ଓୟୁଏଟିରେ ର଼୍ୟାଗିଂ ଅଭିଯୋଗ

ଭୁବନେଶ୍ୱର,୧ା୫ (ବ୍ୟୁରୋ)- ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ (ଓୟୁଏଟି) ହଷ୍ଟେଲରେ ର଼୍ୟାଗିଂ। ସିନିୟରଙ୍କ ର଼୍ୟାଗିଂର ଶିକାର ହୋଇଛନ୍ତି ଯୁକ୍ତ୩ ଏଗ୍ରୀକଲଚର ବିଭାଗର ପ୍ରଥମ ବର୍ଷର ଛାତ୍ର। ତେବେ ର଼୍ୟାଗିଂ ଭୟରେ କେତେଜଣ ଛାତ୍ର ହଷ୍ଟେଲ ଛାଡ଼ିଥିବାବେଳେ ମଙ୍ଗଳବାର ୪ଜଣଙ୍କୁ ବିଶ୍ୱବିଦ୍ୟାଳୟ ପରିସରରେ ସଂଘବଦ୍ଧ ଆକ୍ରମଣ ହୋଇଛି। ଆକ୍ରମଣରେ ଦୁଇ ଛାତ୍ର ସତ୍ୟସ୍ବରୂପ ନାୟକ ଓ ସୌଭାଗ୍ୟ ନାୟକ ଗୁରୁତର ଆହତ ହୋଇଥିବାବେଳେ ଆଦର୍ଶ ମିଶ୍ର ଓ ଅନୁପ ନାରାୟଣ ପ୍ରଧାନ ସାମାନ୍ୟ ଆହତ ହୋଇଛନ୍ତି। ଏପରିକି ର଼୍ୟାଗିଂ ନେଇ ବିଶ୍ୱବିଦ୍ୟାଳୟ ପରିସରରେ ବୈଠକ ବସିଥିବାବେଳେ ମଧ୍ୟ ଅଭିଯୁକ୍ତମାନେ ସେଠାରେ ପହଞ୍ଚତ୍ ହୋହଲ୍ଲା କରିବା ସହ ଧମକ ଦେଇଛନ୍ତି। ଏନେଇ ଖଣ୍ଡଗିରି ଥାନା ଅଧୀନ ଶିରିପୁର ଫାଣ୍ଡିରେ ଅଭିଯୋଗ ହେବା ପରେ ଘଟଣା ପଦାକୁ ଆସିଛି। ପୋଲିସ ଏନେଇ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

ଅଭିଯୋଗ ଅନୁସାରେ, ସିନିୟର ଛାତ୍ରମାନେ ବର୍ଷ ଆରମ୍ଭରୁ ଜୁନିୟରଙ୍କୁ ର଼୍ୟାଗିଂ କରୁଥିଲେ। ବିଶେଷକରି ପ୍ରଥମ ବର୍ଷର ଛାତ୍ରମାନଙ୍କୁ ରାତିରେ ଖାଇବା ଓ ମଦ ଆଣିବାକୁ ପଠାଉଥିଲେ। ହଷ୍ଟେଲ ଓ କଲେଜ ପରିସରରେ ସିନିୟରମାନଙ୍କୁ ଦେଖିଲେ ମୁହଁ ତଳକୁ କରି ଯିବା ସହ ସର୍ବଦା ଶୁଭେଚ୍ଛା ଜଣାଇବାକୁ କହୁଥିଲେ। ଏହାକୁ ଯେଉଁମାନେ ମାନୁ ନ ଥିଲେ ସେମାନଙ୍କୁ ସିନିୟର ଛାତ୍ରମାନେ ରାତିରେ ରୁମ୍‌କୁ ଡକାଇ ନାନା ଅତ୍ୟାଚାର କରୁଥିଲେ। ଫଳରେ ର଼୍ୟାଗିଂର ଶିକାର କେତେଜଣ ଛାତ୍ର ହଷ୍ଟେଲ ଛାଡ଼ି ଦେଇଥିଲେ। ସତ୍ୟସ୍ବରୂପ, ସୌଭାଗ୍ୟ, ଆଦର୍ଶ ଓ ଅନୁପ ତିନିମାସ ହେବ ହଷ୍ଟେଲ ଛାଡି ବାହାରେ ରହୁଥିଲେ। ସୋମବାର ସିନିୟର ଛାତ୍ରମାନେ ତାଙ୍କୁ କ୍ୟାମ୍ପସରେ ଘେରିବାକୁ ଉଦ୍ୟମ କରୁଥିବାବେଳେ ଜଣେ ପ୍ରଫେସରଙ୍କ ହସ୍ତକ୍ଷେପ ପରେ ସେମାନେ ଚାଲିଯାଇଥିଲେ। ମଙ୍ଗଳବାର ସାଢେ ୧୧ଟାରେ ସେମାନେ କ୍ଲାସ ସାରି ବାହାରୁଥିବାବେଳେ ୨୦ରୁ ଊର୍ଦ୍ଧ୍ୱ ସିନିୟର ଛାତ୍ର ଓ ଅଣଛାତ୍ର ସେମାନଙ୍କୁ ଘେରିଯାଇଥିଲେ।  ଗାଳିଗୁଲଜ  ଓ ଟଣାଓଟରା କରିବା ସହ ରାସ୍ତାରେ ଆଣ୍ଠୋଇବାକୁ କହିଥିଲେ। ଏଥିରେ ଛାତ୍ରମାନେ ରାଜି ହୋଇ ନ ଥିଲେ। ଏହି ସମୟରେ  ଦୁଇ ଛାତ୍ର ସତ୍ୟସ୍ବରୂପ ଓ ସୌଭାଗ୍ୟ ମୋବାଇଲ କାଢି ରେକର୍ଡିଂ କରିବାରୁ ସିନିୟରମାନେ ମୋବାଇଲକୁ ଛଡ଼ାଇ ନେଇ ଭାଙ୍ଗି ଦେଇଥିଲେ। ପରେ ଲୁହା ପାଇପରେ ଗୋଡ଼ାଇ ଗୋଡ଼ାଇ ନିସ୍ତୁକ ପିଟିଥିଲେ। ଫଳରେ ଦୁଇ ଛାତ୍ରଙ୍କ ଶାର୍ଟ ଚିରିଯାଇଥିବାବେଳେ ଶରୀରର ବିଭିନ୍ନ ସ୍ଥାନରେ ଗଭୀର କ୍ଷତ ସୃଷ୍ଟି ହୋଇଛି। ଅନ୍ୟପକ୍ଷରେ ଅନ୍ୟ ଦୁଇ ଛାତ୍ର  ଆଦର୍ଶ ଓ ଅନୁପଙ୍କୁ ମାଡ଼ ମାରିବାରୁ ସେମାନେ ଜୀବନ ବିକଳରେ ଦୌଡ଼ି ପଳାଇଥିଲେ। ଖବରପାଇ ପରିବାର ଲୋକେ ପହଞ୍ଚତ୍ ଆହତ ଛାତ୍ରଙ୍କୁ ଡାକ୍ତରଖାନାରେ ଚିକିତ୍ସା କରାଇବା ସହ ଶିରିପୁର ଫାଣ୍ଡିରେ ଅଭିଯୋଗ କରିଥିଲେ। ଏହି ଘଟଣାକୁ ନେଇ କ୍ୟାମ୍ପସରେ ଚାପା ଉତ୍ତେଜନା ଦେଖାଦେଇଥିଲା। ଅପରାହ୍ନ ୪ଟାରେ ବିଶ୍ୱବିଦ୍ୟାଳୟରେ ଶାନ୍ତି ଫେରାଇ ଆଣିବାକୁ ଡିନ୍‌ କେ.କେ. ରାଉତ ଓ ଆକ୍ରମଣର ଶିକାର ଛାତ୍ରଙ୍କ ଅଭିଭାବକଙ୍କ ମଧ୍ୟରେ ଆଲୋଚନା ଚାଲିଥିଲା। ସେଠାରେ ଥାନା ଅଧିକାରୀ ଓ ଅନ୍ୟ ପୋଲିସ କର୍ମଚାରୀ ମଧ୍ୟ ଉପସ୍ଥିତ ଥିଲେ।  ସାଢେ ୪ଟାରେ ସମ୍ପୃକ୍ତ ସିନିୟର ଛାତ୍ରଙ୍କ ସମର୍ଥକମାନେ ପହଞ୍ଚତ୍ ସେଠାରେ ହୋହଲ୍ଲା କରିଥିଲେ। କ୍ୟାମ୍ପସ ବାହାରକୁ ଆସିଲେ ଦେଖିଦେବୁ ବୋଲି ଧମକ ଦେଇ ଚାଲିଯାଇଥିଲେ। ଏପରିସ୍ଥଳେ ଅଭିଭାବକମାନେ ଅତ୍ୟନ୍ତ ଭୟଭୀତ ହୋଇପଡିବା ସହ ସେମାନଙ୍କ ପିଲାଙ୍କୁ ନେଇ ବେଶ୍‌ ଚିନ୍ତିତ ହୋଇପଡିଛନ୍ତି। ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଅଭିଯୁକ୍ତମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେମାନେ ଦାବି କରିବା ସହ ପୋଲିସ ଆବଶ୍ୟକ ସୁରକ୍ଷା ଯୋଗାଇ ଦେଉ ବୋଲି କହିଛନ୍ତି। ତେବେ କାର୍ଯ୍ୟାନୁଷ୍ଠାନ ଓ ସୁରକ୍ଷା ନେଇ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ  ଲିଖିତ ପ୍ରତିଶ୍ରୁତି ନ ଦେବାରୁ ଅଭିଭାବକମାନେ ସନ୍ଧ୍ୟାରେ ଖଣ୍ଡଗିରି ଥାନାରେ ପହଞ୍ଚତ୍ ଆଲୋଚନା କରିଥିବା ଜଣାପଡ଼ିଛି।

ଖଣ୍ଡଗିରି ଥାନାଧିକାରୀ ରଶ୍ମିରଞ୍ଜନ ମହାପାତ୍ର କହିଛନ୍ତି, ର଼୍ୟାଗିଂ ଅଭିଯୋଗ ହେବା ପରେ  ବିଶ୍ୱବିଦ୍ୟାଳୟ କର୍ତ୍ତୃପକ୍ଷଙ୍କ ସହ ଆଲୋଚନା ହୋଇଥିଲା। ତେବେ ସିସିଟିଭି ଫୁଟେଜକୁ ନେଇ ତଦନ୍ତ ଚାଲିଛି। ସମ୍ପୃକ୍ତ ଛାତ୍ରମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି  ମହାପାତ୍ର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶାରେ ସାଇବର ଠକେଇର ଲଣ୍ଡନ ଲିଙ୍କ୍‌

ଭୁବନେଶ୍ୱର,୨୨।୮(ବ୍ୟୁରୋ): ରାଜ୍ୟରେ ଏବେ ବଡ଼ ବଡ଼ ସାଇବର ଠକେଇ ଘଟଣା ଘଟୁଛି। ସାଇବର ଠକମାନେ ବାହାର ରାଜ୍ୟ ଓ ଦେଶରେ ରହି ଅଭିନବ ଉପାୟରେ ଓଡ଼ିଶାର...

୩୦ରେ ଲଘୁଚାପ, ବାତ୍ୟା ଆଶଙ୍କା

ଭୁବନେଶ୍ୱର, ୨୯ା୧୧(ବ୍ୟୁରୋ): ଓଡ଼ିଶାକୁ ଆଉଏକ ବଡ଼ ବର୍ଷା ଆସୁଛି। ଏଥିସହ ବାତ୍ୟାର ଆଶଙ୍କା ବି ଦୃଢ଼ୀଭୂତ ହେବାରେ ଲାଗିଛି। ଆସନ୍ତା ୩୦ ତାରିଖ ବେଳକୁ ଦକ୍ଷିଣ...

ଆବର୍ଜନାମୟ ଭୁବନେଶ୍ୱର

ଭୁବନେଶ୍ୱର,୬ା୭(ବ୍ୟୁରୋ): କରୋନାକୁ ନେଇ ଏବେ ଅଧିକାରୀଙ୍କଠାରୁ କର୍ମଚାରୀ ପର୍ଯ୍ୟନ୍ତ ସମସ୍ତେ ଦେଖାଉଛନ୍ତି ବାହାନା। ଫଳରେ ରାଜଧାନୀର କଲୋନୀଠାରୁ ବଜାରଘାଟ ସବୁଠି ପଡ଼ି ରହୁଛି କୁଢ଼କୁଢ଼ ଅଳିଆ।...

ମୁଲତବୀ ଆଲୋଚନା ଏଣିକି ୯୫ ମିନିଟ

ଭୁବନେଶ୍ୱର,୨୭।୧୧(ବ୍ୟୁରୋ): ବିଧାନସଭାରେ ମୁଲତବୀ ପ୍ରସ୍ତାବ ଆଲୋଚନା ପାଇଁ ସମୟ ନିର୍ଘଣ୍ଟ ପbନଃନିର୍ଦ୍ଧାରଣ ହୋଇଛି। ୯୦ମିନିଟ୍‌ ପରିବର୍ତ୍ତେ ଏଣିକି ମୁଲତବୀ ଆଲୋଚନା ୯୫ ମିନିଟ କରିବାକୁ ବାଚସ୍ପତି...

ପୋଲିସକୁ ଦୋଷ ଦେଲା ଗୋଇନ୍ଦା

ଭୁବନେଶ୍ୱର,୨୦।୪(ବ୍ୟୁରୋ): ୧୧ଦଫା ଦାବି ନେଇ ରାଜ୍ୟ ଡ୍ରାଇଭର ମହାସଂଘ ପକ୍ଷରୁ ୪୦ହଜାରରୁ ଊର୍ଦ୍ଧ୍ୱ ଡ୍ରାଇଭର ସୋମବାର ରାଜଧାନୀ ଭିତରେ ପଶି ସ୍ଥିତି ଅଣାୟତ୍ତ କରିବା ଘଟଣା...

ଦ୍ୱିତୀୟ ଡୋଜ୍‌ ଅପେକ୍ଷାରେ ଥିବା ଲୋକଙ୍କ ପାଇଁ ଗୁରୁତ୍ୱପୂର୍ଣ୍ଣ ଘୋଷଣା

ଭୁବନେଶ୍ୱର,୧୧।୬(ବ୍ୟୁରୋ): ପ୍ରଥମ ଡୋଜ ଟିକା ନେଇଥିବା ୧୮ରୁ ୪୪ବର୍ଷର ହିତାଧିକାରୀଙ୍କ ଟିକାକରଣକୁ ନେଇ ବିଏମ୍‌ସି ପକ୍ଷରୁ ଆବଶ୍ୟକ ପଦକ୍ଷେପ ନିଆଯାଇଛି। ଅବଧି ଶେଷ ହେଉଥିବାରୁ ଅଗ୍ରାଧିକାର...

ଶନିବାର, ରବିବାର ଶଟ୍‌ଡାଉନ

ଭୁବନେଶ୍ୱର,୧୯।୪: ରାଜ୍ୟରେ ଦିନକୁ ଦିନ କରୋନା ସଂକ୍ରମଣ ବଢିବାରେ ଲାଗିଛି। ଏହାକୁ ଦୃଷ୍ଟିରେ ରଖି ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା ସୋମବାର ବଡ ଘୋଷଣା...

୨୪ ଘଣ୍ଟାରେ କୋଟିଏରୁ ଊର୍ଦ୍ଧ୍ୱ ଟଙ୍କାର ଜରିମାନା

ଭୁବନେଶ୍ୱର,୩ା୩(ବ୍ୟୁରୋ): ଦୁଇ ଦଫାରେ ୬ମାସ କୋହଳ ହେବା ପରେ ରାଜ୍ୟରେ ରବିବାର ନୂଆ ମୋଟର ଯାନ ଆଇନ କଡ଼ାକଡ଼ି ଭାବେ ଲାଗୁ ହୋଇଛି। ହେଲେ ସୋମବାର...

Advertisement
Archives

Model This Week