ବିଭିନ୍ନ ସମୟରେ ଭିନ୍ନ ଭିନ୍ନ ଦିବସ ପାଳନ କରାଯାଉଛି। ହେଲେ ‘ନୋ ବ୍ୟାଗ୍ ଡେ’ ବିଷୟରେ କେବେ ଶୁଣିଛନ୍ତି କି? ଏମିତି ଏକ ଦିବସ ପାଳନ କରାଯାଇଛି ଚେନ୍ନାଇର ଓମେନ୍ ଖ୍ରୀଷ୍ଟିଆନ କଲେଜରେ। ଗୋଟିଏ ଦିନ ବିନା ବ୍ୟାଗ୍ରେ ସବୁ ଛାତ୍ରୀ କଲେଜ ଆସିବାକୁ ନିଷ୍ପତ୍ତି ନେଇ ତାହାକୁ କାର୍ଯ୍ୟକାରୀ କରିବାରେ ସଫଳ ହୋଇଛନ୍ତି। ତେବେ ବ୍ୟାଗ୍ ବଦଳରେ ଘରର ଛୋଟ ବଡ଼ ଜିନିଷ ସାଙ୍ଗରେ ନେଇ ଆସିବା ନିଶ୍ଚିତ ଭାବେ ଏକ ଅଜବ ଘଟଣା। ସେମାନେ ବ୍ୟାଗ୍ ପରିବର୍ତ୍ତେ ପ୍ରେସରକୁକର, ବକେଟ, ଲଣ୍ଡ୍ରି ବାସ୍କେଟ, ବାସ୍କେଟ, ଗାମୁଚ୍ଛା, ତକିଆ ଖୋଳ, ସୁଟ୍କେସ୍, କାର୍ଡବୋର୍ଡ ବକ୍ସ, ଟ୍ରଲି ବ୍ୟାଗ୍, ଗିଟାର ବ୍ୟାଗ୍ ଆଦି ନେଇ ଆସିଥିଲେ। ସେଥିରେ ସେମାନେ ବହି ଖାତା ମଧ୍ୟ ଆଣିଥିଲେ। ଆଉ କିଛି ଛାତ୍ରୀ ମଗ୍ ଓ ହ୍ୟାଙ୍ଗର ମଧ୍ୟ ଆଣିଥିଲେ। ଏଭଳି ଏକ ନିଆରା ଦିବସ ପାଳନ କରିବାରେ କଲେଜର ସମସ୍ତ ଛାତ୍ରୀ ଭାଗ ନେଇଥିଲେ ଓ ଉତ୍ସାହୀ ବି ଥିଲେ। ଏହାର ଏକ ଭିଡିଓ ଭାଇରାଲ ହୋଇଛି। ନିଜେ ଏକ ଖୁସିର ପରିବେଶ ସୃଷ୍ଟି କରିବାରେ ଆନନ୍ଦ ମିଳେ ବୋଲି ବହୁ ଛାତ୍ରୀ ପ୍ରକାଶ କରିଛନ୍ତି।
