ବର୍ତ୍ତମାନ ସମଗ୍ର ବିଶ୍ୱରେ କରୋନା ଭାଇରସ୍ ଆତଙ୍କ ସୃଷ୍ଟି କରିଛି। ଭାରତରେ ଏହି ରୋଗରେ ୨୮ ଜଣ ଆକ୍ରାନ୍ତ ହୋଇଥିବା ସ୍ବାସ୍ଥ୍ୟମନ୍ତ୍ରୀ ଡା. ହର୍ଷବର୍ଦ୍ଧନ ସୂଚନା ଦେଇଛନ୍ତି। ପିଲାଠାରୁ ବୁଢ଼ା ପର୍ଯ୍ୟନ୍ତ ଏହି ରୋଗ କାହାକୁ ବି ଗ୍ରାସ କରିପାରେ। ଯାହାର ରୋଗ ପ୍ରତିରୋଧକ ଶକ୍ତି କମ୍ ତାଙ୍କୁ ଏହି ରୋଗ ହେବା ଆଶଙ୍କା ଅଧିକ ରହିଥାଏ। ଏପରି ସ୍ଥିତିରେ ଯୋଗଗୁରୁ ବାବା ରାମଦେବ କରୋନା ଭାଇରସ୍ରୁ ମୁକ୍ତି ପାଇଁ ଏକ ପ୍ରାଣାୟାମ କରିବାକୁ ପରାମର୍ଶ ଦେଇଛନ୍ତି। ଜାଣନ୍ତୁ ଏ ସମ୍ପର୍କରେ…
ଅନୁଲୋମ-ବିଲୋମ:
ଚଟାଣରେ ସିଧା ଭାବେ କାନ୍ଧକୁ ଢିଲା କରି ବସନ୍ତୁ। ହସହସ ଚେହେରା ରଖନ୍ତୁ। ଆଣ୍ଠୁ ଉପରେ ବାମ ହାତ ରଖନ୍ତୁ। ଡାହାଣ ହାତରେ ନାକ ଧରନ୍ତୁ। ବିଶି ଆଙ୍ଗୁଠି ଏବଂ ମଧ୍ୟମା ଆଙ୍ଗୁଠି ମୁହଁ ମଝିରେ ରଖନ୍ତୁ। ଅନାମିକା ଏବଂ କାଣି ଆଙ୍ଗୁଠି ନାକର ବାମପଟେ ରଖନ୍ତୁ। ବାମ ନାକପୁଡ଼ା ଖୋଲନ୍ତୁ। ବନ୍ଦ କରିବା ପାଇଁ ଅନାମିକା ଆଙ୍ଗୁଠି ଏବଂ କାଣି ଆଙ୍ଗୁଠି ଡାହାଣପଟ ନାକରେ ବ୍ୟବହାର କରନ୍ତୁ। ଆଙ୍ଗୁଠିକୁ ଡାହାଣପଟ ନାକରେ ଚାପି ରଖି ବାମ ପଟ ନାକରେ ନିଃଶ୍ୱାସ ଛାଡ଼ନ୍ତୁ। ଏବେ ପୁଣି ଥରେ ବାମପଟ ନାକରେ ନିଃଶ୍ୱାସ ନିଅନ୍ତୁ। ଏହା ପରେ ଡାହାଣପଟ ନାକକୁ ଅନାମିକା ଏବଂ କାଣି ଆଙ୍ଗୁଠିରେ ଧୀରେ ଚାପି ଧରନ୍ତୁ। ଏବେ ଧୀରେ ଧୀରେ ଡାହାଣ ପଟ ନାକରୁ ନିଃଶ୍ୱାସ ଛାଡ଼ନ୍ତୁ। ଏପରି ନିୟମିତ ଭାବରେ କରି କରୋନା ଭାଇରସ୍ଠାରୁ ଦୂରେଇ ରୁହନ୍ତୁ।
