ଭୁବନେଶ୍ୱର,୩। ୫: କରୋନା ବିରୋଧରେ ଲଢେଇ ଜାରି ରଖିବା ସହ ବିଗ୍ ବଜାର ପକ୍ଷରୁ ବର୍ତ୍ତମାନ ଲୋକଙ୍କୁ ଡୋର୍ଷ୍ଟେପ ଡେଲିଭରି ବା ଘର ଦୁଆର ମୁହଁରେ ସାମଗ୍ରୀ ପହଞ୍ଚାଇବା ସେବା ପ୍ରଦାନ କରାଯାଉଛି। ଜରୁରୀକାଳିନ ସମୟରେ ଗ୍ରାହକଙ୍କୁ ସହାୟତା ଯୋଗାଇ ଦେବା ଲାଗି ସବୁ ପ୍ରକାରର ଉପାୟ ଗ୍ରହଣ କରାଯାଉଥିବା ସୂଚନା ରହିଛି। ଗ୍ରାହକ ସପ୍ ଡଟ୍ ବିଗ୍ ବଜାର ଡଟ୍ କମ୍ରେ ବିଭିନ୍ନ ସୁବିଧା ଲାଭ କରି ପାରିବେ। ନିଜ ଅଞ୍ଚଳର ପିନ୍ କୋଡ୍ ଦେଇ ନିକଟସ୍ଥ ବିଗ୍ ବଜାର ଷ୍ଟୋର ଚୟନ ଦ୍ୱାରା ଆବଶ୍ୟକ ସାମଗ୍ରୀ କାର୍ଟରେ ଯୋଗ କରିବାକୁ ପଡିବ। ଏହା ପରେ ବିଗ୍ ବଜାର ପକ୍ଷରୁ ସ୍ପର୍ଶବିହୀନ ଓ ସୁରକ୍ଷିତ ଭାବେ ଗ୍ରାହକଙ୍କ ଦୁଆର ମୁହଁରେ ଡେଲିଭରି ପ୍ରଦାନ କରାଯିବ। ଫୋନକଲ ଏବଂ ହ୍ବାଟସ ଅପ୍ ମେସେଜ ଜରିଆରେ ମଧ୍ୟ ସାମଗ୍ରୀ ଅର୍ଡର କରିହେବ ବୋଲି ବିଗ୍ ବଜାର ପକ୍ଷରୁ କୁହାଯାଇଛି।
