Posted inଖେଳ

ନୂଆ କୋଚ୍‌ ରିଡ୍‌ଙ୍କ ସହ ସହଜ ମନେ କରୁଛୁ : ମନପ୍ରୀତ

ଭୁବନେଶ୍ୱର,୫।୬(ସ୍ପୋଟର୍‌ସ ବ୍ୟୁରୋ)- ଆଉ ମାତ୍ର ଗୋଟିଏ ଦିନ ପରେ ସ୍ଥାନୀୟ କଳିଙ୍ଗ ଷ୍ଟାଡିୟମ ହକି କମ୍ପ୍ଲେକ୍ସରେ ଆରମ୍ଭ ହେବାକୁ ଯାଉଛି ଆନ୍ତର୍ଜାତିକ ହକି ଫେଡେରେଶନ (ଏଫ୍‌ଆଇଏଚ୍‌) ସିରିଜ ପାଇନାଲ୍ସ। ୨୦୨୦ ଟୋକିଓ ଅଲିମ୍ପିକ୍ସର ଯୋଗ୍ୟତା ହାସଲ କରିବାକୁ ଏହି ଟୁର୍ନାମେଣ୍ଟ ଭାରତ ପାଇଁ ପ୍ରଥମ ପାହାଚ ବିବେଚିତ ହେଉଛି। ଭାରତ ଏହି ଟୁର୍ନାମେଣ୍ଟରେ ଦମ୍‌ଦାର ପ୍ରଦର୍ଶନ କରି ଚାମ୍ପିୟନ ହେବ ବୋଲି ଅଧିନାୟକ ମନପ୍ରୀତ ସିଂ କହିଛନ୍ତି। ମଙ୍ଗଳବାର ଖବରଦାତା ସମ୍ମିଳନୀରେ ଯୋଗ ଦେଇ ମନପ୍ରୀତ୍‌ଙ୍କ ସମେତ ଅନ୍ୟ ୭ ଦଳର ଅଧିନାୟକ ତଥା ଖେଳାଳିମାନେ ନିଜନିଜ ଦଳର ପ୍ରଦର୍ଶନ ଓ ଯୋଜନା ନେଇ ମତ ରଖିଥିଲେ। ନୂଆ କୋଚ୍‌ ଗ୍ରାହାମ ରିଡଙ୍କ ସହ ଦଳର ସବୁ ଖେଳାଳି ବେଶ୍‌ ସହଜ ମନେ କରୁଛନ୍ତି। ରିଡ୍‌ଙ୍କ ବନ୍ଧୁତ୍ୱପୂର୍ଣ୍ଣ ଆଚରଣ ସବୁ ଖେଳାଳିଙ୍କ ପାଇଁ ଏକ ଅନୁକୂଳ ବାତାବରଣ ସୃଷ୍ଟି କରିଛି। ଟୋକିଓ ଅଲିମ୍ପିକ୍ସ ଯୋଗ୍ୟତା ହାସଲ ପାଇଁ ଏହି ଟୁର୍ନାମେଣ୍ଟ ଆମ ପାଇଁ ବେଶ୍‌ ଗୁରୁତ୍ୱ ବହନ କରୁଛି ବୋଲି ସେ କହିଛନ୍ତି। ୬ ତାରିଖ ଅର୍ଥାତ୍‌ ଗରୁବାର ରୁଷିଆ ବିପକ୍ଷରୁ ଭାରତ ଅଭିଯାନ ଆରମ୍ଭ କରିବ। ନୂଆ କୋଚ୍‌ ରିଡ୍‌ଙ୍କ ତତ୍ତ୍ୱାବଧାନରେ ଭାରତ ପ୍ରଥମଥର ପାଇଁ କୌଣସି ବଡ଼ ଟୁର୍ନାମେଣ୍ଟ ଖେଳିବାକୁ ଯାଉଛି। ରିଡ୍‌ ଖେଳାଳିଙ୍କ ସହ ବନ୍ଧୁଭଳି ବ୍ୟବହାର କରିଥାନ୍ତି ଓ ତାଙ୍କ ମୁହଁରେ ସବୁବେଳେ ହସ ଥାଏ। ସବୁ ଖେଳାଳିଙ୍କ ସହ ସେ ଖୋଲାଖୋଲି ଭାବେ ବିଭିନ୍ନ ପ୍ରସଙ୍ଗରେ ଆଲୋଚନା କରିଥାନ୍ତି। ଗ୍ରାଉଣ୍ଡରେ ଅଧିନାୟକଙ୍କ ସମେତ ସବୁ ଖେଳାଳି ସମାନ ଭାବେ ଗୁରୁତ୍ୱପୂର୍ଣ୍ଣ ବୋଲି ରିଡ ବିଚାର କରିଥାନ୍ତି। ଯଦି କୌଣସି ଖେଳାଳି ଭଲ ପ୍ରଦର୍ଶନ କରି ନ ଥାନ୍ତି ତାହାଲେ ତାଙ୍କୁ ସେ ମୋଟିଭେଟ୍‌ କରିଥାନ୍ତି ଓ ଲୟକୁ ଫେରାଇ ଆଣିବା ପାଇଁ ପ୍ରୟାସ କରିଥାନ୍ତି ବୋଲି ମନପ୍ରୀତ ଖବରତାତାଙ୍କ ପ୍ରଶ୍ନର ଉତ୍ତର ଦେଇ କହିଛନ୍ତି।
ଭିନ୍ନ ଭିନ୍ନ କୋଚ୍‌ଙ୍କ ଶୈଳୀ ଅଲଗା ହୋଇଥାଏ। ତେଣୁ ପୂର୍ବ କୋଚ୍‌ ହରେନ୍ଦ୍ର ସିଂଙ୍କଠାରୁ ରିଡ ଶୈଳୀ ଅଲଗା ବୋଲି ମନପ୍ରୀତ କହିଛନ୍ତି। ମ୍ୟାଚ୍‌କୁ ପଢିବା ଓ ହୃଦୟଙ୍ଗମ କରିବା ଓ ସେହି ଅନୁଯାୟୀ ରଣନୀତି ପ୍ରସ୍ତୁତ କରିବାର ଶୈଳୀ ସବୁ କୋଚ୍‌ମାନଙ୍କର ଅଲଗା ଅଲଗା ରହିଥାଏ। ସେହିପରି ହରେନ୍ଦ୍ରଙ୍କଠାରୁ ରିଡ୍‌ ଶୈଳୀ ଭିନ୍ନ। ରିଡ୍‌ଙ୍କ ସହ ସବୁ ଖେଳାଳି ବେଶ୍‌ ସହଜ ମନେ କରୁଛନ୍ତି। ତେଣୁ ଏହାର ସକରାତ୍ମକ ପ୍ରଭାବ ଦଳର ପ୍ରଦର୍ଶନ ଉପରେ ପଡିବ ବୋଲି ମନପ୍ରୀତ କହିଛନ୍ତି।
ପ୍ରଥମ ମ୍ୟାଚ୍‌ରେ ଭାରତ ରୁଷିଆକୁ ଭେଟିବାପରେ ପୋଲାଣ୍ଡ ଓ ଉଜ୍‌ବେକିସ୍ତାନକୁ ଭେଟିବ। ଏହି ଟୁର୍ନାମେଣ୍ଟ ସବୁ ଦଳ ପାଇଁ ସମାନ ଭାବେ ଗୁରୁତ୍ୱପୂର୍ଣ୍ଣ। ଭାରତ ଘରୋଇ ପରିବେଶରୁ ଫାଇଦା ଉଠାଇବା ଓ ଅନ୍ୟଦଳଗୁଡିକଠାରୁ ପାଦେ ଆଗରେ ରହିବ। ଏହି ଟୁର୍ନାମେଣ୍ଟ ନେଇ ଆମେ ବେଶ୍‌ ଉତ୍ସାହିତ ଅଛୁ। ସବୁ ଦଳ ଅଲିମ୍ପିକ୍ସ ଖେଳିବାକୁ ଚାହୁଁଛନ୍ତି। ତେଣୁ କୌଣସି ଦଳକୁ ହେୟ ମନେ କରିହେବ ନାହିଁ। ଯେକୌଣସି ଦଳ ସେମି ଫାଇନାଲରେ ପ୍ରବେଶ କରିପାରିବ।
ଭୁବନେଶ୍ୱରର ଦର୍ଶକ କେବଳ ଭାରତ ନୁହଁ ବାକି ସବୁ ଦଳକୁ ସମର୍ଥନ କରିବେ ବୋଲି ମନପ୍ରୀତ କହିଛନ୍ତି। ଓଡ଼ିଶାରେ ଖେଳିବା ସବୁବେଳେ ଆନନ୍ଦ ଦାୟକ ହୋଇଥାଏ। ଶ୍ରେଷ୍ଠ ପ୍ରଦର୍ଶନ କରି ଆମେ ଫାଇନାଲରେ ପ୍ରବେଶ କରିବୁ। ଗତ ଏସିଆନ ଗେମ୍ସରେ ଭାରତ ସେମଫାଇନାଲରେ ମାଲେସିଆଠାରୁ ହାରି ବିଦାୟ ନେଇଥିଲା। ଏହା ନିଶ୍ଚିତ ଭାବେ କଷ୍ଟ ଦେଇଛି। ତେବେ ଏହାକୁ ପଛରେ ପକାଇ ଆମକୁ ଆଗକୁ ଯିବାକୁ ହେବ। ଏସିଆନ୍‌ ଗେମ୍ସ ଜିତିଥିଲେ ଆମେ ଏହି ଟୁର୍ନାମେଣ୍ଟ ଖେଳିବାକୁ ଆସି ନ ଥାନ୍ତୁ। ଏସିଆନ୍‌ ଗେମ୍ସ ସହ ବିଶ୍ୱକପ୍‌ରେ ମଧ୍ୟ ଆମେ ଅଶାନୁରୂପ ପ୍ରଦର୍ଶନ କରି ନ ଥିଲୁ। ଏଥିପାଇଁ ଆମେ ନୂଆ କୋଚ୍‌ ପାଇଛୁ।
ହେଡ୍‌ କୋଚ୍‌ ରିଡ୍‌ଙ୍କୁ ବାଦଦେଲେ ଭାରତ ପାଇଁ ଅନାଲିଟିକାଲ କୋଚ୍‌ କ୍ରିସ୍‌ ସିରିଏଲୋ, ସପୋର୍ଟ ଷ୍ଟାଫ୍‌ ହିସାବରେ ପୀୟୁଷ ଦୁବେ ଓ ପୂର୍ବତନ ଷ୍ଟ୍ରାଇକର ଶିବେନ୍ଦ୍ର ସିଂ କାର୍ଯ୍ୟ କରୁଛନ୍ତି। ପେନାଲ୍ଟି କନଭର୍ସନ ଓ ଅନ୍ତିମ ମୂହୁର୍ତ୍ତହର ଗୋଲ ବରଣ କରିବାର ଭାରତର ପୁରୁଣା ସମସ୍ୟା ରହିଛି। ଏଥିରେ ସୁଧାର ଆଣିବାକୁ ପ୍ରୟାସ କରିବୁ। ଗତ ଅଷ୍ଟ୍ରେଲିଆ ବିପକ୍ଷ ସିରିଜରେ ଆମେ ସଂଘର୍ଷ କରିଥିଲୁ। ଅଷ୍ଟ୍ରେଲିଆ ଏକ ଚାମ୍ପିୟନ ଦଳ। ତେବେ ଆମକୁ ଆହୁରି ଉନ୍ନତି କରିବାକୁ ହେବ ବୋଲି ମନପ୍ରୀତ କହିଛନ୍ତି।
ମନପ୍ରୀତଙ୍କ ସମେତ ଜାପାନ ଅଧିନାୟକ ମନାବୁ ୟାମାସିଟା, ପୋଲାଣ୍ଡ ଟିମ୍‌ ଗୋଲକିପର ମାଟେଉଜ୍‌ ପୋପିଓଲକୋଓ୍ବସ୍କି, ଦକ୍ଷିଣ ଆଫ୍ରିକା ଟିମ୍‌ ଗୋଲକିପର ରାସି ପିଟର୍ସ, ରୁଷିଆର ପାଭେଲ ଗୋଲୁବେଭ, ଆମେରିକା ଅଧିନାୟକ ଅଜଇ ଧାଡଓ୍ବାଲ, ଉଜ୍‌ବେକିସ୍ତାନ ଅଧିନାୟକ ଗୋଲିବ କାଲାଣ୍ଡାରୋଭ ଓ ମେକ୍ସିକୋ ଅଧିନାୟକ ମିଗୁଏଲ ଲେଅନ ନିଜ ରଣନୀତି ଓ ପ୍ରସ୍ତୁତି ସମ୍ପର୍କରେ ସୂଚନା ଦେଇଥିଲେ। ଟୁର୍ନାମେଣ୍ଟରେ ଭାରତ ଫେଭରାଇଟ୍‌ ମନେହେଉଥିଲେ ମଧ୍ୟ ଆମେ ଫାଇନାଲରେ ପ୍ରବେଶ କରିବାକୁ ସବୁ ମତେ ପ୍ରୟାସ କରିବୁ ବୋଲି ଏମାନେ କହିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆଇପିଏଲ୍‌ ପରେ ଟି-୨୦ ବିଶ୍ୱକପ୍‌ ଖେଳିବା ଉପରେ ସନ୍ଦେହ, ଆଉ ୪ ମାସ…

ନୂଆଦିଲ୍ଲୀ,୧୪।୪: ଆଇପିଏଲ୍‌ରେ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳିଥିବା ଦ୍ରୁତ ବୋଲର୍‌ ଦୀପକ ଚହର ଏବେ ଆହତ ସମସ୍ୟା ଦେଇ ଗତି କରୁଛନ୍ତି। ଏଥିଯୋଗୁ ସେ...

ଇଣ୍ଡିଆନ ସୁପର ଲିଗ୍‌: ମୁମ୍ବାଇ ସିଟି- ନର୍ଥ ଇଷ୍ଟ ୟୁନାଟେଡ୍‌ ମୁକାବିଲା

ଭାସ୍କୋ,୨୧।୧୧(ପି.ଟି.): ଶୁକ୍ରବାରଠାରୁ ଆରମ୍ଭ ହୋଇଥିବା ହାଇପ୍ରୋଫାଇଲ ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ର ଦ୍ୱିତୀୟ ମ୍ୟାଚରେ ମୁମ୍ବାଇ ସିଟି ଓ ନର୍ଥ ଇଷ୍ଟ ୟୁନାଇଟେଡ ପରସ୍ପରକୁ ଭେଟିବେ।...

ଭାରତ-ପାକିସ୍ତାନ ଖେଳାଳିଙ୍କ ପାରିଶ୍ରମିକ ମଧ୍ୟରେ ଆକାଶ-ପାତାଳ ଫରକ: ଜାଣନ୍ତୁ ଗୋଟିଏ ମ୍ୟାଚ୍‌ ପାଇଁ ଏତିକି ମିଳେ ଟଙ୍କା

ନୂଆଦିଲ୍ଲୀ,୧୯।୧୦: ଟି -୨୦ ବିଶ୍ୱକପ୍‌ର ସବୁଠୁ ବଡ ମ୍ୟାଚ ପାଇଁ କାଉଣ୍ଟଡାଉନ ଆରମ୍ଭ ହୋଇଛି। ଅକ୍ଟୋବର ୨୪ ରେ ଭାରତ ଏବଂ ପାକିସ୍ତାନ ମଧ୍ୟରେ ମହାମୁକାବିଲା...

୪ ବର୍ଷ ତଳେ ବାରବାଟୀ ଷ୍ଟାଡିୟମରେ ହୋଇଥିଲା ଛକା ବର୍ଷା

କଟକ,୧୯।୧: ଠିକ୍‌ ୪ ବର୍ଷ ତଳେ ଅର୍ଥାଥ ୨୦୧୭ ଜାନୁୟାରୀ ୧୯ ତାରିଖରେ ଐତିହାସିକ ବାରବାଟୀ ଷ୍ଟାଡିୟମରେ ଦେଖିବାକୁ ମିଳିଥିଲା ଛକା ବର୍ଷା। ଇଂଲଣ୍ଡ ଓ...

ଚେତାବନୀ ସହ ଆର୍ଚରଙ୍କୁ ଜରିମାନା

ମାଞ୍ଚେଷ୍ଟର, ୧୮।୭(ପି.ଟି.)- ଓ୍ବେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ କ୍ରିକେଟ ଟେଷ୍ଟ ପୂର୍ବରୁ ଜୈବ-ସୁରକ୍ଷିତ ପ୍ରୋଟୋକଲ ଭଙ୍ଗ କରିଥିବାରୁ ଦ୍ରୁତ ବୋଲର ଜୋଫ୍ରା ଆର୍ଚରଙ୍କୁ ଇଂଲଣ୍ଡ ଆଣ୍ଡ ଓ୍ବେଲ୍ସ...

ବାୟୋପିକ୍‌ରେ ନିଜ ଭୂମିକାରେ କାହାକୁ ଦେଖିବାକୁ ଚାହିଁବେ ନୀରଜ ଚୋପ୍ରା: ଏ ଦୁଇ ଅଭିନେତା ସବୁଠୁ ପ୍ରିୟ

ଟୋକିଓ ଅଲିମ୍ପିକ୍ସରେ ସ୍ବର୍ଣ୍ଣ ପଦକ ଜିତି ଭାରତ ପାଇଁ ଗୌରବ ଆଣିଛନ୍ତି ନୀରଜ ଚୋପ୍ରା। ସ୍ବର୍ଣ୍ଣ ପଦକ ଜିତିବା ପରଠାରୁ ସେ ନିରନ୍ତର ଚର୍ଚ୍ଚାରେ ରହୁଛନ୍ତି।...

ଡେଭିସ୍‌ କପ୍‌: ଭାରତୀୟ ଚ୍ୟାଲେଞ୍ଜ ଏଣିକି କଷ୍ଟକର

ନୂଆଦିଲ୍ଲୀ, ୮ା୯ (ପି.ଟି.)- ଟେନିସ ଖେଳର ବିଶ୍ୱ ପରିଚଳାନା ପରିଷଦ ଅନ୍ତର୍ଜାତୀୟ ଟେନିସ୍‌ ମହାସଂଘ (ଆଇଟିଏଫ୍‌) ଡେଭିସ୍‌ କପ୍‌ ଫର୍ମାଟରେ ଆଉ ଏକ ପରିବର୍ତ୍ତନ କରିଛି।...

ବ୍ରାଭୋ ଅନ୍ତର୍ଜାତୀୟ କ୍ରିକେଟ ପାଇଁ ପ୍ରସ୍ତୁତ

ନୂଆଦିଲ୍ଲୀ,୧୩।୧୨(ପି.ଟି.)- ଓ୍ବେଷ୍ଟଇଣ୍ଡିଜ ଅଲରାଉଣ୍ଡର ଡ୍ବେନ ବ୍ରାଭୋ ଅନ୍ତର୍ଜାତୀୟ କ୍ରିକେଟକୁ ଫେରିବା ନେଇ ଶୁକ୍ରବାର ଘୋଷଣା କରିଛନ୍ତି। ପ୍ରାୟ ଏକ ବର୍ଷ ତଳେ ଦେଶର ବୋର୍ଡ ସହ...

Advertisement
Archives

Model This Week