ଏକ ଭେଳିକ

ଚଳିତ ବର୍ଷ ଉପସ୍ଥାପନ କରାଯାଇଥିତ୍ତ୍ବା କେନ୍ଦ୍ର ବଜେଟ ଏକ ବ୍ୟୟ ସର୍ବସ୍ବ ବୋଲି ଦାବି କରାଯାଉଛି। କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ ତାଙ୍କ ୧୦୦ ମିନିଟରୁ ଊର୍ଦ୍ଧ୍ୱ ସମୟର ବଜେଟ ଅଭିଭାଷଣରେ ‘ଆମେ ବ୍ୟୟ କରିଛୁ, ଆମେ ବ୍ୟୟ କରିଛୁ, ଆମେ ବ୍ୟୟ କରିଛୁ ’ ବୋଲି କହିଛନ୍ତି। ଦେଶକୁ ଏହା ବୁଝାଇବା ଉପରେ ସେ ଅଧିତ୍ତ୍କ ଗୁରୁତ୍ୱ ଦେଇଛନ୍ତି। କୋଭିଡ୍‌ ଯୋଗୁ ଗତ ବର୍ଷ ବଜେଟର ଧାର୍ଯ୍ୟ ତୁଳନାରେ ୪.୧ ଲକ୍ଷ କୋଟି ଟଙ୍କା ଅଧିକ ବ୍ୟୟ କରିଥିବା ସରକାର ଦାବି କରିଛନ୍ତି। ଅତିରିକ୍ତ ଖର୍ଚ୍ଚ କରି ବଜେଟର ବ୍ୟୟକୁ ୧୩% ବୃଦ୍ଧି କରିବା ଯୋଗୁ ବିତ୍ତୀୟ ନିଅଣ୍ଟ ଅପ୍ରତ୍ୟାଶିତ ଭାବେ ୯.୫% ଛୁଇଁଛି। ବିତ୍ତୀୟ ନିଅଣ୍ଟ ଆସନ୍ତା ଆର୍ଥିକ ବର୍ଷରେ ୬.୮% ରହିବ ବୋଲି ଆକଳନ କରାଯାଇଛି। ଆସନ୍ତା ଆର୍ଥିକ ବର୍ଷରେ ବ୍ୟୟ ୧୪ % ଉପରେ ରହିବ ବୋଲି ଅନୁମାନ କରାଯାଇଥିବାବେଳେ ରାଜସ୍ବ ୧୨% କମିବ ବୋଲି ଆକଳନ କରାଯାଉଛି। ତେବେ ବାସ୍ତବରେ ସରକାର ଅତିରିକ୍ତ ୪.୧ଲକ୍ଷ କୋଟି ଟଙ୍କା ଖର୍ଚ୍ଚ କରିଥିଲେ ବୋଲି ଯାହା କହୁଛନ୍ତି ତାହା ସମ୍ପୂର୍ଣ୍ଣ ମିଛ। ୪.୧ ଲକ୍ଷ କୋଟି ଟଙ୍କାର ଅତିରିକ୍ତ ଖର୍ଚ୍ଚ ମଧ୍ୟରୁ ପ୍ରାୟ ୩ ଲକ୍ଷ କୋଟି ଟଙ୍କା ଅତିରିକ୍ତ ଖାଦ୍ୟ ସବ୍‌ସିଡି ଉପରେ ଖର୍ଚ୍ଚ କରାଗଲା। ତେବେ କୋଭିଡ୍‌ ମହାମାରୀ ଯୋଗୁ ଲକ୍‌ଡାଉନର ପ୍ରାରମ୍ଭିକ ମାସଗୁଡ଼ିକରେ କ୍ଷତିଗ୍ରସ୍ତ ଲୋକମାନଙ୍କ ପାଇଁ ମାଗଣାରେ ଖାଦ୍ୟ ଯୋଗାଇ ଦିଆଯିବାରେ ଏହି ଅତିରିକ୍ତ ଟଙ୍କା ଖର୍ଚ୍ଚ କରାଗଲା ବୋଲି ଭାବିବା ଭୁଲ୍‌। ପ୍ରକୃତ କଥା ହେଉଛି,ଏହି ଟଙ୍କାରୁ ପ୍ରାୟ ଅଧା ଫୁଡ୍‌ କର୍ପୋରେଶନ ଅଫ୍‌ ଇଣ୍ଡିଆ(ଏଫ୍‌ସିଆଇ) ବା ଭାରତର ଖାଦ୍ୟ ନିଗମର ପୂର୍ବ ବକେୟା ବାବଦକୁ ଦିଆଗଲା। ଯଦି ଏହି ପରିମାଣକୁ ବାଦ ଦିଆଯାଏ ,ତେବେ ବାସ୍ତବରେ ୧ ଲକ୍ଷ କୋଟି ଟଙ୍କାରୁ ସାମାନ୍ୟ ଅଧିକ ଖର୍ଚ୍ଚ ହୋଇଥିତ୍ଲା। ସେହିପରି ଅତିରିକ୍ତ ଖର୍ଚ୍ଚର ପ୍ରାୟ ୫୦,୦୦୦ କୋଟି ଟଙ୍କା ରାଷ୍ଟ୍ରାୟତ୍ତ ଫର୍ଟିଲାଇଜର ଫାର୍ମଗୁଡ଼ିକର ପୁରୁଣା ବକେୟା ଭରଣାରେ ଗଲା। ଅର୍ଥାତ୍‌ ସରକାର ଦାବି କରୁଥିବା ଅତିରିକ୍ତ ଖର୍ଚ୍ଚ ପ୍ରକୃତରେ ୧.୩ ଲକ୍ଷ କୋଟି ଏବଂ ୧.୪ ଲକ୍ଷ କୋଟି ଟଙ୍କା ମଧ୍ୟରେ କରାଯାଇଛି। ଅନ୍ୟ ଅର୍ଥରେ ମୋଟ ଘରୋଇ ଉପତ୍ାଦ( ଜିଡିପି)ର ମାତ୍ର ୦.୭% ବ୍ୟୟ କରାଯାଇଛି।
ଚଳିତ ବଜେଟରେ ଗତ ବର୍ଷ ବଜେଟ ଠାରୁ ୪.୪ ଲକ୍ଷ କୋଟି ଟଙ୍କା ଅଧିକ ବ୍ୟୟବୃଦ୍ଧିର କଥା ଯାହା କୁହାଯାଉଛି ତାହାକୁ ଲକ୍ଷ୍ୟ କଲେ ଜଣାପଡେ ଯେ, ଏହାର ଏକ ସିଂହଭାଗ ଏଫ୍‌ସିଆଇର ବହୁଦିନ ଧରି ପଡିରହିଥିବା ବକେୟା ଶୁଝିବାରେ ଯିବ। ଏଣୁ ଆସନ୍ତା ଆର୍ଥିକ ବର୍ଷରେ ଅଭିବୃଦ୍ଧିକୁ ଆଗକୁ ନେବା ପାଇଁ ଅଧିକ ବ୍ୟୟ କରାଯିବାର ଯେଉଁ ବଡ଼ ଧରଣର ଦାବି କରାଯାଉଛି ତାହା ଆଦୌ ସତ ନୁେହେଁ। ଆସନ୍ତା ଆର୍ଥିକ ବର୍ଷରେ ସରକାର ଅଧିକ ପୁଞ୍ଜି ଖର୍ଚ୍ଚ କରିବେ ବୋଲି ଅର୍ଥମନ୍ତ୍ରୀ ମଧ୍ୟ ଜୋର ଦେଇ କହିଲେ। ପୁଞ୍ଜି ଆକାରରେ ୫.୫୪ ଲକ୍ଷ କୋଟି ଟଙ୍କା ଖର୍ଚ୍ଚ କରାଯିବ। କିନ୍ତୁ ଏହାର ଏକ ସିଂହଭାଗ ଆଗକୁ ନିର୍ବାଚନ ହେବାକୁ ଥିବା ୪ଟି ରାଜ୍ୟ ତାମିଲନାଡୁ, ପଶ୍ଚିମବଙ୍ଗ,କେରଳ ଏବଂ ଆସାମକୁ ଦିଆଯିବ । ଯେଉଁ ବଡ଼ ଧରଣର ପୁଞ୍ଜି କଥା କୁହାଯାଉଛି ସେଥିରୁ୨.୨୭ ଲକ୍ଷ କୋଟି ଟଙ୍କା ଏହି ୪ଟି ରାଜ୍ୟ ପାଇବେ ଏବଂ ରେଳ ଭିତ୍ତିଭୂମି ପାଇଁ ୧.୦୮ ଲକ୍ଷ କୋଟି ଟଙ୍କାର ପୁଞ୍ଜି ଖର୍ଚ୍ଚ କରାଯିବ। ଅର୍ଥମନ୍ତ୍ରୀ କହିଲେ ଯେ,ଏଭଳି ବ୍ୟୟବୃଦ୍ଧି ଅର୍ଥ ବ୍ୟବସ୍ଥାରେ ଚାହିଦା ଏବଂ ନିଯୁକ୍ତି ସୃଷ୍ଟିକୁ ଲକ୍ଷ୍ୟ କରି କରାଯାଇଛି। କିନ୍ତୁ ଏହା ଯଦି ହୁଏ, ତେବେ ଏସବୁ ଦେଶସାରା ନୁହେଁ, ବରଂ ନିର୍ବାଚନ ହେବାକୁ ଥିବା ୪ଟି ରାଜ୍ୟରେ ହିଁ ହେବ। ଯେଉଁଭଳି ଭାବେ ଏହାକୁ ଉପସ୍ଥାପନ କରାଗଲା ତାହା ଏକ ଧାରଣା ସୃଷ୍ଟି କଲା ଯେ, ସତେ ଯେମିତି ବିପୁଳ ପରିମାଣର ଅର୍ଥ ଦେଶର ଭିତ୍ତିଭୂମି ବିକାଶର ଖର୍ଚ୍ଚ ଲାଗି ଉଦ୍ଦିଷ୍ଟ। ପୂରା ପ୍ରକ୍ରିୟାଟି କିଛି ନ ଥିତ୍ଲା ବରଂ ଏହା ଥିଲା ଏକ ଭେଳିକି। ଏକ ବିଶ୍ୱସ୍ତରୀୟ ସଙ୍କଟରେ ଲକ୍ଷ ଲକ୍ଷ ଲୋକଙ୍କ ମୃତ୍ୟୁ ହେଲା ଏବଂ ଏବେ ବି ମୃତ୍ୟୁ ଜାରି ରହିଛି। ଏହି ସମୟରେ ଏହି ବଜେଟ ଏକ ଦୀର୍ଘମିଆଦୀ ସଂସ୍କାର ଆଣିବ ବୋଲି ଆମେ ଆଶା କରୁଥିଲୁ। ଶେୟାର ବଜାର ବି ଉଚ୍ଚରେ ରହିଥିଲା। ସରକାରଙ୍କ ସମ୍ବଳ ସୀମିତ ଥିବାରୁ ଏହି ବଜେଟ ଏକ କଠିନ ବଜେଟ ହେବ ବୋଲି ଲୋକମାନେ ଅଳ୍ପ ବହୁତେ ଭାବି ନେଇଥିଲେ। ଏକ କଠିନ ସମୟ ଏକ କଠିନ ନିଷ୍ପତ୍ତି ଦାବି କରେ। କିନ୍ତୁ କେନ୍ଦ୍ର ଅର୍ଥମନ୍ତ୍ରୀ ସମ୍ପୂର୍ଣ୍ଣ ବଜେଟ ଅଭିଭାଷଣରେ ସରକାରୀ ସମ୍ପତ୍ତି ବିକ୍ରି ବା ପୁଞ୍ଜିପ୍ରତ୍ୟାହର ପାଇଁ ନିଆଯାଇଥିବା ଠୋସ ପଦକ୍ଷେପ ବ୍ୟତୀତ ଆଉ କୌଣସି ବଡ଼ ଘୋଷଣା କରି ନ ଥିଲେ। ସରକାରୀ ସମ୍ପତ୍ତି ବିକ୍ରି କରି ଏକ କଠିନ ପରିସ୍ଥିତିକୁ ମୂକାବିଲା କରିବା ଏକ ବାହାଦୁରି ନୁହେଁ, ଏହା ଯେ କେହି ଯେ କୌଣସି ସମୟରେ କରିପାରିବେ। ସରକାର ଏହା ହିଁ କରୁଛନ୍ତି। ଏହାବାଦ୍‌ ଯାହା ରହିଲା ତାହା ପୂରା ଫମ୍ପା ହେଲେ ବି ତାହାକୁ ବଡ଼ କରି ଉପସ୍ଥାପନ କରାଯିବାର ବାହାନା କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଜୀବନ ଓ ଜୀବିକା କିଏ ଆଗ

ସହଦେବ ସାହୁ ଜୀବିକା ଆଗ ନା ଜୀବନ ଆଗ- ଏମିତି ପ୍ରଶ୍ନ କରିବା ବେଳେ ମହାମାରୀ ସମୟର ଅର୍ଥନୀତି (ପାଣ୍ଡେମିକ ଇକନମିକ୍ସ) ବୁଝିବାର ଠିକ୍‌ ମାର୍ଗରେ...

ଏଇ ଭାରତରେ

ଗୁପ୍ତଯୁଗର ସ୍ବର୍ଣ୍ଣମୁଦ୍ରା ପାଇବା ପାଇଁ ଲୋକେ ଗାଁ ସାରା ଖୋଳି ପକାଇଲେ। ମଣିଷର ଧନ ଲୋଭ ବେଳେବେଳେ ସୀମା ଟପିଯାଏ। ଫଳରେ ସେ ଏଭଳି କାମ...

ପ୍ରଥମେ ସୁରକ୍ଷା

କୋଭିଡ୍‌-୧୯ ମହାମାରୀ ସଂକ୍ରମଣ ବ୍ୟାପିବା ପରେ ଅନ୍ୟ ରାଜ୍ୟ ଭଳି ଆମ ରାଜ୍ୟ ସରକାର ଦେଶର ସବୁଅଞ୍ଚଳରୁ ପ୍ରବାସୀ ଶ୍ରମିକମାନଙ୍କୁ ଫେରାଇ ଆଣିବାର ବ୍ୟବସ୍ଥା କରିଥିଲେ।...

ପ୍ରତିବାଦ ଯଥାର୍ଥ

ଆକାର ପଟେଲ ଜାନୁୟାରୀ ୨୫, ଶନିବାର ସୁଦ୍ଧା ନାଗରିକତ୍ୱ ସଂଶୋଧନ ଆଇନ (ସିଏଏ) ଓ ଜାତୀୟ ନାଗରିକ ପଞ୍ଜିକା (ଏନ୍‌ଆର୍‌ସି) ବିରୋଧରେ ୨୪ ଘଣ୍ଟିଆ ପ୍ରତିବାଦ...

କି ପରିବର୍ତ୍ତନ

କେନ୍ଦ୍ର ସରକାରଙ୍କ ଦ୍ୱାରା ସଚିବସ୍ତରୀୟ ଅଦଳବଦଳ କରାଯାଇଛି। ଏଥିରେ ୯ଟି ମନ୍ତ୍ରଣାଳୟ ଓ ବିଭାଗକୁ ମିଳିଛି ନୂଆ ସଚିବ। କେନ୍ଦ୍ରରେ ଏ ପ୍ରକାର ପଦୋନ୍ନତି ଲାଗି...

ପିଲାଏ ପଢ଼ିବେ କେମିତି

ଦ୍ୱିତୀ ଚନ୍ଦ୍ର ସାହୁ   ଟିଭି ପର୍ଦ୍ଦାରେ ଦେଖାଗଲା ବ୍ରେକିଂ ନ୍ୟୁଜ୍‌, ଲେଖାଥିଲା ରାଜ୍ୟରେ ନୂଆବର୍ଷରେ ଖୋଲିବ ବିଦ୍ୟାଳୟ। ଘରେ ଥିବା ପିଲାମାନେ ମୁହଁ ଶୁଖେଇଦେଲେ...

ପେଟେଣ୍ଟମୁକ୍ତ ଟିକା

ଡ. ନରେନ୍ଦ୍ର ସେଠୀ ଟିକାକରଣ ଏକମାତ୍ର ଉପାୟ ଯାହା କରୋନା ମହାମାରୀ ସଙ୍କଟରୁ ଉଦ୍ଧାର କରିପାରିବ। ଯଦି ଦ୍ରୁତ ଗତିରେ ଟିକାକରଣ ନ ହୁଏ, ତା’ହଲେ...

କରୋନା ମହାମାରୀ: ଆତ୍ମ ଅନୁଚିନ୍ତନର ବେଳ

ଅକ୍ଷୟ କୁମାର ଭାରତ ସମେତ ସାରା ଦୁନିଆ କରୋନା ଭୂତାଣୁଜନିତ ବିଶ୍ୱ ମହାମାରୀର ପ୍ରତିକାର କରିବା ପାଇଁ ଯୁଦ୍ଧ ଅବ୍ୟାହତ ରଖିଛି। ସମଗ୍ର ବିଶ୍ୱରେ ଏ...

Advertisement
Archives

Model This Week