ମୁମ୍ବାଇ: ଗିନିଜ୍ ୱାଲର୍ଡ ରେକର୍ଡ ତା’ର ସୋସିଆଲ ଆକାଉଣ୍ଟରେ ଏକ ବିଶ୍ୱ ରେକର୍ଡର ଭିଡିଓ ଫୋଷ୍ଟ କରିଛି। ସେଥିରେ ପୁଡୁଚେରୀର ଏସ୍. ଓଡେଲା ଜସ୍ମିନ୍ ନାମ୍ନୀ ଯୁବତୀ ଚେସ୍ ବୋର୍ଡରେ ସମସ୍ତ ଗୋଟିକୁ ସୁନ୍ଦର ଭାବେ ତା’ ସ୍ଥାନରେ ସଜାଇ ବିଶ୍ୱ ରେକର୍ଡ କରିଛନ୍ତି। ତାଙ୍କୁ ଏଥିପାଇଁ ୨୯.୮୫ ସେକେଣ୍ଡ ଲାଗିଥିଲା। ସେ କେବେ ବି ଚେସ୍ ଖେଳି ନାହାନ୍ତି। ଏହି ରେକର୍ଡ ପାଇଁ ୧ ବର୍ଷ ଧରି ଅଭ୍ୟାସ କରିଥିଲେ। ତେବେ ତାଙ୍କ ପୂର୍ବରୁ ୪ ଜଣଙ୍କ ନାମରେ ଏହି ୱାଲର୍ଡ ରେକର୍ଡ ରହିଥିଲା। ଏବେ ସେ ସମସ୍ତଙ୍କୁ ପଛରେ ପକାଇ ଦେଇଛନ୍ତି। ଜସ୍ମିନ୍ ୨୦୨୧ ଜୁଲାଇ ୨୦ତାରିଖରେ ଏହି ରେକର୍ଡ କରିଥିଲେ। ତାଙ୍କ ପୂର୍ବରୁ ୨୦୨୧ରେ ଆମେରିକାର ଡେଭିଡ୍ ରୁଷ ୩୦.୩୧ ସେକେଣ୍ଡରେ, ୨୦୧୯ରେ ଆମେରିକାର ନକୁଲ ନାମାସ୍ବାମୀ ୩୧.୫୫ ସେକେଣ୍ଡ, ୨୦୧୫ରେ ଆମେରିକାର ଆଲ୍ଭା ଉଇ ୩୨.୪୨ ସେକେଣ୍ଡ, ୨୦୧୪ରେ ସର୍ବିଆର ଡାଲିବର୍ ଜବ୍ଲାନୋଭିକ୍ ୩୪.୨୦ ସେକେଣ୍ଡରେ ଚେସ୍ ବୋର୍ଡ ସଜାଇ ରେକର୍ଡ କରିଥିଲେ।
