କୋରୁକୋଣ୍ଡା,୭।୩(ଡି.ଏନ୍.ଏ.): ମାଲକାନଗିରି ଜିଲା କୋରୁକୋଣ୍ଡା ବ୍ଲକ ଅନ୍ତର୍ଗତ ତାର୍ଲାକୋଟା ପଞ୍ଚାୟତ ପୁଷ୍ପାଲି ଆଦିବାସୀ ଅଧିକାର ମଞ୍ଚ ପକ୍ଷରୁ ଶନିବାର ବିଭିନ୍ନ ସମସ୍ୟା ସମାଧାନ ଦାବି ନେଇ ପଞ୍ଚାୟତ କାର୍ଯ୍ୟାଳୟ ଘେରାଉ କରାଯାଇଥିଲା। ସ୍ଥାନୀୟ ସରପଞ୍ଚ ସୋମନାଥ ବାରସେଙ୍କୁ ଗ୍ରାମବାସୀ ଏକ ଦାବିପତ୍ର ପ୍ରଦାନ କରିଥିଲେ। ପାନୀୟ ଜଳର ଘୋର ଅଭାବ, ରାସ୍ତାଘାଟ ଶୋଚନୀୟ, ହରିଶ୍ଚନ୍ଦ୍ର ଯୋଜନାରେ ଅର୍ଥ ନ ମିଳିବା, ଗରିବ ହିତାଧିକାରୀ ରାଶନକାର୍ଡରୁ ବଞ୍ଚିତ ହେବା, ପିଡିଏସ୍ ସାମଗ୍ରୀ ବଣ୍ଟନରେ ଅନିୟମିତତା ଆଦି କରାଯାଉଥିବା ଅଭିଯୋଗ ହୋଇଛି। ଆଗାମୀ ଦିନରେ ଏହାର କୌଣସି ସମାଧାନ କରା ନ ଗଲେ ଆଦିବାସୀ ଅଧିକାର ମଞ୍ଚ ରାଜରାସ୍ତାକୁ ଓହ୍ଲାଇବ ବୋଲି ସଂଘ ସଭାପତି ଅର୍ଜୁନ ଲକେଇ, ସମ୍ପାଦକ ବୁଦୁ ମାଝୀ, ଘେନୁ ମୁଦୁଲି, ନିରଞ୍ଜନ ଗୁଣ୍ଠା, କିଶୋର ଗୋଲୋରୀ, ଲବ ଖିଲ ଏବଂ ଅନ୍ୟ କର୍ମକର୍ତ୍ତା ଚେତାବନୀ ଦେଇଛନ୍ତି।
