ଏଇ ଭାରତରେ

ପୁନର୍ଜନ୍ମକୁ ନେଇ ବିଜ୍ଞାନ ଭିନ୍ନମତ ପୋଷଣ କରୁଥିବା ବେଳେ ଡେରାଡୁନର ଶୁକ୍ଳାପୁରର ଲୋକମାନେ ଏହା ଉପରେ ବିଶ୍ୱାସ ରଖିଛନ୍ତି। ପରିବେଶକୁ ଭାବନାତ୍ମକ ରୂପରେ ଜନମାନସରେ ଯୋଡି ପୁନର୍ଜନ୍ମ ବିଶ୍ୱାସକୁ ଗଛ ଉପରେ ପ୍ରକଟ କରିବାର ନିଆରା ପରମ୍ପରା ଦେଖାଯାଏ ଶୁକ୍ଳାପୁରରେ। ଏମିତିକି ପୁନର୍ଜନ୍ମ ବିଶ୍ୱାସରୁ ଏଠାରେ ‘ପୁନର୍ଜନ୍ମ ସ୍ମୃତିବନ’ ସୃଷ୍ଟି ହୋଇଛି। କାହାର ମୃତ୍ୟୁ ହେଲେ ପରିବାର ଲୋକମାନେ ଗୋଟିଏ ଫଳଦାୟୀ ଗଛ ଲଗାଉଛନ୍ତି। ତା’ ମୂଳରେ ମାଟି ଓ ମୃତବ୍ୟକ୍ତିଙ୍କ ଚିତାଭସ୍ମକୁ ବି ପୋତି ଦେଉଛନ୍ତିି। ଏବେ ଏହି ସ୍ମୃତିବନରେ ୩୨ ଜଣଙ୍କ ‘ପୁନର୍ଜନ୍ମ ବୃକ୍ଷ’ ଶୋଭା ପାଉଛନ୍ତି। ଏଭଳି ବିଶ୍ୱାସ ସୃଷ୍ଟି କରି ପରିବେଶ ସୁରକ୍ଷା କରିବାର ଭିନ୍ନ ପ୍ରୟାସରେ ସଫଳ ହୋଇଛନ୍ତିି ହିମାଳୟ ପରିବେଶ ଅଧ୍ୟୟନ ସଂଗଠନର ମୁଖ୍ୟ ପଦ୍ମଶ୍ରୀ ଡ. ଅନିଲ ପ୍ରକାଶ ଜୋଷୀ। ଉତ୍ତରାଖଣ୍ଡ ଡେରାଡୁନ୍‌ଠାରୁ ୧୬କିମି ଦୂର ଶୁକ୍ଳାପୁର ନିକଟରେ ବହିଯାଉଥିବା ଅସନ ନଦୀକୂଳରେ ଥିବା ଶ୍ମଶାନଘାଟର ନାମ ରଖାଯାଇଛି ପୁନର୍ଜନ୍ମ। ଶୁକ୍ଳାପୁର ଅମ୍ବିବାଲା ଅଞ୍ଚଳର ଲୋକେ କୌଣସି ବ୍ୟକ୍ତିଙ୍କର ମୃତ୍ୟୁ ହେଲେ ଏହି ଘାଟରେ ତାଙ୍କର ଅନ୍ତିମ ସଂସ୍କାର କରୁଛନ୍ତି। ଡିସେମ୍ବର ୨୦୧୨ରେ ଏହି ଘାଟରେ ‘ପୁନର୍ଜନ୍ମ ବନ’ ଆରମ୍ଭ କରାଯାଇଥିଲା। ସେବେଠାରୁ ସ୍ବଜନଙ୍କ ମୃତ୍ୟୁ ହେବା ପରେ ଏଠାରେ ଅନ୍ତିମ ସଂସ୍କାର କରିବା ସହ ଲୋକମାନେ ଫଳଦାୟୀ ଗଛ ଲଗାଉଛନ୍ତି ଓ ତା’ ମୂଳରେ ଚିତାଭସ୍ମ ଦେଉଛନ୍ତି। ଗଛର ଯତ୍ନ ମଧ୍ୟ କରୁଛନ୍ତି। ସେହି ଗଛରେ ପ୍ରିୟଜନଙ୍କ ନିକଟରେ ରହିବା ଭଳି ଅନୁଭବ କରୁଛନ୍ତି। ଗଛ ମୂଳରେ ଦିଆଯାଇଥିବା ଚିତାଭସ୍ମ ଗଛକୁ ପୋଷକ ତତ୍ତ୍ୱ ଯୋଗାଇ ବଡ କରେ ଓ ମୃତକଙ୍କ ଆତ୍ମା ମୁକ୍ତିପ୍ରାପ୍ତ ହୋଇଥାଏ ବୋଲି ସେମାନେ ବିଶ୍ୱାସ କରନ୍ତି। ଡ. ଜୋଷୀ କୁହନ୍ତି, ମୃତ୍ୟୁ ପୂର୍ବରୁ ଆମେ ଅଙ୍ଗଦାନ କରିବାର ନିଷ୍ପତ୍ତି ନେଉଛୁ, ତେବେ କାହିଁକି ଆମେ ଆମ ଅନ୍ତିମ ଅବଶେଷକୁ ବୃକ୍ଷ ରୂପରେ ଏହି ପୃଥିବୀକୁ ଲେଉଟାଇ ଆଣିବାନି। ଜୀବନରେ ଆମେ ପୃଥିବୀରୁ ଯେଉଁ ପାଣି, ପବନ ଓ ଅନ୍ୟ ଉପାଦାନ ଗ୍ରହଣ କରିଛୁ, ତାହାକୁ ଫେରାଇଦେବା ଲାଗି ଏହା ଏକ ସରଳ ଉପାୟ।


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ସିଲାଇ କାର୍ଯ୍ୟ ବା ଟେଲରିଂରେ ସୌରଶକ୍ତି ଉପଯୋଗ କରି ଏକ ଉଦାହରଣ ସୃଷ୍ଟି କରିଛନ୍ତି ଝାଡ଼ଖଣ୍ଡର କନିଜ ଫତିମା। ସେ ତାଙ୍କ ସ୍ବାମୀଙ୍କ ସହ ଏହିି...

ପରୀକ୍ଷାର ପରୀକ୍ଷଣ

ହୃଷୀକେଶ ପ୍ରଧାନ ଜାତୀୟ ପରୀକ୍ଷଣ ସଂସ୍ଥା (ଏନ୍‌ଟିଏ) ଦ୍ୱାରା ପରିଚାଳିତ ସଦ୍ୟସମାପିତ ୟୁଜିସି-ନେଟ୍‌ ଏବଂ ନିଟ୍‌ ପରୀକ୍ଷାର ପ୍ରଶ୍ନପତ୍ର ପ୍ରଘଟ ମାମଲା ସାରା ଦେଶରେ ଆଲୋଡ଼ନ...

ଧର୍ମଛଡ଼ା ଭୋଟରଙ୍କ କଥା

”ଓଃ! ନିର୍ବାଚନ ସରିଗଲା। ମଣିଷ ମୁକ୍ତି ପାଇଗଲା ଗଣତନ୍ତ୍ରର ଏହି ମହାପର୍ବର କୋଳାହଳରୁ।“ ଏମିତି ଏକ ଉଚ୍ଚାରଣ ଉଶ୍ୱାସ ଓ ଆଶ୍ୱସ୍ତିର। ମାସାଧିକ କାଳର ନିର୍ବାଚନ...

ଗଣତନ୍ତ୍ରରେ ଗଣମାଧ୍ୟମ

୨୦୧୪ ପରେ ଭାରତ ‘ଗୋଦି ମିଡିଆ’ ଫ୍ରେଜ୍‌ ବା ଶବ୍ଦାବଳୀ ସହ ପରିଚିତ ହେଲା, ଯାହାକୁ ମାଗାସେସେ ପୁରସ୍କାର ବିଜେତା ସାମ୍ବାଦିକ ରବିଶ କୁମାର ସୃଷ୍ଟି...

ଏଇ ଭାରତରେ

ପୋଲିସ ଅଧିକାରୀ ଶାନ୍ତିଶୃଙ୍ଖଳା ବଜାୟ ରଖିବାରେ ବ୍ୟସ୍ତ ରଖିବା ସହ ବୁଲା କୁକୁରଙ୍କ ସୁରକ୍ଷାରେ ସମୟ ଦେବା ନିଶ୍ଚିତ ଭାବେ ପ୍ରେରଣାଦାୟକ କାର୍ଯ୍ୟ। ଏଭଳି କାର୍ଯ୍ୟ...

ଜବରଦସ୍ତିଆ ଦକ୍ଷିଣା

ଶ୍ରୁତକୀର୍ତ୍ତି ତ୍ରିପାଠୀ ଠାକୁରଙ୍କ ପୂଜା ଆଳରେ ପୂଜକମାନେ ପଇସା ନେବା ବିଷୟଟି ଅନେକ ଥର ମୋତେ ବ୍ୟଥିତ କରିଛି। ସେ ଶ୍ରୀମନ୍ଦିରରେ ମୁଣ୍ଡରେ ବେତ ଛୁଅଁାଇ...

ଦଳତ୍ୟାଗୀଙ୍କୁ ଆଦର

ସହଦେବ ସାହୁ ସାଧାରଣ ଆଇନରେ କେତେକ ଧାରା ଶେଷରେ ବ୍ୟତିକ୍ରମ/ ସର୍ତ୍ତ (ଏକ୍ସସେପ୍ସନ୍‌/ ପ୍ରୋଭାଇଜୋ) ଥାଏ, ଆଇନରେ ଏହା ଗଳାବାଟ। ସେଗୁଡ଼ିକ ଲିଖିତ ହୋଇଥିବାରୁ ଦୃଶ୍ୟ;...

Dillip Cherian

ନିଯୁକ୍ତି ବୃଦ୍ଧି ଯୋଜନା

କାର୍ମିକ ଓ ପ୍ରଶିକ୍ଷଣ ବିଭାଗ (ଡିଓପିଟି) ଆଇଏଏସ୍‌ ଅଧିକାରୀଙ୍କ ବାର୍ଷିକ ନିଯୁକ୍ତିକୁ ୧୮୦ ରୁ ୨୧୦ କୁ ବୃଦ୍ଧି କରିବାକୁ ବିଚାର କରୁଥିବା ଜଣାଯାଇଛି। ଏହି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri