ଚୋରା ପଥରଖଣି ବ୍ୟବସାୟ: ଅଭିଯୁକ୍ତ ଗିରଫ

ଖୋର୍ଦ୍ଧା ଅଫିସ/ ଭୁବନେଶ୍ୱର, ୩।୮(ବ୍ୟୁରୋ): ଖୋର୍ଦ୍ଧା ଅଞ୍ଚଳରେ ଆତଙ୍କ ଖେଳାଇଥିବା ଚୋରା ପଥର ଖଣିର ଅନ୍ୟତମ ମାଷ୍ଟରମାଇଣ୍ଡ୍‌ ପ୍ରଦୀପ ବେହେରା ଓରଫ କାଳୁ(୨୬) ଶୁକ୍ରବାର ଧରାପଡ଼ିଛନ୍ତି। କ୍ରାଇବ୍ରାଞ୍ଚ ଏସ୍‌ଟିଏଫ୍‌ ଟିମ୍‌ ସ୍ଥାନୀୟ ଜଙ୍ଗଲରେ ଚଢ଼ାଉ କରି ଏକ ଘରୁ ତାଙ୍କୁ ଗିରଫ କରିଛି। ସେଠାରୁ କିଛି ମାରଣାସ୍ତ୍ର ମିଳି ନ ଥିବାବେଳେ ସେ ଚୋରା ବନ୍ଧୁକ ରଖୁଥିବା ନେଇ ଅଭିଯୋଗ ଥିବାରୁ ଏହାର ଖୋଳତାଡ଼ ଆରମ୍ଭ ହୋଇଛି। ପ୍ରଦୀପଙ୍କ ନାମରେ ବିଭିନ୍ନ ଥାନାରେ ଅପହରଣ, ଦାଦା ବଟି ଓ ହତ୍ୟା ଉଦ୍ୟମ ଭଳି ବହୁ ମାମଲା ରହିଛି। ତାଙ୍କୁ ରିମାଣ୍ଡରେ ଆଣି ଆପରାଧିକ ସାମ୍ରାଜ୍ୟକୁ ଧ୍ୱଂସ କରିବାକୁ ଯୋଜନା ରଖିଛି ଏସ୍‌ଟିଏଫ୍‌।
ଏସ୍‌ଟିଏଫ୍‌ର ସୂଚନାନୁସାରେ, ପ୍ରଦୀପ ଖୋର୍ଦ୍ଧା ଓ ଆଖପାଖ ଅଞ୍ଚଳରେ ବେଆଇନ ଭାବେ ପଥର ଖନନ କରିବା ସହ ଚାଲାଣ କରନ୍ତି। ବିଳମ୍ବିତ ରାତିରେ ପଥର ବ୍ଲାଷ୍ଟିଂ କରନ୍ତି। ଗୋଟିଏ ଟ୍ରିପ୍‌ ପଥରକୁ ୨ ହଜାର ଟଙ୍କା ଲେଖାଏରେ ବିକ୍ରି କରନ୍ତି। ରାତିକୁ ପ୍ରାୟ ଦୁଇଶହ ଟ୍ରିପ୍‌ ପଥର ଚାଲାଣ କରି ମାସକୁ ୬୦ଲକ୍ଷରୁ ଉର୍ଦ୍ଧ୍ୱ ଟଙ୍କା ରୋଜଗାର କରନ୍ତି। ଉକ୍ତ ଟଙ୍କାରୁ କେତେଜଣ ରାଜନେତା, ସ୍ଥାନୀୟ ଥାନାର ପୋଲିସ ଓ ପ୍ରଶାସନିକ ଅଧିକାରୀଙ୍କୁ ଦେଇ ଅନାୟାସରେ ସାମ୍ରାଜ୍ୟ ବିସ୍ତାର କରିଚାଲିଥିଲେ। ବିଶେଷକରି ପଥର ବ୍ଲାଷ୍ଟିଂ ଯୋଗୁ ଆଖପାଖ ଅଞ୍ଚଳର ଲୋକେ ଆତଙ୍କିତ ଅବସ୍ଥାରେ ରହୁଥିଲେ ମଧ୍ୟ ପ୍ରତିବାଦ କରିବାକୁ ସାହସ କରିପାରୁ ନ ଥିଲେ। ଚୋରା ପଥର ଖଣି ଉପରେ ଏସ୍‌ଟିଏଫ୍‌ର ନଜର ପଡ଼ିବା ପରଠାରୁ ଖଣି ମାଫିଆଙ୍କ ମଧ୍ୟରେ ପଡ଼ିଥିଲା ଭାଳେଣି। ବ୍ରାଉନସୁଗାର ବ୍ୟବସାୟୀ ତଥା ଚୋରା ପଥର ଖଣି ଇଲାକାରେ ରାଜୁତି କରୁଥିବା ଛୋଟା ଓରଫ ସୁଧାଂଶୁ ପରିଡ଼ା ଓ ଅନ୍ୟ କେତେଜଣ ଜେଲ୍‌ଯିବା ପରେ ସମ୍ପୃକ୍ତ ଗ୍ୟାଙ୍ଗ୍‌ଷ୍ଟର ଓ ଅନ୍ୟମାନେ ଭୟରେ ଉଭାନ ହୋଇଯାଇଛନ୍ତି। ତେବେ ଏସ୍‌ଟିଏଫ୍‌ ସେମାନଙ୍କ ତାଲିକା କରି ଗୋଟିଗୋଟିକରି ଖୋଜି ଧରୁଛି। ଏସ୍‌ଟିଏଫ୍‌ କେସ୍‌ ନଂ-୭/୧୯ରେ ଏକ ମାମଲା ରୁଜୁ କରି ପ୍ରଦୀପଙ୍କୁ ଖୋଜୁଥିଲା। ପ୍ରଦୀପ ଓ ଅନ୍ୟ ୪ଜଣ ଖୋର୍ଦ୍ଧା ସହରର କିଛି ଦୂରରେ ଥିବା ଏକ ଜଙ୍ଗଲରେ ଘର କରି ରହୁଥିବା ଓ ସେଠାରେ ମଦମାଂସର ଆସର ଜମୁଥିବା ଏସ୍‌ଟିଏଫ୍‌ ନିକଟରେ ଖବର ପହଞ୍ଚଥିଲା। ଏପରିକି ଧରା ନ ପଡ଼ିବା ପାଇଁ ସେଠାରେ କେହି ହେଲେ ମୋବାଇଲ୍‌ ଫୋନ୍‌ ବ୍ୟବହାର କରୁ ନ ଥିଲେ। ଶେଷରେ ଏସ୍‌ଟିଏଫ୍‌ ଉକ୍ତ ସ୍ଥାନକୁ ଠାବ କରିବା ପରେ ଗୁରୁବାର ରାତିରେ ଏକ ଟିମ୍‌ ଜଙ୍ଗଲରେ ପଶି ଉକ୍ତ ଘର ଉପରେ ଚଢାଉ କରିଥିଲା। ଚଢ଼ାଉ ସମୟରେ ସମସ୍ତେ ମଦପିଇ ମଉଜ କରୁଥିଲେ। ହେଲେ ଏସ୍‌ଟିଏଫ୍‌ ଅଧା ମଦ ପିଆରୁ ୫ଜଣଙ୍କୁ ଉଠାଇ ଆଣିଥିଲା। ପ୍ରଦୀପଙ୍କୁ ଏସ୍‌ଟିଏଫ୍‌ ଗିରଫ କରିବା ସହ ଅନ୍ୟ ୪ଜଣଙ୍କର ଆପରାଧିକ ଲିଙ୍କ୍‌ ଖୋଜିଥିଲା। ମାତ୍ର ସେପରି କିଛି ନ ମିଳିବାରୁ ସେମାନଙ୍କୁ ଛାଡ଼ି ଦେଇଥିଲା। ତେବେ ପଚରାଉଚରା ପରେ ଏସ୍‌ଟିଏଫ୍‌କୁ ବହୁ ତଥ୍ୟ ମିଳିଛି। ଗିରଫ ଭୟରେ ପ୍ରଦୀପ ଜଙ୍ଗଲ ଭିତରେ ଘର କରି ଲୁଚି ରହିଥିଲେ। ଭୟ ଲାଗୁଥିବାରୁ ସେ ୪ଜଣ ସାଙ୍ଗଙ୍କୁ ମଦ ଓ ମାଂସ ଦେଇ ପାଖରେ ରଖିଥିଲେ। ଅନ୍ୟପକ୍ଷରେ ଗିରଫ ପ୍ରଦୀପଙ୍କୁ ପଚରାଉଚରାବେଳେ ସେ ତାଙ୍କ ଆପରାଧିକ ସାମ୍ରାଜ୍ୟ ସହ ଲିଙ୍କ୍‌ରେ ଥିବା ସହଯୋଗୀଙ୍କ ନାମ କହିଛନ୍ତି। ଏପରିକି ତାଙ୍କୁ ସୁରକ୍ଷା ଦେଉଥିବା ରାଜନେତା ଓ ଗ୍ୟାଙ୍ଗ୍‌ଷ୍ଟାରଙ୍କ ସମ୍ପର୍କରେ ମଧ୍ୟ ଏସ୍‌ଟିଏଫ୍‌ ବହୁତ କିଛି ଜାଣିବାକୁ ପାଇଛି। ତେଣୁ ୪ଦିନିଆ ରିମାଣ୍ଡରେ ଆଣିବା ପାଇଁ କୋର୍ଟରେ ଆବେଦନ କରାଯିବ ବୋଲି ଏସ୍‌ଟିଏଫ୍‌ ଏସ୍‌ପି ରାହୁଲ ପିଆର୍‌ କହିଛନ୍ତି। ତେଣୁ ଆଗକୁ ବହୁ ନେତା ଓ ଗ୍ୟାଙ୍ଗ୍‌ଷ୍ଟର ଏସ୍‌ଟିଏଫ୍‌ ଜାଲରେ ଫସିବେ ବୋଲି ଆଶଙ୍କା କରାଯାଉଛି।


Enter your email to get our daily news in your inbox.

All Right Reserved By Dharitri.Com

କରୋନା ପ୍ରଭାବ: ଚଢ଼ା ଦର ନେଉଛନ୍ତି ବ୍ୟବସାୟୀ: ଜନସାଧାରଣଙ୍କ ମଧ୍ୟରେ ଅସନ୍ତୋଷ, ଦର ନିୟନ୍ତ୍ରଣ କରିବାକୁ ଦାବି

ଭୁବନେଶ୍ୱର, ୨୪।୩(ବ୍ୟୁରୋ): କରୋନାର ମୁକାବିଲା ପାଇଁ ରାଜ୍ୟ ସରକାର ସମଗ୍ର ରାଜ୍ୟକୁ ମଙ୍ଗଳବାର ମଧ୍ୟରାତ୍ରରୁ ଲକ୍‌ଡାଉନ୍‌ ଘୋଷଣା କରିଛନ୍ତି। ଏହି ମହାମାରୀର କୌଣସି ପ୍ରତିକାର ନ...

ରାଜଧାନୀରେ ଖସୁଛି କରୋନା ଗ୍ରାଫ୍‌: ଆଜି ୭୫ ଚିହ୍ନଟ, ସୁସ୍ଥ ହେଲେ ୧୪୨

ଭୁବନେଶ୍ୱର,୪ା୧୧(ବ୍ୟୁରୋ): ରାଜଧାନୀ ଭୁବନେଶ୍ୱରରେ ଏହି କିଛିଦିନ ହେବ ଲଗାତର କରୋନା ଆକ୍ରାନ୍ତଙ୍କ ସଂଖ୍ୟା କମୁଛି। ଏପରିକି ଶହେ ତଳେ କରୋନା ଆକ୍ରାନ୍ତଙ୍କ ସଂଖ୍ୟା ରହୁଛି। ବୁଧବାର...

ରାଜ୍ୟରେ ୬୦୦ ଟପିଲା କରୋନା ମୃତ୍ୟୁସଂଖ୍ୟା, ଆଜି ୧୪ ଜଣଙ୍କ ଜୀବନ ଯାଇଛି

ଭୁବନେଶ୍ୱର,୧୧ା୯(ବ୍ୟୁରୋ): ଶୁକ୍ରବାର ରାଜ୍ୟରୁ ଆଉ ୧୪ ଜୀବନ ନେଇଛି କରୋନା। ଏହାକୁ ମିଶାଇ ରାଜ୍ୟରେ କରୋନା ଜନିତ ମୃତ୍ୟୁସଂଖ୍ୟା ୬୦୫କୁ ବୃଦ୍ଧି ପାଇଥିବା ରାଜ୍ୟ ସ୍ବାସ୍ଥ୍ୟ...

ରାଜ୍ୟରେ ସୁସ୍ଥ ହେଲେ ଆଉ ୨୫୧୦ କରୋନା ଆକ୍ରାନ୍ତ

ଭୁବନେଶ୍ୱର, ୨୭।୮(ବ୍ୟୁରୋ): ରାଜ୍ୟରେ ଗୁରୁବାର ୨୫୧୦ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ବର୍ତ୍ତମାନ ସୁଦ୍ଧା ମୋଟ ୬୫,୩୨୩ ଜଣ ଆରୋଗ୍ୟ ଲାଭକରି ଘରକୁ...

ସଂକ୍ରମଣ ସାମାନ୍ୟ କମିଲା: ରାଜଧାନୀରୁ ୬୬୧ ପଜିଟିଭ୍‌ ଚିହ୍ନଟ

ଭୁବନେଶ୍ୱର,୮।୬(ବ୍ୟୁରୋ): ରାଜଧାନୀ ଭୁବନେଶ୍ୱରରେ ମଙ୍ଗଳବାର ୬୬୧ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେଥିରୁ ୧୫୬ କ୍ୱାରାଣ୍ଟାଇନ୍‌ରୁ ଥିବା ବେଳେ ୫୦୫ ଲୋକାଲ କେସ୍‌ ରହିଛି।...

ବସ୍‌ରେ ବଳାତ୍କାର କରିବା ଘଟଣା : ବସିଲା ମନ୍ତ୍ରୀସ୍ତରୀୟ ବୈଠକ, ବସ୍‌ ଧର୍ମଘଟ ବନ୍ଦ କରିବାକୁ ଅନୁରୋଧ

ଭୁବନେଶ୍ୱର,୯।୮(ବ୍ୟୁରୋ) : ଆସନ୍ତା ୧୨ତାରିଖରେ ଘରୋଇ ବସ୍‌ ମାଲିକ ସଂଘ ପକ୍ଷରୁ ରାଜ୍ୟବ୍ୟାପୀ ଧର୍ମଘଟ କରିବା ଲାଗି ନିଷ୍ପତ୍ତି ନିଆଯାଇଛି। ଏନେଇ ଶୁକ୍ରବାର ବସ୍‌ ମାଲିକ...

ସତ୍ତା ହରାଇବ ବୈତାଳ ମନ୍ଦିର

ପୁରୁଣା ଭୁବନେଶ୍ୱର, ୧୮ା୭ (ଡି.ଏନ.ଏ.): ବର୍ଷାଋତୁ ଆରମ୍ଭ ହୋଇଯାଇଛି। ହେଲେ ମନ୍ଦିରମାଳିନୀ ଭୁବନେଶ୍ୱର ସହରରେ ଥିବା ମନ୍ଦିରଗୁଡ଼ିକର ରକ୍ଷଣାବେକ୍ଷଣ ଚିନ୍ତା ବିଭାଗକୁ ଘାରିଛି। ତେବେ କେନ୍ଦ୍ରୀୟ...

ବାତ୍ୟା ପାଇଁ ତୁରନ୍ତ ଆର୍ଥିକ ସହାୟତା ମାଗିଲେ ନାହିଁ ରାଜ୍ୟ ସରକାର; ଏବେ ଟୁଇଟ୍‌ କରି କାରଣ ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୮।୫(ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଓଡ଼ିଶା ଗସ୍ତରେ ଆସି ବାତ୍ୟା ‘ୟାସ୍‌’ଜନିତ କ୍ଷୟକ୍ଷତିର ସମୀକ୍ଷା କରିଥିଲେ। ଏହି ଅବସରରେ ରାଜ୍ୟ ସରକାରଙ୍କ ପକ୍ଷରୁ ତୁରନ୍ତ...

Advertisement
Archives

Model This Week