ଅନୁକୂଳ ପାଣିପାଗ: ଖରିଫ ଚାଷ ପାଇଁ ଚାଷୀ ତତ୍ପର

ଉଲୁଣ୍ଡା, ୧ା୭(ଡି.ଏନ.ଏ.)  ରୋହିଣୀ ତାତେ, ମୃଗଶିରା ମାତେ, ଆରଦ୍ରା କରେ ଛନ୍‌ ଛନ୍‌, ଚାଷୀ ବଇଲା ଚଷାନୀଲୋ ଇ ବଛର କେନନ ରଖମା ଧାନ। ବିଶ୍ୱାସ ଅନୁସାରେ ରୋହିଣୀ ନକ୍ଷତ୍ର (ମେ ୨୨- ଜୁନ ୭) ପ୍ରଚଣ୍ଡ ଖରାରେ ଧରାପୃଷ୍ଠକୁ ତତାଇ ଦିଏ। ସେହିପରି ମୃଗଶିରା(ଜୁନ ୭- ଜୁନ୨୦) କାଳବୈଶାଖୀର ପ୍ରଭାବରେ ଧରାପୃଷ୍ଠ ମାତିଉଠେ। ଠିକ୍‌ ସେମିତି ମୌସୁମୀ ଆଗମନରେ ଆରଦ୍ରା ନକ୍ଷତ୍ର( ଜୁନ ୨୧-ଜୁଲାଇ ୩) ଝିପିଝିପି ବର୍ଷାରେ ଜମି ଚାଷ ଉପଯୋଗୀ ହୋଇ ବୁଣା ବିହନକୁ ଅଙ୍କୁରୋଗ୍ଦମ କରି ସବୁଜିମା ଆଣିଦିଏ। ଓଡିଶାର ଭାତହାଣ୍ଡି କୁହାଯାଉଥିବା ସୁବର୍ଣ୍ଣପୁର ଜିଲାର ଚାଷୀକୂଳ ମାସ, ବର୍ଷ, ତିଥି ବା ତାରିଖ ଉପରେ ନିର୍ଭର ନକରି ପାରମ୍ପରିକ ନକ୍ଷତ୍ର ଗଣନା ଉପରେ ବିଶ୍ୱାସ ରଖି ଚାଷ କରିଥାନ୍ତି। ଚଳିତ ଖରିଫ ଋତୁରେ ଚାଷ ପାଇଁ ଚାଷୀ ତତ୍ପର ଥିବାବେଳେ ନକ୍ଷତ୍ର ଗଣନାକୁ ନେଇ ଆଗେଇ ନେଉଛି ଚାଷ। ଏହିକ୍ରମରେ ଉଲୁଣ୍ଡା ବ୍ଲକରେ ଚାଷୀ ଆରଦ୍ରା ନକ୍ଷତ୍ରରେ ବତୁରି ପାଗର ସୁଯୋଗ ନେଇ ଧାନ ବୁଣା ଆରମ୍ଭ କରିଛି। ମୌସୁମୀ ଆଇବାରେ ଡେରି ହେଲେ ବି ମଝି ମଝିରେ ହେଇଥିବା କାଳବୈଶାଖୀ ବର୍ଷା ଲାଗି ଠିକ ସମିଆରେ ବତରି ଧାନବୁନା ଜୋରସୋରରେ ଚାଲିଛେ ବୋଲି ଗୌଡଗଁାର ଚାଷୀ ସତ୍ୟନାରାୟଣ ପାଣିଗ୍ରାହୀ କହିଛନ୍ତି।
ଉଲୁଣ୍ଡା କୃଷି ବିଭାଗ ତରଫରୁ ମିଳିଥିବା ସୂଚନା ମତେ, ବ୍ଲକରେ ଥିବା ସମଗ୍ର ୨୭୮୯୩ ହେକ୍ଟର ଜମିରୁ ଚଳିତ ଖରିଫ ପାଇଁ ୨୨୬୫୦ ହେକ୍ଟର ଜମିକୁ ଚାଷ ଉପଯୋଗୀ ଭାବେ ନିଆଯାଇଛି। ଏଥିରୁ ଧାନ ଚାଷ ପାଇଁ ୧୬୭୯୦ ହେକ୍ଟର, ମକା ୨୦୦, ଡାଲି ଜାତୀୟ ୩୦୦, ତୈଳବିଜ ୫୨୦, ତନ୍ତୁ ଜାତୀୟ ୬୩୦, ପରିବା ୧୧୫୦, ମସଲା ୨୫୦, ଆଖୁ ୬୦ ଏବଂ ଅନ୍ୟାନ୍ୟ ଫସଲ ୩୬୦ ହେକ୍ଟର ଚାଷ କରିବା ପାଇଁ ଲକ୍ଷ୍ୟଧାର୍ଯ୍ୟ କରାଯାଇଛି। ତେବେ ଉଲୁଣ୍ଡା ବ୍ଲକର ଚାଷୀ ଧାନକୁ ମୁଖ୍ୟ ଫସଲ ଭାବେ ଗ୍ରହଣ କରୁଥିବା ହେତୁ ବିଭାଗ ପକ୍ଷରୁ ମଧ୍ୟ ଗୁରୁତ୍ୱ ଦିଆଯାଇଛି। ବିଶେଷ କରି ବ୍ଲକ ପାଇଁ କଲିଙ୍ଗ ୧୦୦ କୁଇଣ୍ଟାଲ, ଖଣ୍ଡଗିରି ୪୦୦, ଲଲାତ ୩୦୦, ସହଭାଗୀ ୩୦୦, ସଦାବ୍ଦି ୪୦୦, ଭୂବନ ୩୦୦, ସିଦ୍ଧାନ୍ତ ୧୦୦, ଜୋଗେଶ ୧୦୦, କାଦମ୍ବିନୀ ୧୦୦, ନବିନ ୧୦୦, ଚନ୍ଦନ ୧୦୦, ଏମଟିୟୁ – ୧୦୧୦ ୮୦୦, ୧୦୦୧ ବିହନ ୧୨୦୦, ପୂଜା ୧୦୦୦, ସ୍ବର୍ଣ୍ଣ ୧୭୦୦, ଆରଜିଏଲ-୨୫୩୮ ୧୦୦, ସତ୍ୟକ୍ରିଷ୍ଣା ୧୦୦, ପ୍ରତିକ୍ଷା ୧୦୦, ଗିତାଞ୍ଜଳି ୧୦୦, ତପସ୍ବିନୀ ୧୦୦, ମାନସ୍ବିନୀ ୧୦୦, ତେଜସ୍ବିନୀ ୧୦୦, ସୁନିତା ୧୦୦, ଜୟଦେବ ୧୦୦, ରାନି ୧୦୦ କୁଇଣ୍ଟାଲ ଧାନ ବିହନର ଆବଶ୍ୟକତା ଥିବା କୃଷି ବିଭାଗ ପକ୍ଷରୁ ନିର୍ଦ୍ଧାରଣ କରାଯାଇଛି। ସେହିପରି ମୁଗ ଚାଷ ପାଇଁ ପିଡିଏମ ୫୪ ୧୦ କୁଇଣ୍ଟାଲ, ଆପିଏମ୧୪ ୨୦ କୁଇଣ୍ଟାଲ, ବିରିଟି୯ ୫ କୁଇଣ୍ଟାଲ, ଶାରଳା ୫ କୁଇଣ୍ଟାଲ, ଅରହର ୩୦କୁଇଣ୍ଟାଲ, ବାଦାମ ୬୦କୁଇଣ୍ଟାଲ, ଶୋରିଷ ଓ ଧନିଚା ୩୦ କୁଇଣ୍ଟାଲ ଏହିପରି ସମୁଦାୟ ଚାଷ ପାଇଁ ୭୮୬୦ କୁଇଣ୍ଟାଲ ବିହନର ଆବଶ୍ୟକତା ଥିବା ସୂଚିତ କରାଯାଇଛି। ତେବେ ଚାଷୀକୁ ସରଳ ଓ ସହଜ ଉପାୟରେ ବିହନ ଯୋଗାଇଦେବା ପାଇଁ ବ୍ଲକରେ ଥିବା ୧୧ ଗୋଟି ପ୍ୟାକ୍ସ ଓ ୧୨ ଗୋଟି ବେସରକାରୀ ବିହନ ବିକ୍ରି ପାଇଁ ଅନୁମତି ପ୍ରଦାନ କରାଯାଇଥିବା ଜଣାଯାଇଛି। ସେମାନଙ୍କ ମଧ୍ୟରୁ ଗଣପତି ସିଡ୍‌ସ ୩୫୦, ପର୍ଡିଆ ସିଡ୍‌ସ ୨୨୪, ପଞ୍ଚଜନ୍ୟା ଗ୍ରୁଫ ସିଡ୍‌ସ ୪୯୧, ଜୟ ବଜରଙ୍ଗବଳି ସିଡ୍‌ସ ୧୩୦, ଦାଶରଥ ମହାକୁର ସିଡ୍‌ସ ୨୨୫ ଏବଂ ଗୌରିଶଙ୍କର ପାଣ୍ଡିଆ ସିଡ୍‌ସ ୪୦ କୁଇଣ୍ଟାଲ ଧାନ ବିହନ ଆଣିଛନ୍ତି। ସେହିପରି ମହଦା ପିଏସିଏସ ୧୦୭ କୁଇଣ୍ଟାଲ ବିହନ ଆଣିଥିବା ଜଣାଯାଇଛି। ତେବେ ବ୍ଲକରେ ଥିବା ପଞ୍ଚମହଲା,ନିମ୍ନା, ବିଶିପଡା, ଉଲୁଣ୍ଡା, ଚଡେଇପଙ୍କ, କୋଟସମଲାଇ, ଏସ. ପତ୍ରାପାଲି, ରକ୍ସା, କଲାପଥର ଏବଂ ଜାଲୋଏ ପ୍ରଭୃତି ପିଏସିଏସ ଚଳିତ ବର୍ଷ ଧାନ ବିହନ ବିକ୍ରି ପାଇଁ ଆଣିନାହାନ୍ତି। ଅନ୍ୟପକ୍ଷେ ଏହିସବୁ ପିଏସିଏସ ପ୍ରତି ଜିଲା ପ୍ରଶାସନର ଲଗାମ ନ ଥିବାରୁ ଏହା ଉପରେ ଭରଶା ରଖି ଚାଷ କରୁଥିବା ଚାଷୀଙ୍କ ସମସ୍ୟା ଦ୍ୱିଗୁଣିତ ହେଉଛି। ତେଣୁ ଅଞ୍ଚଳର ଚାଷୀ ସରକାରୀ ବିହନ ଉପରେ ଭରସା ନରଖି ପାରମ୍ପରିକ ଦେଶି ବିହନ ବ୍ୟବହାର କରୁଥିବା ଦେଖାଦେଇଛି। ସେହିପରି ଅଣଧାନ ଫସଲର ବିହନ କେଉଁଠୁ ମିଳିବ ସେନେଇ ଅଞ୍ଚଳର ଚାଷୀ ସନ୍ଦିହାନ ଅଛନ୍ତି। ତେବେ ଏ ନେଇ ପଚରାଯିବାରୁ ଅଣଧାନ ଫସଲ ବିହନ ଚାଷୀମାନଙ୍କୁ ଉପଯୁକ୍ତ ସମୟରେ ବିଭାଗ ତରଫରୁ ଯୋଗାଇ ଦିଆଯିବ ବୋଲି ଏଏଓ ରାକେଶ କୁମାର ମାଝୀ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ବାପା-ପୁଅ, ଦୁଇ ଭଉଣୀଙ୍କୁ ଭୋଟରଙ୍କ ପ୍ରତ୍ୟାଖ୍ୟାନ

ସୁନ୍ଦରଗଡ଼, ୨୫ା୫ (ଡି.ଏନ.ଏ.): ସରିଛି ୨୦୧୯ ସାଧାରଣ ନିର୍ବାଚନ। ଗୁରୁବାର ଫଳାଫଳ ପ୍ରକାଶ ପାଇବା ପରେ ସୁନ୍ଦରଗଡ଼ ଜିଲାର କେତେଜଣ ହେଭିଓ୍ବେଟ ନେତାଙ୍କ ପରାଜୟ ହୋଇଛି।...

ସ୍ବାମୀଙ୍କ ଚିକିତ୍ସା ପାଇଁ ସ୍ତ୍ରୀ, ଝିଅଙ୍କ ଗୁହାରି

ବରଗଡ଼ ଅଫିସ୍‌,୧୬।୭ ବରଗଡ଼ ସହର ଉପକଣ୍ଠ ଖଲିଆପାଲି ଗ୍ରାମରୁ ଅସୁସ୍ଥ ତଥା ଶଯ୍ୟାଶାୟୀ ସ୍ବାମୀ ବଲ୍ଲଭ ମେହେରଙ୍କୁ ଏକ ଅଟୋରେ ଧରି ଚିକିତ୍ସା ସହାୟତା ପାଇଁ...

୬ ମାସ ହେଲା ଚାଲୁନି ଜଳଯୋଗାଣ ପ୍ରକଳ୍ପ

ଅମରପାଲି, ୧୯।୫(ଡି.ଏନ.ଏ.):ଦୀର୍ଘ ୬ମାସରୁ ଅଧିକ ସମୟ ହେଲା ଜଳଯୋଗାଣ ପ୍ରକଳ୍ପ ଅଚଳ ହୋଇଥିବାରୁ ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ଗ୍ରାମରେ ଦେଖାଦେଇଛି ଜଳ...

ସାହାଯ୍‌ ଆଶ୍‌ରେ ପକ୍ଷାଘାତ ରୁଗୀ

ଲାଠୋର ୧୮ା୬(ଡି.ଏନ.ଏ.): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ମାଲପଡ଼ା ପଁଚେତ୍‌ ଅଧୀନ କହ୍ନେଇଛାପର ଗଁ।ର ଖଇରାପଡ଼ା। ଇ ପଡ଼ାରେ ଆଦିବାସୀ ସମାଜର ଉଦ୍ଧବ ଭୋଇ(୫୨)କଁର ଘର।...

ବଲାଙ୍ଗୀର ଜିଲା: ମାଟ୍ରିକ୍‌ ପରୀକ୍ଷା ପାସ୍‌ହାର ୭୩.୦୮ % , ସିଦ୍ଧାନ୍ତ ରାୟ ଜିଲା ଟପ୍ପର

ବଲାଙ୍ଗୀର ଅଫିସ, ୨୧ା୫: ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ଦ୍ୱାରା ପରିଚାଳିତ ଚଳିତ ବର୍ଷର ମାଟ୍ରିକ୍‌ ପରୀକ୍ଷା ମଙ୍ଗଳବାର ପ୍ରକାଶ ପାଇଛି ା ଜିଲାରେ ପାସ୍‌ହାର ୭୩.୦୮...

କାଲ ହେଲା ଖରାଦିନିଆଁ ଧୁକାଗରେଲ: ଭଂଗା କୁରିଆରେ ୭ ଅସାହା ଜୀବନ୍‌

ନୂଆପଡା ଅଫିସ/କୋମନା,୭ା୬- କେନ୍ଦ୍ର ଆର ରାଏଜ୍‌ ସରକାର ଗରିବ୍‌ ଦୁଖ, ନିଆଁ ସିମାନକୁ ପକାଘର ଯୁଗେଇ ଦେବାର ଲାଗି ଅନେକ ପରକାର ଆବାସ ଯୋଜନା କାଯ୍‌କାରୀ...

ସୂଚନା ଫଳକରେ ସୀମିତ ପୁନରୁଦ୍ଧାର

ଡୁଙ୍ଗୁରିପାଲି, ୧୩ା୬(ଡି.ଏନ.ଏ.) – ସୁବର୍ଣ୍ଣପୁର ଜିଲା ଡଙ୍ଗୁରିପାଲି ବ୍ଲକ ସୁନାପାଲି ଗ୍ରାମ ପଞ୍ଚାୟତରସଦର ଗଁାରେ ଥିବା ଯୋଗୀକଟା(ଜଳାଶୟ)ର ପଙ୍କୋଦ୍ଧାର ଓ ଅନ୍ୟାନ୍ୟ କାମ ପାଇଁ ପାଣିକୁ...

ପୋଲିସ ହାବୁଡରେ ଅମାନିଆ ବାଇକ ଚାଳକ

ସମ୍ବଲପୁର, ୯।୪ (ବ୍ୟୁରୋ): କରୋନା କଟକଣା ନେଇ ଜିଲା ପ୍ରଶାସନ ଓ ପୋଲିସ ଗୁରୁବାର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ଦ୍ୱିତୀୟ ଦିନରେ ପହଞ୍ଚତ୍ଛି ।...

BGU
Play 250+ Trending Games
Archives

Model This Week

Why Dharitri