ପରିଚୟ ପାଇଁ ସଂଗ୍ରାମ: ମିଳୁନି କନ୍ଧ ମାନ୍ୟତା

ନୟାଗଡ ଅଫିସ, ୪ା୨(ଲୋକନାଥ ମିଶ୍ର): ପରିଚୟ ପାଇଁ ସଂଘର୍ଷ ଜାରି ରହିଥିଲେ ମଧ୍ୟ ଓଡିଆ କନ୍ଧଜାତି ପାଉନାହାନ୍ତି ମାନ୍ୟତା। ପରିଚୟ ପାଇଁ ସେମାନେ ବିଭିନ୍ନ ସମୟରେ ଆନ୍ଦୋଳନ, ଧାରଣା, ଅଭିଯୋଗ, ପ୍ରତିବାଦ କରୁଥିଲେ ବି ସୁଫଳ ମିଳୁନି। ଏହି ପରିପ୍ରେକ୍ଷୀରେ ନୟାଗଡ଼ ଜିଲା ରଣପୁର ବ୍ଲକ ଅନ୍ତର୍ଗତ ପଟିଆ, ବନ୍ଧମୁଣ୍ଡା, ରାହିପଡା, ଚମ୍ପାପେଡି, କାଣ୍ଡପଡା, ସୁର୍କାବାଡି, ବୃନ୍ଦାବନପୁର, ବଳଭଦ୍ରପୁର ପଞ୍ଚାୟତର ଓଡିଆ କନ୍ଧଜାତିର ଲୋକେ ସେମାନଙ୍କ ଦାବି ପୂରଣ ପାଇଁ ଜିଲାପାଳ, ମୁଖ୍ୟମନ୍ତ୍ରୀ, ବିଭାଗୀୟ ମନ୍ତ୍ରୀ, ପଞ୍ଚାୟତିରାଜ ମନ୍ତ୍ରୀ, ରଣପୁର ବିଧାୟକଙ୍କୁ ସ୍ମାରକପତ୍ର ଦେଇଛନ୍ତି। ଅଭିଯୋଗ ଅନୁସାରେ, ୧୯୪୫ ମସିହା ପୂର୍ବରୁ ଯେଉଁ ବନ୍ଦୋବସ୍ତ (ସର୍ଭେ) ହୋଇଥିଲା ସେ ସମୟରେ ଜମିଜମା ରେକର୍ଡ ପ୍ରସ୍ତୁତି ବେଳେ କନ୍ଧ ବଦଳରେ ଓଡିଆ କନ୍ଧ ଲେଖାଯାଇଛି। ତେବେ ସରକାରୀ ଜାତିଭିତ୍ତିକ ବିଜ୍ଞାପନ ଅନୁସାରେ ଓଡିଆ ସଉରା ଓ ଓଡିଆ ମୁଣ୍ଡାକୁ ଆଦିବାସୀ ମାନ୍ୟତା ମିଳିଛି। ହେଲେ ପ୍ରକୃତ ଜନଜାତିକୁ ଅଣଦେଖା କରାଯାଇ ଓଡିଆ କନ୍ଧ ଜାତିର ପରିଚୟକୁ ହଜାଇ ଦିଆଯାଇଛି।
ପ୍ରସ୍ତାବ ଶୀତଳଭଣ୍ଡାରରେ
ଓଡିଆ କନ୍ଧକୁ କନ୍ଧ ମାନ୍ୟତା ଦେବାକୁ ଓଡିଶା ସରକାରଙ୍କ ଆଦିବାସୀ ବିଭାଗ ପତ୍ର ସଂଖ୍ୟା ୧୩୨୬୪/ତା୮।୪।୨୦୦୮ରେ ପ୍ରସ୍ତାବ ଦେଇଛନ୍ତି। ପୁଣି ୨୩।୧୨।୨୦୧୧, ୨୬।୩।୨୦୧୨, ୧୦।୪।୨୦୧୬ରେ ଓଡିଶା କ୍ରମିକ ନଂ. ୩୪ରେ ଓଡିଆ ଦେଶୁଆ କନ୍ଧ ଓ ୧୦୪ କ୍ରମିକରେ ଓଡିଆ କନ୍ଧକୁ ଆଦିବାସୀ ମାନ୍ୟତା ଦେବାକୁ ପ୍ରସ୍ତାବ ରହିଛି। ଏହି ପ୍ରସ୍ତାବ ଶୀତଳଭଣ୍ଡାରରେ ପଡିରହିଥିବାରୁ ଆଦିବାସୀ ହୋଇ ବି ପରିଚୟ ମିଳୁନି। ଫଳରେ ସରକାରଙ୍କ ସୁବିଧାସୁଯୋଗ ଏହି ବର୍ଗର ଲୋକେ ଉପଭୋଗ କରିପାରୁ ନାହାନ୍ତି।
ଧମକଚମକ ଦେଇ କିଣାଯାଉଛି ଜମି
ରଣପୁର ବ୍ଲକର ପଟିଆ ଅଞ୍ଚଳ ଆଦିବାସୀ ଓ ଦଳିତ ଅଧ୍ୟୁଷିତ ରୂପେ ପରିଚିତ । ପଟିଆର ଆର୍‌ଆଇ ଅଫିସ ଅଧୀନରେ ରହୁଥିବା କୁସପଲ୍ଲା, କଣ୍ଟାଗିରି, ପାଇକସାହି, ଜିରିପଡାର ହରିଜନ ଓ ଆଦିବାସୀଙ୍କ ଜମିକୁ ଏକ କମ୍ପାନୀ ଧମକଚମକ ଦେଇ କିଣୁଛି। ଯଦି କେହି ଅରାଜି ହେଉଛନ୍ତି ପରିସ୍ଥିତି ଭଲ ହେବ ନାହିଁ ବୋଲି କୁହାଯାଉଛି। ସ୍ଥାନୀୟ ଲୋକଙ୍କୁ ହାତବାରିଶି କରି ସମ୍ପୃକ୍ତ କମ୍ପାନୀ ଗୁଣ୍ଡାରାଜ ଚଳାଇଛି। ଭୟରେ ଆଦିବାସୀ ଓ ଦଳିତମାନେ ଜମି ବିକ୍ରି କରି ଚାଲିଛନ୍ତି। ସେହିଭଳି ସରକାରୀ ଜମି ମଧ୍ୟ ଜବରଦଖଲ ହେଉଛି। ପାଟି କଲେ ମାରପିଟ କରାଯାଉଛି। ଫଳରେ ଆଦିବାସୀମାନେ ସେମାନଙ୍କ ନିତିଦିନିଆ ରାସ୍ତା ହରାଇ ସାରିଲେଣି। ଗୋରୁଙ୍କ ପାଇଁ ଚାରଣ ଭୂମି ମଧ୍ୟ ନାହିଁ। ଏଣୁ ଜବରଦଖଲ ଉଚ୍ଛେଦ ସହ ଜମିବିକ୍ରି କରିବାକୁ ବାଧ୍ୟ କରୁଥିବା ଗୁଣ୍ଡା ଓ କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ସୋମବାର ସ୍ଥାନୀୟ ଅଞ୍ଚଳର ମହିଳାମାନେ ଜିଲାପାଳଙ୍କ ନିକଟରେ ଫେରାଦ ହୋଇଛନ୍ତି।
ଜଙ୍ଗଲ ସୁରକ୍ଷା ପାଇଁ ପ୍ରୋତ୍ସାହନ ନାହିଁ
ଗୋଷ୍ଠୀ ଜଙ୍ଗଲ ଅଧିକାର ଓ ଗୋଷ୍ଠୀ ଜଙ୍ଗଲ ସମ୍ବଳ ଅଧିକାର ପାଇବା ପାଇଁ ଗ୍ରାମ୍ୟ ଗୋଷ୍ଠୀ ହକଦାର ହେଉଥିଲେ ହେଁ ସେମାନଙ୍କୁ ଅଣଦେଖା କରାଯାଉଥିବା ଅଭିଯୋଗ ହେଉଛି। ରଣପୁର ଅଞ୍ଚଳରେ ୨୧୭ ଗ୍ରାମ ଗୋଷ୍ଠୀ ନିଜ ଉଦ୍ୟମରେ ଜଙ୍ଗଲ ସୁରକ୍ଷା, ସଂରକ୍ଷଣ, ପରିଚାଳନା କରି ଭୋଗଦଖଲ କରିଆସୁଛନ୍ତି। ମା’ ମଣିନାଗ ଜଙ୍ଗଲ ସୁରକ୍ଷା ପରିଷଦ ଗ୍ରାମ ଗୋଷ୍ଠୀକୁ ସୁରକ୍ଷା ଓ ସହଯୋଗ କରିଆସୁଛି । ଜଙ୍ଗଲ ଅଧିକାର ଅନୁଯାୟୀ ୧୪୦ ଗ୍ରାମ ଗୋଷ୍ଠୀ ଜଙ୍ଗଲ ଅଧିକାର ଦାବି ଫର୍ମ ଉପଖଣ୍ଡ ସ୍ତରୀୟ କମିଟିରେ ଦାଖଲ କରିଛନ୍ତି। ସେହିପରି ୨୪ ଗୋଷ୍ଠୀ ସମ୍ବଳ ଅଧିକାର ଦାବି ଫର୍ମ ଜିଲା ଜଙ୍ଗଲ ଅଧିକାର କମିଟିରେ ଦାଖଲ ହୋଇଛି। ଉଭୟ ଫର୍ମ ପ୍ରାୟ ୧ବର୍ଷ ହେଲା ମଞ୍ଜୁର ହୋଇସାରିଛି। ହେଲେ ଗ୍ରାମ ଗୋଷ୍ଠୀଙ୍କୁ ସେମାନଙ୍କର ଅଧିକାର ମିଳୁନି। ଏ ନେଇ ଗତ ଜାନୁୟାରୀ ୨୦ରେ ରଣପୁର ବ୍ଲକରେ ଅନୁଷ୍ଠିତ ଜିଲାପାଳଙ୍କ ଅଭିଯୋଗ ଶୁଣାଣିରେ ଅଭିଯୋଗ ହୋଇଥିଲେ ମଧ୍ୟ ସୁଫଳ ମିଳି ନ ଥିବା ମା’ ମଣିନାଗ ଜଙ୍ଗଲ ସୁରକ୍ଷା ପରିଷଦ ସମ୍ପାଦକ ଅରକ୍ଷିତ ସାହୁ କହିଛନ୍ତି। ସୋମବାର ପୁଣି ଥରେ ଜିଲାପାଳଙ୍କ ଅଭିଯୋଗ ଶୁଣାଣିରେ ଅଭିଯୋଗ ହୋଇଛି ବୋଲି ସେ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ନୟାଗଡ଼ରେ ବଜ୍ରପାତ ବିପତ୍ତି: ୪ ବର୍ଷରେ ଗଲାଣି ୨୭ ଜୀବନ

ନୟାଗଡ଼ ଅଫିସ,୩୦ା୬- ବଣପାହାଡ଼ ଘେରା ନୟାଗଡ଼ ଜିଲାରେ ବିଭିନ୍ନ ସମୟରେ ବଜ୍ରପାତ ବିପତ୍ତି ଦେଖିବାକୁ ମିଳୁଛି। ଆଉ ଏଥିରେ କେତେକଙ୍କ ଅକାଳ ମୃତ୍ୟୁ ହେଉଥିବାବେଳେ କେତେକ...

ଭୁଶୁଡ଼ିଲା ବିଦ୍ୟାଳୟର ନବ ନିର୍ମିତ କୋଠା

ରଣପୁର, ୭।୯(ସ୍ବ.ପ୍ର.): ନୟାଗଡ଼ ଜିଲା ରଣପୁର ବାଳିକା ଉଚ୍ଚ ବିଦ୍ୟାଳୟର ନବ ନିର୍ମିତ କୋଠାର ନିମିଟାଲ ଓ ତାଜା ଶନିବାର ସକାଳେ ହଠାତ୍‌ ଭୁଶୁଡି ପଡ଼ିଛି।...

ଖବରଦାତା-ଆଇନଜୀବୀ ମୁହଁ।ମୁହିଁ ଭିଡିଓ ଭାଇରାଲ ଘଟଣା: ଥାନାରେ ମାମଲା ରୁଜୁ

ନୟାଗଡ଼ ଅଫିସ,୨୧ା୯: ନୟାଗଡ଼ ଜିଲା ଖଣ୍ଡପଡ଼ା କୋର୍ଟ ପରିସରରେ ଗୁରୁବାର ଜଣେ ଖବରଦାତା ଓ ଜଣେ ଆଇନଜୀବୀଙ୍କ ମଧ୍ୟରେ ମୁହଁ।ମୁହିଁ ହୋଇଥିବାର ଭିଡିଓ ଭାଇରାଲ୍‌ ହୋଇଛି।...

ମୃତଦେହରେ କେମିକାଲ ବ୍ୟବହାର ପ୍ରମାଣ ମିଳିନି

ନୟାଗଡ଼ ଅଫିସ,୧୭।୨:ବହୁଚର୍ଚ୍ଚିତ ନୟାଗଡ଼ ଯଦୁପୁରର ୫ବର୍ଷୀୟା ଶିଶୁ ପରୀ ହତ୍ୟା ମାମଲାରେ ହାଇକୋର୍ଟଙ୍କ ନିର୍ଦ୍ଦେଶକ୍ରମେ କ୍ରାଇମବ୍ରାଞ୍ଚର ଏସ୍‌ଆଇଟି (ସ୍ବତନ୍ତ୍ର ତଦନ୍ତକାରୀ ଟିମ୍‌) ସୋମବାର ୪୮୨ପୃଷ୍ଠାର ଚାର୍ଜଶିଟ୍‌...

ବେଆଇନ ଇଟା ଭାଟି ଉପରେ ଚଢ଼ାଉ

ରଣପୁର,୧୯ା୬(ସ୍ବ.ପ୍ର.)-ପରିବେଶ ପ୍ରଦୂଷଣ ନିମନ୍ତେ ଇଟାଭାଟିଗୁଡ଼ିକୁ ଦାୟୀ କରାଯାଇ ରଣପୁରର ବିଭିନ୍ନ ସ୍ଥାନରେ ବେଆଇନ ଇଟାଭାଟି ଉପରେ ଚଢ଼ାଉ କରାଯାଇଛି। ନୟାଗଡ଼ ଜିଲା ରଣପୁର ତହସିଲରେ ପରିବେଶ...

ରଣପୁର ପଞ୍ଚାୟତ ସମିତି ବୈଠକରେ ଉତ୍ତେଜନା

ରଣପୁର,୨୧।୧୨(ସ୍ବ.ପ୍ର.)-ରଣପୁର ପଞ୍ଚାୟତ ସମିତି ବୈଠକ ସ୍ଥାନୀୟ ସମ୍ମିଳନୀ କକ୍ଷରେ ଶୁକ୍ରବାର ଚେୟାରମ୍ୟାନ ନିରୁପମା ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି । ସମିତି ବୈଠକ ଶାନ୍ତିଶୃଙ୍ଖଳାର...

ଜିଲା ମୁଖ୍ୟ ଚିକିତ୍ସାଳୟରେ ରୋଗୀଙ୍କ ଠାରୁ ଟଙ୍କା ନେବା ଭିଡିଓ ଭାଇରାଲ ପ୍ରସବ କରାଇଦେବା ପାଇଁ ନେଲେ ୫ ହଜାର

ନୟାଗଡ଼ ଅଫିସ,୩।୯-ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟରେ ରୋଗୀଙ୍କୁ ଶୋଷଣ କରାଯାଉଥିବା ଅଭିଯୋଗ ହେଉଛି। ଜଣେ ମହିଳାଙ୍କୁ ପ୍ରସବ କରାଇଦେବା ପାଇଁ ଡାକ୍ତର, ଆଟେଣ୍ଡାଣ୍ଟ ଓ ଆଶା...

ନିମ୍ନମାନର କାର୍ଯ୍ୟ : ଗହୀର ମଝିରେ ଭାଙ୍ଗିପଡ଼ିଲା ୮ ବିଦ୍ୟୁତ୍‌ ଖୁଣ୍ଟ

ବାଲିଆ,୨୭।୭: ଫନୀ ବାତ୍ୟା ପରେ ବିଦ୍ୟୁତ୍‌ ଖୁଣ୍ଟ, ତାର ଆଦି ପୁନରୁଦ୍ଧାର ଓ ମରାମତି କାର୍ଯ୍ୟ କିପରି ନିମ୍ନମାନର ହୋଇଛି ତାହାର ଉଦାହରଣ ଦେଖିବାକୁ ମିଳିଛି...

Advertisement


Archives

Model This Week

Why Dharitri