ପରିଚୟ ପାଇଁ ସଂଗ୍ରାମ: ମିଳୁନି କନ୍ଧ ମାନ୍ୟତା

ନୟାଗଡ ଅଫିସ, ୪ା୨(ଲୋକନାଥ ମିଶ୍ର): ପରିଚୟ ପାଇଁ ସଂଘର୍ଷ ଜାରି ରହିଥିଲେ ମଧ୍ୟ ଓଡିଆ କନ୍ଧଜାତି ପାଉନାହାନ୍ତି ମାନ୍ୟତା। ପରିଚୟ ପାଇଁ ସେମାନେ ବିଭିନ୍ନ ସମୟରେ ଆନ୍ଦୋଳନ, ଧାରଣା, ଅଭିଯୋଗ, ପ୍ରତିବାଦ କରୁଥିଲେ ବି ସୁଫଳ ମିଳୁନି। ଏହି ପରିପ୍ରେକ୍ଷୀରେ ନୟାଗଡ଼ ଜିଲା ରଣପୁର ବ୍ଲକ ଅନ୍ତର୍ଗତ ପଟିଆ, ବନ୍ଧମୁଣ୍ଡା, ରାହିପଡା, ଚମ୍ପାପେଡି, କାଣ୍ଡପଡା, ସୁର୍କାବାଡି, ବୃନ୍ଦାବନପୁର, ବଳଭଦ୍ରପୁର ପଞ୍ଚାୟତର ଓଡିଆ କନ୍ଧଜାତିର ଲୋକେ ସେମାନଙ୍କ ଦାବି ପୂରଣ ପାଇଁ ଜିଲାପାଳ, ମୁଖ୍ୟମନ୍ତ୍ରୀ, ବିଭାଗୀୟ ମନ୍ତ୍ରୀ, ପଞ୍ଚାୟତିରାଜ ମନ୍ତ୍ରୀ, ରଣପୁର ବିଧାୟକଙ୍କୁ ସ୍ମାରକପତ୍ର ଦେଇଛନ୍ତି। ଅଭିଯୋଗ ଅନୁସାରେ, ୧୯୪୫ ମସିହା ପୂର୍ବରୁ ଯେଉଁ ବନ୍ଦୋବସ୍ତ (ସର୍ଭେ) ହୋଇଥିଲା ସେ ସମୟରେ ଜମିଜମା ରେକର୍ଡ ପ୍ରସ୍ତୁତି ବେଳେ କନ୍ଧ ବଦଳରେ ଓଡିଆ କନ୍ଧ ଲେଖାଯାଇଛି। ତେବେ ସରକାରୀ ଜାତିଭିତ୍ତିକ ବିଜ୍ଞାପନ ଅନୁସାରେ ଓଡିଆ ସଉରା ଓ ଓଡିଆ ମୁଣ୍ଡାକୁ ଆଦିବାସୀ ମାନ୍ୟତା ମିଳିଛି। ହେଲେ ପ୍ରକୃତ ଜନଜାତିକୁ ଅଣଦେଖା କରାଯାଇ ଓଡିଆ କନ୍ଧ ଜାତିର ପରିଚୟକୁ ହଜାଇ ଦିଆଯାଇଛି।
ପ୍ରସ୍ତାବ ଶୀତଳଭଣ୍ଡାରରେ
ଓଡିଆ କନ୍ଧକୁ କନ୍ଧ ମାନ୍ୟତା ଦେବାକୁ ଓଡିଶା ସରକାରଙ୍କ ଆଦିବାସୀ ବିଭାଗ ପତ୍ର ସଂଖ୍ୟା ୧୩୨୬୪/ତା୮।୪।୨୦୦୮ରେ ପ୍ରସ୍ତାବ ଦେଇଛନ୍ତି। ପୁଣି ୨୩।୧୨।୨୦୧୧, ୨୬।୩।୨୦୧୨, ୧୦।୪।୨୦୧୬ରେ ଓଡିଶା କ୍ରମିକ ନଂ. ୩୪ରେ ଓଡିଆ ଦେଶୁଆ କନ୍ଧ ଓ ୧୦୪ କ୍ରମିକରେ ଓଡିଆ କନ୍ଧକୁ ଆଦିବାସୀ ମାନ୍ୟତା ଦେବାକୁ ପ୍ରସ୍ତାବ ରହିଛି। ଏହି ପ୍ରସ୍ତାବ ଶୀତଳଭଣ୍ଡାରରେ ପଡିରହିଥିବାରୁ ଆଦିବାସୀ ହୋଇ ବି ପରିଚୟ ମିଳୁନି। ଫଳରେ ସରକାରଙ୍କ ସୁବିଧାସୁଯୋଗ ଏହି ବର୍ଗର ଲୋକେ ଉପଭୋଗ କରିପାରୁ ନାହାନ୍ତି।
ଧମକଚମକ ଦେଇ କିଣାଯାଉଛି ଜମି
ରଣପୁର ବ୍ଲକର ପଟିଆ ଅଞ୍ଚଳ ଆଦିବାସୀ ଓ ଦଳିତ ଅଧ୍ୟୁଷିତ ରୂପେ ପରିଚିତ । ପଟିଆର ଆର୍‌ଆଇ ଅଫିସ ଅଧୀନରେ ରହୁଥିବା କୁସପଲ୍ଲା, କଣ୍ଟାଗିରି, ପାଇକସାହି, ଜିରିପଡାର ହରିଜନ ଓ ଆଦିବାସୀଙ୍କ ଜମିକୁ ଏକ କମ୍ପାନୀ ଧମକଚମକ ଦେଇ କିଣୁଛି। ଯଦି କେହି ଅରାଜି ହେଉଛନ୍ତି ପରିସ୍ଥିତି ଭଲ ହେବ ନାହିଁ ବୋଲି କୁହାଯାଉଛି। ସ୍ଥାନୀୟ ଲୋକଙ୍କୁ ହାତବାରିଶି କରି ସମ୍ପୃକ୍ତ କମ୍ପାନୀ ଗୁଣ୍ଡାରାଜ ଚଳାଇଛି। ଭୟରେ ଆଦିବାସୀ ଓ ଦଳିତମାନେ ଜମି ବିକ୍ରି କରି ଚାଲିଛନ୍ତି। ସେହିଭଳି ସରକାରୀ ଜମି ମଧ୍ୟ ଜବରଦଖଲ ହେଉଛି। ପାଟି କଲେ ମାରପିଟ କରାଯାଉଛି। ଫଳରେ ଆଦିବାସୀମାନେ ସେମାନଙ୍କ ନିତିଦିନିଆ ରାସ୍ତା ହରାଇ ସାରିଲେଣି। ଗୋରୁଙ୍କ ପାଇଁ ଚାରଣ ଭୂମି ମଧ୍ୟ ନାହିଁ। ଏଣୁ ଜବରଦଖଲ ଉଚ୍ଛେଦ ସହ ଜମିବିକ୍ରି କରିବାକୁ ବାଧ୍ୟ କରୁଥିବା ଗୁଣ୍ଡା ଓ କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ସୋମବାର ସ୍ଥାନୀୟ ଅଞ୍ଚଳର ମହିଳାମାନେ ଜିଲାପାଳଙ୍କ ନିକଟରେ ଫେରାଦ ହୋଇଛନ୍ତି।
ଜଙ୍ଗଲ ସୁରକ୍ଷା ପାଇଁ ପ୍ରୋତ୍ସାହନ ନାହିଁ
ଗୋଷ୍ଠୀ ଜଙ୍ଗଲ ଅଧିକାର ଓ ଗୋଷ୍ଠୀ ଜଙ୍ଗଲ ସମ୍ବଳ ଅଧିକାର ପାଇବା ପାଇଁ ଗ୍ରାମ୍ୟ ଗୋଷ୍ଠୀ ହକଦାର ହେଉଥିଲେ ହେଁ ସେମାନଙ୍କୁ ଅଣଦେଖା କରାଯାଉଥିବା ଅଭିଯୋଗ ହେଉଛି। ରଣପୁର ଅଞ୍ଚଳରେ ୨୧୭ ଗ୍ରାମ ଗୋଷ୍ଠୀ ନିଜ ଉଦ୍ୟମରେ ଜଙ୍ଗଲ ସୁରକ୍ଷା, ସଂରକ୍ଷଣ, ପରିଚାଳନା କରି ଭୋଗଦଖଲ କରିଆସୁଛନ୍ତି। ମା’ ମଣିନାଗ ଜଙ୍ଗଲ ସୁରକ୍ଷା ପରିଷଦ ଗ୍ରାମ ଗୋଷ୍ଠୀକୁ ସୁରକ୍ଷା ଓ ସହଯୋଗ କରିଆସୁଛି । ଜଙ୍ଗଲ ଅଧିକାର ଅନୁଯାୟୀ ୧୪୦ ଗ୍ରାମ ଗୋଷ୍ଠୀ ଜଙ୍ଗଲ ଅଧିକାର ଦାବି ଫର୍ମ ଉପଖଣ୍ଡ ସ୍ତରୀୟ କମିଟିରେ ଦାଖଲ କରିଛନ୍ତି। ସେହିପରି ୨୪ ଗୋଷ୍ଠୀ ସମ୍ବଳ ଅଧିକାର ଦାବି ଫର୍ମ ଜିଲା ଜଙ୍ଗଲ ଅଧିକାର କମିଟିରେ ଦାଖଲ ହୋଇଛି। ଉଭୟ ଫର୍ମ ପ୍ରାୟ ୧ବର୍ଷ ହେଲା ମଞ୍ଜୁର ହୋଇସାରିଛି। ହେଲେ ଗ୍ରାମ ଗୋଷ୍ଠୀଙ୍କୁ ସେମାନଙ୍କର ଅଧିକାର ମିଳୁନି। ଏ ନେଇ ଗତ ଜାନୁୟାରୀ ୨୦ରେ ରଣପୁର ବ୍ଲକରେ ଅନୁଷ୍ଠିତ ଜିଲାପାଳଙ୍କ ଅଭିଯୋଗ ଶୁଣାଣିରେ ଅଭିଯୋଗ ହୋଇଥିଲେ ମଧ୍ୟ ସୁଫଳ ମିଳି ନ ଥିବା ମା’ ମଣିନାଗ ଜଙ୍ଗଲ ସୁରକ୍ଷା ପରିଷଦ ସମ୍ପାଦକ ଅରକ୍ଷିତ ସାହୁ କହିଛନ୍ତି। ସୋମବାର ପୁଣି ଥରେ ଜିଲାପାଳଙ୍କ ଅଭିଯୋଗ ଶୁଣାଣିରେ ଅଭିଯୋଗ ହୋଇଛି ବୋଲି ସେ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

କ୍ରିକେଟ୍‌ରେ ନୂଆ ଇତିହାସ ଲେଖିଲେ ଜିମ୍ବାଓ୍ବେ ଖେଲାଳି: ହାସଲ କଲେ ଏମିତି କାରନାମା

ନୂଆଦିଲ୍ଲୀ,୧୬।୧୧:ଟେଷ୍ଟ କ୍ରିକେଟ୍‌ରେ ନିଜ ବ୍ୟାଟିଂ ଦକ୍ଷତାରେ ଇତିହାସ ରଚିଛନ୍ତି ଜିମ୍ବାୱେର ଦ୍ରୁତ ବୋଲର ବ୍ଲେସିଂ ମୁଜାରାବାନି। ନମ୍ବର-୧୦ରେ ବ୍ୟାଟିଂ କରି ଟେଷ୍ଟରେ ଅର୍ଦ୍ଧଶତକ ହାସଲ କରିବାରେ ସେ…

ଅନ୍ତର୍ଜାତୀୟ ବାଲୁକା କଳା ପ୍ରଦର୍ଶନୀ ପାଇଁ ଓମ ପ୍ରକାଶଙ୍କ ପ୍ରସ୍ତୁତି: ଓଡ଼ିଶାର ଐତିହ୍ୟକୁ ବିଶ୍ୱ ଦରବାରରେ ପହଞ୍ଚାଇବା ଲକ୍ଷ୍ୟ

କର୍ଲାମୁଣ୍ଡା,୧୬।୧୧(ପ୍ରଦୀପ କୁମାର ସାହୁ):କୋଣାର୍କର ଚନ୍ଦ୍ରଭାଗା ବେଳାଭୂମିରେ ଡିସେମ୍ବର ୧ରୁ ୫ ତାରିଖ ପର୍ଯ୍ୟନ୍ତ କୋଣାର୍କ ମହୋତ୍ସବ ଅନୁଷ୍ଠିତ ହେବ। ଏଥିରେ ଭାଗ ନେବା ପାଇଁ ପଶ୍ଚିମ ଓଡ଼ିଶାର…

ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା ଉଦ୍‌ଯାପିତ: ଭବାନୀପାଟଣା ଚାମ୍ପିୟନ

ରିଷିଡ଼ା,୧୬ା୧୧(ସୁଶାନ୍ତ ମଲ୍ଲିକ): କର୍ଲାମୁଣ୍ଡା ବ୍ଲକ ରିଷିଡ଼ାସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓଡ଼ିଶା ପକ୍ଷରୁ ତ୍ରିଦିବସୀୟ ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା…

ଟେଷ୍ଟ କ୍ରିକେଟରୁ ଅବସର ନେଇ ବଡ଼ ଭୁଲ କରିଦେଲେ କୋହଲି-ଶାମି: କପିଳଙ୍କ ଚାଞ୍ଚଲ୍ୟକର ଦାବି, କହିଲେ-୧୦ ବର୍ଷ ପରେ…

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟର ଦିଗ୍ଗଜ ବ୍ୟାଟର ବିରାଟ କୋହଲି ଏବଂ ଅଭିଜ୍ଞ ଦ୍ରୁତ ବୋଲର ମହମ୍ମଦ ଶାମି ଟେଷ୍ଟ କ୍ରିକେଟରୁ ସନ୍ନ୍ୟାସ ନେଇସାରିଛନ୍ତି। କୋହଲି ୨୦୨୫ ଜୁନରେ…

ଟିମ ଇଣ୍ଡିଆକୁ ବଡ଼ ଝଟ୍‌କା: ପୁଣି ଆହତ ହେଲେ ଷ୍ଟାର୍‌ ଖେଳାଳି

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟ ଦଳର ଅନେକ ଷ୍ଟାର୍‌ ଖେଳାଳି ଏବେ ସୟଦ ମୁସ୍ତାକ ଅଲ୍ଲୀ ଟ୍ରଫି ୨୦୨୬ରେ ଖେଳୁଥିବା ନଜର ଆସୁଛନ୍ତି। ଏହି ଟୁର୍ନାମେଣ୍ଟରେ ଭଲ ପ୍ରଦର୍ଶନ…

ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ବିୟୋଗରେ ଗୁଣପୁର ଓକିଲ ସଂଘର ଶୋକସଭା

ଗୁଣପୁର, ୧୬।୧୧ (ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଓକିଲ ସଂଘର ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ୭୫ ବର୍ଷ ବୟସରେ ଶନିବାର ପରଲୋକ ଘଟିଥିଲା।…

ପର୍ଯ୍ୟଟକଙ୍କ ପାଇଁ ଖୋଲିଲା ଦାରିଙ୍ଗବାଡ଼ି ଇକୋ ରିଟ୍ରିଟ: ୨୮ ତମ୍ବୁ ଘର ସହ ପଞ୍ଚତାରକା ହୋଟେଲ୍‌ର ସୁବିଧା

ଦାରିଙ୍ଗବାଡ଼ି, ୧୬।୧୧ (ଅରୁଣ ସାହୁ): ପର୍ଯ୍ୟଟକଙ୍କ ପାଇଁ ଖୋଲିଲା କନ୍ଧମାଳ ଜିଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ି ଇକୋ ରିଟ୍ରିଟ। ଚଳିତ ବର୍ଷର ଇକୋ ରିଟ୍ରିଟକୁ ରାଜ୍ୟ ପର୍ଯ୍ୟଟନ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?