Posted inଖେଳ

ଚଳଚଞ୍ଚଳ ମଇଦାନ: ଅଭ୍ୟାସକୁ ଓହ୍ଲାଇଲେ ଖେଳାଳି

କଟକ ଅଫିସ,୨୪ା୫:ମଇଦାନକୁ ଓହ୍ଲାଇବା ଆରମ୍ଭ କରିଛନ୍ତି କ୍ରୀଡ଼ାବିତ। ପୁଣି ଥରେ ପଡ଼ିଆ ଗୁଡ଼ିକରେ ଗହଳଚହଳ ଦେଖିବାକୁ ମିଳିଛି। ସକାଳେ ଓ ଅପରାହ୍ନରେ ନେଟ୍ସ ବନ୍ଧା ଯାଉଛି ୱାର୍ମଅପ କରିବା ସହିତ ଘଣ୍ଟାଘଣ୍ଟା ଧରି ଅଭ୍ୟାସ କରୁଛନ୍ତି ରାଜ୍ୟର ପ୍ରତିଭାବାନ କ୍ରିକେଟ ଖେଳାଳିମାନେ। ପ୍ରାୟ ଦୁଇମାସର ବ୍ୟବଧାନପରେ ଚଳଚଞ୍ଚଳ ହୋଇ ଉଠିଛି କ୍ରୀଡ଼ା ଜଗତ ଓ କ୍ରୀଡ଼ାବିତ। ଲକ୍‌ଡାଉନର ୪ର୍ଥ ପର୍ଯ୍ୟାୟ ଜାରି ରହିଥିଲେ ସୁଦ୍ଧା କଟକଣା କୋହଳ ରହିଛି। ଖେଳାଳିମାନେ ଫିଟନେସକୁ ଗୁରୁତ୍ୱ ଦେବା ସହିତ ନିଜ ଟାର୍ଗେଟ ପୂରଣ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ଏହି ପରିପ୍ରେକ୍ଷୀରେ ସାମାଜିକ ଦୂରତ୍ୱ ଓ ସାନିଟାଇଜେଶନ୍‌ ପ୍ରକ୍ରିୟାକୁ ବିଶେଷ ଗୁରୁତ୍ୱ ଦିଆଯାଉଛି ବୋଲି କୁହାଯାଇଛି।

ଉତ୍ସାହ ବଢ଼ିଛି
ଦୀର୍ଘଦିନ ଧରି ଖେଳ ପଡ଼ିଆ ଠାରୁ ଦୂରେଇ ରହିବା ପରେ ଏବେ ଖେଳାଳିମାନଙ୍କ ଭିତରେ ଉତ୍ସାହ ବହୁଗୁଣିତ ହୋଇଛି ବୋଲି କହିଛନ୍ତି ରାଜ୍ୟର ପୂର୍ବତନ ତାରକା ପେସ୍‌ ବୋଲର ତଥା ରାମେଶ୍ୱର ସ୍ପୋର୍ଟିଂର ପ୍ରଶିକ୍ଷକ ଦୀପକ ମଙ୍ଗରାଜ। ଭୁବନେଶ୍ୱର ଓଲ୍ଡ ଟାଉନ୍‌ଠାରେ ରହିଛି କ୍ଲବର ଖେଳ ପଡ଼ିଆ। କ୍ଲବ ଅଧୀନରେ ରାଜ୍ୟର ଅନେକ ନାମୀଦାମୀ ଖେଳାଳି ରହିଛନ୍ତି। ଜୁନିୟର ବର୍ଗର ଖେଳାଳିଙ୍କୁ ଅଧିକ ଅଭ୍ୟାସ କରିବାକୁ ଦିଆଯାଉଛି ବୋଲି ସେ କହିଥିଲେ।

ଟିମ୍‌ ମେଟ୍‌ଙ୍କୁ ଭେଟିବାକୁ ଇଚ୍ଛା
ଲକ୍‌ଡାଉନ୍‌ ସମୟରେ ଅନଲାଇନ ଟ୍ରେନିଂ ଜରିଆରେ ଫିଟନେସ ବଜାୟ ରଖିବା ପାଇଁ ଚେଷ୍ଟା କରିଥିଲି । ଏବେ ଧୀରେଧୀରେ ଅଭ୍ୟାସ ଆରମ୍ଭ କରୁଛି। ସକାଳୁ ଉଠି ଜଗିଂ କରୁଛି। ପୁନର୍ବାର ବଲ ଓ ବ୍ୟାଟ ସହିତ ସମୟ ବିତାଇବା ଆରମ୍ଭ କଲିଣି। ଅଭ୍ୟାସ ଠାରୁ ଦୂରେଇ ରହିବା ମୋ ପାଇଁ ମୁସ୍କିଲ ବୋଲି କହିଛନ୍ତି ରାଜ୍ୟ ରଣଜୀ ଦଳର ଅଧିନାୟକ ଶୁଭ୍ରାଂଶୁ ଶେଖର ସେନାପତି। ଟିମମେଟ୍‌ଙ୍କୁ ଗୋଟିଏ ଗ୍ରାଉଣ୍ଡରେ ଭେଟିବାକୁ ଅପେକ୍ଷା କରିଛି ବୋଲି ସେ କହିଥିଲେ।

ଏକାଡେମୀ ଖୋଲିବାକୁ ଅପେକ୍ଷା
ଅନେକ ଦିନ ଘରେ ରହିବା ପରେ ସାମାନ୍ୟ ଓଜନ ବୃଦ୍ଧି ପାଇଛି ବୋଲି ମୋର ଆଶଙ୍କା। ନିୟମିତ ଶାରୀରିକ ଅଭ୍ୟାସ କରୁଛି। ତଥାପି ଗ୍ରାଉଣ୍ଡରେ ଯେଉଁ ପରିଶ୍ରମ ହେଉଥିଲା, ତାହା ଏଯାଏଁ ହୋଇନାହିଁ। ଓଜନ ହ୍ରାସ କରିବା ପ୍ରତି ବିଶେଷ ନଜର ଦେଉଛି ବୋଲି ତାରକା ଖେଳାଳି ବିପ୍ଳବ ସାମନ୍ତରାୟ କହିଛନ୍ତି। ବାରବାଟୀ ଷ୍ଟାଡିୟମ ପରିସରରେ ଥିବା କ୍ରିକେଟ ଏକାଡେମୀରେ ଅଭ୍ୟାସ କରେ। କ୍ରିକେଟ ଏକାଡେମୀ ଚାଲୁ ହେବାକୁ ଅପେକ୍ଷା ରହିଛି।

ପିଚ୍‌ ଖରାପ, ନେଟ୍ସରେ ଅଭ୍ୟାସ ଚାଲିଛି
ଏବେ ନେଟ୍ସରେ ଅଧିକରୁ ଅଧିକ ସମୟ ଅଭ୍ୟାସ କରୁଛି। ଦୁଇ ଦିନ ହେବ ଗ୍ରାଉଣ୍ଡକୁ ଆସିବା ଆରମ୍ଭ କଲି। ପିଚ୍‌ ଖରାପ ହୋଇ ଯାଇଛି। ନେଟ୍ସ ଅଞ୍ଚଳର ପିଚ ମଧ୍ୟ ଭଲ ଅବସ୍ଥାରେ ନାହିଁ। ପିଚ୍‌ ମରାମତି ଆରମ୍ଭ ହୋଇସାରିଲାଣି ବୋଲି ନିମପୁର ଗ୍ରାଉଣ୍ଡରେ ଅଭ୍ୟାସ କରୁଥିବା ରାଜ୍ୟର ଯୁବ ତାରକା ଖେଳାଳି ରାଜେଶ ଧୂପର କହିଛନ୍ତି। ଦୀର୍ଘ ଦିନର ବ୍ୟବଧାନ ପରେ ପୁଣି ନିଜ ଖେଳପଡ଼ିଆରେ ଅଭ୍ୟାସ କରିବାର ଆନନ୍ଦ ନିଆରା ବୋଲି ରାଜେଶ କହିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଫାଇନାଲରେ ପ୍ଲିସ୍କୋଭା-କର୍ବର

ଇଷ୍ଟବୋର୍ନ(ଇଂଲଣ୍ଡ),୨୯।୬(ଏଏଫ୍‌ପି)- ଏଠାରେ ଚାଲିଥିବା ଇଷ୍ଟବୋର୍ନ ଡବ୍ଲ୍ୟୁଟିଏ ଟେନିସ ଟୁର୍ନାମେଣ୍ଟ ଫାଇନାଲରେ ବିଶ୍ୱର ୩ୟ ର଼୍ୟାଙ୍କ ମହିଳା ସିଙ୍ଗଲ୍ସ ଖେଳାଳି କାରୋଲିନା ପ୍ଲିସ୍କୋଭା ଓ ଓ୍ବିମ୍ବେଲଡନ ଓପନ...

ବାରବାଟୀ ମ୍ୟାଚ୍‌ ଖେଳିବେନି ରାହୁଲ

ନୂଆଦିଲ୍ଲୀ,୮ା୬: ଓଡ଼ିଶା କ୍ରିକେଟ ପ୍ରେମୀଙ୍କ ପାଇଁ ନୈରାଶଜନକ ଖବର। ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ୍‌ ପୂର୍ବରୁ ଭାରତୀୟ ଦଳକୁ ଲାଗିଛି ଏକ ବଡ଼ ଝଟ୍‌କା।...

ପ୍ରଶିକ୍ଷକ ଦୀପ୍ତିରଞ୍ଜନଙ୍କୁ ୧୦ ଡାନ ରେଡ୍‌ ବେଲ୍ଟ

ଭୁବନେଶ୍ୱର,୨୯।୧୨(ସ୍ପୋଟର୍‌ସ ବ୍ୟୁରୋ): ପ୍ରଶିକ୍ଷକ ଦୀପ୍ତିରଞ୍ଜନ ମହାପାତ୍ର କୁମ୍ଫୋ କରାଟେରେ ସମ୍ମାନଜନକ ୧୦ ଡାନ ରେଡ୍‌ ବେଲ୍ଟ ପାଇଛନ୍ତି। ଆତ୍ମରକ୍ଷା କୌଶଳ କ୍ଷେତ୍ରରେ ଦୀର୍ଘ ବର୍ଷର ଅଭିଜ୍ଞତା...

ଭର୍ଷ୍ଟାପେନ୍‌ଙ୍କୁ କ୍ରମାଗତ ଦ୍ୱିତୀୟ ଟାଇଟଲ

ସ୍ପିଲବର୍ଗ, ୨୮ା୬: ରେଡ୍‌ବୁଲ୍‌ର ମାକ୍ସ ଭର୍ଷ୍ଟାପେନ୍‌ ଷ୍ଟାଇରିଆନ ଫର୍ମୁଲା ଓ୍ବାନ ଗ୍ରାଁ ପ୍ରି ମୋଟର ରେସ୍‌ ଜିତିଛନ୍ତି। ଏଥିସହିତ ସେ ଚାମ୍ପିୟନଶିପ ଷ୍ଟାଣ୍ଡିଂରେ ତାଙ୍କ ଅଗ୍ରଣୀ...

ଦୁଇ ରାଜ୍ୟରେ ଖେଳାଯାଇପାରେ ପୂରା ଆଇପିଏଲ୍‌

ମୁମ୍ବାଇ,୩୦।୧: ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ଆଗାମୀ ପୂରା ସଂସ୍କରଣକୁ ମହାରାଷ୍ଟ୍ର ଓ ଗୁଜରାଟରେ ଆୟୋଜନ କରିବାକୁ ଯୋଜନା କରୁଛି ବିସିସିଆଇ। “ବର୍ତ୍ତମାନ ବୋର୍ଡ ସମସ୍ତ...

ବିସ୍ଫୋରକ ମ୍ୟାକ୍ସଓ୍ବେଲଙ୍କୁ କିଣିବା ପାଇଁ କଡ଼ା ଟକ୍କର; ବାଜି ମାରିଲା ଏହି ଟିମ୍‌

ଚେନ୍ନାଇ,୧୮।୨: ଆଇପିଏଲ୍‌ର ଚଳିତ ସଂସ୍କରଣ ପାଇଁ ନିଲାମ ପ୍ରକ୍ରିୟା ଜାରି ରହିଥିବା ବେଳେ ଅଷ୍ଟ୍ରେଲିଆର ବିସ୍ଫୋରକ ବ୍ୟାଟ୍ସମ୍ୟାନ୍‌ ଗ୍ଲେନ୍‌ ମାକ୍ସଓ୍ବେଲଙ୍କୁ କିଣିଛି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍‌ସିବି)।...

ସଚିନ୍‌ କରୋନା ପିଜିଟିଭ୍‌

ନୂଆଦିଲ୍ଲୀ,୨୭।୩: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ନମୁନା ପରୀକ୍ଷା ରିପୋର୍ଟ କରୋନା ପଜିଟିଭ୍‌ ଆସିଛି। ଏନେଇ ସେ ଟୁଇଟ୍‌...

ମାଳବିକାଙ୍କୁ କ୍ୟାରିୟରର ପ୍ରଥମ ଟାଇଟଲ

ମାଲେ(ମାଳଦୀପ),୨୩।୯(ପିଟି): ଯୁବା ଭାରତୀୟ ଶଟଲର ମାଳବିକା ବନସୋଦ ସୋମବାର ମାଳଦୀପ ଅନ୍ତର୍ଜାତୀୟ ଫ୍ୟୁଚର ସିରିଜ୍‌ରେ କ୍ୟାରିୟରର ପ୍ରଥମ ଟାଇଟଲ ହାସଲ କରିଛନ୍ତି। ମହିଳା ସିଙ୍ଗଲ୍ସ ବର୍ଗର...

Advertisement
Archives

Model This Week