ବେଙ୍ଗାଲୁରୁ,୬।୮: କର୍ନାଟକ ମୁଖ୍ୟମନ୍ତ୍ରୀ ଏଚ୍ଡି କୁମାରସ୍ବାମୀ କହିଛନ୍ତି ସେ ତାଙ୍କ ମେଣ୍ଟ ସରକାରରେ ୧୪ ମାସ ପର୍ଯ୍ୟନ୍ତ କଂଗ୍ରେସ ପାଇଁ ଗୋଲାମ ଭଳି କାମ କରିଛନ୍ତି। ସବୁ ବିଧାୟକ ଓ ନଗର ନିଗମ ଅଧ୍ୟକ୍ଷଙ୍କୁ ସବୁ ପ୍ରକାର ସ୍ବାଧିନତା ମଧ୍ୟ ଦେଇଥିଲି। ଏମାନେ ସରକାର ଭାଙ୍ଗିବା ପରେ ମୋତେ କାହିଁକି ଦୋଷ ଦେଉଛନ୍ତି ତାହା ମୁଁ ବୁଝି ପାରୁ ନାହିଁ ବୋଲି କୁମାରସ୍ବାମୀ କହିଛନ୍ତି। ସୂଚନାଯୋଗ୍ୟ, ଆସ୍ଥା ଭୋଟରେ ହାରିବା ପରେ କର୍ନାଟକ ମେଣ୍ଟ ସରକାର ୨୩ ଜୁଲାଇରେ ଭାଙ୍ଗି ଯାଇଥିଲା। ଏହାପରେ ଭାଜପା ୨୬ ଜୁଲାଇରେ ସରକାର ଗଠନ କରିବା ସହ ୟେଦୁରପ୍ପା ୨୫ ତମ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ। ହେଲେ ଏବେବି ନିଜ ପରାଜୟର କାରଣ ଖୋଜୁଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଏଚ୍ଡି କୁମାରସ୍ବାମୀ। ପୂର୍ବରୁ ସେ କହିଥିଲେ କି ମେଣ୍ଟ ସରକାରର ଦାୟିତ୍ୱ ନେଇଥିବାରୁ ତାଙ୍କୁ ପ୍ରତିଦିନ କାନ୍ଦିବାକୁ ପଡୁଛି।
