କାନୁନ୍‌ଗୋ ବୋଲି ଓଡ଼ିଆ ଭାବନ୍ତି

ଏକାଧାରରେ ଜଣେ ପ୍ଲେବ୍ୟାକ୍‌ ସିଙ୍ଗର୍‌, କମ୍ପୋଜର୍‌, ଆକ୍ଟର ଏବଂ ଏଣ୍ଟରପ୍ରିନିୟୋର୍‌। ନିଜ ପାର୍ଟି ନମ୍ବର୍‌ ଓ ର଼୍ୟାପ୍‌ ସଙ୍ଗ୍‌ ପାଇଁ ରାତାରାତ ୟୁଥ୍‌ ସେନ୍‌ସେସନ୍‌ ପାଲଟିଥିବା ଅର୍ଜୁନ ପାର୍ଟି ଗୀତକୁ ପାର୍ଟି ଆନ୍ଥେମ୍‌ କରିବାରେ ଉସ୍ତାଦ୍‌। ‘ବାକି ବାତେଁ ପିନେ ବାଦ୍‌’ରେ ହଜାର ହଜାର ଯୁବପିଢିଙ୍କୁ ଝୁମାଇଥିବା ଅର୍ଜୁନ ୨୦୧୩ରେ ‘ଗୋ ଗୋଆ ଗନ୍‌’ରେ ‘ଖୁନ୍‌ ଚୁସ୍‌ ଲେ’ ଗୀତ ମାଧ୍ୟମରେ ପ୍ରଥମେ ଲାଇମ୍‌ଲାଇଟ୍‌କୁ ଆସିଥିଲେ। କ୍ଲାସିକାଲ ଗୀତରେ ପ୍ରଶିକ୍ଷଣ ନେଇଥିବା ଏହି କଣ୍ଠଶିଳ୍ପୀ ‘ଫୁର୍‌ସତ୍‌’ ଓ ‘ଏକ୍‌ ଦଫା’ ସିଙ୍ଗିଲ୍ସରେ ହଇଚଇ କରିଦେଇଛନ୍ତି। ୨୦୧୮ରେ ରିଲିଜ ହୋଇଥିବା ନେହା କକ୍କରଙ୍କ ସହ ତାଙ୍କ ଡୁଏଟ୍‌ ‘ଲା ଲା ଲା’ ୟୁଟ୍ୟୁବ୍‌ରେ ୭୫ ମିଲିୟନ୍‌ରୁ ଅଧିକ ଭ୍ୟୁ ସାଉଁଟିଛିି। ପ୍ରସିଦ୍ଧ ପାକିସ୍ତାନୀ କଣ୍ଠଶିଳ୍ପୀ ମୋମିନା ମୁସ୍ତେହସନ୍‌ଙ୍କ ସହ ସେ ଗାଇଥିବା ‘ଆୟେ ନା ତୁ’ ବି ସୁପରହିଟ୍‌ ହୋଇଥିଲା। ଏକାଧିକ ହିନ୍ଦୀ ଫିଲ୍ମରେ ଗୀତ ଗାଇଥିବା ଅର୍ଜୁନ ଜଣେ ଲୋକପ୍ରିୟ ପ୍ଲେବ୍ୟାକ୍‌ ସିଙ୍ଗର୍‌ଭାବେ ଯେତିିକି ପରିଚିତ, ନିଜ ଲୁକ୍‌ ଓ ଷ୍ଟାଇଲ୍‌ ପାଇଁ ସେତିକି ପ୍ରସିଦ୍ଧ। ନିକଟରେ ଭୁବନେଶ୍ୱରଠାରେ ଆୟୋଜିତ ମାକ୍‌ଡୋଏଲ୍ସର ବହୁଚର୍ଚ୍ଚିତ ନମ୍ବର ୱାନ୍‌ ୟାରି ଜାମ୍‌ ଫେଷ୍ଟ୍‌ରେ ଯୋଗଦେବାକୁ ଓଡ଼ିଶା ଆସିଥିବା ଅବସରରେ ତାଙ୍କ ସହ ସଂକ୍ଷିପ୍ତ ଆଳାପ।

ଗୁଗଲ୍‌ ଏବଂ ଓ୍ବିକିପିଡ଼ିଆରେ ଆପଣଙ୍କ ଘର ଓଡ଼ିଶା ବୋଲି ଲେଖା ଅଛି। ଓଡ଼ିଶା ସହ କି ସମ୍ପର୍କ ଅଛି?
*ମୁଁ ବି ବେଳେବେଳେ ଏହାକୁ ନେଇ କନ୍‌ଫ୍ୟୁଜ୍‌ ହୋଇଯାଏ। କାନୁନ୍‌ଗୋ ବୋଲି ମୋତେ ସମସ୍ତେ ଓଡ଼ିଆ ଭାବନ୍ତି। ହେଲେ ବାସ୍ତବରେ ମୁଁ ଓଡ଼ିଆ ନୁହେଁ। ମୋ ଘର ରାଜସ୍ଥାନରେ ଏବଂ ମୋ ପରିବାର ରାଜସ୍ଥାନରେ ହିଁ ରୁହନ୍ତି। ମୁଁ ବମ୍ବେରେ ଜନ୍ମହୋଇଛି ଓ ସେଠାରେ ବଡ଼ ହୋଇଛି। ହେଲେ ଓ୍ବିକିପିଡ଼ିଆରେ ମୋ ଘର ଓଡ଼ିଶା ଲେଖା ଅଛି ବୋଲି ମୁଁ ଜାଣି ନଥିଲି। ଆଜି ଜାଣିବାକୁ ପାଉଛି। ଏହାକୁ ବଦଳାଇବାକୁ ପଡ଼ିବ।
ଓଡ଼ିଶା ବିଷୟରେ କେତେ ଜାଣିଛନ୍ତି?
*ଓଡ଼ିଶାକୁ ଆଗରୁ ଆସିଛି। ହେଲେ ଶୋ’ ପାଇଁ ଆସିଲେ ବାହାରକୁ ଯାଇହୁଏନା କି ବୁଲିହୁଏନା। ଫାଙ୍କା ସମୟରେ ଏଠାକୁ ଆସି କିଛି ସମୟ ରହିବାକୁ ମୋର ଯୋଜନା ଅଛି। ସପ୍ତାହେ, ଦୁଇ ସପ୍ତାହ ରହି ଓଡ଼ିଶାର ପ୍ରସିଦ୍ଧ ସ୍ଥାନ ବୁଲିବି। ଏଠାକାର ମନ୍ଦିର ଓ ତା’ର ଆର୍କିଟେକ୍‌ଚର୍‌ ବହୁ ସୁନ୍ଦର ବୋଲି ଶୁଣିଛି। ତେଣୁ ସେଗୁଡ଼ିକ ଦେଖିବାକୁ ବହୁତ ଆଗ୍ରହ ଅଛି। ଖୁବ୍‌ଶୀଘ୍ର ଏକ ଟ୍ରିପ୍‌ ପ୍ଲାନ୍‌ କରିବି।
ଅନେକ ସେଲିବ୍ରିଟି ଏଠାକୁ ଆସି ଓଡ଼ିଆ ଖାଦ୍ୟ ମୋହରେ ପଡ଼ିଯାଆନ୍ତି। ଆପଣ କ’ଣ ଖାଇଛନ୍ତି?
*ମୁଁ ଏବେ ନୁହେଁ, ବହୁ ଆଗରୁ ଓଡ଼ିଆ ଖାଦ୍ୟ ଖାଇଛି। ଓଡ଼ିଶାର ଟ୍ରାଡିଶନାଲ ଫୁଡ୍‌ ମୋତେ ବହୁତ ଭଲଲାଗେ। ବିଶେଷକରି ଫ୍ରାଏଡ୍‌ ମାଛ ମୋର ଫେଭରାଇଟ୍‌। ଓଡ଼ିଶାରେ ଯେଉଁ ଫ୍ରେଶ ଓ୍ବାଟର୍‌ ଫିସ୍‌ ମିଳେ ତାହା ଆଉ କେଉଁଠି ମିଳେନା।
ଆଜିକାଲିର ରିମିକ୍ସ ଟ୍ରେଣ୍ଡ୍‌କୁ କେମିତି ଦେଖୁଛନ୍ତି?
*ମୁଁ ଏହାକୁ ଖୋଲାଖୋଲି ବିରୋଧ କରେ। ଗୋଟିଏ ଦୁଇଟି ଗୀତ ଠିକ୍‌ ଅଛି। ହେଲେ ଏବେ ଯେଉଁ ମାତ୍ରାରେ ରିମିକ୍ସ ହେଉଛି ସେମିତି ହେବା ଉଚିତ୍‌ ନୁହେଁ। ଆଜିକାଲି ପ୍ରତ୍ୟେକ ଫିଲ୍ମରେ ଯାହା ବି ହେଲେ ଗୋଟିଏ ରିମିକ୍ସ ରହୁଛି। ସବୁ ଫିଲ୍ମରେ ପ୍ରଥମେ ଏକ ରିମିକ୍ସ, ତା’ପରେ ଏକ ଲଭ୍‌ ସଙ୍ଗ୍‌ ଓ ଶେଷରେ ଏକ ପାର୍ଟି ସଙ୍ଗ୍‌ ରହୁଛି। ଏହା ଏକ ଟ୍ରେଣ୍ଡ୍‌ରେ ପରିଣତ ହେଲାଣି। ଫଳରେ ନୂଆ ଗୀତ ଆଉ ଆସୁନି କି ଭଲ ଗୀତ ତିଆରି ହେଉନି। ରିମିକ୍ସ କରିବା ଲୋକକୁ କ୍ରେଡିଟ୍‌ ମିଳୁଛି କିନ୍ତୁ ଯିଏ ଗୀତକୁ ବାସ୍ତବରେ କରିଛି ତାକୁ କ୍ରେଡିଟ୍‌ ମିଳୁନି। ଯେଉଁମାନେ ରିମିକ୍ସ କରୁଛନ୍ତି ସେମାନଙ୍କୁ ମୁଁ ଗୋଟିଏ ପ୍ରଶ୍ନ କରିବି ଯେ ୧୦ବର୍ଷ ପରେ ତୁମେ କ’ଣ କରିବ। ସେତେବେଳେ ରିମିକ୍ସ କରିବାକୁ ଆଉ କିଛି ନଥିବ।
ଏତେ ଭଲ ଭଲ ପାର୍ଟି ଆନ୍ଥେମ୍‌ କରିବା ପଛର ସିକ୍ରେଟ୍‌ କ’ଣ?
*ସିକ୍ରେଟ୍‌ ତ ନାହିଁ। ହେଲେ ଏତିକି କହିବି ନିଜେ ପାର୍ଟି କଲେ ଆନ୍ଥେମ୍‌ ଆପେ ଆପେ ହୋଇଯିବ।
ଆଗକୁ କ’ଣ କରିବାର ଯୋଜନା ରଖିଛନ୍ତିି?
*ସମାନ କାମ ବହୁତ କରିସାରିଲିଣି। ଏବେ କିଛି ନୂଆ କରିବାର ଅଛି। ନିକଟରେ ୩ଟି ଫିଲ୍ମ ପାଇଁ ଗୀତ ରେକର୍ଡ କରିଛି। ତାହା ଏବେଯାଏଁ ରିଲିଜ୍‌ ହୋଇନି। ଡିସେମ୍ବରରେ ଏକ ସିଙ୍ଗିଲ୍‌ ରିଲିଜ ହେବ। ଆଶାକରୁଛି ପାର୍ଟି ଲଭର୍‌ଙ୍କ ପାଇଁ ତାହା ଏକ ଭଲ ଗୀତ ହେବ।
କେବଳ ହିନ୍ଦୀ ନା ଆଉ କେଉଁ ଭାଷାରେ ଗୀତ ଗାଇବାର ଆଗ୍ରହ ଅଛି?
*ମୋତେ ସବୁ ଭାରତୀୟ ଭାଷାରେ ଗାଇବାର ଆଗ୍ରହ ଅଛି। ଯଦି ଓଡ଼ିଆରେ ବି ଅଫର୍‌ ମିଳେ ତାହେଲେ ନିଶ୍ଚୟ ଗାଇବି।
ସାମ୍ପ୍ରତିକ ସମୟରେ ରିଆଲିଟି ଶୋ’ଗୁଡ଼ିକ ପ୍ରତିଭାମାନଙ୍କୁ ଭଲ ପ୍ଲାଟ୍‌ଫର୍ମ ଦେଉଛି ନା ଏକ ନେଗ୍‌ଟିଭ୍‌ ବାତାବରଣ ସୃଷ୍ଟିକରୁଛି?
*ନିଶ୍ଚିନ୍ତଭାବେ ଏହା ଭଲ ପ୍ଲାଟ୍‌ଫର୍ମ। ଆଜିକାଲିର ରିଆଲିଟି ଶୋ’ରେ ପ୍ରତିଯୋଗିତା ବଢିଗଲାଣି। ଏକ୍ସପୋଜର୍‌ ବି ଭଲ ହେଲାଣି। ତେଣୁ ଯେଉଁମାନେ ଗାଇବାର ସୁଯୋଗ ପାଉନାହାନ୍ତି ସେମାନଙ୍କୁ ମୁଁ ଏତିକି କହିବି ରିଆଲିଟି ଶୋ’କୁ ଯାଅ। ସେଠାରେ ନିଜ ଟ୍ୟାଲେଣ୍ଟ୍‌ ଦେଖାଅ।


Enter your email to get our daily news in your inbox.

All Right Reserved By Dharitri.Com

ଖଳନାୟକ ଚରିତ୍ରରେ ଅକ୍ଷୟ

ମୁମ୍ବାଇ: ବଲିଉଡ୍‌ ଖିଲାଡି ବୟଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର। ୟଶରାଜ ଫିଲ୍ମ ବ୍ୟାନରରେ ପ୍ରସ୍ତୁତ ହେଉଥିବା ଚତୁର୍ଥ ଫିଲ୍ମ ଧୁମ-୪ରେ ଅକ୍ଷୟ କୁମାରଙ୍କ...

ଆହତ ହେବା ସତ୍ତ୍ୱେ ଶଟ୍‌ ଦେଇଥିଲେ ଗୋବିନ୍ଦା

ବଲିଉଡ୍‌ର ଅନ୍ୟତମ ଲୋକପ୍ରିୟ ଅଭିନେତା ହେଉଛନ୍ତି ଗୋବିନ୍ଦା। ଥରେ ସେ ‘ଖୁଦ୍ଦାର’ ଫିଲ୍ମର ଶୁଟିଂ ପାଇଁ ଯାଉଥାଆନ୍ତି। ବାଟରେ ତାଙ୍କର କାର୍‌ ଆକ୍ସିଡେଣ୍ଟର ସମ୍ମୁଖୀନ ହେଲା।...

ପ୍ରଥମ ଚଳଚ୍ଚିତ୍ରରେ ଅଭିନୟ ପାଇଁ କେତେ ଟଙ୍କା ପାରିଶ୍ରମିକ ନେଇଥିଲେ ଅମିତାଭ

ବଲିଉଡ୍‌ ଇଣ୍ଡଷ୍ଟ୍ରୀରେ ୫୦ ବର୍ଷ ପୂରଣ କରିଛନ୍ତି ସୁପରଷ୍ଟାର ଅମିତାଭ ବଚ୍ଚନ। ଆଜିର ଦିନରେ ଅର୍ଥାତ୍‌ ନଭେମ୍ବର ୭, ୧୯୬୯ରେ ଅମିତାଭଙ୍କ ପ୍ରଥମ ଅଭିନୀତ ଚଳଚ୍ଚିତ୍ର...

ସ୍ମିତାଙ୍କ ଲୁକ୍‌କୁ କପି କଲେ ରିଚା

ମୁମ୍ବାଇ: ବଲିଉଡ୍‌ ନାୟିକା ସ୍ମିତା ପାଟିଲଙ୍କ ଦମଦାର ଅଭିନୟ ଆଜିବି ଦର୍ଶକଙ୍କ ମନରେ ଘର କରିଛି। ଖୁବ୍‌ କମ୍‌ ଦିନର ଅତିଥି ସ୍ମିତା ବଲିଉଡ୍‌ରେ ଯେତିକି...

ନିକ୍‌ ଶାଶୁଙ୍କ ପାଦ ଛୁଇଁ ମୁଣ୍ଡିଆ ମାରନ୍ତି କି ପ୍ରଶ୍ନରେ ଏପରି କହିଲେ ପ୍ରିୟଙ୍କା

ମୁମ୍ବାଇ: ଫିଲ୍ମ ‘ଦ ସ୍କାଇ ଇଜ୍‌ ପିଙ୍କ’ ଜରିଆରେ ବହୁତ ଦିନ ପରେ ବଲିଉଡ୍‌ ପରଦାକୁ ଫେରୁଛନ୍ତି ପିସି ଓରଫ ପ୍ରିୟଙ୍କା ଚୋପ୍ରା। ଏବେ ସେ...

ଆଶାରେ ଅଂଶୁମାନ

ଅଂଶୁମାନ ସାମନ୍ତରାୟ। ଦେଖୁ ଦେଖୁ ୟା ଭିତରେ ୮ଟି ଓଡ଼ିଆ ସିନେମାରେ ଅଭିନୟ କରିସାରିଲେଣି। ଏବେ ସେ ହିନ୍ଦୀ ସିନେମାରେ ନିଜ କ୍ୟାରିୟରକୁ ଆଗେଇ ନେବାକୁ...

ଅଟୋରେ ଗଲେ ମଲାଇକା

ମୁମ୍ବାଇ: ବଲିଉଡ୍‌ ଫିଟ୍‌ନେସ୍‌ କୁଇନ୍‌ ମଲାଇକା ଆରୋରା ଏବେ ଲକ୍ଜରିୟସ କାର୍‌ ଛାଡି ଅଟୋରେ ଯାତ୍ରା କରିଛନ୍ତି। ନିଜର ଷ୍ଟାଇଲିସ୍‌ ଲୁକ୍‌ ପାଇଁ ଚର୍ଚ୍ଚାରେ ରହୁଥିବା...

ପୁଣି ସ୍କ୍ରିନ୍‌ ଶେୟାର୍‌ କରିବେ ରାଣୀ-ଅଭିଷେକ୍‌

ଦୀର୍ଘ ୧୨ ବର୍ଷ ପରେ ବଲିଉଡ ଅଭିନେତା ଅଭିଷେକ ବଚ୍ଚନ ଏବଂ ଅଭିନେତ୍ରୀ ରାଣୀ ମୁଖର୍ଜୀ ପୁଣି ଥରେ ଏକାଠି ସ୍କ୍ରିନ୍‌ ଶେୟାର୍‌ କରିବାକୁ ଯାଉଛନ୍ତି।...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *