ଚିନ୍ମୟଙ୍କ ଅଭିଶପ୍ତ ଜିଭ

ବ୍ରହ୍ମପୁର ଅଫିସ୍‌,୨୩।୬-ପୁଅ ଜନ୍ମ ବେଳେ ଘରେ କେତେ ଆନନ୍ଦ । ସାହି ପଡ଼ିଶାରେ ମିଠା ବଣ୍ଟାଯାଇଥିଲା । ପ୍ରଥମ ସନ୍ତାନ, ଏଣୁ ଘରେ ଭୋଜିଭାତର ଆସର । ତା’ କୁନି ପାଦରେ ଚାଲି, ତା’ କାନ୍ଦ, ତା’ ହାସ, ସମସ୍ତଙ୍କୁ କିମିଆ କରିଥିଲା । ଶ୍ରଦ୍ଧାରେ ନାମ ଦିଆଯାଇଥିଲା ଚିନ୍ମୟ । ସମୟ ଗଡ଼ିଚାଲିଲା । ମା’, ବାପା ଆପେକ୍ଷା କରିଥିଲେ, ପୁଅ ପାଟିରୁ ଡାକ ଶୁଣିବାକୁ । କିନ୍ତୁ ଚିନ୍ମୟ କଥା କହିପାରୁ ନ ଥିଲେ । କାରଣ ଜନ୍ମର ମାତ୍ର ଛ’ ମାସ ପରେ ତାଙ୍କ ଜିଭ ଅସ୍ବାଭାବିକ ଭାବେ ବଢ଼ିବାରେ ଲାଗିଲା । ପ୍ରଥମେ ପ୍ରଥମେ ଏହାକୁ ଅତି ହାଲୁକା ଭାବେ ନେଇଥିଲେ ପରିବାର ବର୍ଗ । ହେଲେ ସମୟକ୍ରମେ ଜିଭର ଆକାର ବଢ଼ି ଚାଲିଲା ।
ଯନ୍ତ୍ରଣାରେ ଚିନ୍ମୟ ନିତି କାନ୍ଦୁଥାଏ । ମା’ ବାପା ସମ୍ବଳ ଅନୁଯାୟୀ ଚିକିତ୍ସା କରାଇଲେ । କିନ୍ତୁ ଅଧିକ ଚିକିତ୍ସାରେ ବାଧକ ହେଲା ଅଭାବ। ଏହା ଭିତରେ ଛ’ ବର୍ଷ ବିତିଗଲାଣି । ଅଭିଶପ୍ତ ଜିଭକୁ ନେଇ ବଞ୍ଚୁଛନ୍ତି ଚିନ୍ମୟ ।
ବ୍ଲକ ସୁତୁମୁସର ଗ୍ରାମର ଗୌରହରି ବରାଡ଼ ଏବଂ ମାଳ ବରାଡ଼ଙ୍କ ଦୁଇ ପୁଅଙ୍କ ମଧ୍ୟରୁ ବଡ଼ ହେଲେ ଚିନ୍ମୟ ।
ଜନ୍ମ ପରଠୁ ସବୁ କିଛି ସ୍ବାଭାବିକ ଥିଲା । କିନ୍ତୁ ଠିକ୍‌ ଛ’ ମାସ ପରେ ଜିଭ ଅସ୍ବାଭାବିକ ଭାବେ ବଢ଼ିବାରେ ଲାଗିଲା । ଏହାର ଆକାର ଏତେ ବଡ଼ ହୋଇଗଲା ଯେ, ପାଟିକୁ ସଂପୂର୍ଣ୍ଣ ବନ୍ଦ କରିଦେଲା । ଚିନ୍ମୟ କଥା କହିବା ତ ଦୂରର କଥା ଖାଇବାରେ କଷ୍ଟ ଅନୁଭବ କଲେ । ଯନ୍ତ୍ରଣାରେ ଛଟପଟ ହେଲେ । ବ୍ରହ୍ମପୁରକୁ ଆଣି ଡାକ୍ତରଙ୍କୁ ଦେଖାଇଲେ ।
ଡାକ୍ତର କହିଲେ ପ୍ରାୟ ୫ଲକ୍ଷ ଟଙ୍କା ଖର୍ଚ୍ଚ ହେବ । ଦାଦାନ ଖଟି ଘର ଚଳାଉଥିବା ଗୌରହରିଙ୍କ ପକ୍ଷେ ଏତେ ଟଙ୍କା ଯୋଗାଡ଼ କରିବା କଷ୍ଟ ହୋଇପଡ଼ିଲା । ଏଣୁ ଆଉ ଚିକିତ୍ସା କରିପାରିଲେ ନାହିଁ। ତେବେ ଅଞ୍ଚଳର କେତେକ ବୁଦ୍ଧିଜୀବୀ ଗତ କିଛି ଦିନ ହେଲା ଚିନ୍ମୟଙ୍କ ଚିକିତ୍ସା ପାଇଁ ସୋସିଆଲ୍‌ ମିଡ଼ିଆରେ କ୍ୟାମ୍ପେନ୍‌ ଆରମ୍ଭ କରିଥିଲେ । ଏହି କ୍ୟାମ୍ପେନ୍‌କୁ ଦେଖି ବିଭିନ୍ନ ସ୍ଥାନରୁ ସହାୟତା ମିଳିବା ଆରମ୍ଭ ହୋଇଯାଇଛି । ଶନିବାର ଜୟ ଜଗନ୍ନାଥ ଗ୍ରୁପ୍‌ ନାମକ ଏକ ସ୍ବେଚ୍ଛାସେବୀ ଅନୁଷ୍ଠାନ ପକ୍ଷରୁ ଚିନ୍ମୟଙ୍କ ଚିକିତ୍ସା ପାଇଁ ୩୦ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଇଛି। ଉପଜିଲାପାଳଙ୍କ ଅନୁପସ୍ଥିତିରେ ଆସିଷ୍ଟାଣ୍ଟ କଲେକ୍ଟର୍‌ ବିନୋଦ କୁମାର ବେହେରାଙ୍କ ଜରିଆରେ ଏହି ଟଙ୍କା ଚିନ୍ମୟଙ୍କ ବାପା ଗୌରହରିଙ୍କୁ ପ୍ରଦାନ କରାଯାଇଛି ।
ଏଥି ସହ ଚିନ୍ମୟଙ୍କ ଅଧିକ ଚିକିତ୍ସା ଦିଗରେ ସରକାର ପଦକ୍ଷେପ ନେବାକୁ ସଂଗଠନ ପକ୍ଷରୁ ଏକ ଦାବିପତ୍ର ମଧ୍ୟ ଦିଆଯାଇଥିଲା । ଦାବିପତ୍ର ଗ୍ରହଣ କରିବା ପରେ ଆସିଷ୍ଟାଣ୍ଟ କଲେକ୍ଟର ବେହେରା ଜୟ ଜଗନ୍ନାଥ ଗ୍ରୁପ୍‌ର କର୍ମକର୍ତ୍ତା ଏବଂ ଚିନ୍ମୟଙ୍କ ବାପା ଗୌରହରୀଙ୍କୁ ନେଇ ମହାରାଜା କୃଷ୍ଣଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟ ଏବଂ ଚିକିତ୍ସାଳୟର ଅଧ୍ୟକ୍ଷ ଡା. ଚରଣ ପଣ୍ଡାଙ୍କୁ ସାକ୍ଷାତ କରିଥିଲେ । ପ୍ଲାଷ୍ଟିକ୍‌ ସର୍ଜରୀ ବିଭାଗର ବିଭାଗୀୟ ମୁଖ୍ୟ ଡା. ରାଜୁ ଦାସ ମଧ୍ୟ ଉପସ୍ଥିତ ଥିଲେ । ତେବେ ଏଠାରେ ଚିକିତ୍ସା ହୋଇପାରିବ ନାହିଁ ବୋଲି ମେଡ଼ିକାଲ୍‌ କର୍ତ୍ତୃପକ୍ଷ ସ୍ପଷ୍ଟ ମନା କରିବା ସହ ଭେଲେର୍‌ରେ ଚିକିତ୍ସା କରାଇବାକୁ ପରାମର୍ଶ ଦେଇଥିଲେ । ଜୟ ଜଗନ୍ନାଥ ଗ୍ରୁପର ଆଡମିନ୍‌ କାର୍ତ୍ତିକ ପାଣିଗ୍ରାହୀ, ଗ୍ରୁପ୍‌ ସଭାପତି ରାଜେନ୍ଦ୍ର ପାତ୍ର, ଭଉଣୀ ମମତା ପାତ୍ର, ମିଡିଆ ମୁଖପାତ୍ର ରଞ୍ଜନା ମିଶ୍ର ପ୍ରମୁଖ ଯୋଗ ଦେଇଥିଲେ ।


Enter your email to get our daily news in your inbox.

All Right Reserved By Dharitri.Com

ବାତ୍ୟା ଅକ୍ୱାନର ତାଣ୍ଡବ: ତାରାତାରିଣୀ ପାହାଡ଼ରେ ଭୂସ୍ଖଳନ

ପୁରୁଷୋତ୍ତମପୁର,୨୦ା୧୧(ସବିତା ମିଶ୍ର): ବାତ୍ୟା ଅକ୍ୱାନ୍‌ର ପ୍ରଭାବରେ ଗଞ୍ଜାମ ଜିଲାରେ ଲଗାଣ ବର୍ଷା ଏବେ ବିପଦ ଡାକି ଆଣିଛି। ପ୍ରବଳ ବର୍ଷା ଯୋଗୁ ଦକ୍ଷିଣଓଡ଼ିଶାର ପ୍ରସିଦ୍ଧ ଶକ୍ତିପୀଠ ମା’…

ଅକ୍ବାନ ପ୍ରଭାବରେ ଦିଗପହଣ୍ଡି ଜଳବନ୍ଦୀ, ବସ୍‌ଷ୍ଟାଣ୍ଡ ସମେତ ବିଭିନ୍ନ ସାହିରେ ପଶିଲା ନର୍ଦ୍ଦମା ପାଣି

ଦିଗପହଣ୍ଡି,୨୦।୧୧(ଅଶେଷ ନାଥ ମିଶ୍ର): ଅକ୍ୱାନ ପ୍ରଭାବରେ ଦିଗପହଣ୍ଡିରେ ତୁହାକୁ ତୁହା ବର୍ଷା ଜାରି ରହିଛି । ଲଗାଣ ବର୍ଷା ଯୋଗୁଁ ଶୁକ୍ରବାର ଦିଗପହଣ୍ଡି ସହର ଉବୁ ଟୁବୁ…

ବାତ୍ୟା ‘ଅକ୍ୱାନ’ ପାଇଁ ସଜାଗ ଗଞ୍ଜାମ ଏନ୍‌ଏସି: ଥଇଥାନ ବ୍ୟକ୍ତିଙ୍କୁ କମ୍ବଳ ବାଣ୍ଟିଲେ ଇଓ, ୧୦୨ ଜଣଙ୍କୁ ଦିଆଯାଉଛି ରନ୍ଧା ଖାଦ୍ୟ

ଗଞ୍ଜାମ, ୧୯।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’ ବେଳକୁ ବେଳ ଉଗ୍ର ରୂପ ଧାରଣ କରୁଥିବା ବେଳେ ଆସନ୍ତାକାଲି ପୂର୍ବାହ୍ନରେ ଏହା ସ୍ଥଳଭାଗ ଛୁଇଁବ ବୋଲି…

ବାତ୍ୟା ‘ଅକ୍ୱାନ’ ପାଇଁ ବଡ଼ ନିଷ୍ପତ୍ତି: ଗଞ୍ଜାମରେ ଆସନ୍ତାକାଲି ଗଡ଼ିବନି ବସ୍ କି ଟ୍ରକ୍

ଛତ୍ରପୁର, ୧୯।୧୧ (ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ମୁକାବିଲା ଏବଂ ଜନସାଧାରଣଙ୍କ ଧନଜୀବନ ସୁରକ୍ଷାକୁ ଦୃଷ୍ଟିରେ ରଖି ଗଞ୍ଜାମ ଜିଲା ପ୍ରଶାସନ ପକ୍ଷରୁ ବଡ଼ ପଦକ୍ଷେପ…

ବାତ୍ୟା ପାଇଁ ହାଇଆଲର୍ଟ: ଡହ-ଭଞ୍ଜନଗର ଜଳଭଣ୍ଡାର ପରିଦର୍ଶନ ସ୍ଥିତି ପରଖିଲେ ପରିବହନ ମନ୍ତ୍ରୀ

ଭଞ୍ଜନଗର, ୧୯।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଗୁରୁବାର ରାତିରେ ଗୋପାଳପୁର ନିକଟରେ ସ୍ଥଳଭାଗ ଛୁଇଁବାର ଆଶଙ୍କା ଥିବାରୁ ପ୍ରଶାସନ ପକ୍ଷରୁ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ…

ମାଡ଼ି ଆସୁଛି ବାତ୍ୟା ‘ଅକ୍ୱାନ’: ଆତଙ୍କିତ ସମୁଦ୍ର ତଟବର୍ତ୍ତୀ ଅଞ୍ଚଳବାସୀ

ଗଞ୍ଜାମ,୧୯।୧୧(ବିଦ୍ୟାଧର ସାହୁ ): ବାତ୍ୟା ଅର୍ଣ୍ଣବର ତାଣ୍ଡବ ଲୋକଙ୍କ ମନରୁ ଲିଭି ନ ଥିବା ବେଳେ ବାତ୍ୟା ଅକ୍ୱାନକୁ ନେଇ ଚିନ୍ତାରେ ଅଞ୍ଚଳବାସୀ l ବାତ୍ୟା ଅକ୍ୱାନ…

ଅଶାନ୍ତ ସମୁଦ୍ରରେ ଫସିଲେ ଆନ୍ଧ୍ର ମତ୍ସ୍ୟଜୀବୀ, ସହଯୋଗର ହାତ ବଢ଼ାଇଲା ଗଞ୍ଜାମ ପ୍ରଶାସନ

ଛତ୍ରପୁର,୧୯।୧୧(ଦିଲ୍ଲୀପି ସାମଲ): ସମ୍ଭାବ୍ୟ ବାତ୍ୟା ଓ ସମୁଦ୍ରର ଅଶାନ୍ତ ପରିସ୍ଥିତି ଯୋଗୁ ନିଜ ଅଞ୍ଚଳକୁ ଫେରି ନ ପାରି ଓଡ଼ିଶା ଉପକୂଳରେ ଆଶ୍ରୟ ନେଇଛନ୍ତି ଆନ୍ଧ୍ରପ୍ରଦେଶର ମତ୍ସ୍ୟଜୀବୀ।…

ଅକ୍ବାନ ପ୍ରସ୍ତୁତି ସମୀକ୍ଷା କଲେ ମନ୍ତ୍ରୀ ବିଭୂତି ଜେନା; ଗଞ୍ଜାମରେ ହାଇଆଲର୍ଟ, ୮୪ ହଜାରରୁ ଊର୍ଦ୍ଧ୍ୱ ଲୋକ ସ୍ଥାନାନ୍ତର

ଛତ୍ରପୁର,୧୯ା୧୧( ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ଅକ୍ବାନର ମୁକାବିଲା ପାଇଁ ଗଞ୍ଜାମ ଜିଲା ପ୍ରଶାସନର ପ୍ରସ୍ତୁତି ସମୀକ୍ଷା କରିଛନ୍ତି ବାଣିଜ୍ୟ ଓ ପରିବହନ, ଇସ୍ପାତ ଓ ଖଣି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?