ଇଭିଏମ୍‌ରେ ତ୍ରୁଟି, ପରିଚାଳନାରେ ଅବ୍ୟବସ୍ଥା: ବହୁ ବୁଥ୍‌ରେ ମତଦାନ ବିଳମ୍ବିତ

ଅନୁଗୋଳ ଅଫିସ/ ବଅଁରପାଳ/ ପାଲଲହଡ଼ା/ ଛେଣ୍ଡିପଦା/ ବଇଣ୍ଡା/ ଆଠମଲ୍ଲିକ/ ତାଳଚେର, ୨୪।୪- ଅନୁଗୋଳ ଜିଲାର ୫ଟି ନିର୍ବାଚନମଣ୍ଡଳୀରେ ହୋଇଥିବା ମୋଟ୍‌ ୧୧୬୩ ବୁଥ୍‌ ମଧ୍ୟରୁ ଅନେକ ସ୍ଥାନରେ ଇଭିଏମ୍‌ରେ ତ୍ରୁଟି ଓ ପରିଚାଳନାଗତ ଅବ୍ୟବସ୍ଥା ପରିଲକ୍ଷିତ ହୋଇଥିଲା। ଭୋଟରମାନେ ସକାଳୁ ଦୀର୍ଘ ସମୟ ଧରି ଧାଡ଼ିରେ ଠିଆ ହୋଇଥିଲେ ବି କେଉଁଠି ଅଧଘଣ୍ଟା ତ ଆଉ କେଉଁଠି ଘଣ୍ଟା ଘଣ୍ଟା ଧରି ମତଦାନ ବିଳମ୍ବିତ ହୋଇଥିଲା। ଏପରି କି ଏକାଧିକ ବୁଥ୍‌ରେ ରାତି ୧୦ଟା ପରେ ବି ଭୋଟ୍‌ ନିଆଯାଇଥିବା ଦେଖାଯାଇଥିଲା। ପରିଚାଳନାରେ ଏପରି ଅବ୍ୟବସ୍ଥା ଯୋଗୁ ଭୋଟରମାନଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଥିଲା। ଦୀର୍ଘ ୩ ମାସ ହେବ ପ୍ରଶିକ୍ଷଣ ଓ ପ୍ରସ୍ତୁତି କରାଯାଇଥିଲେ ମଧ୍ୟ ଜିଲାରେ ମତଦାନ ଏପରି ବିଳମ୍ବିତ ହେବା ପ୍ରଶାସନର ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି।

ପ୍ରଶାସନ ପକ୍ଷରୁ ମକ୍‌ ପୋଲ ସମୟରେ କେତେକ ବୁଥ୍‌ରେ ଇଭିଏମ୍‌ ଖୋଲି ନ ଥିବାବେଳେ ଭିଭିପିଏଟି ମଧ୍ୟ କାମ କରି ନ ଥିଲା। ସେହିପରି ଅନେକ ବୁଥରେ ମତଦାନ ଆରମ୍ଭ ହୋଇଥିଲେ ବି ପୋଲିଂ ପାର୍ଟିଙ୍କ ପରିଚାଳନାରେ ତ୍ରୁଟି କାରଣରୁ ଇଭିଏମ୍‌ ଓ ଭିଭିପାର୍ଟ ମେଶିନ୍‌ ଅଚଳ ହୋଇପଡ଼ିଥିଲା। ପ୍ରଶାସନ ପକ୍ଷରୁ ତ୍ରୁଟିରେ ସୁଧାର ଅଣାଯାଇଥିଲେ ମଧ୍ୟ ମତଦାତାଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିଲା। ଅନୁଗୋଳ ନିର୍ବାଚନମଣ୍ଡଳୀର ହେମସୁରପଡ଼ା ଠାରେ ଉତ୍ତରପଡ଼ା ବିଦ୍ୟାଳୟରେ ହୋଇଥିବା ୨୮ ଓ ୨୯ ନମ୍ବର ବୁଥ୍‌ରେ ବାରମ୍ବାର ଇଭିଏମ୍‌ ଓ ଭିଭିପିଏଟିରେ ତ୍ରୁଟି ଦେଖିବାକୁ ମିଳିଥିଲା। ଜିଲାରେ ହୋଇଥିବା ମଡେଲ ବୁଥ୍‌ ଗୁଡ଼ିକ ଠିକ୍‌ ଭାବେ ପରିଚାଳିତ ହେଉ ନ ଥିବା ମଧ୍ୟ ଭୋଟରମାନେ ଅଭିଯୋଗ କରିଛନ୍ତି। ତେବେ ୧୭ ଇଭିଏମ୍‌ ଓ ୮ ଭିଭିପିଏଟି ଅଚଳ ହୋଇଥିବା ସୂଚନା ମିଳିଛି। ସେହିପରି ବଅଁରପାଳ ବ୍ଲକରେ ମୋଟ୍‌ ୧୭୫ଟି ବୁଥ୍‌ କରାଯାଇଥିଲା। ତେବେ କେତେକ ବୁଥ୍‌ରେ ଇଭିଏମ୍‌ରେ ତ୍ରୁଟି ଯୋଗୁ ଭୋଟଗ୍ରହଣ ବିଳମ୍ବିତ ହୋଇଥିଲା। ଗଡ଼ସନ୍ତ୍ରୀ ଜାମ୍ବୁସାହି ଠାରେ ଥିବା ୧୨୮ ନମ୍ବର ବୁଥ୍‌ରେ ଅପରାହ୍ନ ୨ଟା ୪୫ ପର୍ଯ୍ୟନ୍ତ ଲୋକ ସଭା ଇଭିଏମ୍‌ରେ ୬୧୩ ପୋଲିଂ ହୋଇଥିବାବେଳେ ବିଧାନସଭା ଇଭିଏମ୍‌ରେ ୬୧୮ ପୋଲିଂ ହୋଇଥିଲା। ଏହାକୁ ନେଇ ସେଠାରେ ଉତ୍ତେଜନା ସୃଷ୍ଟି ହୋଇଥିଲା। ବଅଁରପାଳ ବିଡିଓ ସ୍ବରୂପା ନନ୍ଦ ସାହୁ ପହଞ୍ଚତ୍ ବୁଝାସୁଝା କରିଥିଲେ।

ସେହିପରି ପାଲଲହଡ଼ା ନିର୍ବାଚନମଣ୍ଡଳୀରେ ଲୋକ ସଭା ପାଇଁ ମୋଟ୍‌ ୨ଟି ବାଲାଟ ୟୁନିଟ୍‌, ୨ଟି କଣ୍ଟ୍ରୋଲ ୟୁନିଟ ସହ ୮ଟି ଭିଭିପିଏଟିରେ ତ୍ରୁଟି ଦେଖାଦେଇଥିଲା। ବିଧାନସଭା ପାଇଁ ୨ ବାଲାଟ ୟୁନିଟ, ଗୋଟିଏ କଣ୍ଟ୍ରୋଲ ୟୁନିଟ ସହ ୩ ଟି ଭିଭିପିଏଟି ଖରାପ ହୋଇଥିବା ପାଲଲହଡ଼ା ନିର୍ବାଚନ ଅଧିକାରୀ ଅଜିତ କୁମାର ପ୍ରଧାନ ସୂଚନା ଦେଇଛନ୍ତି। ତେବେ ସବୁ ମେଶିନ ୧୫ରୁ ୨୦ ମିନିଟ ମଧ୍ୟରେ ସଜଡା ଯାଇଥିବା ପ୍ରଧାନ କହିଛନ୍ତି। ନଗିରା ପଞ୍ଚାୟତ ୫ନଂ. ବୁଥରେ ଇଭିଏମ୍‌ ତ୍ରୁଟି ଯୋଗୁ ବିଳମ୍ବ ହୋଇଥିଲା। ଛେଣ୍ଡିପଦା ବିଧାନସଭା କ୍ଷେତ୍ର ଅଧୀନ ପାଟକମୁଣ୍ଡା ପଞ୍ଚାୟତର ତେବୁଡ, ଖମାର ୧୩ ନଂ ବୁଥ, ପାତ୍ରପଡା ପଞ୍ଚାୟତର ପିପଳବାହାଳ, ଛେଣ୍ଡିପଦା ଉଚ୍ଚବିଦ୍ୟାଳୟର ୫୦ ନଂ. ବୁଥ, କୁମୁରସିଂହ ବିଦ୍ୟାଳୟ, ଖମାର ୧୫ନଂ ବୁଥ, ମାରୁଢିପ ୩ନଂ ବୁଥ, ବାଲିନାଳି ବୁଥରେ ଇଭିଏମ୍‌ରେ ତ୍ରୁଟି ଯୋଗୁ ମତଦାନ ବିଳମ୍ବ ହୋଇଥିଲା। ଅନୁଗୋଳରୁ ନୂତନ ମେଶିନ ଆସିଲା ପରେ ମତଦାନ ସ୍ବାଭାବିକ ହୋଇଥିଲା। ମାରୁଢିପ, ବରସାହିର ୧୫ନଂ ବୁଥ, ବାଲିନାଳି ବୁଥ, ଦୁର୍ଗାପୁର ଟାଙ୍ଗରସାହି ଆଦି ବୁଥ୍‌ରେ ୫ ଘଣ୍ଟା ମତଦାନ ବିଳମ୍ବ ହୋଇଥିଲା। ସେହିପରି ଆଠମଲ୍ଲିକ ମନ୍ଦରବାହାଳ ପ୍ରାଥମିକ ବିଦ୍ୟାଳୟ କେନ୍ଦ୍ରରେ ଇଭିଏମ୍‌ ଅଚଳ ହେବା ଯୋଗୁ ପ୍ରାୟ ୩ ଶହ ଭୋଟର ଭୋଟ ନ ଦେଇ ଫେରିଯାଇଥିବା ଅଭିଯୋଗ ହୋଇଛି। ବୁଥ୍‌ ନଂ. ୧୪୯, ୪୫, ୫୫, ୫୧, ୧୦, ୧୫୪, ୧୩୩ ରେ ଇଭିଏମ୍‌ ଅଚଳ ଯୋଗୁ ୨ ଘଣ୍ଟା ମତଦାନ ବିଳମ୍ବ ହୋଇଥିଲା। ନୂତନ ଇଭିଏମ୍‌ ଲଗାଯିବା ପରେ ଭୋଟ ଗ୍ରହଣ କରାଯାଇଥିଲା। ୬୦, ୨, ୧୮୫, ୯୦, ୧୦୦, ୧୮୭  ବୁଥ୍‌ରେ ମଧ୍ୟ ବିଳମ୍ବରେ ଭୋଟ ଗ୍ରହଣ ହୋଇଥିଲା। ତେବେ ପୁରୁଣାମାଣତ୍ରି ଗ୍ରାମରେ ୧୮୮ ନମ୍ବର ବୁଥ୍‌ରେ ରାତି ୯ଟାରେ ଭୋଟ ଗ୍ରହଣ ଶେଷ ହୋଇଥିବା ଜଣାପଡିଛି। ସେହିପରି ତାଳଚେରର ୧୭୯ ନଂ. ଓ ଅନ୍ୟ କେତେକ ବୁଥରେ ମତଦାନ ମଧ୍ୟ ଇଭିଏମ୍‌ରେ ତ୍ରୁଟି ଯୋଗୁ ବିଳମ୍ବିତ ହୋଇଥିଲା। ଇଭିଏମ୍‌ ଓ ପରିଚାଳନାରେ ତ୍ରୁଟି ସମ୍ପର୍କରେ ଜିଲାପାଳ ତଥା ଜିଲା ନିର୍ବାଚନ ଅଧିକାରୀ ମନୋଜ କୁମାର ମହାନ୍ତି କହିଛନ୍ତି, ଯେଉଁଠି ଇଭିଏମ୍‌ ଓ ଭିଭିପାର୍ଟ ମେସିନ୍‌ ଅଚଳ ହୋଇଥିଲା ଖବର ପାଇବା ପରେ ତୁରନ୍ତ ତାହାକୁ ବଦଳା ଯାଇଥିଲା। ତେବେ ଜିଲାରେ ଶାନ୍ତି ଶୃଙ୍ଖଳାର ସହ ମତଦାନ ହୋଇଥିବା ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

୩ ଦିନ ପରେ କୂଅରୁ ଉଦ୍ଧାର ହେଲା ଗାଈ, ଏହି ଦାବି କଲେ ସ୍ଥାନୀୟ ବାସିନ୍ଦା

ଦାରିଙ୍ଗବାଡି, ୮/୬ (ଅରୁଣ ସାହୁ ): କଥାରେ ଅଛି “ରଖେ ହରି ତ ମାରେ କିଏ”। ଏଭଳି ଉକ୍ତିକୁ ନେଇ ଅନେକ ସମୟରେ ଉଦାହରଣ ଦେଖିବାକୁ...

ଯାଞ୍ଚବେଳେ ବାଇକ୍‌ରୁ ମିଳିଲା ବିପୁଳ ଗଞ୍ଜେଇ: ନଗଦ ଟଙ୍କା ଜବତ, ଅଭିଯୁକ୍ତ ଗିରଫ

ବରଗଡ଼,୨୪ା୪(ପ୍ରେମାନନ୍ଦ ଖମାରୀ): ବରଗଡ଼ ଜିଲା ଭଟଲି ଥାନା ପୋଲିସ ବୁଧବାର ଯାଞ୍ଚବେଳେ ଗଞ୍ଜେଇ ବୋଝେଇ ଏକ ବାଇକ୍‌ ଜବତ କରିଛି। ଏହା ସହିତ ଅଭିଯୁକ୍ତ ଚିତ୍ରେଶ୍ୱର...

ପରୀକ୍ଷା ହଲ୍‌ରେ କପି ଦେଲେ ମହିଳା ହୋମଗାର୍ଡ, ସହଯୋଗ କରି ନିଲମ୍ବିତ ହେଲେ ଶିକ୍ଷୟିତ୍ରୀ

କଟକ,୨୬ା୨ (କାର୍ତ୍ତିକ ସାହୁ): ମାଟ୍ରିକ ପରୀକ୍ଷା ହଲ୍‌ରେ ଦାୟିତ୍ୱ ଠିକ ଭାବେ ତୁଲାଇ ନ ଥିବାରୁ ନରସିଂହପୁର ବ୍ଲକ ଅନ୍ତର୍ଗତ ପତଣ୍ଡାସ୍ଥିତ ଶଙ୍କର୍ଷଣ ବିଦ୍ୟାପୀଠର ଶିକ୍ଷୟିତ୍ରୀ...

ମାଟି ତଳେ ପୋତା ଛୁଆକୁ ଜଗିଛି ମା’ ହାତୀ

ଯୋଡ଼ା(ମାନସ ମହାନ୍ତି)/କେନ୍ଦୁଝର(ନରେଶ ଚନ୍ଦ୍ର ପଟ୍ଟନାୟକ),୬ା୨:ଜଙ୍ଗଲରୁ ଜନପଦ, ସ୍ନେହରେ ବନ୍ଧା ଏ ଜଗତ। ମଣିଷ ହେଉ ବା ବନ୍ୟପ୍ରାଣୀ ନିଜ ସନ୍ତାନ ପ୍ରତି ସ୍ନେହ ସମସ୍ତଙ୍କର ରହିଛି।...

ମାଲିକାନା ପରିବର୍ତ୍ତନକୁ ନେଇ ବ୍ୟବସାୟୀଙ୍କ ଗଳା କାଟିଦେଲେ ଅଭିଯୁକ୍ତ

ଉଦଳା,୨୫ା୧୧(ସନ୍ତୋଷ କୁମାର ବାଚ୍ଛିନୀ): ମୟୂରଭଞ୍ଜ ଜିଲା କପ୍ତିପଦା ଥାନା ଅଧୀନ ସମୀବୃକ୍ଷ ପର୍ଯ୍ୟଟନସ୍ଥଳୀ ନିକଟରେ ବ୍ୟବସାୟୀ ଚିତ୍ତରଞ୍ଜନ ବେହେରାଙ୍କ ହତ୍ୟା ଘଟଣାର ପର୍ଦ୍ଦାଫାସ କରିଛି ପୋଲିସ।...

ବାଣ ଫୁଟାଇ ପାପୁଲି ହରାଇଲେ ୨: ୯ ଆହତ

ଭଦ୍ରକ/ତିହିଡ଼ି,୧୩ା୧୧(ସନାତନ ରାଉତ/ସଞ୍ଜିତ ବଳ)-ଦୀପାବଳିରେ ବାଣ ଫୁଟାଇବା ବେଳେ ଭଦ୍ରକ ଜିଲାର ବିଭିନ୍ନ ସ୍ଥାନରେ ବିସ୍ଫୋରଣରେ ୨ଜଣ ପାପୁଲି ହରାଇଥିବା ବେଳେ ୯ଜଣ ଆହତ ହୋଇଛନ୍ତି। ସେହିପରି...

୨୦ ତାରିଖ ବେଳକୁ ବଙ୍ଗୋପସାଗରରେ ସୃଷ୍ଟି ହେବ ଲଘୁଚାପ, ବିଗିଡ଼ିପାରେ ପୂଜା ମାହୋଲ!

ଭୁବନେଶ୍ୱର, ୧୭।୧୦: ଚଳିତ ସପ୍ତାହ ଶେଷ ଆଡକୁ ବଙ୍ଗୋପସାଗରରେ ସୃଷ୍ଟି ହେବ ଲଘୁଚାପ। ଏନେଇ ଭାରତୀୟ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି। ଦକ୍ଷିଣ...

ପାଟପୁର ପୋଲିସ ବିରୋଧରେ ଏସ୍‌ପିଙ୍କୁ ଫେରାଦ

ଛତ୍ରପୁର,୮ା୭(ସନ୍ତୋଷ ପାଢ଼ୀ): ପାଟପୁର ଥାନା ପୋଲିସର ମନମୁଖୀ କାର୍ଯ୍ୟ ବିରୋଧରେ ଗଞ୍ଜାମ ଏସ୍‌ପିଙ୍କ ନିକଟରେ ଯୁବକମାନେ ଫେରାଦ ହୋଇଛନ୍ତି । ପାଟପୁର ଥାନା ପୋଲିସ କିଛି...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri