ଶୀର୍ଷକ ପଢ଼ି ଆଶ୍ଚର୍ଯ୍ୟ ଲାଗୁଥିବ; ମାତ୍ର ଏହା ସମ୍ପୂର୍ଣ୍ଣ ସତ। ଅନେକ ସମୟରେ ଶୁଣିଥିବେ କୌଣସି କାମ ଆରମ୍ଭ ପୂର୍ବରୁ ଶୁଭଦିନର ଚୟନ କରାଯାଏ। କାରଣ ଏହା କାମକୁ ଶୁଭଫଳ ଦେଇଥାଏ। କିନ୍ତୁ କେବେ ଶୁଣିଛନ୍ତି, ଚୋରି କରିବାର ବି ଶୁଭଦିନ ଏବଂ ଶୁଭ ମୁହୂର୍ତ୍ତର ବି ଉପଯୋଗ ହୋଇଥାଏ। ହାଇଦ୍ରାବଦର ମହମ୍ମଦ୍ ସମୀର୍ ଖାନ୍ ନାମକ ଚୋର ସପ୍ତାହର କେବଳ ମଙ୍ଗଳବାରକୁ ଚୋରି ପାଇଁ ବାଛିଥାନ୍ତି। ବିଶେଷକରି ଆନ୍ଧ୍ରପ୍ରଦେଶ, କର୍ଣ୍ଣାଟକ ଏବଂ ତେଲେଙ୍ଗାନାରେ ଏହି ଚୋର ମଙ୍ଗଳବାର ହଁି ଚୋରି କରିଥାନ୍ତି। ଏଭଳି ଅନ୍ଧବିଶ୍ୱାସୀ ଚୋର ବିଷୟରେ ହୁଏତ ପ୍ରଥମଥର ଶୁଣୁଥିବେ। ଏବେ ଚୋରକୁ ପୋଲିସ୍ ଗିରଫ କରିସାରିଛି। ତା’ଠାରୁ ଲକ୍ଷାଧିକ ଟଙ୍କା ଏବଂ ଗହଣା ଜବତ କରିଛି। ସମୀର କୁହନ୍ତି, ମଙ୍ଗଳବାର ଚୋରି କଲେ ଧରାପଡିବାର ଆଶଙ୍କା ନ ଥାଏ ବୋଲି ତାଙ୍କର ବିଶ୍ୱାସ ରହିଛି।
