ବେଜିଂ,୩।୫: ସକାଳୁ ଉଠିଲେ ସଭିଏଁ ଦାନ୍ତ ଘଷିବା ପାଇଁ ବ୍ରଶ୍ ଖୋଜି ବସନ୍ତି। ବ୍ରଶ୍ କରିବା ପରେ ଅନ୍ୟ କାମ କରିବାକୁ ଲୋକେ ପସନ୍ଦ କରନ୍ତି। ତେବେ ପ୍ରଥମ ବ୍ରଶ୍୍ ଚାଇନାରେ ତିଆରି ହୋଇଥିଲା। ୫୦୦ ବର୍ଷ ତଳେ ପ୍ରାଣୀ କେଶରୁ ଚାଇନା ପ୍ରଥମେ ବ୍ରଶ୍ ତିଆରି କରି ଏହାର ପେଟେଣ୍ଟ୍ ମଧ୍ୟ କରିଥିଲା। ପ୍ରାଚୀନ ବାବିଲୋନିଆରେ ପ୍ରାୟ ଖ୍ରୀଷ୍ଟପୂର୍ବ ୩୦୦୦-୩୫୦୦ ମଧ୍ୟରେ ବ୍ରଶ୍ର ବ୍ୟବହାର ମଧ୍ୟ କରାଯାଉଥିବା ପ୍ରତ୍ନତତ୍ତ୍ୱବିତ୍ମାନେ ମତପୋଷଣ କରିଥାନ୍ତି। ସେହିପରି ପୁରାତନ ମିଶରରେ ଛୋଟଛୋଟ କାଠ ଏବଂ ପକ୍ଷୀ ପରରେ ବ୍ରସ୍ ତିଆରି ହେଉଥିଲା। ଖ୍ରୀଷ୍ଟପୂର୍ବ ୧୬୦୦ରେ ଚାଇନାରେ ସୁଗନ୍ଧିତ ବୃକ୍ଷ କାଠିକୁ ଦାନ୍ତ ଘଷିବା ପାଇଁ ବ୍ୟବହାର କରାଯାଉଥିଲା। ପରବର୍ତ୍ତୀ ସମୟରେ ଦାନ୍ତଘଷାକୁ ଅଧିକ ସହଜ କରିବା ଲାଗି ଏହି କାଠିରୁ ବ୍ରଶ୍ ତିଆରି କରିବାକୁ ଚିନ୍ତା କରାଯାଇଥିଲା। ୧୪୯୮ ଜୁନ୍ ୨୬ରେ ଚାଇନାରେ ପ୍ରଥମ କରି ଆଧୁନିକ ବ୍ରଶ୍ ପ୍ରାଣୀକେଶରୁ ତିଆରି ହୋଇଥିଲା। ପରବର୍ତ୍ତୀ ସମୟରେ ଚାଇନା ପକ୍ଷରୁ ଏହାର ପେଟେଣ୍ଟ୍ ମଧ୍ୟ କରାଯାଇଥିଲା। ଏହି ବ୍ରଶ୍ରେ କୌଣସି ହାଡ଼ ଅବା ବାଉଁଶରେ ପ୍ରାଣୀକେଶ ଲଗା ଯାଉଥିଲା। ପରେ ୧୯୩୮ରେ ନାଇଲନ୍ରେ ବ୍ରଶ୍ ତିଆରି ଆରମ୍ଭ ହୋଇଥିଲା। ୧୯୫୦ ପରେ ଟୁଥ୍ ବ୍ରଶ୍ ତିଆରି ଆରମ୍ଭ ହୋଇଥିଲା। ୧୯୬୦ରେ ଆମେରିକାରେ ଇଲେକ୍ଟ୍ରିକ୍ ବ୍ରଶ୍ ତିଆରି କରାଯାଇଥିଲା।
