Posted inଫୁରସତ

ପ୍ରଥମ ରୋଜଗାର ଟଙ୍କାରେ ବାପାଙ୍କ ଚିକିତ୍ସା ହେଉଥିଲା: ପ୍ରାବନ୍ଧିକ ସତ୍ୟନାରାୟଣ ମିଶ୍ର

ବରିଷ୍ଠ ବ୍ୟାଙ୍କ ପ୍ରବନ୍ଧକ ତଥା ପ୍ରାବନ୍ଧିକ ସତ୍ୟନାରାୟଣ ମିଶ୍ର ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି…

ପୁରୀ ଜିଲା ଚନ୍ଦନପୁର ଥାନା ଅନ୍ତର୍ଗତ ଗଙ୍ଗାନାରାୟଣପୁର ଗାଁରେ ମୋ ଜନ୍ମ। ଭାର୍ଗବୀ ଉଚ୍ଚ ବିଦ୍ୟାଳୟରୁ ୧୯୬୮ରେ ଏକାଦଶ ପାସ୍‌ କରି ଏସ୍‌ସିଏସ୍‌ କଲେଜରେ ପଢ଼ିଲି। ସେଠାରୁ ରାଜନୀତି ବିଜ୍ଞାନ ସମ୍ମାନ ରଖି ବିଏ ପାସ୍‌କରି ବାଣୀବିହାରରେ ପିଜି କଲି। ତା’ପରେ ୟୁନାଇଟେଡ୍‌ ବ୍ୟାଙ୍କ ଅଫ୍‌ ଇଣ୍ଡିଆର କ୍ଲରିକାଲ ପୋଷ୍ଟରେ ଚାକିରି ମିଳିଗଲା। ପୋଷ୍ଟିଂ ବରଗଡ଼ରେ ହେଲା। ୧୯୭୫ ମସିହା ଡିସେମ୍ବର ୨୨ରେ ଚାକିରିରେ ଯୋଗଦେଲି। ୬ ଭାଇଭଉଣୀ(୩ ଭାଇ ଓ ୩ ଭଉଣୀ)ଙ୍କ ମଧ୍ୟରେ ମୁଁ ଥିଲି ବଡ଼। ବାପାଙ୍କର ହାଇ ବିପି ଥିଲା। ମୁଁ ଚାକିରି କଲାବେଳକୁ ତାଙ୍କର ବ୍ରେନ୍‌ ଟ୍ୟୁମର ହୋଇଥିବା କଥା ଜଣାପଡ଼ିଲା। ତେଣୁ ମୋ ଦରମା ଟଙ୍କା ବାପାଙ୍କର ଚିକିତ୍ସା ଓ ଭାଇଭଉଣୀଙ୍କ ପାଠପଢ଼ାରେ ଖର୍ଚ୍ଚ ହେଉଥିଲା। ତା’ସହିତ ମୁଁ ନିଜେ ବି ପଢୁଥିଲି। ମାତ୍ର ୬ ମାସ ବରଗଡ଼ରେ ରହିବା ପରେ ମୟୂରଭଞ୍ଜର ରାସଗୋବିନ୍ଦପୁରକୁ ବଦଳିହେଲା। ସେଠାରେ ପ୍ରାୟ ୪ ବର୍ଷ କ୍ଲରିକାଲ ପୋଷ୍ଟରେ କାମ କରିବା ପରେ ପ୍ରମୋଶନାଲ ପରୀକ୍ଷା ଦେଇ ୟୁନାଇଟେଡ୍‌ ବ୍ୟାଙ୍କ ଅଫ୍‌ ଇଣ୍ଡିଆରେ ବ୍ୟାଙ୍କ ପିଓ ପାଇଲି। ସେହି ସମୟରେ ଆଲ୍ଲାହାବାଦ୍‌ ବ୍ୟାଙ୍କ ପିଓ ପରୀକ୍ଷାରେ ବି ମୁଁ ସିଲେକ୍ଟ ହୋଇଥିଲି। କିନ୍ତୁ ୟୁନାଇଟେଡ୍‌ ବ୍ୟାଙ୍କ ଅଫ୍‌ ଇଣ୍ଡିଆରେ ଯେହେତୁ ୪ ବର୍ଷର ଅଭିଜ୍ଞତା ଥିଲା, ତେଣୁ ସେହି ବ୍ୟାଙ୍କରେ ପିଓ ଭାବେ କାମ କରିବାକୁ ନିଷ୍ପତ୍ତି ନେଇ କଟକ ବ୍ରାଞ୍ଚରେ ଜଏନ୍‌ କଲି। ସାଢେ ତିନିବର୍ଷ ପରେ ପାରାଦୀପ ବ୍ରାଞ୍ଚକୁ ଡେପୁଟି ମ୍ୟାନେଜର ଏବଂ ତା’ର ୩ ବର୍ଷ ପରେ ବାଲେଶ୍ୱର ଜିଲା ଭୋଗରାଇ ବ୍ଲକ୍‌ ଅନ୍ତର୍ଗତ ବାଉଁଶଡିହ ବ୍ରାଞ୍ଚକୁ ବ୍ରାଞ୍ଚ ମ୍ୟାନେଜର ହୋଇ ଗଲି। ବାଉଁଶଡିହ ପରେ ଗଞ୍ଜାମ ଜିଲାର ବଡ଼କୋଦଣ୍ଡା ବ୍ରାଞ୍ଚରେ ବି କିଛିବର୍ଷ କାମ କଲି। ତା’ପରେ ସ୍କେଲ୍‌-୨ ପ୍ରମୋଶନ ପାଇ ପୁରୀ, ବାଲେଶ୍ୱର ତଥା କେନ୍ଦ୍ରାପଡ଼ାର ବଳଦେବ ଜୀଉ ମନ୍ଦିର ବ୍ରାଞ୍ଚରେ କିଛି କିଛି ବର୍ଷ କାମ କରିବା ପରେ ସ୍କେଲ୍‌-୩ ପ୍ରମୋଶନ ପାଇଲି ଆଉ ଝାଡ଼ଖଣ୍ଡର ଜାମସେଦ୍‌ପୁର ବ୍ରାଞ୍ଚରେ ଯାଇ ଯୋଗଦେଲି। ସେଠି ସାଢେ ତିନିବର୍ଷ କାମ କଲି। ସେଠାରେ ମୋର ଏକ ଆକ୍ସିଡେଣ୍ଟ ହେବାରୁ ନିଷ୍ପତ୍ତି ନେଲି ଆଉ ପ୍ରମୋଶନ ନେବିନି। ତେଣୁ ଜାମସେଦ୍‌ପୁର ପରେ ସମ୍ବଲପୁର ବ୍ରାଞ୍ଚକୁ ପୁଣି ସେହି ବ୍ରାଞ୍ଚ ମ୍ୟାନେଜର ହୋଇ ଆସିଲି। ଏହି ସମୟରେ ୟୁନାଇଟେଡ୍‌ ବ୍ୟାଙ୍କ ଅଫିସର୍ସ ଆସୋସିଏଶନ ଓଡ଼ିଶା ଜୋନ୍‌ର ପ୍ରେସିଡେଣ୍ଟ ଭାବେ ମୋତେ ନିର୍ବାଚିତ କରାଯାଇଥିଲା। ସମ୍ବଲପୁରରେ ୩ବର୍ଷ ରହି ଏହି ଦାୟିତ୍ୱ ତୁଲାଇବା ପରେ ଭୁବନେଶ୍ୱର ରିଜିଓନାଲ ଅଫିସ୍‌କୁ ବଦଳିହେଲା, ଯେଉଁଠାରେ ମୋତେ ରିଜିଅନ୍‌ର ଆଡ୍‌ମିନିଷ୍ଟ୍ରେଶନ ଦାୟିତ୍ୱ ନ୍ୟସ୍ତ କରାଯାଇଥିଲା। ଶେଷରେ ଏହିଠାରୁ ୨୦୧୨ ଫେବୃୟାରୀ ୨୯ରେ ଚାକିରିରୁ ଅବସର ନେଇଥିଲି। ଏହି ଚାକିରି କାଳ ଭିତରେ ମୁଁ କଟକରେ ଅବସ୍ଥାପିତ ଥିବାବେଳେ ମଧୁସୂଦନ ଲ’ କଲେଜରୁ ଏଲ୍‌ଏଲ୍‌ବି ସାରି ପରେ ବ୍ୟାଙ୍କର ନିର୍ଦ୍ଧାରିତ ସାର୍ଟିଫାଏଡ୍‌ ଆସୋସିଏଟ୍‌ ଅଫ୍‌ ଇଣ୍ଡିଆନ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ବ୍ୟାଙ୍କର୍ସ(ସିଏଆଇଆଇବି) ନାମକ ଏକ କୋର୍ସ କରିଦେଇଥିଲି। ଏହା ଥିଲା ମୋର ଶିକ୍ଷା ତଥା ବୃତ୍ତିଗତ କଥା। ଏବେ ମୁଁ ପୁରୀ ସର୍ବୋଦୟନଗରସ୍ଥିତ ନିଜ ବାସଭବନରେ ଅବସ୍ଥାପନ କରି ଅଲ୍‌ ଓଡ଼ିଶା ୟୁନାଇଟେଡ୍‌ ବ୍ୟାଙ୍କ ରିଟାୟର୍ଡ ଅଫିସର୍ସ ଅସୋସିଏଶନର ଭାଇସ୍‌-ପ୍ରେସିଡେଣ୍ଟ ଦାୟିତ୍ୱ ତୁଲାଇବା ସହିତ ଉକ୍ତ ଅସୋସିଏଶନର କେନ୍ଦ୍ରୀୟ କମିଟି ସଦସ୍ୟ ଅଛି। ତା’ସହିତ ଅନେକ ସାମାଜିକ, ସାଂସ୍କୃତିକ, ଆଧ୍ୟାତ୍ମିକ ତଥା ସାହିତି୍ୟକ ଅନୁଷ୍ଠାନ ସହିତ ସଂଶ୍ଲିଷ୍ଟ ମଧ୍ୟ ଅଛି। ସାରସ୍ବତ ସାଧନା ତଥା ଜଗନ୍ନାଥ ତତ୍ତ୍ୱ ସମ୍ବନ୍ଧରେ ଗବେଷଣାକରି ଅନେକ ପ୍ରବନ୍ଧ ବି ଲେଖିଛି, ଯାହା ବିଭିନ୍ନ ପତ୍ରପତ୍ରିକାରେ ପ୍ରକାଶ ପାଇସାରିଛି। ବିଦେଶ ଭ୍ରମଣରେ ଯାଇ ନୂଆ ନୂଆ ଜ୍ଞାନ ଆହରଣ କରିବାରେ ବି ମୋର ରୁଚି ରହିଛି। ପ୍ରାୟ ୧୮ଟି ବିଦେଶ ରାଷ୍ଟ୍ର ଭ୍ରମଣକୁ ନେଇ ୯ଟି ଭ୍ରମଣ କାହାଣୀ ପୁସ୍ତକ ମୋର ପ୍ରକାଶିତ ହୋଇଛି। ତନ୍ମଧ୍ୟରୁ ‘ଚାଇନାରେ ଆଠଦିନ’, ‘ବିଦେଶ ମାଟି’ (ସିଙ୍ଗାପୁର, ମାଲେସିଆ, ଥାଇଲାଣ୍ଡ ଉପରେ ପର୍ଯ୍ୟବସିତ), ‘ନେପାଳ ଦର୍ଶନ’, ‘ସ୍ବପ୍ନର ଆମେରିକା’, ‘ତୁଷାର କନ୍ୟା’ (ଭୁଟାନ ଉପରେ), ‘ଦରିଆ ପାରି’ (ୟୁରୋପର ୯ଟି ଦେଶ ଏବଂ ଓମାନ୍‌ ଉପରେ) ଇତ୍ୟାଦି ହେଉଛି ଭ୍ରମଣ କାହାଣୀ ପୁସ୍ତକ ଏବଂ ‘ଶ୍ରୀ ଦାରୁବ୍ରହ୍ମଙ୍କ ନବକଳେବର’, ‘ଚାରିଧାମ’ (ବଦ୍ରିନାଥ, ରାମନାଥ, ଦ୍ୱାରକାନାଥ, ଜଗନ୍ନାଥ), ‘ଜ୍ୟୋତିର୍ଲିଙ୍ଗ ଦର୍ଶନ’ (ଦ୍ୱାଦଶ ଜ୍ୟୋତିର୍ଲିଙ୍ଗ) ଇତ୍ୟାଦି ହେଉଛି ଆଧ୍ୟାତ୍ମିକ ଭ୍ରମଣ କାହାଣୀ ପୁସ୍ତକ। ତେବେ ଏହିସବୁ ଲେଖା ପାଇଁ ଅନେକ ଅନୁଷ୍ଠାନ ମୋତେ ସମ୍ମାନିତ ମଧ୍ୟ କରିଛନ୍ତି। ତା’ଛଡ଼ା ନନା, ବୋଉଙ୍କ ନାଁରେ ହୋଇଥିବା ହରଗୌରୀ ପାଉଣ୍ଡେଶନ ତରଫରୁ ପ୍ରତିବର୍ଷ ଆମ ଗାଁ ହାଇସ୍କୁଲର ନବମଶ୍ରେଣୀ ଛାତ୍ରୀଛାତ୍ରଙ୍କୁ ମେଧାବୃତ୍ତି ଦେବା ସହିତ ସେମାନଙ୍କର ଅନ୍ୟାନ୍ୟ ଗଠନମୂଳକ କାର୍ଯ୍ୟରେ ସଂଶ୍ଲିଷ୍ଟ ହୋଇପାରୁଥିବାରୁ ଖୁବ୍‌ ଆତ୍ମଶାନ୍ତି ମିଳୁଛି। ଆଉ ଏସବୁ ମୋ କଠିନ ପରିଶ୍ରମ, ସଂଚାଳିତ ଜୀବନଯାପନ ତଥା ଶ୍ରୀଜଗନ୍ନାଥଙ୍କ କରୁଣାରୁ ହିଁ ସମ୍ଭବ ହୋଇପାରିଛି।

-ଅମ୍ବ୍ରିତା


Enter your email to get our daily news in your inbox.

All Right Reserved By Dharitri.Com

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ମୋଦିଙ୍କୁ ବିବାହ ନିମନ୍ତ୍ରଣ ପତ୍ର ଦେଲେ ରିଙ୍କୁ ସିଂହ; ଏହି ସାଂସଦଙ୍କ ହାତ ଧରିବେ କ୍ରିକେଟର

ନୂଆଦିଲ୍ଲୀ,୧୭।୧୧: ଭାରତୀୟ କ୍ରିକେଟ ଦଳର ବ୍ୟାଟର ରିଙ୍କୁ ସିଂହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିଜ ବିବାହ ପାଇଁ ନିମନ୍ତ୍ରଣ କରିଛନ୍ତି। ଏହା ପୂର୍ବରୁ, ରିଙ୍କୁ ଉତ୍ତର ପ୍ରଦେଶର…

ନ୍ୟୁଜିଲାଣ୍ଡରେ ପହଞ୍ଚୁ ପହଞ୍ଚୁ ଭୟଭୀତ ହୋଇଗଲେ ରବୀନ୍ଦ୍ର ଜାଡେଜା: କହିଲେ, ମୋ ଘୋଡ଼ା ବି…

ନୂଆଦିଲ୍ଲୀ,୧୭।୧୧: ଭାରତୀୟ କ୍ରିକେଟ ଦଳର ଷ୍ଟାର୍‌ ଅଲରାଉଣ୍ଡର ରବୀନ୍ଦ୍ର ଜାଡେଜା ନ୍ୟୁଜିଲାଣ୍ଡ ଗସ୍ତରେ ଟେଷ୍ଟ ସିରିଜ ପାଇଁ ଜୋରଦାର ପ୍ରସ୍ତୁତି କରୁଛନ୍ତି। ନେଟ୍ସରେ ଘଣ୍ଟା ଘଣ୍ଟା ଧରି…

ଗିଲ୍‌ କଲେ ବଡ଼ ଘୋଷଣା, ୪ ଦ୍ରୁତ ବୋଲରଙ୍କ ସହ ମଇଦାନକୁ ଓହ୍ଲାଇବ ଟିମ ଇଣ୍ଡିଆ, ଜାଣନ୍ତୁ ସେମାନେ କିଏ…

ନୂଆଦିଲ୍ଲୀ,୧୭।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ୱେଲିଂଟନରେ ଖେଳାଯିବ। ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଆରମ୍ଭ ନଭେମ୍ବର ୧୯ ତାରିଖରୁ ହେବ।…

QUAD ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି-ଟ୍ରମ୍ପଙ୍କ ମଧ୍ୟରେ ଗୁରୁତ୍ୱପୂର୍ଣ୍ଣ ବୈଠକ, ଚାଇନାକୁ ଲାଗିପାରେ ଝଟକା

ନୂଆଦିଲ୍ଲୀ,୧୭।୧୧: ଆମେରିକା, ଚାଇନା ଏବଂ ରୁଷିଆକୁ ନେଇ ହେବାକୁ ଥିବା ଉଚ୍ଚସ୍ତରୀୟ ବୈଠକଗୁଡ଼ିକ ପୂର୍ବରୁ, ‘କ୍ୱାଡ’ (Quad) ସଦସ୍ୟ ରାଷ୍ଟ୍ରଗୁଡ଼ିକର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବାକୁ…

ଶତକ ମାରିବା ପରେ ପକେଟରୁ ଚିଠି ବାହାର କଲେ ଏହି କ୍ରିକେଟର: ଚିଠି ପଢିଲେ ହୋଇଯିବେ ଭାବବିହ୍ବଳ

ଜୋହାନ୍ସବର୍ଗ,୧୭।୧୧: କ୍ରିକେଟ ପଡ଼ିଆରେ ଅନେକ ଖେଳାଳି ନିଜ ଅନନ୍ୟ ଅନ୍ଦାଜରେ ଶତକ ପାଳନ କରିଥାନ୍ତି। କିନ୍ତୁ ବାଂଲାଦେଶର ଉଇକେଟ୍‌କିପର ବ୍ୟାଟର ଲିଟନ ଦାସ ଏଥର ନିଜ ଶତକକୁ…

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?