ସଜନାଗଡ଼, ୨୯।୧୧(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ବଜାରରେ ଥିବା ଷ୍ଟେଟବ୍ୟାଙ୍କ ଶାଖାରେ ଗ୍ରାହକଙ୍କୁ ଠିକ୍ ଭାବେ ବ୍ୟବହାର କରାଯାଉ ନ ଥିବା ଅଭିଯୋଗ ହେଉଛି। ଶୁକ୍ରବାର ବ୍ୟାଙ୍କ ଖୋଲିବା ପୂର୍ବରୁ ଶତାଧିକ ଗ୍ରାହକ ମୁଖ୍ୟ ଗେଟ୍ରେ ତାଲା ପକାଇ ଧାରଣାରେ ବସିରହିଥିଲେ। ନୀଳଗିରି ଥାନାର ସବ୍ଇନ୍ସପେକ୍ଟର ଗଣେଶ ତ୍ରିପାଠୀ ସଦଳବଳେ ପହଞ୍ଚତ୍ ଗ୍ରାହକଙ୍କୁ ବୁଝାଶୁଝା କରିବା ପରେ ତାଲା ଖୋଲା ଯାଇଥିଲା। ଏହାରେ ପରେ ସମସ୍ତ ଗ୍ରାହକ ବ୍ୟାଙ୍କ ଭିତରକୁ ପ୍ରବେଶ କରି ବ୍ୟାଙ୍କର କାରବାରକୁ ବନ୍ଦ କରିଥିଲେ। ଏଚ୍ଆର୍ ମ୍ୟାନେଜର ଗୋଲକ ବିହାରୀ ପତି, ଚିଫ୍ ମ୍ୟାନେଜର ସିଏସ୍ସି ଏମ୍. କବିତା ପାଣି, ଜୋନାଲ ସେକ୍ରେଟାରୀ ଚିତ୍ତରଞ୍ଜନ ପଣ୍ଡା ପହଞ୍ଚତ୍ ଗ୍ରାହକମାନଙ୍କ ସହ ଆଲୋଚନା କରି ଏ ଦିଗରେ ଦୃଷ୍ଟି ଦିଆଯିବ ବୋଲି ପ୍ରତିଶ୍ରୁତି ଦେଇଥିଲେ। ଏନେଇ ଗ୍ରାହକମାନେ ବାଲେଶ୍ୱର ରିଜିଓନାଲ ମ୍ୟାନେଜରଙ୍କୁ ଏକ ଅଭିଯୋଗ ପତ୍ର ଦେଇଛନ୍ତି। କୌଣସି ପଦକ୍ଷେପ ନିଆ ନ ଗଲେ ଆଗାମୀ ଦିନରେ ଏସ୍ବିଆଇ ନୀଳଗିରି ଶାଖାକୁ ଅଚଳ କରିଦିଆଯିବ ବୋଲି ଗ୍ରାହକମାନେ ଚେତାବନୀ ଦେଇଛନ୍ତି।
