ଧରାପଡ଼ିଲା ବାଂଲାଦେଶୀ ସେକ୍ସ ର଼୍ୟାକେଟ

ଭୁବନେଶ୍ୱର,୨୨।୧୧(ବ୍ୟୁରୋ):ଓଡ଼ିଶାରେ କାୟା ମେଲିଛି ବାଂଲାଦେଶୀ ସେକ୍ସ ର଼୍ୟାକେଟ। କିଛିଦିନ ତଳେ ଧରାପଡ଼ିଥିବା ଜଣେ ବାଂଲାଦେଶୀ ରୂପଜୀବୀଙ୍କଠାରୁ ସୁରାକ ମିଳିଥିଲା। ତାଙ୍କୁ କୋର୍ଟଚାଲାଣ କରିବା ପରେ ଚୁପ୍‌ ବସିଥିଲା କମିଶନରେଟ ପୋଲିସ। ହେଲେ ମଙ୍ଗଳବାର କିଙ୍ଗ୍‌ପିନ୍‌ କୁହାଯାଉଥିବା ବାଂଲାଦେଶୀ ଦମ୍ପତି ଅଞ୍ଜଳି ଦିଦି ଓ ତାଙ୍କ ସ୍ବାମୀ ସେକ୍‌ ଇବ୍ରାହିମ୍‌ ଖାନ୍‌ଙ୍କୁ ଗିରଫ କରି ପୂରା ର଼୍ୟାକେଟର ପର୍ଦ୍ଦାଫାସ କରିଛି କ୍ରାଇମବ୍ରାଞ୍ଚ ଏସ୍‌ଟିଏଫ୍‌। ଏଥିସହ ସେମାନେ ନିୟୋଜିତ କରିଥିବା ୬ଜଣ ରୂପଜୀବୀଙ୍କୁ ଧରି ର଼୍ୟାକେଟର ଚେର ଖୋଜୁଛି। ଇତିମଧ୍ୟରେ ଏସ୍‌ଟିଏଫ୍‌କୁ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଥିବା ଜଣାପଡିଛି।
ମିଳିଥିବା ସୂଚନାନୁସାରେ, ସେକ୍ସ ର଼୍ୟାକେଟର କିଙ୍ଗ୍‌ପିନ୍‌ ଅଞ୍ଜଳି ଓ ଇବ୍ରାହିମ୍‌ଙ୍କ ସମ୍ପର୍କରେ ସୁରାକ ମିଳିବା ପରେ ତାଙ୍କୁ ଧରିବାକୁ ଯୋଜନା କରିଥିଲା ଏସ୍‌ଟିଏଫ୍‌। ଏକ ସ୍ବତନ୍ତ୍ର ଟିମ୍‌ ମଙ୍ଗଳବାର ପିପିଲି ନିକଟରେ ଚଢ଼ାଉ କରି ସେମାନଙ୍କୁ ଧରିବା ପରେ ଏସ୍‌ଟିଏଫ୍‌ କାର୍ଯ୍ୟାଳୟକୁ ଅଣାଯାଇ ପଚରାଉଚରା କରାଯାଇଥିଲା। ସେମାନେ ବାଂଲାଦେଶରୁ ଏକାଧିକ ଯୁବତୀଙ୍କୁ ଆଣି ଏଠାରେ ଦେହ ବ୍ୟବସାୟରେ ଲଗାଉଥିଲେ। ପୁରୁଣା ଭୁବନେଶ୍ୱର ରଥରୋଡ଼୍‌ରେ ଏକ ଘର ଭଡ଼ା ନେଇ ରୂପଜୀବୀମାନେ ରହୁଥିବା ସେମାନେ କହିବା ପରେ ଏସ୍‌ଟିଏଫ୍‌ ଟିମ୍‌ ସନ୍ଧ୍ୟା ପ୍ରାୟ ୫ଟାରେ ସେଠାରେ ଚଢାଉ କରି ୬ଜଣ ଯୁବତୀଙ୍କୁ ଧରିଥିଲା। ଉକ୍ତ ଘରୁ ଏସ୍‌ଟିଏଫ୍‌ ଟିମ୍‌ କିଛି ଆପତ୍ତିଜନକ ସାମଗ୍ରୀ ଜବତ କରିବା ସହ ଘରକୁ ସିଲ୍‌ କରିଛି। ଏନେଇ ଘର ମାଲିକ ବିଷ୍ଣୁପ୍ରିୟା ପଣ୍ଡା କହିଛନ୍ତି, ସେମାନେ ୩ ମାସ ହେବ ଘର ଭଡ଼ାନେଇଥିଲେ। ଜଣେ ନର୍ସିଂ ଓ ଅନ୍ୟ ଜଣେ ଟେଲରିଂ କରୁଥିବା କହି ରହିଥିଲେ। ସେମାନେ ବାଂଲାଦେଶୀ କି ଅଣଓଡ଼ିଆ ସେନେଇ କିଛି ଜାଣିପାରି ନ ଥିଲେ। ସେମାନେ ମଧ୍ୟ କୌଣସି ପ୍ରମାଣପତ୍ର ଦେଇ ନ ଥିଲେ। ଅନ୍ୟମାନଙ୍କ ସମ୍ପର୍କରେ କିଛି ଜାଣି ନ ଥିବା ରହିବା ପରଠୁ ମଧ୍ୟ ସେମାନଙ୍କୁ କୌଣସି ପ୍ରମାଣପତ୍ର ମଗାଯାଇ ନ ଥିଲା ବୋଲି ସେ କହିଛନ୍ତି।

ଘର ବାହାରେ କୋଚିଂ ସେଣ୍ଟର ବୋର୍ଡ
ଗ୍ରାହକ ଯୋଗାଡ଼ ଦାୟିତ୍ୱରେ ଥିଲେ ନିଜେ ଅଞ୍ଜଳି ଦିଦି। ଲୋକାଲ ପର୍ନ ସାଇଟ୍‌ରେ ଦିଆଯାଇଥିବା ଫୋନ୍‌ ନମ୍ବର ଓ ଫଟୋ ଦେଖି ଗ୍ରାହକମାନେ ତାଙ୍କ ସହ ଯୋଗାଯୋଗ କରିଥାନ୍ତି। ଏହାପରେ ବାଂଲାଦେଶୀ ରୂପଜୀବୀ ରହୁଥିବା ପୁରୁଣା ଭୁବନେଶ୍ୱର ରଥରୋଡ଼ସ୍ଥିତ ଉକ୍ତ ଭଡ଼ା ଘରକୁ ଦିଦି ଗ୍ରାହକ ପଠାଇଥାନ୍ତି। ଗ୍ରାହକମାନେ ସେଠାରେ ପହଞ୍ଚତ୍ବା ପୂର୍ବରୁ ରୂପଜୀବୀଙ୍କ ସହ ସବୁକିଛି କଥାବାର୍ତ୍ତା ସରିଥାଏ। ଗ୍ରାହକ ରୂପଜୀବୀଙ୍କୁ ଚୟନ କରିବା ପରେ କାର୍‌ରେ ହୋଟେଲ କିମ୍ବା ଲଜ୍‌କୁ ନେଇଥାନ୍ତି। ସେହି ଘର ବାହାରେ ଯୁକ୍ତ୨ ଓ ଯୁକ୍ତ୩ କୋଚିଂ ସେଣ୍ଟର ବୋର୍ଡ ଲାଗିଥିଲା। ଫଳରେ ସ୍ଥାନୀୟ ଅଞ୍ଚଳରେ ରହୁଥିବା ଲୋକେ ଅନ୍ୟ କିଛି ସନ୍ଦେହ କରୁ ନ ଥିଲେ କି ରୂପଜୀବୀ ରହୁଥିବା ନେଇ ଜାଣିପାରି ନ ଥିଲେ। ଏବେ ଜଣାପଡ଼ିବା ପରେ ସେମାନେ ଚକିତ ହୋଇଯାଇଛନ୍ତି।
ନୂଆ ବର୍ଷ ପାଇଁ ୨୫ ଯୁବତୀଙ୍କୁ ରାଜଧାନୀ ଆଣିଥିଲେ
ଅଞ୍ଜଳି ଦିଦି ବାଂଲାଦେଶର ଯୁବତୀମାନଙ୍କୁ ଚାକିରି ଦେବା ପାଇଁ କହି ପ୍ରଥମେ କଲିକତା ଓ ପରେ ବାଲେଶ୍ୱର ଦେଇ ଭୁବନେଶ୍ୱରକୁ ଆଣୁଥିଲେ। ଏଠାରେ ହୋଟେଲରେ ରଖି ସେକ୍ସ ର଼୍ୟାକେଟରେ ସମ୍ପୃକ୍ତ କରୁଥିଲେ। ୨୦୨୦ ନୂଆ ବର୍ଷକୁ ଆଖି ଆଗରେ ରଖି ଦିଦି ଜାଲ୍‌ କାଗଜପତ୍ର ମାଧ୍ୟମରେ ୨୫ଜଣ ବାଂଲାଦେଶୀ ଯୁବତୀଙ୍କୁ ରାଜଧାନୀକୁ ଆଣିଥିଲେ। କିନ୍ତୁ କଟକରୋଡ଼ରେ ଜଣେ ରୂପଜୀବୀ ଗିରଫ ହେବା ପରେ ସେ ଅନ୍ୟ ଯୁବତୀଙ୍କୁ ହୋଟେଲରୁ ନେଇ ଭଡ଼ା ଘରେ ରଖିଥିଲେ।
ସୁନୀଲ ମେହେରର ମୁଖ୍ୟ ସହଯୋଗୀ ଅଞ୍ଚଳି ଦିଦି
ସେକ୍ସ ର଼୍ୟାକେଟର ବାଦ୍‌ଶାହା କୁହାଯାଉଥିବା ସୁନୀଲ ମେହେରଙ୍କ ମୁଖ୍ୟ ସହଯୋଗୀ ହେଉଛନ୍ତି ଅଞ୍ଜଳି ଦିଦି। ଦିଦିଙ୍କ ଘର ବାଂଲାଦେଶ ହୋଇଥିବାବେଳେ ତାଙ୍କୁ ସୁନୀଲ ଓଡ଼ିଶା ଆଣିଥିବା ଏସ୍‌ଟିଏଫ୍‌ ସୁରାକ ପାଇଛି। ପରବର୍ତ୍ତୀ ସମୟରେ ଅଞ୍ଜଳି ହିଁ ବାଂଲାଦେଶରୁ ଯୁବତୀଙ୍କୁ ଆଣି କଲିକତା ଓ ପରେ ଓଡ଼ିଶା ପହଞ୍ଚାଉଥିଲେ। କିନ୍ତୁ ସୁନୀଲ ଗିରଫ ହେବାପରେ ର଼୍ୟାକେଟର ମଙ୍ଗ ଧରିଥିଲେ ନିଜ ଅଞ୍ଜଳି ଓ ସ୍ବାମୀ ଇବ୍ରାହିମ୍‌।
ଜାଲ୍‌ ପ୍ରମାଣପତ୍ର କରୁଥିଲେ ଅଭି ଓ ରାଜୁ
ଅଞ୍ଜଳି ଦିଦି ବାଂଲାଦେଶୀ ଯୁବତୀଙ୍କୁ ପଶ୍ଚିମବଙ୍ଗ ଦେଇ ଭାରତରେ ପ୍ରବେଶ କରାଉଥିଲେ। ଏଥିପାଇଁ ବାଂଲାଦେଶ ଓ ପଶ୍ଚିମବଙ୍ଗ ସୀମାରେ ଥିବା ପୋଲିସ ମୋଟାଅଙ୍କର ଅର୍ଥ ନେଇ ଏହି ବେଆଇନ ପ୍ରବେଶକୁ ସୁଯୋଗ ଦେଇଥିଲେ। କଲିକତାରେ ପହଞ୍ଚତ୍ବା ପରେ ଅଭି ଓ ରାଜୁ ନାମକ ଦୁଇଜଣ ବ୍ୟକ୍ତି ସେମାନଙ୍କ ନାମରେ ଜାଲ୍‌ ପ୍ରମାଣପତ୍ର ତିଆରି କରୁଥିଲେ। ଯୁବତୀମାନଙ୍କୁ କଲିକତାରେ କିଛିଦିନ ରଖିବା ପରେ ବାଲେଶ୍ୱର ଓ ପରେ ଭୁବନେଶ୍ୱରକୁ ଅଣାଯାଉଥିଲା। ବିଶେଷକରି ରାଜଧାନୀର ହୋଟେଲରେ ରଖି ପେଡ଼୍‌ ଗର୍ଲଫ୍ରେଣ୍ଡ, କଲ୍‌ଗର୍ଲ ଭାବେ ପରିଚୟ ପାଉଥିଲେ। ଗ୍ରାହକ ପିଛା ରାତିକୁ ଗ୍ରାହକଙ୍କଠାରୁ ୧୦ ହଜାରରୁ ଊର୍ଦ୍ଧ୍ୱ ଟଙ୍କା ନିଆଯାଉଥିଲା।
ବାଂଲାଦେଶୀ ଯୁବତୀଙ୍କ ଏତଲା ସୁରାକ ଦେଇଥିଲା
ଗତବର୍ଷ ଡିସେମ୍ବର ୧୬ରେ କଟକରୋଡରେ ଥିବା ଏକ ଲଜ୍‌ରେ ଜଣେ ବାଂଲାଦେଶୀ ଯୁବତୀଙ୍କୁ ହୋଟେଲ କର୍ମଚାରୀ ବଳାତ୍କାର କରିବା ନେଇ ଲକ୍ଷ୍ମୀସାଗର ଥାନାରେ ପୀଡିତା ଅଭିଯୋଗ କରିଥିଲେ। ପୋଲିସ ବାଂଲାଦେଶୀ ଯୁବତୀଙ୍କ ଅଭିଯୋଗ ଆଧାରରେ ହୋଟେଲର ଦୁଇ କର୍ମଚାରୀଙ୍କୁ ଗିରଫ କରିଥିଲା। କିନ୍ତୁ ଯୁବତୀ ଜଣକ ଜାଲ ପ୍ରମାଣପତ୍ରରେ ଏଠାକୁ ଆସିଥିବା ପୋଲିସ ତଦନ୍ତରୁ ଜାଣିବା ପରେ ତାଙ୍କୁ ଗିରଫ କରିଥିଲା। ପୋଲିସ ଯୁବତୀଙ୍କୁ ପଚରାଉଚରା କରିବାପରେ ବାଂଲାଦେଶୀ ସେକ୍ସ ର଼୍ୟାକେଟର ସୁରାକ ପାଇଥିଲା। ଏହି ଘଟଣା ତାଙ୍କ ପାଇଁ କାଳ ହେଲା ବୋଲି ଅଞ୍ଜଳି ଦିଦି ଏସ୍‌ଟିଏଫ୍‌ ଆଗରେ ସ୍ବୀକାର କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ହାତବାନ୍ଧି ବସିଛନ୍ତି ଛେନାପୋଡ଼ କାରିଗର: ଜଳୁନି ଭାଟି, ବିକ୍ରି ହେଉନି କ୍ଷୀର

ନୟାଗଡ଼ ଅଫିସ,୨୭ା୪: କରୋନା କଟକଣା ନୟାଗଡ଼ର ପ୍ରସିଦ୍ଧ ଛେନାପୋଡ଼କୁ ଜିଲା ବାହାରକୁ ପଠାଇବା ବାଟ ବନ୍ଦ କରିଦେଇଛି। ଏପରି କି ଜିଲା ଭିତରେ ବି ଏହା...

ସନ୍ଧ୍ୟା ଦର୍ଶନ କଟକଣା: ଗର୍ଭଗୃହକୁ ଯାଇପାରିବେନି ଭକ୍ତ

ପୁରୀ ଅଫିସ,୧୧।୭: ଆଡ଼ପମଣ୍ଡପରେ ଭକ୍ତଙ୍କୁ ଦର୍ଶନ ଦେଉଛନ୍ତି ଚତୁର୍ଦ୍ଧାବିଗ୍ରହ। ଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କୁ ଦର୍ଶନ କରି କୃତାର୍ଥ ହେଉଛନ୍ତି ଶ୍ରଦ୍ଧାଳୁ। ଗୁରୁବାର ସନ୍ଧ୍ୟା ଦର୍ଶନ। ନବମୀ...

ନଦୀରୁ ଛାତ୍ରୀଙ୍କ ମୃତଦେହ ଉଦ୍ଧାର

ଫୁଲବାଣୀ ଅଫିସ,୨୩ା୭- ଫୁଲବାଣୀ ନାରାୟଣୀ ମନ୍ଦିର ନିକଟ ସାଲୁଙ୍କି ନଦୀରେ ଭାସୁଥିବା ଜଣେ କଲେଜ ଛାତ୍ରୀଙ୍କ ମୃତଦେହକୁ ସୋମବାର ଉଦ୍ଧାର କରାଯାଇଛି ା ପାରିପାର୍ଶ୍ୱିକ ସ୍ଥିତିକୁ...

କନ୍ଧମାଳରେ ପାସ୍‌ ହାର ୬୦.୪୪%

ଫୁଲବାଣୀ ଅଫିସ, ୨୦ା୮- କନ୍ଧମାଳ ଜିଲାରେ ଯୁକ୍ତ ୨ ବାଣିଜ୍ୟରେ ପାସ୍‌ହାର ରହିଛି ୬୦.୪୪ ପ୍ରତିଶତ। ଜିଲାରେ ମୋଟ ୨୨୫ ଜଣ ପରୀକ୍ଷା ଦେଇଥିବା ବେଳେ...

ଓଡ଼ିଶାରେ ଘଟିଲା ଏମିତି ଆଶ୍ଚର୍ଯ୍ୟଜନକ ଘଟଣା: ଚିତିବୋଡାକୁ ଖାଇଦେଲା ତେନ୍ତୁଳିଆ ବିଛା

କଣ୍ଟାପଡା,୧୩।୭(ଡି.ଏନ୍‌.ଏ.): କଟକ ଜିଲା କଣ୍ଟାପଡା ବ୍ଲକ ସ୍ଥିତ ଓଲଟପୁରଠାରେ ସୋମବାର ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି। ଏକ ୧୦ ଇଞ୍ଚ ଲମ୍ବର ଚିତିବୋଡା ସାପକୁ ଏକ...

ବିଦ୍ୟୁତ୍‌ ବିଭ୍ରାଟ ପ୍ରତିବାଦ: ରାସ୍ତାକୁ ଓହ୍ଲାଇଲେ ଉପଭୋକ୍ତା

ଢେଙ୍କାନାଳ ଅଫିସ, ୩୦।୫: ବିଦ୍ୟୁତ୍‌ ବିଭ୍ରାଟ ପ୍ରତିବାଦରେ ରାସ୍ତାକୁ ଓହ୍ଲାଇଛନ୍ତି ଢେଙ୍କାନାଳ ସଦର ଥାନା ଝାରଗାଡ଼ିଆ ଫାଣ୍ଡି ଅଞ୍ଚଳବାସୀ। ଅନବରତ ୧୨ ଘଣ୍ଟା ଧରି ଅଘୋଷିତ...

କଟକରେ କମିଛି କରୋନା ଆକ୍ରାନ୍ତଙ୍କ ସଂଖ୍ୟା

କଟକ ଅଫିସ,୧୯।୭- କଟକ ଜିଲାରେ କମିଛି କରୋନା ଆକ୍ରାନ୍ତଙ୍କ ସଂଖ୍ୟା। ସଂକ୍ରମଣ ଯେପରି ନ ବ୍ୟାପିବ କଟକ ମହାନଗର ନିଗମ ଓ ଗ୍ରାମାଞ୍ଚଳରେ ଘରକୁ ଘର...

୧୨ ଫୁଟ୍‌ ଲମ୍ବର ଅଜଗର ଉଦ୍ଧାର

ସଜନାଗଡ଼,୧୮।୯(ଡି.ଏନ.ଏ.): ବାଲେଶ୍ୱର ଜିଲା ନୀଳଗିରି କୁଲଡ଼ିହା ଅଭୟାରଣ୍ୟ ପାଦଦେଶରେ ଅବସ୍ଥିତ କାଣ୍ଡଗରଡ଼ିହି ପଞ୍ଚାୟତ ଶିକିରିଆ ଗ୍ରାମରୁ ବୁଧବାର ୧୨ ଫୁଟ୍‌ ଲମ୍ବର ଏକ ଅଜଗର ସାପ...

Coronavirus Update


Archives

Model This Week

Why Dharitri