ଆଉ ଜାଲରେ ପଡୁନାହାନ୍ତି ଇଲିଶି

ଭୋଗରାଇ, ୩୦।୭(ପ୍ରଦୀପ ଦାସ)-ଆଷାଢରୁ ଭାଦ୍ରବ ମାସ ଯାଏ ସୁବର୍ଣ୍ଣରେଖା ମୁହାଣରୁ ପ୍ରଚୁର ଇଲିଶି ମାଛ ଧରାଯାଇଥାଏ। ବାଲେଶ୍ୱର ଜିଲା ସମୁଦ୍ର ଉପକୂଳବର୍ତ୍ତୀ ମତ୍ସ୍ୟଜୀବୀ ଏହି ମାଛ ଧରି ରାଜ୍ୟ ଓ ରାଜ୍ୟ ବାହାରକୁ ଚାଲାଣ କରିଥାନ୍ତି। ଏହା ମତ୍ସ୍ୟଜୀବୀଙ୍କ ରୋଜଗାରର ମୁଖ୍ୟ ପନ୍ଥା ହୋଇଥିବାବେଳେ ଆଗଭଳି ଆଉ ଇଲିଶି ମିଳୁନାହାନ୍ତି। ଫଳରେ ମତ୍ସ୍ୟଜୀବୀଙ୍କ ଜୀବନ ଜୀବିକା ପ୍ରଭାବିତ ହେଉଛି। ଅନ୍ୟ ମାଛ ତୁଳନାରେ ସୁବର୍ଣ୍ଣରେଖା ମୁହାଣରୁ ଧରାଯାଉଥିବା ଇଲିଶିର ଚାହିଦା ଅଧିକ ରହିଛି। ଏହି ମାଛ ଅଧିକ ସ୍ବାଦିଷ୍ଟ ହୋଇଥିବାରୁ ଖାଉଟିମାନେ ଆଗ୍ରହର ସହ ଏହାକୁ କିଣିଥାନ୍ତି। ଏଥର ଶ୍ରାବଣ ମାସ ଆରମ୍ଭ ହୋଇଥିଲେ ମଧ୍ୟ ମୌସୁମୀ ବର୍ଷାର ଅନିୟମିତତା ଓ ପ୍ରତିକୂଳ ପାଗ ଯୋଗୁ ଇଲିଶି ଉତ୍ପାଦନ ହ୍ରାସ ପାଇଥିବା ମତ୍ସ୍ୟଜୀବୀମାନେ କହିଛନ୍ତି।
ସୁବର୍ଣ୍ଣରେଖା ମୁହାଣ ନିକଟରୁ ଏବେ ଦୈନିକ ୫ରୁ ୬ ଟନ୍‌ ଇଲିଶି ଧରାଯାଇ ଉଦୟପୁର, ତାଳସାରୀ, କୀର୍ତ୍ତନିଆ, ଚୌମୁଖ, କଷାଫଳ, ବାହାବଳପୁର ମତ୍ସ୍ୟ ଅବତରଣ କେନ୍ଦ୍ରରେ ବିକ୍ରି କରାଯାଉଛି। ସେହିପରି ପଶ୍ଚିମବଙ୍ଗ ସୀମାନ୍ତବର୍ତ୍ତୀ ମତ୍ସ୍ୟ ଅବତରଣ କେନ୍ଦ୍ରରେ ବାଲେଶ୍ୱର ମତ୍ସ୍ୟଜୀବୀ ମଧ୍ୟ ଇଲିଶି ବିକ୍ରି କରିଥାନ୍ତି। ଅନ୍ୟ ବର୍ଷରେ ଦୈନିକ ୨୦ରୁ ୨୫ ଟନ୍‌ ଇଲିଶି ଧରାଯାଉଥିବା ବେଳେ ଉତ୍ପାଦନ କ୍ରମେ ହ୍ରାସ ପାଉଥିବାରୁ ଏହାର ବଜାର ଦର ଅଧିକ ରହିଛି। ଏଥର ଛୋଟ ଇଲିଶି ୫ଶହ ଓ ବଡ ଇଲିଶି କେଜି ୧ହଜାରରୁ ୧୨ଶହ ଟଙ୍କା ପର୍ଯ୍ୟନ୍ତ ବିକ୍ରି ହେଉଛି। ମାଛମରା ଟ୍ରଲର ଓ ମତ୍ସ୍ୟଜୀବୀମାନେ ଆଷାଢ ମାସରୁ ମାଛଧରା ଆରମ୍ଭ କରିଥିଲେ ମଧ୍ୟ ଦିନେ ଦିନେ ଇଲିସି ନ ପାଇ ଖାଲି ହାତରେ ଫେରୁଛନ୍ତି। ସାଧାରଣତଃ ମୌସୁମୀ ବର୍ଷା ହେଲେ ନଦୀ ମୁହାଣ ଦେଇ ମଧୁର ଜଳ ସମୁଦ୍ରକୁ ପ୍ରବେଶ କରିଥାଏ। ଏହି ସମୟରେ ପୂର୍ବାଳି ପବନରେ ବାଂଲାଦେଶ ଓ ମ୍ୟାନମାର ଗଭୀର ସମୁଦ୍ରରୁ ଇଲିଶି ପଶ୍ଚିମବଙ୍ଗ ଓ ଓଡ଼ିଶା ଉପକୂଳ ନଦୀ ମୁହାଣକୁ ଚାଲିଆସି ମଧୁରଜଳରେ ଯାଆଁଳ ଛାଡ଼ିଥାନ୍ତି। ଏହି ସମୟରେ ମତ୍ସ୍ୟଜୀବୀମାନେ ଜାଲ ବିଛାଇ ସମୁଦ୍ରରେ ପ୍ରଚୁର ଇଲିଶି ଧରିଥାନ୍ତି। ଜଳବାୟୁର ପରିବର୍ତ୍ତନ ଓ ଅସ୍ବାଭାବିକ ମୌସୁମୀ ବର୍ଷା ଇଲିଶି ଉତ୍ପାଦନରେ ବାଧକ ହୋଇଥିବାରୁ ମତ୍ସ୍ୟଜୀବୀମାନେ ହତାଶ ହେଉଛନ୍ତି। ଅନ୍ୟପକ୍ଷେ ଇଲିସି ପ୍ରତି ଦୁର୍ବଳତା ରଖୁଥିବା ନିମ୍ନ ମଧ୍ୟବିତ୍ତଶ୍ରେଣୀର ଲୋକେ ଅଧିକ ଚଢାଦର ଦେଇ ଇଲିଶି କିଣିପାରୁ ନ ଥିବା କହିଛନ୍ତି।
ବାଲେଶ୍ୱର ଉପକୂଳରେ ହଜାର ହଜାର ମତ୍ସ୍ୟଜୀବୀଙ୍କ ପରିବାରର ଆର୍ଥିକ ମାନଦଣ୍ଡ ମତ୍ସ୍ୟ ସମ୍ପଦ ଉପରେ ନିର୍ଭର କରୁଥିବା ବେଳେ ସେମାନଙ୍କ ସମସ୍ୟା ପ୍ରତି ପ୍ରଶାସନ ଦୃଷ୍ଟି ଦେଉ ନ ଥିବା ଅନେକ ଅଭିଯୋଗ କରିଛନ୍ତି। ଗଭୀର ସମୁଦ୍ରକୁ ମାଛ ମାରିବା ପାଇଁ ଯାଉଥିବା ମତ୍ସ୍ୟଜୀବୀଙ୍କୁ ଲାଇଫ ଜ୍ୟାକେଟ୍‌ ଦିଆଯାଉନାହିଁ କି ଟ୍ରଲରରେ ଜରୁରୀ ସୂଚନା ଦେବା ନିମନ୍ତେ ଡାଟା ମେଶିନ୍‌ ଲଗାଯାଉ ନ ଥିବା ଗମ୍ଭାରିଆ ଗ୍ରାମର ଡଙ୍ଗା ମାଲିକ କୈଳାସ ଚନ୍ଦ୍ର ଗଙ୍ଗେଇ କହିଛନ୍ତି। କୀର୍ତ୍ତନିଆ ଗ୍ରାମର ଜୟଦେବ ବେହେରା ଓ ସାହାପୁର ଗ୍ରାମର ମତ୍ସ୍ୟଜୀବୀ ନିତ୍ୟାନନ୍ଦ ବେହେରା ମଧ୍ୟ ଅନୁରୂପ ଅଭିଯୋଗ କରିଛନ୍ତି। ଏ ସମ୍ପର୍କରେ ସାମୁଦ୍ରିକ ସହକାରୀ ମତ୍ସ୍ୟ ଅଧିକାରୀ ଗଣେଶ ଚନ୍ଦ୍ର ପାତ୍ରଙ୍କୁ ପଚାରିବାରୁ କହିଛନ୍ତି, ମୌସୁମୀ ବର୍ଷା ଆଶାନୁରୂପ ନ ହେବାରୁ ଏହାର ପ୍ରଭାବ ଇଲିଶି ଉତ୍ପାଦନ ଉପରେ ପଡିଛି। ଏଠାରେ ୨୪୦ଟି ଛୋଟ, ବଡ଼ ଡଙ୍ଗାର ପଞ୍ଜୀକରଣ କରାଯାଇ ୧୦୭ ଡଙ୍ଗାରେ ଡାଟା ମେଶିନ୍‌ ଲଗାଯାଇଛି। ଲାଇଫ୍‌ ଜ୍ୟାକେଟ ଯୋଗାଇ ଦେବାକୁ ପଦକ୍ଷେପ ନିଆଯାଇଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଏଫ୍‌ଏମ୍‌ ମେଡିକାଲ କଲେଜ ହସ୍ପିଟାଲରେ ନିଯୁକ୍ତି ପ୍ରକ୍ରିୟା ଆରମ୍ଭ

ବାଲେଶ୍ୱର ଅଫିସ,୨୮ା୩: କରୋନା ଭୂତାଣୁ ସଂକ୍ରମଣ ମୁକାବିଲା କରିବା ଲାଗି ରାଜ୍ୟ ସରକାର ସ୍ବାସ୍ଥ୍ୟ କର୍ମଚାରୀଙ୍କୁ ସାମୟିକ ଭାବେ ନିଯୁକ୍ତି ଦେବା ଲାଗି ପଦକ୍ଷେପ ନେବାକୁ...

ବେଆଇନ ବାଲି ଚାଲାଣ:ଜେସିବି ସମେତ ୭ ଟ୍ରାକ୍ଟର ଜବତ

ଜଳେଶ୍ୱର, ୨୯।୫(ଡି.ଏନ.ଏ.)-ବାଲେଶ୍ୱର ଜିଲା ଜଳେଶ୍ୱର ତହସିଲ ଅନ୍ତର୍ଗତ ଶିଖରପୁର, ଅଗ୍ରୱାଲାଛକ, ତେଗଡ଼ିଆ, ପଢ଼ିଆରିପୁର ଓ ପଞ୍ଚୁଘଣ୍ଟା ଆଦି ସୁବର୍ଣ୍ଣରେଖା ନଦୀର ବିଭିନ୍ନ ବାଲି ଉତ୍ସରୁ ବେଆଇନ...

ଆଇଏସ୍‌ଆଇ ଲିଙ୍କ୍‌: ଦେଶଦ୍ରୋହ ଅପରାଧରେ ଈଶ୍ୱରଙ୍କୁ ଆଜୀବନ କାରାଦଣ୍ଡ

ବାଲେଶ୍ୱର ଅଫିସ,୧୧।୨- ବାଲେଶ୍ୱର ଜିଲା ଚାନ୍ଦିପୁରସ୍ଥିତ ପ୍ରତିରକ୍ଷା ଗବେଷଣା ଏବଂ ବିକାଶ ସଂଗଠନ(ଡିଆର୍‌ଡିଓ)ର ଗୁପ୍ତ ତଥ୍ୟ ଆଇଏସ୍‌ଆଇ ଏଜେଣ୍ଟଙ୍କୁ ପ୍ରଦାନ କରିବା ଅଭିଯୋଗରେ ଗିରଫ ଈଶ୍ୱର...

‘ଗଣତାନ୍ତ୍ରିକ ପ୍ରକ୍ରିୟାରେ ବୁଦ୍ଧିଜୀବୀଙ୍କ ନୀରବତା ବିଡମ୍ବନା’: ସୃଜନିକାର ନବବର୍ଷର ରାଜ୍ୟସ୍ତରୀୟ ସାରସ୍ବତ ସମାରୋହ

ବାଲିଆପାଳ,୩ା୧(ଡି.ଏନ.ଏ.)-ଗଣତାନ୍ତ୍ରିକ ପ୍ରକ୍ରିୟାରେ ବୁଦ୍ଧିଜିବୀଙ୍କ ନୀରବତା ବିଡମ୍ବନା। ଏବେ କେନ୍ଦ୍ର ସରକାରଙ୍କ ଦେଶରେ ସଂଶୋଧିତ ନାଗରିକ ଆଇନ (ସିଏଏ)ଓ ଜାତୀୟ ନାଗରିକ ପଞ୍ଜିକା(ଏନଆରସି)କୁ ନେଇ ଆନ୍ଦୋଳନ, ଜଳାପୋଡା,...

ରକ୍ତଦାନ କଲେ ପଞ୍ଚାୟତବାସୀ

ଖଇରା,୧୯।୪(ଡି.ଏନ.ଏ.)-ଏବେ କରୋନା ରୋଗୀଙ୍କ ଚିକିତ୍ସା ପାଇଁ ରକ୍ତ ଆବଶ୍ୟକତା ରହିଛି। ରକ୍ତ ଭଣ୍ଡାରରେ ରକ୍ତ ଅଭାବ ଦୂର ପାଇଁ ଆଗେଇ ଆସିଛନ୍ତି ବାଲେଶ୍ୱର ଜିଲା ଖଇରା...

ହାତବାନ୍ଧି ବସିଛନ୍ତି ପାନଚାଷୀ

ଭୋଗରାଇ, ୩ା୪(ଡି.ଏନ.ଏ.) – କରୋନା ଭୂତାଣୁ ସଂକ୍ରମଣ ରୋକିବା ଲାଗି ଏବେ ସମଗ୍ର ଦେଶ ଲକ୍‌ଡାଉନରେ ରହିଛି। ଏହାର ପ୍ରତିକୂଳ ପ୍ରଭାବ ପାନ ଚାଷ ଉପରେ...

ଅସୁରକ୍ଷିତ ବୈତରଣୀ ସୁରକ୍ଷାବନ୍ଧ

ଆନନ୍ଦପୁର,୨୩।୬(ସ୍ବ.ପ୍ର.)- ବନ୍ୟା ଦାଉରୁ ଆନନ୍ଦପୁର ପୌରପରିଷଦ ଏବଂ ଆନନ୍ଦପୁର ବ୍ଲକ ଅଞ୍ଚଳର ଅନେକ ସ୍ଥାନର ସୁରକ୍ଷା ଦୃଷ୍ଟିରୁ ୨୦୧୬ ମାର୍ଚ୍ଚ ୧ ତାରିଖ ଦିନ ବୈତରଣୀ...

ମହିଳାଙ୍କୁ ଦଳିଦେଲା ହାତୀ

ଖଇରା,୪ା୬(ଡି.ଏନ୍‌.ଏ.): ହାତୀ ଦଳିଦେବାରୁ ବାଲେଶ୍ବର ଜିଲା ଖଇରା ତହସିଲ ଅଧୀନ କଇଥଗଡ଼ିଆ ଗ୍ରାମର ସଜନୀ ସିଂ(୫୨) ଶନିବାର ପ୍ରାଣ ହରାଇଛନ୍ତି। ସଜନୀ ସକାଳେ ମୟୂରଭଞ୍ଜର ବଡ଼ହୁଡ଼ି...

Advertisement
Archives

Model This Week