ନୂଆଦିଲ୍ଲୀ,୧୫ ।୧: କେନ୍ଦ୍ରର ନୂଆ କୃଷି ଆଇନକୁ ନେଇ ଏବେ କଂଗ୍ରେସ ଅଣ୍ଟା ଭିଡିଛି । ବିଦେଶ ଗସ୍ତରୁ ଫେରିବା ପରେ କଂଗ୍ରେସ ନେତା ରାହୁଲ ଗାନ୍ଧୀ ଲଗାତାର ଭାବେ କୃଷକ ଆନ୍ଦୋଳନକୁ ନେଇ କେନ୍ଦ୍ର ସରକାରଙ୍କୁ ଘେରୁଛନ୍ତି । ଶୁକ୍ରବାର ରାହୁଲ ଗାନ୍ଧୀ ଓ ତାଙ୍କ ଭଉଣୀ ତଥା କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀ ଦିଲ୍ଲୀରେ କୃଷି ଆଇନ ବିରୋଧରେ ପ୍ରଦର୍ଶନ କରିଛନ୍ତି । ରାହୁଲ କହିଛନ୍ତି ୩ ନୂଆ କୃଷି ଆଇନ କୃଷକଙ୍କୁ ଶେଷ କରିଦେବ । ଏବେ ଯଦି ଏହାକୁ ବନ୍ଦ କରି ନ ଦିଆଯାଏ ତେବେ ପରେ ଏଭଳି ଅବସ୍ଥା ଅନ୍ୟ ସେକ୍ଟରରେ ଦେଖିବାକୁ ମିଳିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୃଷକଙ୍କୁ ସମ୍ମାନ ଦେଇ ଜାଣି ନାହାନ୍ତି । ହେଲେ କୃଷକ ନା ନଇଁବେ ନା ଡରିବେ । ପ୍ରିୟଙ୍କା ଓ ରାହୁଲ ଦିଲ୍ଲୀର ଯନ୍ତର ମନ୍ତରରେ ପ୍ରଦର୍ଶନ କରିଛନ୍ତି । ଅନ୍ୟପଟେ ରାହୁଲ ରାଜଭବନ ଘେରାଉ କରିବାକୁ ଲାଗି ପଡିଛନ୍ତି ।
