ପରିବା ବେପାରୀଙ୍କୁ କରୋନା ଭୟ

ଭୁବନେଶ୍ୱର, ୧୧ା୪(ବ୍ୟୁରୋ): କଟକ ଓ ଭୁବନେଶ୍ୱରେ ପନିପରିବା ଦର ହୁ ହୁ ହୋଇ ବଢୁଛି। ୪୦ଟଙ୍କା ତଳକୁୁ କାୈଣସି ପନିପରିବା ମିଳୁ ନାହିଁ। ଆଳୁ ପିଆଜଠାରୁ ଆରମ୍ଭ କରି ଅଦା, ରସୁଣ, ପନିପରିବା ସବୁ କିଛି ମହଙ୍ଗା ହୋଇଛି। ଅଦା କିଲୋ ୧୫୦ ଟଙ୍କା ହୋଇଥିବାବେଳେ ରସୁଣ କିଲୋ ୧୬୦ରୁ ୨୦୦ ଟଙ୍କାରେ ବିକ୍ରି ହେଉଛି। ସେହିପରି କଞ୍ଚା ପରିବା ଦର ୪୦ଟଙ୍କାରୁ ଆରମ୍ଭ ହୋଇ ୧୦୦ଟଙ୍କାକୁ ଛୁଇଁଲାଣି। ଖୁଚୁରା ବେପାରୀଙ୍କ ଗୋଟିଏ କଥା ରାଜ୍ୟ ବାହାରୁ କିଛି ଆମଦାନୀ ହେଉନି। ଆମେ ଅଧିକ ଦରରେ କିଣୁଥିବାରୁ ଅଧିକ ଦାମରେ ବିକ୍ରି କରୁଛୁ। ଚଢ଼ା ଦର ହେଲେ ମଧ୍ୟ ଲୋକମାନେ ବାଧ୍ୟ ହୋଇ କିଣୁଛନ୍ତି। କାମଧନ୍ଦା ବନ୍ଦ ସାଙ୍ଗକୁ ଖର୍ଚ୍ଚ ବଢି ଯାଇଛି। ଉଚ୍ଚ ଆୟବର୍ଗଙ୍କ ପାଇଁ ଅସୁବିଧା ହେଉ ନ ଥିବାବେଳେ ଦିନ ମଜୁରିଆ, ଶ୍ରମିକ, ନିମ୍ନ ଆୟବର୍ଗଙ୍କ ପାଇଁ ବୋଝ ଉପରେ ନଳିତା ବିଡ଼ା ହୋଇଛି। ଲକ୍‌ଡାଉନ୍‌ ଅବଧିକୁ ରାଜ୍ୟ ସରକାର ଆସନ୍ତା ୩୦ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି। ଏହି ଲକ୍‌ଡାଉନ ଯୋଗୁ ସବୁ ଗର୍ବର ଲୋକେ ଏବେ ଘରେ ବନ୍ଦ ହୋଇ ରହିଛନ୍ତି। ଭୁବନେଶ୍ୱର ଆଦିମାତା ବସ୍ତିରେ ରହୁଥିବା ରାଜମିସ୍ତ୍ରି ସନିଆ ସାହୁ କହିଛନ୍ତି ଯେ, ୧୫ଦିନ ହେଲାଣି କାମ ଧନ୍ଦା ବନ୍ଦ। ଘରେ ଟଙ୍କା ପଇସା କିଛି ନାହିଁ। ଚାଉଳ ଗଣ୍ଡାକ ମିଳିଥିଲେ ମଧ୍ୟ ହାଟ ସଉଦା ପାଇଁ ପାଖରେ ପଇସା ନାହିଁ। କେବେ କ’ଣ ହେବ ଆମ ସଂସାର ପୁଣି ଚାଲିବ ତାହା ଭଗବାନଙ୍କୁ ଜଣା। ମଞ୍ଚେଶ୍ୱର ରେଳବାଇ କଲୋନୀ ନିକଟରେ ପରିବା ବିକ୍ରି କରିବାକୁ ବାରଙ୍ଗରୁ ଆସୁଥିବା ସନାତନ ବେହେରା କହିଛନ୍ତି ଯେ, ମୋ ବୟସ ୬୫ ହେଲାଣି। ଘରେ ୫ ପ୍ରାଣୀ। ଆଖପାଖରୁ ପନିପରିବା ଆଣି ବିକ୍ରିି କରି ଦି’ ପଇସା ପାଏ। ହେଲେ କରୋନା ଭୂତାଣୁର ଭୟ ଆସିବା ଦିନଠାରୁ ମୋ ବେପାର ମାନ୍ଦା। ସ୍ତ୍ରୀ ସହରକୁ ଯିବାକୁ ଆକଟ କରୁଛି। ୫ଦିନ ଘରେ ବସିବା ପରେ ଆଜି କିଛି ପରିବା ଆଣି ବଢ଼ି ଭୋରରୁ ଆସିଥିଲି। ହାତମୁହଁକୁ ଗାମୁଛାରେ ଘୋଡ଼େଇ ହୋଇ ବସିଛି। ଘରେ କେତେଦିନ ବସି ରହିବି। ସଂସାର କେମିତି ଚଳିବ। ଆମ ଜନ୍ମରୁ ଏମିତି ଅବସ୍ଥା କେବେ ଦେଖି ନ ଥିଲେ ବୋଲି ସନାତନ କହିଛନ୍ତି। ରାଜଧାନୀରେ ଅନେକ ପରିବା ବ୍ୟବସାୟୀ କୋଭିଡ-୧୯ ଭୟରେ ଘରୁ ଆସିବାକୁ ଭୟ କରୁଥିବାବେଳେ ଆଉକେତେକ ପୋଲିସ ମାଡ଼ ଭୟରେ ଆସୁ ନାହାନ୍ତି। ଭୁବନେଶ୍ୱର-କଟକ ପୋଲିସ କମିଶନର ବେପାରିଙ୍କୁ ଆଶ୍ୱାସନା ଦେଲେ ମଧ୍ୟ ବାରଙ୍ଗ, ଖୁଣ୍ଟୁଣି, ବାଙ୍କୀ, ଖୋର୍ଦ୍ଧାରୁ ପରିବା ପୋରି ଆସୁ ନାହାନ୍ତି। ଯେଉଁମାନେ ପରିବା ଆଣି ସହରକୁ ଆସୁଛନ୍ତି ତାଙ୍କୁ ଗାଁରେ ବାସନ୍ଦ କରାଯାଉଛି। ଆଉ ଏହାର ଫାଇଦା ନେଉଛନ୍ତି କେତେଜଣ ଅସାଧୁ ବ୍ୟବସାୟୀ। କଳାବଜାର ରୋକିବାକୁ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ସ୍ବତନ୍ତ୍ର ସ୍କ୍ବାଡ୍‌ ଗଢାଯାଇଥିଲେ ମଧ୍ୟ ସବୁ ବ୍ୟବସାୟୀଙ୍କୁ ଆକଟ କରିବା ସମ୍ଭବ ହେଉ ନାହିଁ। କରୋନା ଯୋଗୁ ଲୋକମାନଙ୍କ ଜୀବନଜୀବିକା ଉପରେ ଶକ୍ତ ଆଘାତ ହୋଇଛି। ସାମାଜିକ, ଅର୍ଥନୈତିକ ସବୁକିଛି ଉଜୁଡ଼ି ଯାଇଛି। ଭବିଷ୍ୟତରେ ପରିସ୍ଥିତି ସୁଧୁରିବ କି ଆହୁରି ବିଗିଡ଼ିବ ତାହା ଲକ୍‌ଡାଉନ ହଟିବା ପରେ ଜଣାପଡ଼ିବ ବୋଲି ଲୋକମାନେ ମତପ୍ରକାଶ କରୁଛନ୍ତି।


Enter your email to get our daily news in your inbox.

All Right Reserved By Dharitri.Com

ଖୁବ୍‌ଶୀଘ୍ର ଏସ୍‌ସିବିରେ ଏକ୍‌ମୋ ଚିକିତ୍ସା

ଭୁବନେଶ୍ୱର,୭।୬(ବ୍ୟୁରୋ): ଏସ୍‌ସିବି ମେଡିକାଲରେ ଏକ୍‌ମୋ ଚିକିତ୍ସା ସେବା ଖୁବ୍‌ଶୀଘ୍ର ଆରମ୍ଭ ହେବ। ଏଥିପାଇଁ ୬ଟି ମେଶିନ ଆସିବାକୁ ଥିବାବେଳେ କାର୍ଡିଓଥେରାସିସ୍‌ ବିଭାଗରେ ସ୍ଥାପନ ପ୍ରକ୍ରିୟା ଆରମ୍ଭ...

ଗଞ୍ଜାମକୁ ପୁଣି ଡରାଉଛି କରୋନା

ଛତ୍ରପୁର,୧୪।୩: ମହାରାଷ୍ଟ୍ର ସମେତ ଦେଶର ୬ଟି ରାଜ୍ୟରେ ଏବେ କରୋନାର ଦ୍ୱିତୀୟ ଲହର ଦେଖିବାକୁ ମିଳିଛି। ମହାରାଷ୍ଟ୍ରର କେତେକ ସହରରେ ଏବେ ଲକ୍‌ଡାଉନ୍‌ ଚାଲିଛି। ଏପଟେ...

ପ୍ରତ୍ୟେକ ଜିଲାରୁ ମଗାଗଲା ପିଲାଙ୍କ ତଥ୍ୟ

ଭୁବନେଶ୍ୱର,୨୬।୧୨ (ବ୍ୟୁରୋ): କରୋନା ସଂକ୍ରମଣକୁ ପ୍ରତିହତ କରିବା ପାଇଁ ଟିକାକରଣ ଏବଂ ଗାଇଡ୍‌ଲାଇନ୍‌ ପାଳନକୁ ଗୁରୁତ୍ୱ ଦିଆଯାଉଛି। ଓମିକ୍ରନ୍‌ ସଂକ୍ରମଣକୁ ଦୃଷ୍ଟିରେ ରଖି ଦେଶରେ ୧୫ରୁ...

‘ମୋ କଲେଜ ଅଭିଯାନ’ ଶୁଭାରମ୍ଭ

ଭୁବନେଶ୍ୱର, ୨୨।୩(ବ୍ୟୁରୋ):‘ମୋ ସ୍କୁଲ୍‌’ର ସଫଳତା ପରେ ରାଜ୍ୟ ସରକାର ‘ମୋ କଲେଜ ଅଭିଯାନ’ ଆରମ୍ଭ କରିଛନ୍ତି। ରବିବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଅଭିଯାନକୁ ଭିଡିଓ...

ଦୁର୍ଘଟଣାରେ ମାମୁ-ଭଣଜା ମୃତ, ଭାଣିଜୀ ଗୁରୁତର

ମାଲକାନଗିରି,୨୩।୫: ମାଲକାନଗିରି ଜିଲା ଗୌଡ଼ଗୁଡ଼ାରେ ରବିବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ମାମୁ ଓ ଭଣଜାଙ୍କ ମୃତ୍ୟୁ ଘଟିଛି। ସେହିପରି ଭାଣିଜୀ ଗୁରୁତର ଆହତ ହୋଇଛନ୍ତି।...

ଲକ୍‌ଡାଉନ୍‌ରେ ଶିଶୁ, କିଶୋରଙ୍କୁ ସୃଜନଶୀଳ କରିବାକୁ ନିଆରା ପ୍ରୟାସ: ଆରମ୍ଭ ହେବ ‘ମୋ ପ୍ରତିଭା’ କାର୍ଯ୍ୟକ୍ରମ

ଭୁବନେଶ୍ୱର,୨ା୪(ବ୍ୟୁରୋ)- କରୋନା ସଂକ୍ରମଣ ବ୍ୟାପିବାକୁ ରୋକିବା ଲାଗି ଦେଶରେ ୨୧ଦିନିଆ ଲକ୍‌ଡାଉନ୍‌ ଘୋଷଣା ହୋଇଛି। ଏହାଦ୍ୱାରା ସବୁବର୍ଗର ଲୋକେ ପ୍ରଭାବିତ ହୋଇଛନ୍ତି। ଏପରି କି କୋମଳମତି...

ମେ’ ଶେଷ ସପ୍ତାହରେ ଜେଇଇ ମେନ୍‌

ଭୁବନେଶ୍ୱର,୧।୪(ବ୍ୟୁରୋ): ଆସନ୍ତା ଏପ୍ରିଲ ୫,୭ ଓ ୧୧ରେ ହେବାକୁ ଥିବା ଯୁଗ୍ମ ପ୍ରବେଶିକା ପରୀକ୍ଷା(ଜେଇଇ) ମେନ୍‌କୁ ଘୁଞ୍ଚାଇ ଦିଆଯାଇଛି। ଆସନ୍ତା ମେ’ ଶେଷ ସପ୍ତାହରେ ଜେଇଇ...

ତେଲେଙ୍ଗାନା ଇଟାଭାଟିରୁ ୧୬ ଶ୍ରମିକଙ୍କ ସମେତ ୫ ଶିଶୁ ଉଦ୍ଧାର

ଭୁବନେଶ୍ୱର,୧୬।୨(ବ୍ୟୁରୋ): ଓଡ଼ିଶା ମୋ’ ପରିବାର ହସ୍ତକ୍ଷେପ ପରେ ତେଲେଙ୍ଗାନା ଇଟାଭାଟିରେ କାମ କରୁଥିବା ବଲାଙ୍ଗୀର ଜିଲାର ୧୬ ଜଣ ଶ୍ରମିକ ଓ ସେମାନଙ୍କ ୫ଶିଶୁଙ୍କୁ ଉଦ୍ଧାର...

Advertisement
Archives

Model This Week