ନୂଆଦିଲ୍ଲୀ,୨୯।୬: ସରକାରୀ ଅଧିକାରୀଙ୍କ ବୈଠକରେ ଏଣିକି ଚା’ ସହିତ ବିସ୍କୁଟ ଦିଆଯିବ ନାହିଁ। ସ୍ବାସ୍ଥ୍ୟ ବିଭାଗର ନିର୍ଦ୍ଦେଶ ଅନୁଯାୟୀ ଏଥର ଅଧିକାରୀମାନେ ଚା’ ସହିତ ଭଜା ଚଣା, ଆଲମଣ୍ଡ, ଓ୍ବାଲନଟ୍, ଖଜୁରୀ ଆଦି ଖାଇବେ ଯାହା ସ୍ବାସ୍ଥ୍ୟପକ୍ଷେ ହିତକର। କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଦ୍ୱାରା ଏଥିପାଇଁ ସର୍କୁଲାର ଜାରି କରାଯାଇଛି। ପ୍ରଥମେ ଏହା ସ୍ବାସ୍ଥ୍ୟ ମନ୍ତ୍ରଣାଳୟରେ କାର୍ଯ୍ୟକାରୀ କରାଯିବ। ଏହାପରେ ଏ ସମ୍ପର୍କରେ ଅନ୍ୟ ମନ୍ତ୍ରଣାଳୟକୁ ଅନୁରୋଧ କରାଯିବ। ଜଣେ ଅଧିକାରୀଙ୍କ ସୂଚନା ଅନୁଯାୟୀ, ପ୍ଲାଷ୍ଟିକ ଶରୀର ପାଇଁ କ୍ଷତିକାରକ ହୋଇଥିବା ବେଳେ କିଛିଦିନ ପରେ ପ୍ଲାଷ୍ଟିକ ବୋତଲରେ ପାଣି ପିଇବାକୁ ନେଇ ମଧ୍ୟ ଏକ ସର୍କୁଲାର ଜାରି କରାଯାଇପାରେ ବୋଲି ସେ କହିଛନ୍ତି।
