ବଲିଉଡ୍ ଇଣ୍ଡଷ୍ଟ୍ରିରେ ଅଭିନେତ୍ରୀ-ଅଭିନେତା ଏକାଠି କାମ କରୁକରୁ କେତେବେଳେ ସେମାନଙ୍କ ମଧ୍ୟରେ ପ୍ରେମ ହୋଇଯାଇଥାଏ। ଏଥିରୁ କିଛି ପ୍ରେମ ସଫଳ ହୋଇଥିବାବେଳେ ଆଉ କିଛି ବିଫଳ ହୋଇଛି। ଅକ୍ଟୋବର ୩ ଅର୍ଥାତ୍ ଆଜି ବୟଫ୍ରେଣ୍ଡ୍ ଡେ’। ଆଜିର ଏହି ଖାସ୍ ଦିନରେ ଆସନ୍ତୁ ଜାଣିନେବା ବଲିଉଡ୍ର କେଉଁ ଅଭିନେତାମାନେ ଅଭିନୟରେ ବେଶ୍ ସଫଳ ହୋଇଥିବାବେଳେ ପ୍ରେମରେ ବିଫଳ ହୋଇଛନ୍ତି।
ଅକ୍ଷୟ କୁମାର-ଶିଳ୍ପା ସେଟ୍ଟୀ:
ଖିଲାଡି ଅକ୍ଷୟ କୁମାର ଶିଳ୍ପା ସେଟ୍ଟୀଙ୍କୁ ପ୍ରେମ କରୁଥିଲେ। ଏପରିକି ଦୁହେଁ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବୋଲି ସେତେବେଳେ ଚର୍ଚ୍ଚା ଜୋର୍ ଧରିଥିଲା। ଅକ୍ଷୟ ଚାହଁୁଥିଲେ ସେ ଯାହାକୁ ବିବାହ କରିବେ ସେ ଫିଲ୍ମ ଲାଇନ୍ରେ କାମ କରିବେନି। କିନ୍ତୁ ଶିଳ୍ପା ଚାହୁଁଥିଲେ ବଲିଉଡ୍ରେ ନିଜକୁ ସଫଳ କରି ଦେଖାଇବେ। ଏହା ପରେ ଦୁହିଁଙ୍କର ବ୍ରେକ୍ଅପ୍ ହୋଇଯାଇଥିଲା। ଅକ୍ଷୟ ଟ୍ବିଙ୍କିଲ୍ ଖାନ୍ନାଙ୍କୁ ବିବାହ କରିଥିବାବେଳେ ଶିଳ୍ପା ପ୍ରତିଷ୍ଠିତ ବ୍ୟବସାୟୀ ରାଜ୍ କୁନ୍ଦ୍ରାଙ୍କୁ ବିବାହ କରିଛନ୍ତି।
ସଲମାନ୍ ଖାନ୍ – ଐଶ୍ୱର୍ଯ୍ୟା ରାୟ:
୯୦ ଦଶକରେ ବଲିଉଡ୍ର ଦବଙ୍ଗ ସଲମାନ୍ ଐଶ୍ୱର୍ଯ୍ୟାଙ୍କୁ ପ୍ରେମ କରୁଥିଲେ। ଏହା ପ୍ରାୟ ସମସ୍ତଙ୍କୁ ଉଣା ଅଧିକ ଜଣା। କିନ୍ତୁ ଏହି ଯୋଡ଼ିଙ୍କ ପ୍ରେମ ସଫଳ ହୋଇ ନ ଥିଲା। କେତେକ କ୍ଷେତ୍ରରେ ସଲମାନ ଐଶ୍ୱର୍ଯ୍ୟାଙ୍କ ଜୀବନରେ ଅନଧିକାର ପ୍ରବେଶ କରୁଥିଲେ। ଏପରିକି ଐଶ୍୍ଙ୍କୁ ନ ଜଣାଇ ଶୁଟିଂ ସେଟ୍ରେ ସିଧା ପହଞ୍ଚି ଯାଉଥିଲେ ସଲ୍ମାନ। କିନ୍ତୁ ଏହା ଐଶ୍ଙ୍କୁ ପସନ୍ଦ ଆସୁ ନ ଥିଲା। ତେଣୁ ଐଶ୍ୱର୍ଯ୍ୟା ସଲମାନ୍ଙ୍କ ପ୍ରେମରେ ପୂର୍ଣ୍ଣଚ୍ଛେଦ ପକାଇ ଅଭିଷେକ ବଚ୍ଚନଙ୍କୁ ବିବାହ କରିଥିଲେ।
ଅଭିଷେକ ବଚ୍ଚନ-କରିସ୍ମା କପୁର :
ବଲିଉଡ୍ର ଦୁଇ ସମ୍ଭ୍ରାନ୍ତ ପରିବାର ହେଲେ କପୁର ଏବଂ ବଚ୍ଚନ ପରିବାର। ଅଭିଷେକ ଏବଂ କରିସ୍ମାଙ୍କ ପ୍ରେମ ସମ୍ପର୍କ ବଲିଉଡ୍ର ସମସ୍ତଙ୍କୁ ଜଣାଥିଲା। ଏପରିକି ଦୁଇଜଣଙ୍କ ବିବାହକୁ ନେଇ ସମଗ୍ର ଇଣ୍ଡଷ୍ଟ୍ରି ବି ଖୁସି ଥିଲା। କିନ୍ତୁ ହଠାତ୍ ଶୁଣିବାକୁ ମିଳିଥିଲା କୌଣସି କାରଣକୁ ନେଇ ଦୁଇଜଣଙ୍କର ବ୍ରେକ୍ଅପ୍ ହୋଇଥିଲା। ଯାହାର କାରଣ କେହି ଜାଣି ପାରି ନ ଥିଲେ। ଏହା ପରେ କରିସ୍ମା ବ୍ୟବସାୟୀ ସଞ୍ଜୟ କପୁରଙ୍କୁ ବିବାହ କରିଥିବାବେଳେ ଅଭିଷେକ ଐଶ୍ୱର୍ଯ୍ୟାଙ୍କ ହାତ ଧରିଥିଲେ। ସେହିପରି କରୀନା କପୁର ଶାହିଦ୍ କପୁରଙ୍କୁ ପ୍ରେମ କରୁଥିଲେ ମଧ୍ୟ ଏଥିରେ ବିଫଳ ହୋଇଥିଲେ। ଦୀପିକା ପାଦୁକୋନ୍ ଏବଂ ରଣବୀର କପୁରଙ୍କ ପ୍ରେମ ମଧ୍ୟ ଅଧୁରା ରହିଗଲା।
