ଚଣ୍ଡିଗଡ,୩୧।୩: ପଳାତକ ଅମ୍ରିତପାଲ ସିଂ ପଞ୍ଜାବ ପୋଲିସକୁ ଖୋଲା ଚ୍ୟାଲେଞ୍ଜ ଦେଇଛନ୍ତି। ଖଲିସ୍ତାନୀ ସମର୍ଥକ ଅମ୍ରିତପାଲ ଆଉ ଏକ ଭିଡିଓ ଜାରି କରି କହିଛନ୍ତି, ମୁଁ ଲୋକଙ୍କ ମଧ୍ୟରେ ଆସିବି। ମୁଁ ଗିରଫକୁ ଭୟ କରେ ନାହିଁ, ମୁଁ ବିଦେଶକୁ ଯିବି ନାହିଁ, ମୋର କେଶ ମୁଁ କାଟିନାହିଁ।
ଏହାପୂର୍ବରୁ ଗୁରୁବାର ଅପରାହ୍ନରେ ଅମୃତପାଲଙ୍କ ଏକ ଅଡିଓ କ୍ଲିପ ମଧ୍ୟ ସାମ୍ନାକୁ ଆସିଥିଲା। ଏଥିରେ ସେ ଆତ୍ମସମର୍ପଣ ପାଇଁ ବୁଝାମଣା କରୁଥିବା କଳ୍ପନାଜଳ୍ପନାକୁ ଖାରଜ କରି ଶୁଣିବାକୁ ପାଇଥିଲେ।
ଅମ୍ରିତପାଲ ସିଂଙ୍କୁ ଧରିବା ପାଇଁ ପୋଲିସ ଲଗାତାର ଚେଷ୍ଟା କରୁଛି। ଏହାପୂର୍ବରୁ ପଞ୍ଜାବ ପୋଲିସ ହୋଶିଆରପୁର ଗ୍ରାମ ତଥା ନିକଟବର୍ତ୍ତୀ ଅନେକ ଅଞ୍ଚଳରେ ବ୍ୟାପକ ସର୍ଚ୍ଚ ଅପରେସନ ଆରମ୍ଭ କରିଥିଲା। ପୋଲିସ ଏକ ଘର-ଘର ସର୍ଚ୍ଚ ଅପରେସନ ମଧ୍ୟ କରିଥିଲା, କିନ୍ତୁ ଏପର୍ଯ୍ୟନ୍ତ କୌଣସି ସଫଳତା ମିଳିନାହିଁ । ପଞ୍ଜାବ ପୋଲିସ ୧୮ ମାର୍ଚ୍ଚରେ ୱାରିସ ପଞ୍ଜାବ ଦେ ସଂଗଠନର ସଦସ୍ୟଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା। ସେବେଠାରୁ ଅମ୍ରିତପାଲ ପଳାଉଛନ୍ତି।
