେ ତେବେ ଆସନ୍ତା ବର୍ଷ ଆମ ଆଥଲେଟମାନଙ୍କ ଲାଗି ୟୁରୋପରେ ଟ୍ରେନିଂ ବ୍ୟବସ୍ଥା କରାଯିବ ବୋଲି ସୁମାରିଓ୍ବାଲା ସୂଚନା ଦେଇଛନ୍ତି।
