Posted inଫୁରସତ

ପ୍ରଥମ ଦରମା ଟଙ୍କାରେ ପ୍ୟାଣ୍ଟଶାର୍ଟ କିଣିଥିଲି: ଶିକ୍ଷାବିତ୍‌ ଡ. ନୀଳାଦ୍ରି ଭୂଷଣ ହରିଚନ୍ଦନ

ଖୋର୍ଦ୍ଧା ଜିଲା ବାଣପୁର ବ୍ଲକ ଅନ୍ତର୍ଗତ ଗୋଡ଼ିଝର ଗାଁର ଏକ ପ୍ରତିଷ୍ଠିତ ପରିବାରରେ ମୋ ଜନ୍ମ। ଗାଁ ସ୍କୁଲ୍‌ରୁ ପ୍ରାଥମିକ ଶିକ୍ଷା ସମାପ୍ତ କରି ଗୋଦାବରୀଶ ବିଦ୍ୟାପୀଠରେ ପଢ଼ି ୧୯୬୩ରେ ଏକାଦଶ ଶ୍ରେଣୀ ପାସ୍‌ କରିଥିଲି। ତା’ପରେ ପୁରୀ ଏସ୍‌.ସି.ଏସ୍‌. କଲେଜରେ ୨ବର୍ଷ ପଢ଼ିବା ପରେ କଟକ ଖ୍ରୀଷ୍ଟ କଲେଜରେ ଓଡ଼ିଆ ଅନର୍ସ ରଖି ବି.ଏ. ପଢ଼ିଲି। ଏହାପରେ ରେଭେନ୍‌ଶାରେ ଏମ୍‌.ଏ. କଲି। ଏମ୍‌.ଏ. ପାସ୍‌ କରିବାର ମାତ୍ର ୨୦ ଦିନ ଭିତରେ ମୋତେ ରେଭେନ୍‌ଶା କଲେଜରେ ଓଡ଼ିଆ ଅଧ୍ୟାପକ ଭାବେ ନିଯୁକ୍ତି ମିଳିଗଲା। ୧୯୬୯ ନଭେମ୍ବର ମାସରୁ ମୋ ଚାକିରି ଜୀବନ ଆରମ୍ଭ ହୋଇଥିଲା। ମୂଳଦରମା ସହ ମହଙ୍ଗା ଭତ୍ତା ମିଶିକି ସେତେବେଳେ ୪୦୬ ଟଙ୍କା ଦରମା ମିଳୁଥିଲା। ଆମେ ୯ ଭାଇଭଉଣୀ ( ୫ ଭାଇ ଓ ୪ ଭଉଣୀ)ଙ୍କ ମଧ୍ୟରେ ମୁଁ ଥିଲି ୭ମ ନମ୍ବରରେ। ଆମ ଘରର ଚଳଣି ବି ସ୍ବଚ୍ଛଳ ଥିଲା। ତେଣୁ ମୋ ଦରମା ଟଙ୍କା ପ୍ୟାଣ୍ଟଶାର୍ଟ କିଣା ଓ ସାଙ୍ଗସାଥୀଙ୍କ ସହ ଖାଇବାପିଇବାରେ ଖର୍ଚ୍ଚ ହେଉଥିଲା। ଏମିତି ଦେଢ ବର୍ଷ ରେଭେନ୍‌ଶାରେ ରହିବା ପରେ ଭଦ୍ରକ କଲେଜକୁ ମୋର ବଦଳି ହେଲା। ହେଲେ ସେଠାରେ ମାତ୍ର କିଛି ବର୍ଷ ଅଧ୍ୟାପନା କରିବା ପରେ ପଶ୍ଚିମବଙ୍ଗ ଶାନ୍ତିନିକେତନସ୍ଥିତ ବିଶ୍ୱଭାରତୀ ବିଶ୍ୱବିଦ୍ୟାଳୟରେ ଓଡ଼ିଆ ଅଧ୍ୟାପକ ଭାବେ ମୋତେ ନିଯୁକ୍ତି ମିଳିଗଲା। ସେଠାରେ କ୍ରମେ ଅଧ୍ୟାପକରୁ ପ୍ରାଧ୍ୟାପକ ଆଉ ପ୍ରଫେସର୍‌ ଭାବେ ପ୍ରମୋଶନ ପାଇ ଶେଷରେ ୨୦୧୦ ଅକ୍ଟୋବର ୩୧ରେ ଚାକିରିରୁ ଅବସର ନେଇଥିଲି। ଏଠାରେ ମୁଁ ଦୀର୍ଘ ୩୬ ବର୍ଷ ଅଧ୍ୟାପନା କରିଥିଲି। ଆଉ ତା’ରି ଭିତରେ ‘ଓଡ଼ିଆ ନାଟକରେ ଇତିହାସର ପ୍ରତିଧ୍ୱନି’ ଉପରେ ଥେସିସ୍‌ ଲେଖି ଉତ୍କଳ ବିଶ୍ୱବିଦ୍ୟାଳୟରୁ ୧୯୭୮ରେ ପିଏଚ୍‌.ଡି. ଡିଗ୍ରୀ ହାସଲ କରିବା ସହ ‘ଆଧୁନିକ ଓଡ଼ିଆ ନାଟକରେ ବାସ୍ତବ ଓ ଉଦ୍ଭଟ ଚେତନା’ ଉପରେ ରିସର୍ଚ୍ଚ କରି ବିଶ୍ୱଭାରତୀ ବିଶ୍ୱବିଦ୍ୟାଳୟରୁ ୧୯୯୨ରେ ଡି.ଲିଟ୍‌ ପାଇଥିଲି। ଏ ତ ଥିଲା ମୋ ପାଠପଢ଼ା ଓ ଚାକିରି ଜୀବନ କଥା। ଏହାବାଦ୍‌ ଲେଖାଲେଖିରେ ବି ମୋର ରୁଚି ରହିଛି। ସ୍କୁଲ୍‌ ପଢ଼ା ସମୟରୁ କବିତା ଲେଖୁଥିଲି। କିନ୍ତୁ ଚାକିରି କରିବା ପରେ କବିତା ସହିତ ସମାଲୋଚନା ଭିତ୍ତିକ ଲେଖା, ନାଟକ, ପ୍ରବନ୍ଧ ତଥା ଅନୁବାଦ କରିବା ଆରମ୍ଭ କଲି। ଫଳରେ ୨୦ଟି ସମାଲୋଚନା ଭିତ୍ତିକ ପୁସ୍ତକ, ୧୦ଟି କବିତା ସଂକଳନ, ୧୦ଟି ଅନୁବାଦ ପୁସ୍ତକ ଓ ୨୫ଟି ନାଟ୍ୟପୁସ୍ତକ ମୋର ପ୍ରକାଶ ପାଇସାରିଛି। ତନ୍ମଧ୍ୟରୁ ”ଭୀମ ଭୋଇଙ୍କ ସନ୍ଧାନରେ, ସ୍ବର୍ଗାରୋହଣ, ମୁଣ୍ଡ ଉପରେ ଛାତ, କଲୁରୀ ବେଣ୍ଟ, ସତ୍ୟ ସଂଶୟ ସାଲବେଗ“ ଇତ୍ୟାଦି ନାଟ୍ୟପୁସ୍ତକକୁ ଆଧାର କରି କେତେକ ସ୍ଥାନରେ ନାଟକ ପରିବେଷଣ ମଧ୍ୟ ହୋଇଛି। ସେହିପରି ମୋର କବିତା ସଂକଳନ ଭିତରେ ”ନୀଳ ଚନ୍ଦନର ଭୁଲ୍‌ ଠିକଣା, ସମ୍ବୋଧନ ହୀନ, ନିର୍ବୋଧ ଲୋକର ପୃଥିବୀ, ଅଚାନକ ବୃହନଳା, ଇତିହାସ ଲେଖିବାର ମୁହୂର୍ତ୍ତ, ସମୁଦ୍ର ନିରୁତ୍ତର, ଆଉ ଗୋଟିଏ ଜନ୍ମର ଅପେକ୍ଷା, ସୌନ୍ଦର୍ଯ୍ୟ ଖୋଜି ଖୋଜି ଈଶ୍ୱର“ ଇତ୍ୟାଦି ହେଉଛି ଅନ୍ୟତମ। ଏହି ଲେଖାଲେଖି ପାଇଁ ମୋତେ ଅନେକ ପୁରସ୍କାର ଓ ସମ୍ମାନ ବି ମିଳିଛି। ଯେମିତିକି: ପ୍ରବନ୍ଧ ଓ ସମାଲୋଚନା ଭିତ୍ତିକ ଲେଖା ପାଇଁ ପ୍ରଜାତନ୍ତ୍ର ପ୍ରଚାର ସମିତି ତରଫରୁ ଝଙ୍କାର ପୁରସ୍କାର ଓ ନାଟକ ପାଇଁ ଜଷ୍ଟିସ୍‌ ହରିହର ମହାପାତ୍ର ବିଷୁବ ପୁରସ୍କାର, ପ୍ରବନ୍ଧ ପାଇଁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ନାଟକ ପାଇଁ ଉତ୍କଳ ସାହିତ୍ୟ ସମାଜ ପୁରସ୍କାର ଓ ଆକାଶବାଣୀ କଟକ ପୁରସ୍କାର, କବିତା ପାଇଁ ଜୀବନ ରଙ୍ଗ ପୁରସ୍କାର ଓ ଗଙ୍ଗାଧର ରଥ ଫାଉଣ୍ଡେଶନ ତରଫରୁ ଭାନୁଜୀ ରାଓ କବିତା ପୁରସ୍କାର ଇତ୍ୟାଦି ଥିଲା ପ୍ରମୁଖ। ସେହିପରି ସାମଗ୍ରିକ କୃତି ପାଇଁ ଶାରଳା ସାହିତ୍ୟ ସଂସଦ ତରଫରୁ ମିଳିଛି ପଣ୍ଡିତ ଗୋଦାବରୀଶ ମିଶ୍ର ସମ୍ମାନ, ଯାହା ମୋତେ ଅନେକ ଖୁସି ଆଣି ଦେଇଛି। ତେବେ ଲେଖାଲେଖିର ଧାରା ମୋର ଏବେ ବି ଜାରି ରହିଛି। ବିଭିନ୍ନ ପତ୍ରପତ୍ରିକା ଓ ଖବରକାଗଜରେ ମଧ୍ୟ ମୋ ଲେଖା ବାହାରୁଛି। ବିଶେଷକରି ପୂଜା ବିଶେଷାଙ୍କରେ ମୋର ଅନେକ ଲେଖା ପ୍ରକାଶ ପାଉଛି। ଲେଖାଲେଖି ସହିତ ବିଭିନ୍ନ କଲେଜ, ବିଶ୍ୱବିଦ୍ୟାଳୟ ତଥା ସାଂସ୍କୃତିକ ଅନୁଷ୍ଠାନ ତରଫରୁ ଆୟୋଜିତ ହେଉଥିବା ସେମିନାରରେ ଯୋଗଦେବାକୁ ଅତିଥି ଭାବେ ଆମନ୍ତ୍ରିତ ହୋଇ ବି ଯାଉଛି। ଭଗବାନଙ୍କ କୃପାରୁ ଆଜିଯାଏଁ ସବୁ ଠିକ୍‌ଠାକ୍‌ ଚାଲିଛି ଆଉ ଆଗକୁ ବି ଏମିତି ସବୁ ଭଲ ରହିବ ବୋଲି ମୋର ଆଶା ଓ ବିଶ୍ୱାସ ରହିଛି। -ଅମ୍ବ୍ରିତା


Enter your email to get our daily news in your inbox.

All Right Reserved By Dharitri.Com

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

ଜୀବନ୍ତ ଫେରି ନ ପାରେ: ଇମ୍ରାନ୍‌ ଖାନ୍‌

ଇସ୍‌ଲାମାବାଦ,୧୭ା୧୧(ପି.ଟି.): ଜେଲରେ ଥିବା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଦେଶର ପ୍ରଧାନ ବିଚାରପତି ଏବଂ ଅନ୍ୟ ମୁଖ୍ୟ ବିଚାରପତିମାନଙ୍କୁ ଏକ ଖୋଲା ଚିଠି ଲେଖି ତାଙ୍କ…

ମା’ଙ୍କ ପୁସ୍ତକ ଉନ୍ମୋଚନ ବେଳେ ରାହୁଲ ଭାବବିହ୍ବଳ

ନୂଆଦିଲ୍ଲୀ,୧୭ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ଲିଖିତ ଜୀବନୀ ପୁସ୍ତକ ‘ବିଲଙ୍ଗିଙ୍ଗ୍‌: ଏ ଜର୍ନି ଅଫ୍‌ ଲଭ୍‌’ର ଆନୁଷ୍ଠାନିକ ଉନ୍ମୋଚନ ସୋମବାର ନୂଆଦିଲ୍ଲୀରେ ହୋଇଛି। ଏହି କାର୍ଯ୍ୟକ୍ରମରେ…

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?