ବିଶାଖାପାଟନମ୍,୩।୧୦: ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଟେଷ୍ଟରେ ଭାରତୀୟ ଓପନର ରୋହିତ ଶର୍ମା ଏବଂ ମୟଙ୍କ ଅଗ୍ରଓ୍ବାଲ୍ ଯୋଡି ପ୍ରଥମ ଉଇକେଟ ପାଇଁ ୩୧୭ ରନର ପାର୍ଟନରଶିପ୍ କରି ଇତିହାସ ରଚିଛନ୍ତି। ମୟଙ୍କ ଟେଷ୍ଟ କ୍ୟାରିୟରରେ ପ୍ରଥମ ଶତକ ହାସଲ କରିଥିବାବେଳେ ପ୍ରଥମଥର ପାଇଁ ଓପନିଂ ଆସି ରୋହିତ ମଧ୍ୟ ଶତକ ହାସଲ କରିଛନ୍ତି।
ରୋହିତ-ମୟଙ୍କ ଓପନିଂ ଯୋଡି ଦକ୍ଷିଣ ଆଫ୍ରିକା ବିପକ୍ଷରେ ଶତକ ହାସଲ କରିବାରେ ବିଶ୍ୱର ପ୍ରଥମ ଓପନିଂ ଯୋଡି ହୋଇପାରିଛନ୍ତି।
ଦକ୍ଷିଣ ଆଫ୍ରିକା-ଭାରତ ମଧ୍ୟରେ ଆଜି ପର୍ଯ୍ୟନ୍ତ ଖେଳାଯାଇଥିବା ଟେଷ୍ଟ ମ୍ୟାଚରେ ସର୍ବାଧିକ ରନ୍ର ପାର୍ଟନରଶିପ୍ କରିଛନ୍ତି ରୋହିତ-ମୟଙ୍କ। ୧୯୯୬ରେ କୋଲକାତାରେ ଗ୍ୟାରି କର୍ଷ୍ଟନ ଏବଂ ଆଣ୍ଡ୍ରୁ ହଡସନ୍ ପ୍ରଥମ ଉଇକେଟ୍ ପାଇଁ ୨୩୬ ରନର ପାର୍ଟନରଶିପ୍ କରିଥିଲେ।
ରୋହିତ-ମୟଙ୍କ ଯୋଡି ଦକ୍ଷିଣ ଆଫ୍ରକା ବିପକ୍ଷରେ ତ୍ରିଶତକୀୟ ଓପନିଂ ପାର୍ଟନରଶିପ୍ କରିଥିବା ପ୍ରଥମ ଭାରତୀୟ ଯୋଡି ହୋଇପାରିଛନ୍ତି।
ଭାରତୀୟ ମାଟିରେ ପ୍ରଥମେ ଓପନିଂ ଆସି ଶତକ ଲଗାଇବାରେ ମଧ୍ୟ ଦୁହେଁ ପ୍ରଥମ ଭାରତୀୟ ଯୋଡି।
