Posted inଫୁରସତ

ପୁରୁଷପ୍ରଧାନ କ୍ଷେତ୍ରରେ ସଫଳ ମହିଳା ଫଟୋଗ୍ରାଫର

ହାତରେ କ୍ୟାମେରା ଧରି ଏହି ନାରୀମାନେ ବାହାରିଥିଲେ ସମାଜର ନିଚ୍ଛକ ବାସ୍ତବତା, ପ୍ରକୃତିର ସୌନ୍ଦର୍ଯ୍ୟ ଓ ସାମାଜିକ ଜୀବନର ବିଭିନ୍ନ ଘଟଣାବଳୀକୁ ନିଜ କ୍ୟାମେରାରେ ଆବଦ୍ଧ କରିବା ପାଇଁ, ଆଉ ପୁରୁଷପ୍ରଧାନ ଏହି କ୍ଷେତ୍ରରେ ନିଜର ସ୍ବତନ୍ତ୍ର ଛାପ ଛାଡିବା ପାଇଁ। ଶେଷରେ ସେମାନେ ସଫଳ ହୋଇଛନ୍ତି ଓ ସାଜିଛନ୍ତି ଅନ୍ୟ ମହିଳାଙ୍କ ପାଇଁ ଉଦାହରଣ…

ହୋମି ଭାୟରାଓ୍ବାଲା- ଭାରତର ପ୍ରଥମ ମହିଳା ଫଟୋଗ୍ରାଫର ହେଉଛନ୍ତି ହୋମି ଭାୟରାଓ୍ବାଲା। ସେ ତାଙ୍କର ଛଦ୍ମନାମ ‘ଡାଲଡା୧୩’ରେ ବେଶି ପରିଚିତ ଥିଲେ। ୩୦ଦଶକର ଶେଷବେଳକୁ ସେ ଫଟୋଗ୍ରାଫର ଭାବେ କାମ ଆରମ୍ଭ କରିଥିଲେ। ୧୯୭୦ରେ ଅବସର ନେଇଥିଲେ। ସେ ପଦ୍ମବିଭୂଷଣ ସମ୍ମାନରେ ବି ସମ୍ମାନିତ ହୋଇଥିଲେ। ପ୍ରଥମେ ସେ ମୁମ୍ବାଇର ‘ଦି ଇଲୁଷ୍ଟ୍ରେଟେଡ ଓ୍ବିକଲି ଅଫ୍‌ ଇଣ୍ଡିଆ’ ପତ୍ରିକାରେ କାମ କରି ପ୍ରଶଂସିତ ହୋଇଥିଲେ। ପ୍ରାରମ୍ଭିକ ସମୟରେ ସେ ଉତ୍ତୋଳନ କରୁଥିବା ଫଟୋକୁ ତାଙ୍କ ସ୍ବାମୀଙ୍କ ନାମରେ ପ୍ରକାଶ କରୁଥିଲେ। ଏମିତିକି ତାଙ୍କର ଅଧିକାଂଶ ଫଟୋ ଛଦ୍ମ ନାମରେ ପ୍ରକାଶ ପାଉଥିଲା। ଧୀରେ ଧୀରେ ତାଙ୍କ କାମ ଜାତୀୟ ସ୍ତରରେ ପ୍ରଶଂସିତ ହେଲା। ଆଉ ସେ ସାମ୍‌ନାକୁ ଆସିଲେ। ଭାୟରାଓ୍ବାଲା ବହୁ ବଡ଼ ବଡ଼ ରାଜନେତା ଯେମିତିକି, ମହାତ୍ମା ଗାନ୍ଧୀ, ଇନ୍ଦିରା ଗାନ୍ଧୀ, ଜବାହରଲାଲ ନେହେରୁ, ମହମ୍ମଦ ଅଲ୍ଲୀ ଜିନାଙ୍କ ଫଟୋ ଉତ୍ତୋଳନ କରିଛନ୍ତି। ଗୁଗୁଲ ତାଙ୍କ ୧୦୪ତମ ଜନ୍ମଦିବସ ଅବସରରେ ‘ଫାଷ୍ଟ ଲେଡି ଅଫ୍‌ ଦି ଲେନ୍ସ’ଭାବେ ଡୁଡଲ୍‌ କରି ସମ୍ମାନିତ କରିଥିଲା।
ଦୟନିତା ସିଂ- ୧୯୬୧ ମସିହାରେ ଦୟନିତାଙ୍କ ଜନ୍ମ। ତାଙ୍କ ଦ୍ୱାରା ଉତ୍ତୋଳିତ ଫଟୋରେ ଥାଏ ଅନେକ କାହାଣୀ। ସେ ବିଶେଷକରି ଫଟୋସବୁକୁ ପୁସ୍ତକ କରି ପ୍ରକାଶ କରନ୍ତି। ଏହାମଧ୍ୟରେ ସେ ୧୨ଟି ଫଟୋ ସଂକଳିତ ପୁସ୍ତକ ପ୍ରକାଶ କରିସାରିଛନ୍ତି। ସେହି ପୁସ୍ତକରେ ସେ ଫଟୋ ସହ ଜଡିତ ଘଟଣାବଳୀକୁ ବେଶ୍‌ ଜୀବନ୍ତଭାବେ ବର୍ଣ୍ଣନା କରିଥାଆନ୍ତି। ୨୦୦୮ରେ ସେ ‘ପ୍ରିନ୍ସ କ୍ଲଜ୍‌’ ସମ୍ମାନରେ ସମ୍ମାନିତ ହୋଇଥିଲେ। ସେ ହେଉଛନ୍ତି ପ୍ରଥମ ଭାରତୀୟ ଯେକି ଲଣ୍ଡନର ହଓ୍ବୋର୍ଡ ଗ୍ୟାଲେରିରେ ସୋଲୋ ଶୋ’ କରିବାର ସୁଯୋଗ ପାଇଥିଲେ।

ପାମେଲା ବୋର୍ଡେସ୍‌- ପାମେଲାଙ୍କ ଜନ୍ମ ୧୯୬୧ରେ। ସେ ପୂର୍ବତନ ମିସ୍‌ ଇଣ୍ଡିଆ ସହ ଜଣେ ପ୍ରସିଦ୍ଧ ଫଟୋଗ୍ରାଫର୍‌ ବି। ଫଟୋଗ୍ରାଫିରେ ଆଗ୍ରହ ଥିବାରୁ ସେ ଫଟୋ ଜର୍ନାଲିଜମ୍‌କୁ କ୍ୟାରିୟର୍‌ଭାବେ ଗ୍ରହଣ କରିଥିଲେ। ଦୀର୍ଘ ୨୦ ବର୍ଷ ସେ ଫଟୋଗ୍ରାଫି କରିଥିଲେ।

ସୁନି ତାରାପୋରଓ୍ବାଲା- ୧୯୫୭ରେ ଜନ୍ମିତ ସୁନି ଏକାଧାରରେ ଜଣେ ସ୍କ୍ରିନ୍‌ରାଇଟର୍‌, ଚଳଚ୍ଚିତ୍ର ନିର୍ଦ୍ଦେଶକ ଓ ଜଣେ ଚମତ୍କାର ଫଟୋଗ୍ରାଫର୍‌। ଫଟୋଗ୍ରାଫର ରଘୁବୀର ସିଂଙ୍କ ପରାମର୍ଶ କ୍ରମେ ସେ ତାଙ୍କ ‘ପାର୍ସୀ କମ୍ୟୁନିଟି’ ନାମକ ପୁସ୍ତକରେ କାମ କରିଥିଲେ। ପାର୍ସୀ ପରିବାର ଉପରେ ଉଠାଇଥିବା ଫଟୋସବୁ ସେଥିରେ ସ୍ଥାନିତ ହୋଇଥିଲା। ତାଙ୍କ ଫଟୋସବୁ ଆମେରିକା, ଫ୍ରାନ୍ସ, ବ୍ରିଟେନ୍‌ ଏମିତିକି ଲଣ୍ଡନର ଟାଟେ ମଡର୍ନ ଗ୍ୟାଲେରିରେ ପ୍ରଦର୍ଶିତ ହୋଇଛି। ତାଙ୍କର ‘ଏ କଫି ଟେବୁଲ’ ଫଟୋଗ୍ରାଫି ପୁସ୍ତକ ବହୁପ୍ରଶଂସିତ ହୋଇଥିଲା। ୨୦୧୪ରେ ସେ ‘ପଦ୍ମଶ୍ରୀ’ ସମ୍ମାନରେ ସମ୍ମାନିତ ହୋଇଥିଲେ।

ରଥିକା ରାମାସାମୀ- ରଥିକା ହେଉଛନ୍ତି ଜଣେ ଓ୍ବାଇଲ୍ଡ ଲାଇଫ୍‌ ଫଟୋଗ୍ରାଫର୍‌। ଚେନ୍ନାଇର ଛୋଟ ସହର ଭେଙ୍କଟାଚଲପୁରମ୍‌ରେ ତାଙ୍କ ଘର। ପ୍ରଥମେ ସଫ୍ଟଓ୍ବେର ଇଞ୍ଜିନିୟର୍‌ଭାବେ କାମ କରୁଥିଲେ ରଥିକା। ଉପହାରସ୍ବରୂପ ପାଇଥିବା ଏକ କ୍ୟାମେରା ତାଙ୍କ ଜୀବନ ବଦଳାଇ ଦେଇଥିଲା। ଆଉ ସେ ଫଟୋଗ୍ରାଫି ଆଡକୁ ଆକୃଷ୍ଟ ହୋଇଥିଲେ। ପକ୍ଷୀମାନଙ୍କ ଫଟୋ ଉଠାଇବାରେ ତାଙ୍କର ବେଶ୍‌ ରୁଚି ରହିଛି।

ବସୁଧା ଚକ୍ରବର୍ତ୍ତୀ- ବସୁଧା ହେଉଛନ୍ତି ଜଣେ ପ୍ରସିଦ୍ଧ ଓ୍ବାଇଲ୍ଡ ଲାଇଫ୍‌ ଫଟୋଗ୍ରାଫର୍‌। ସେ ନୀଳଗିରି ଜଙ୍ଗଲରେ ତିନିବର୍ଷ ରହି ପ୍ରକୃତିର ସୁନ୍ଦର ଦୃଶ୍ୟସବୁକୁ ନିଜ ଲେନ୍ସରେ ଆବଦ୍ଧ କରିଛନ୍ତି। ସେ କିଛି ସିନେମାଟୋଗ୍ରାଫରଙ୍କ ସହ ବି କାମ କରିଛନ୍ତି। ଭାରତର ବିଭିନ୍ନ ସ୍ଥାନ ଭ୍ରମଣ କରି ବସୁଧା ବନ୍ୟଜୀବଜନ୍ତୁଙ୍କ ଫଟୋ ଉତ୍ତୋଳନ କରିଥାଆନ୍ତି।

ଅନୁଷ୍କା ମେନନ୍‌- ଅନୁଷ୍କା ହେଉଛନ୍ତି ଦିଲ୍ଲୀର ଜଣେ ଯୁବ ପ୍ରତିଭାବାନ ଫ୍ୟାଶନ୍‌ ଫଟୋଗ୍ରାଫର୍‌। ତାଙ୍କ ଫ୍ୟାଶନ୍‌ ଫଟୋଗ୍ରାଫିରେ ପାରମ୍ପରିକତାର ଝଲକ ଦେଖିବାକୁ ମିଳିଥାଏ। ସେ ବହୁ ବଡ଼ ବଡ଼ ସେଲିବ୍ରିଟି ଯେମିତିକି- ଗାବ୍ରିଏଲ ରିଟ୍‌, ଶହରୁଖ ଖାଁ, ମ୍ୟୁଜିସିଆନ୍‌ ଅନୁଷ୍କା ଶଙ୍କର ଆଦିଙ୍କ ସହ କାମ କରିଛନ୍ତି। ସେହିଭଳି ରେନିକା କନ୍ଧାରୀ, ହର୍ସିନ ଜମ୍ମୁ, ସଂଯୁକ୍ତା ବାସୁ ଓ ନୈନା ରେଧୁ ବି ଫଟୋଗ୍ରାଫି କ୍ଷେତ୍ରରେ ନାଁ କମେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ପିଲାଟି ଜନ୍ମ ହେବା କ୍ଷଣି ଜଣାପଡ଼ିଲା ବୟସ ୨୭, ମା’ଠାରୁ ମାତ୍ର ଦେଢ଼ ବର୍ଷ ସାନ

ଓ୍ବାଶିଂଟନ,୪ା୧୨: ବିଜ୍ଞାନ ଯେ, ଅଗ୍ରଗତି କରିଛି ତାହା ଅସ୍ବୀକାର କରାଯାଇପାରେନା। କାରଣ ଆମେରିକାରେ ଏମିତି ଶିଶୁ ଜନ୍ମ ନେଇଛି ଯାହାର ବୟସ ୨୭ ବର୍ଷ। ଏପରିକି...

ତେଜରାତି ଦୋକାନରେ ଦୁଇ ମୂଷାଙ୍କ ଜୋର୍‌ଦାର ଲଢ଼େଇ, ଭିଡିଓ ଦେଖିଲେ ହସିହସି ଗଡ଼ିବେ

ସୋସିଆଲ ମିଡିଆରେ ଏବେ ଏମିତି ଏକ ଭିଡିଓ ଭାଇରାଲ ହୋଇଛି, ଯାହାକୁ ଦେଖିଲେ ହସିହସି ଗଡ଼ିଯିବେ। ଏହି ଭିଡିଓରେ ଏକ ତେଜରାତି ଦୋକାନରେ ଦୁଇଟି ମୂଷା...

କେଶହୀନ କନିଆ

ବିବାହ ବେଳେ କନିଆର ଶୃଙ୍ଗାର ସମସ୍ତଙ୍କୁ ଆକୃଷ୍ଟ କରେ। ଶୃଙ୍ଗାର ଭିତରେ କେଶ ବିନ୍ୟାସର ଥାଏ ବିଶେଷ ଗୁରୁତ୍ୱ। କନିଆର କେଶ ଯେତେ ସୁନ୍ଦର କେଶ...

ରୋଷେଇ ଘର ପାଣି ପାଇପରୁ ବାହାରିଲା ମଦ: ଲୋକେ ଆଶ୍ଚର୍ଯ୍ୟ

ତ୍ରିଶୂର,୬।୨: ଘରକୁ ଦିଆଯାଇଥିବା ପାଣି ପାଇପରୁ ପାଣି ବଦଳରେ ମଦ ବାହାରିବା ଦେଖି ଯେ କେହି ଆଶ୍ଚର୍ଯ୍ୟ ହେବା ସ୍ବାଭାବିକ କଥା। ତେବେ କେରଳର ତ୍ରିଶୂର...

ଏମିତି ମନ୍ଦିର ଯେଉଁଠି ରୋବଟ୍‌ ପୂଜାରୀ

ସାଧାରଣତଃ ମନ୍ଦିରରେ ପୂଜାରୀମାନେ ପୂଜା କରିଥାନ୍ତି। ମାତ୍ର ଏମିତି ଏକ ମନ୍ଦିର ରହିଛି ଯେଉଁଠି ପୂଜାରୀ ନୁହନ୍ତି, ରୋବଟ୍‌ କରିଥାନ୍ତି ପୂଜା। ଏପରି ମନ୍ଦିର ରହିଛି...

ବହି କିଣିବାକୁ ଚାପ ପ୍ରୟୋଗ କଲେ ସ୍କୁଲ ଦେବ ଜରିମାନା

ପାଟନା: ପାଟନା ଡିଭିଜନର ବେସରକାରୀ ସ୍କୁଲ୍‌ ଆଗାମୀ ସେଶନ୍‌ରେ ୭ ପ୍ରତିଶତରୁ ଅଧିକ ଦେୟ ବୃଦ୍ଧି କରିପାରିବେ ନାହିଁ ବୋଲି ଡିଭିଜନ ଅଧ୍ୟକ୍ଷ ନିର୍ଦ୍ଦେଶ ଦେଇଛନ୍ତି।...

ଆତ୍ମହତ୍ୟାକାରୀଙ୍କୁ ଯେଉଁଠି ମିଳେ ‘ବୀର’ର ମାନ୍ୟତା…

ୟୁରୋପର ହଙ୍ଗେରୀରେ ଆତ୍ମହତ୍ୟାକାରୀଙ୍କୁ ‘ବୀର’ର ମାନ୍ୟତା ଦିଆଯାଏ। ଏଠାରେ ଆତ୍ମହତ୍ୟାକାରୀଙ୍କ ସଂଖ୍ୟା ଅନ୍ୟ ଦେଶ ତୁଳନାରେ ଅଧିକ । ବିଭିନ୍ନ ସମସ୍ୟା ଯୋଗୁ ଏଠାରେ ଅଧିକାଂଶ...

ଜୋତା ଦାନକରି ଜନତାଙ୍କ ହୃଦୟ ଜିତିଲା ଇନ୍ଦୋର ପୋଲିସ

ଇନ୍ଦୋର,୧୧।୫: ଦେଶରେ କରୋନା ସଂକ୍ରମଣ ବେଳକୁ ବେଳ ବୃଦ୍ଧି ପାଉଥିବା ବେଳେ ଦିନକୁ ଦିନ ନୂଆ ସମସ୍ୟାମାନ ମଧ୍ୟ ମୁଣ୍ଡ ଟେକୁଛି। କରୋନା ସଂକ୍ରମଣକୁ ନେଇ...

Play 250+ Trending Games
Archives

Model This Week

Why Dharitri