କାଲ ହେଲା ଖରାଦିନିଆଁ ଧୁକାଗରେଲ: ଭଂଗା କୁରିଆରେ ୭ ଅସାହା ଜୀବନ୍‌

ନୂଆପଡା ଅଫିସ/କୋମନା,୭ା୬- କେନ୍ଦ୍ର ଆର ରାଏଜ୍‌ ସରକାର ଗରିବ୍‌ ଦୁଖ, ନିଆଁ ସିମାନକୁ ପକାଘର ଯୁଗେଇ ଦେବାର ଲାଗି ଅନେକ ପରକାର ଆବାସ ଯୋଜନା କାଯ୍‌କାରୀ କରୁଛନ୍‌। ହେଲେ ବିଭାଗୀୟ ଅଧ୍‌କାରୀମାନକର ଉଦାସୀନତା ଲାଗି ଅନେକ ଜାଗାରେ ହକ୍‌ଦାର ହିତାଧିକାରୀ ଯୋଜନାର ଲାଭ ପାଏବାରୁ ବଁଚିତ୍‌ ହେଉଛନ୍‌। ଏନ୍‌ତା ଗୁଟେ ଉଦାହରନ୍‌ ଦେଖ୍‌ବାକେ ମିଲିଛେ ନୂଆପଡ଼ା ଜିଲା କୋମନା ବ୍ଲକ ସଦର ମହକୁମାନୁ ୧ କି.ମି. ଦୂରେ ଥିବାର ସିଙ୍ଗାରୀ ଗଁାରେ। ଗଁାର ଗୁଟେ ପରିବାର ବଛର ବଛର ହେଲା ଭଂଗା ଘରେ ରହିଆସୁଥିଲେ। ଏନ୍‌ତାଥି ଦିନାକେତେ ତଲେ ହେଇଥିବାର ଖରାଦିନିଅଁା ଧୁକାଗରେଲ ପରିବାରଟାକେ ବାସହରା କରିଦେଇଛେ। ଏହେଦେ ଇ ଗରିବ୍‌ ପରିବାରଟା ଗଁାରେ ଭିନେ ଭିନେ ଲୁକ୍‌କର ପିଁଢ଼ାରେ ଦିନ୍‌ ବିତଉଛନ୍‌। ଇ ଦୁଖି ପରିବାରର ଦୁରଦଶା ଦେଖ୍‌ଲେ ଯେକେହି ସରକାରୀ ଯୋଜନାର ଗତି କେନ୍‌ଆଡ଼େ ଠହରେଇ ପାରବା।
ସୂଚନା ଅନ୍‌ସାରେ ସିଙ୍ଗାରୀ ଗଁାର ବରୁଣ ନାଏକକଁର ପରିବାର କହିଲେ ତାକର ମାଏକିନା ନୀଲାଙ୍କ ଆର ୫ ଝି’ପୁଓ। ବରୁଣକଁର ନଁାରେ ଜମିବାଡ଼ି ବଲି କିଛି ନାଇଁ, ପରିବାରଟା ଦରିଦିରିଆ ସୀମାରେଖା ତଲେ ରହିଛନ୍‌। ଏନ୍‌ତାଥି ଫେର ପରିବାଟା ସବୁପରକାର ସରକାରୀ ସୁବିଧା ସୁଯୋଗରୁ ବଁଚିତ ହେଇ ରହିଛନ୍‌। ଘର କହେଲେ ଗଁାମୁଡ଼େ ଥିବାର ଝାଟିମାଟିର କୁରିଆଟେ। ବରୁଣକଁର କହିବାର ହିସାବେ ଗଁାମୁଡୁ ଦେଖ୍‌ଲେ ବ୍ଲକ ଅଫିସ ଦିଶ୍‌ସି। ସବୁଦିନ ବଡ଼ବଡ଼ିଆ ଅଧ୍‌କାରୀମାନେ ସଖାଲୁ ବେଲବୁଡ଼ା ତକ୍‌ ଗଁାକେ ଟହଲି ଆସୁଛନ୍‌। ହେଲେ କାହାରି ଦୁରୁଷ୍‌ଟି ତାକର ଉପରେ ନାଇଁ ପଡ଼ବାର। ପରିବାର ଲୋକ ଅନେକ ଥର ନେତା, ଅଧ୍‌କାରୀକୁଁ ଗୁହାରୀ କରିଛନ୍‌। ହେଲେ ଆବାସ ଯୋଜନା ତାଲିକାରେ ଠାନ୍‌ ନାଇଁ ପାଇପାରବାର। ଏନ୍‌ତା ବିଷମ୍‌ ପରିସ୍ଥିତିରେ ଦିନାକେତେ ତଲେ ହେଇଥିବାର ଧୁକାଗରେଲ ତାକର କୁରିଆକେ ଖିନ୍‌ଭିନ୍‌ କରିଦେଇଛେ। ଏହେଦ୍‌କା ପରିବାରଟା ବାରଦୁଆର ବୁଲି ମୁଡ଼ ଗୁଁଜୁଛନ୍‌। ଆଗ୍‌କେ ବରଷା ଦିନ୍‌ ମାଡ଼ିଆସୁଛେ। ଏନ୍‌ତାଥି ପରିବାରଟା କେନ୍‌ଠାନେ ରହିବେ ଆର ସରକାରକଁର ତରଫୁ ଘରଖଁଡ଼େ ମିଲବା କି ନାଇଁ ସଁଧେରେ ରହିଛନ୍‌। ଇ ଗରିବ୍‌ ନିଅଁାସି ପରିବାର ଉପରେ ବ୍ଲକ ପରଶାସନ ଦୁରୁଷ୍‌ଟି ଦେଇ ପଦକ୍ଷେପ ନେବାକେ ଜନସାଧାରନରେ ମତ ପରକାଶ ପାଉଛେ। ବରୁଣ ନାଏକ ଗୁଟେ ଉଦାହରନ୍‌ ଆଏ। ହେଲେ ଏନ୍‌ତା କେତେ ଯେ ବରୁଣ ବାସହରା ହେଇ ପରମାଦ ଗନୁଛନ୍‌ ତାର କିଛି ଠିକ୍‌ଠିକାନା ନାଇଁ। ଜିଲାରେ ଗୁଟେ ସର୍ଭେ କରି ଏନ୍‌ତା ବାସହରାମାନକୁ ଚିନ୍‌ହଁଟ କରବାର ସଂଗେ ତାହାକୁ ସରକାରୀ ସୁବିଧା ସୁଯୋଗ ଯୁଗେଇ ଦେବାର ନିହାତି ଜରୁରି ବଲି ବୁଧିଜୀବୀ ମହଲରେ ଦାବି ହେଉଛେ।


Enter your email to get our daily news in your inbox.

All Right Reserved By Dharitri.Com

ଆବାସ ଘର ସାତ୍‌ସପନ: ନଡ଼ାଛପର ଘରେ ବିତୁଛେ ଜୀବନ୍‌

ଅତାବିରା, ୧୯।୬ (ଡି.ଏନ.ଏ)- ଉଭଏ କେନ୍ଦ୍ର ଆର ରାଏଜ୍‌ ସରକାର ଗରିବ୍‌ ଦୁଖି, ନିଅଁାସିମାନକର ଲାଗି ଅବାସ ଯୋଜନା କାଯ୍‌କାରୀ କରୁଛନ୍‌। ହେଲେ ସର୍ଭେରେ ଭୁଲଭଟକା,...

ସତ୍ୟବାଦୀ ବିଦ୍ୟାପୀଠ ବିଜ୍ଞାନ କ୍ଲବକୁ ଗୋଲ୍ଡ କ୍ଲବ ସମ୍ମାନ

ଉଲୁଣ୍ଡା/ଅମରପାଲି, ୨୩।୬(ଡି.ଏନ.ଏ.):ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଲକ କଳାପଥରସ୍ଥିତ ସତ୍ୟବାଦୀ ବିଦ୍ୟାପୀଠର ବିଜ୍ଞାନ କ୍ଲବକୁ ଚଳିତ ବର୍ଷର ଗୋଲ୍ଡ କ୍ଲବ ସମ୍ମାନ ପ୍ରଦାନ କରାଯାଇଛି । ଛାତ୍ରୀଛାତ୍ରଙ୍କ...

ଅଭିଯୋଗକାରୀଙ୍କୁ ମାଡମାରି ଜେଲ ଗଲେ ବ୍ଲକ ଅଧ୍ୟକ୍ଷ, ଅଧ୍ୟକ୍ଷଙ୍କ ପୁତରା ବି ଗିରଫ

ନୂଆପଡା ଅଫିସ/ଖଡିଆଳ,୨ା୧- ଥାନାକୁ ଅଭିଯୋଗ କରିବାକୁ ଆସିଥିବା ଫରେଷ୍ଟରଙ୍କୁ ମାଡପିଟ କରିବା ସହ ପୋଲିସକୁ ଗାଳିଗୁଳଜ କରିବା ଅଭିଯୋଗରେ ଖଡିଆଳ ବ୍ଲକ ଅଧ୍ୟକ୍ଷ ବାଳକୃଷ୍ଣ ଶବରଙ୍କୁ...

ରାଜ୍ୟରେ ପ୍ରଥମ:ପେପରଲେସ୍‌ ଅଭିଯୋଗ ଶୁଣାଣି

ସମ୍ବଲପୁର,୧୬।୯(ବ୍ୟୁରୋ): ସାଧାରଣ ଲୋକଙ୍କୁ ଅଭିଯୋଗ କରିବା ପାଇଁ ଆଉ ଜିଲାପାଳ ଅଫିସ, ବ୍ଲକ ଅଫିସ କିମ୍ବା ଅନ୍ୟାନ୍ୟ ଅଫିସକୁ ଯିବାକୁ ପଡିବ ନାହିଁ। ଏଣିକି ସେମାନେ...

ପରିବେଶର ସୁରକ୍ଷା ଲାଗି ବୃକ୍ଷରୋପଣ ଜରୁରୀ

ଖପ୍ରାଖୋଲ,୫।୬(ଡି.ଏନ.ଏ.): ଖପ୍ରାଖୋଲ ବ୍ଲକ ବଡଗୁର୍ଜିଭଟାଠାରେ ବନ ବିଭାଗ ପକ୍ଷରୁ ବିଶ୍ୱ ପରିବେଶ ଦିବସ ବୁଧବାର ପାଳିତ ହୋଇଯାଇଛି । ଏହି ଅବସରରେ ସ୍ଥାନୀୟ ଉଚ୍ଚ ପ୍ରାଥମିକ...

ସ୍ବାସ୍ଥ୍ୟମନ୍ତ୍ରୀଙ୍କ ବୁର୍ଲା ଭୀମସାର ମେଡିକାଲ କଲେଜ ପରିଦର୍ଶନ

ସମ୍ବଲପୁର, ୧୦।୭ (ବ୍ୟୁରୋ): ସ୍ବାସ୍ଥ୍ୟମନ୍ତ୍ରୀ ନବ କିଶୋର ଦାସ ବୁଧବାର ସମ୍ବଲପୁର ବୁର୍ଲା ଭୀମସାର ମେଡିକାଲ କଲେଜ ପରିଦର୍ଶନ କରିଛନ୍ତି। ପ୍ରଥମେ ସେ ବିଭିନ୍ନ ୱାର୍ଡ...

ସାତ୍‌ସପନ ହେଇଛେ ସରକାରୀ ସାହାଯ୍‌: ରୋଗ୍‌ରେ ଯୁଝୁଛନ୍‌ କୁଟୁମବସିଆ

ବିନିକା,୧୫ା୬(ଡି.ଏନ୍‌.ଏ): ସୁବର୍ଣ୍ଣପୁର ଜିଲା ବିନିକା ଏନ୍‌ଏସି ଓ୍ବାର୍ଡ ନଂ.୧ର ବାସିନ୍‌ଦା ବେଣୁଧର ଜାଲ(୮୦)। ପରିବାର କହେଲେ ଛାର୍‌ରି ଝି’ ରାହି(୪୮) ଆର ମାନସିକ୍‌ ରୋଗ୍‌ରେ ପୀଡ଼ିତ...

କରୋନା ମୁକାବିଲା ଲାଗି ଏସ୍‌ଏଚ୍‌ଜି ସହାୟତା ଦେଲା

ସମ୍ବଲପୁର, ୩୦।୪ (ବ୍ୟୁରୋ)- କରୋନା ମୁକାବିଲା ଲାଗି କନଖିଣ୍ଡା ପଞ୍ଚାୟତ ସ୍ବୟଂ ସହାୟକ ଗୋଷ୍ଠୀ ମାଁ ସମଲେଶ୍ୱରୀ-ଏ ୧୦ ହଜାର ଟଙ୍କା ପ୍ରଧାନମନ୍ତ୍ରୀ କେୟାର ପାଣ୍ଠିକୁ...

Advertisement
Archives

Model This Week