ଖପ୍ରାଖୋଲ, ୩ା୧(ଡି.ଏନ.ଏ.) – ଚଳିତ ବର୍ଷ ଭଲ ଧାନ ଉତ୍ପାଦନ ହୋଇଛି । ହେଲେ ମଣ୍ଡିରେ ଧାନ ବିକ୍ରିକୁ ନେଇ ଚିନ୍ତାରେ ଚାଷୀ । ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଲୁହାସିଂହା ପ୍ରାଥମିକ କୃଷି ସମବାୟ ସମିତିର ଯୁରିଆ ଧାନ ମଣ୍ଡିରେ ଖୋଲା ଆକାଶ ତଳେ ପଡି ରହିଛି ଶହଶହ ବସ୍ତା ଧାନ । ଟାର୍ଗେଟ ନ ଥିବାରୁ ବିକ୍ରି ହୋଇ ପାରୁ ନ ଥିବାବେଳେ ସମବାୟ ସମିତି କର୍ତ୍ତୃପକ୍ଷ ଟାର୍ଗେଟ ବଢାଇବାକୁ ଲେଖିଥିଲେ ବି ଟାର୍ଗେଟ ବଢିନି ।
ସୂଚନା ଅନୁସାରେ ଏଠାରେ ୫୩୫ ଜଣ ଚାଷୀ ଧାନ ବିକ୍ରି ପାଇଁ ନାମ ପଞ୍ଜୀକରଣ କରି ଟୋକନ ପାଇଥିଲେ। ଟାର୍ଗେଟ ରହିଥିଲା ୫୬ ହଜାର ୭ ଶହ କୁଇଣ୍ଟାଲ ା ହେଲେ ପ୍ରଥମେ ଏହି ସମବାୟ ସମିତିକୁ ଯୋଗାଣ ବିଭାଗ ତରଫରୁ ୩୦ ହଜାର ୪ ଶହ କୁଇଣ୍ଟାଲ ଧାନ କିଣା ଟାର୍ଗେଟ ଦିଆଯାଇଥିବାବେଳେ ତାହା ଶେଷ ହୋଇଛି ା ୫୩୫ ଜଣ ଚାଷୀଙ୍କ ମଧ୍ୟରୁ ୨୪୩ ଜଣଙ୍କଠାରୁ ଧାନକିଣା ସରିଛି ା ଏବେ ଧାନ ବିକିବା ପାଇଁ ପ୍ରାୟ ୨୯୨ଜଣ ଚାଷୀ ଅପେକ୍ଷାରେ ଅଛନ୍ତି। କେବେ ଟାର୍ଗେଟ ଆସିବ ଏହାକୁ ସେମାନେ ଚାହିଁ ରହିଛନ୍ତି ା ଏହି ସମୟରେ ଗଲା କିଛିଦିନ ହେଲା କୋହଲା ପାଗ ଓ ବର୍ଷା ସମ୍ଭାବନା ଚାଷୀଙ୍କୁ ଚିନ୍ତାରେ ପକାଇ ଦେଇଛି ା ଧାର କରଜ କରି ଚାଷୀ ବହୁ କଷ୍ଟରେ ଫସଲ ଉତ୍ପାଦନ କରିଥିବାବେଳେ ବିକ୍ରି ପାଇଁ ପ୍ରତି ବର୍ଷ ଏଭଳି ସମସ୍ୟା ଲାଗି ରହୁଥିବାରୁ ଚାଷୀ ମହଲରେ ଅସନ୍ତୋଷ ପ୍ରକାଶ ପାଇଛି। ଅବିଳମ୍ବେ ଟାର୍ଗେଟ ନ ବଢାଇଲେ ଆନ୍ଦୋଳନକୁ ଓହ୍ଲାଇବେ ବୋଲି ଚାଷୀମାନେ ଚେତାବନୀ ଦେଇଛନ୍ତି। ଏ ନେଇ ପାଟଣାଗଡ ଉପଖଣ୍ଡ ଯୋଗାଣ ଅଧିକାରୀ ବିଜୟ କୁମାର କୁଲୁଙ୍କୁ ପଚାରିବାରୁ ପ୍ରଥମ ଟାର୍ଗେଟ ପ୍ୟାକ୍ସ ମାନଙ୍କର ଶେଷ ହୋଇଛି। ଏହାକୁ ବଢାଇବାକୁ ଉଚ୍ଚ କର୍ତ୍ତୃପକ୍ଷଙ୍କୁ ଅବଜତ କରାଯାଇଛି ା ଆଗାମୀ ଦିନରେ ଟାର୍ଗେଟ ବଢିବ ବୋଲି ସେ କହିଛନ୍ତି।
