ହାଇଦ୍ରାବାଦ,୨।୮: ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ଗତ ଗୁରୁବାର ଜେରୁଜେଲମ ଗସ୍ତ କରିଛନ୍ତି। ସେଠାରେ ତାଙ୍କ ସୁରକ୍ଷା ପାଇଁ ସୁରକ୍ଷାକର୍ମୀଙ୍କୁ ୨୨,୫୨,୫୦୦ ଟଙ୍କା ଆନ୍ଧ୍ର ସରକାରଙ୍କ ପାଣ୍ଠିରୁ ଆସିଥିବା ସୂଚନା ମିଳିଛି। ଜଗନ ମୋହନଙ୍କ ଏହି ୪ ଦିନିଆ ଗସ୍ତ ସମୟରେ ଏକ କମ୍ପାନୀର ସୁରକ୍ଷାକର୍ମୀ ତାଙ୍କର ସୁରକ୍ଷା ଦାୟିତ୍ୱ ନେବ। ମାତ୍ର ୨ ମାସ ହେବ ମୁଖ୍ୟମନ୍ତ୍ରୀ ଦାୟିତ୍ୱ ସମ୍ଭାଳିଥିବା ଜଗନ ମୋହନ ରାଜ୍ୟରେ ଆର୍ଥିକ ସଙ୍କଟ ସମୟରେ ଏଭଳି ଖର୍ଚ୍ଚ କରିବା ସାଧାରଣରେ ଚର୍ଚ୍ଚାର ବିଷୟ ପାଲଟିଛି। ସାଧାରଣ ପ୍ରଶାସନ ବିଭାଗ ତରଫରୁ ୨୨,୫୨,୫୦୦ ଟଙ୍କା ମଞ୍ଜୁର କରିବାରୁ ନିର୍ଦ୍ଦେଶ ଦିଆଯାଇଥିଲା। ସୂଚନାଯୋଗ୍ୟ, ଏହି ନିର୍ଦ୍ଦେଶ ଅନୁଯାୟୀ ଅଗଷ୍ଟ ୧ରୁ ୪ ପର୍ଯ୍ୟନ୍ତ ଜଗନ ମୋହନ ତାଙ୍କ ନିଜସ୍ବ କାମରେ ଜେରୁଜେଲମ ଗସ୍ତ କରୁଥିବା ଉଲ୍ଲେଖ କରାଯାଇଥିଲା।
