କୁଚିଣ୍ଡା,୧୧।୩(ବିରଞ୍ଚି ଦର୍କା): ସମ୍ବଲପୁର ଜିଲା କୁଚିଣ୍ଡା ଉପଜିଲାପାଳ କାର୍ଯ୍ୟାଳୟ ପରିସରରେ ଥିବା ଜଙ୍ଗଲ ଜମି ଅଧିକାର ବିଭାଗ ସଂଯୋଜିକା ନିଗତ ପରବିନ୍ ଲାଞ୍ଚ ନେଇ ଧରା ପଡ଼ିଛନ୍ତି। ଜଙ୍ଗଲ ଜମି ପଟ୍ଟା ହିତାଧିକାରୀଙ୍କୁ କେନ୍ଦ୍ର ସରକାରଙ୍କର ଅନୁକମ୍ପା ମୂଳକ ସହାୟତା ରାଶି ଦେବା ପାଇଁ ୮ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ବିଭାଗ ଦ୍ବାରା ଧରାପଡିଥିଲେ।
ସୂଚନାଯୋଗ୍ୟ, ବାମରା ବ୍ଲକ କେଶାଇବାହାଲ ଗ୍ରାମର ସୁଶାନ୍ତ କେର୍କେଟାଙ୍କଠାରୁ ଏହି ଟଙ୍କା ନେଉଥିବା ସମୟରେ ଛକି ବସିଥିବା ସମ୍ବଲପୁର ଭିଜିଲାନ୍ସ ଟିମ୍ ମାଡି ବସିଥିଲେ। ଜଙ୍ଗଲ ଜମି ପଟ୍ଟା ହିତାଧିକାରୀଙ୍କୁ କେନ୍ଦ୍ର ସରକାରଙ୍କର ଅନୁକମ୍ପା ମୂଳକ ସହାୟତା ରାଶି ଦେବା ପାଇଁ ପରବିନ ଉକ୍ତ ଟଙ୍କା ଲାଞ୍ଚ ନେଉଥିଲେ। ଭିଜିଲାନ୍ସ ଟିମ ଲାଞ୍ଚ ଟଙ୍କା ଜବତ ସହ ତାଙ୍କୁ ସାଙ୍ଗରେ ନେଇ ତାଙ୍କ କୁଚିଣ୍ଡାସ୍ଥିତ ବାସଭବନରେ ଚଢାଉ କରି ଖାନତଲାସି ଜାରି ରଖିଛନ୍ତି।
