ଭବାନୀପାଟଣା, ୩୦।୧୨(ଡି.ଏନ୍.ଏ.): କଳାହାଣ୍ଡି ଜିଲା ପୋଲିସ ବିଭାଗରେ ବଡ଼ଧରଣର ଅଦଳବଦଳ କରାଯାଇଛି। ଗୋଲାମୁଣ୍ଡା ଥାନା ଅଧିକାରୀ ରଶ୍ମିତା ପ୍ରଧାନଙ୍କୁ ଜୟପାଟଣା ଥାନାକୁ ବଦଳି କରାଯାଇଥିବା ବେଳେ ଭବାନୀପାଟଣା ଟାଉନ ଥାନା ଆଇଆଇସି ବାସୁଦେବ ଛତ୍ରିଆଙ୍କୁ କୋକସରା ଆଇଆଇସି ଭାବେ ନିଯୁକ୍ତି ମିଳିଛି।
ସେହିଭଳି କୋକସରା ଆଇଆଇସି ଏସ୍.ଏନ୍. ପାତ୍ରଙ୍କୁ ଲାଞ୍ଜିଗଡ଼ ଥାନା, ମଦନପୁର ରାମପୁର ଥାନା ଓଆଇସି ଉତ୍ତମ ସାହୁଙ୍କୁ ଜୁନାଗଡ଼ ଥାନା, ଜୁନାଗଡ଼ ଆଇଆଇସି ପ୍ରଭାତ ସେଠୀଙ୍କୁ ପୋଲିସ ମୁଖ୍ୟାଳୟ, ପୋଲିସ ମୁଖ୍ୟାଳୟରେ ଥିବା ଚତୁର୍ଭୁଜ ନାଏକଙ୍କୁ ଗୋଲାମୁଣ୍ଡା ଥାନା, ଲାଞ୍ଜିଗଡ଼ ଆଇଆଇସି ସତ୍ୟ ନନ୍ଦଙ୍କୁ ଭବାନୀପାଟଣା ଟାଉନ ଥାନା ଓ ଗୋବିନ୍ଦ ମାଝିଙ୍କୁ ମଦନପୁର ରାମପୁର ଥାନାକୁ ବଦଳି କରାଯାଇଥିବା ପୋଲିସ ବିଭାଗ ପକ୍ଷରୁ ସୂଚନା ମିଳିଛି।
