ବ୍ରହ୍ମପୁର ଅଫିସ,୯ା୬-ବ୍ରହ୍ମପୁରକୁ ସ୍ବଚ୍ଛ ଓ ସୁନ୍ଦର ସହରରେ ପରିଣତ କରିବାକୁ ବ୍ରହ୍ମପୁର ମହାନଗର ନିଗମ(ବିଏମ୍ସି) ବହୁ ପଦକ୍ଷେପ ନେଉଛି। ଫାଉଣ୍ଟେନଠାରୁ ଆରମ୍ଭ କରି ସହରର କାନ୍ଥଗୁଡିକରେ ୱାଲ ପେଣ୍ଟିଂ, ଆବର୍ଜନାରୁ ପ୍ରସ୍ତୁତ ବିଭିନ୍ନ ମଡେଲକୁ ସହରର ବିଭିନ୍ନ ସ୍ଥାନରେ ସ୍ଥାପିତ କରିବା ଲାଗି ନିଗମ ପକ୍ଷରୁ ଗୁରୁତ୍ୱ ଦିଆଯାଉଛି। କିନ୍ତୁ ସହରର ମୂଳ ସମସ୍ୟା ଡ୍ରେନ୍ ଓ ରାସ୍ତା ମରାମତି କାର୍ଯ୍ୟ ପ୍ରତି ଅଣଦେଖା କରୁଛି ା କିଛିମାସ ପୂର୍ବେ ଓଡିଆରପି ଓ ଉନ୍ନତି ଯୋଜନାରେ ସହରର ପ୍ରତି ୱାର୍ଡରେ ଡ୍ରେନ୍ର ପୁନରୁଦ୍ଧାର ଓ ରାସ୍ତା ମରାମତି ପାଇଁ ଲକ୍ଷ ଲକ୍ଷ ଟଙ୍କା ମଞ୍ଜୁର କରାଯାଇଥିଲେ ମଧ୍ୟ ଏଯାଏ କାର୍ଯ୍ୟ ସମ୍ପୂର୍ଣ୍ଣ ହୋଇପାରି ନାହିଁ ା ଆଗକୁ ବର୍ଷାଦିନ ା କିନ୍ତୁ ଏବେ ଅନେକ ଅଞ୍ଚଳ ଡ୍ରେନ୍ର ପୁନରୁଦ୍ଧାର କାର୍ଯ୍ୟ ସରି ନାହିଁ ା ପୁଣି ସହରରେ ବର୍ଷାଦିନେ କୃତ୍ରିମ ବନ୍ୟା ସୃଷ୍ଟି ହେବା ନେଇ ଆଶଙ୍କା ସୃଷ୍ଟି ହୋଇଛି ା
ମହାନଗର ନିଗମ ଅନ୍ତର୍ଗତ ସମସ୍ତ ୱାର୍ଡ ଡ୍ରେନ୍ଗୁଡିକର ପୁନରୁଦ୍ଧାର, ମରାମତି ସହ କଭର ସ୍ଲାବ୍ ପକାଇବାକୁ ନେଇ ୨୦୧୮ରେ ନିଗମ ପକ୍ଷରୁ ଯୋଜନା ହୋଇଥିଲା ା
ଓଡିଆରପି, ନିଗମର ନିଜସ୍ବ ପାଣ୍ଠି ଓ ଉନ୍ନତି ଯୋଜନାରେ ଆସିଥିବା ଟଙ୍କାରେ ସହରର ସମସ୍ତ ରାସ୍ତା ଓ ଡ୍ରେନ୍ ମରାମତି କାର୍ଯ୍ୟ କରାଯିବାକୁ ନିଷ୍ପତ୍ତି ନିଆଯାଇଥିଲା ା
ଇତି ମଧ୍ୟରେ କେତେକ ଅଞ୍ଚଳରେ ରାସ୍ତା ଓ ଡ୍ରେନ୍ ନିର୍ମାଣ କାର୍ଯ୍ୟ ମଧ୍ୟ ଶେଷ ହୋଇଛି ା କିନ୍ତୁ ୧୮ ନଂ. ୱାର୍ଡ ଅନ୍ତର୍ଗତ ଆସ୍କାରୋଡ ନିକଟସ୍ଥ ତ୍ରିବେଣୀ ନଗର ଦେଇ ଯାଇଥିବା ମୁଖ୍ୟ ଡ୍ରେନ୍ ମୁକୁଳା ପଡିଛି ା ଏଯାଏ ଡେନ୍ର ମରାମତି ତଥା ପୁନରୁଦ୍ଧାର କାର୍ଯ୍ୟ ହୋଇ ନ ଥିବା ଅଭିଯୋଗ ହୋଇଛି ା
ଅଭିଯୋଗ ପ୍ରକାରେ, ଡ୍ରେନ୍ଟି ମୁଖ୍ୟରାସ୍ତାଠାରୁ ମାତ୍ର ୩୦ ମିଟର ଦୂରରେ ରହିଛି ା ଦୀର୍ଘ ବର୍ଷ ଧରି ଡ୍ରେନ୍ର ମରାମତି ତଥା ପୁନରୁଦ୍ଧାର ହୋଇ ନାହିଁ ା
ଅନ୍ୟପକ୍ଷରେ ନିୟମିତ ଡ୍ରେନ୍ ସଫେଇ ହେଉ ନ ଥିବାରୁ ଅଳ୍ପ ବର୍ଷାରେ ପାଣି ରାସ୍ତା ଉପରେ ଜମି ରହୁଛି ା ଏହି ଡ୍ରେନ୍ ଆଖପାଖରେ ପ୍ରାୟ ୧୦୦ ପରିବାର ବାସ କରୁଥିବା ବେଳେ ଏହାର ଦୁର୍ଗନ୍ଧ ଯୋଗୁ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହେଉଛି ା ମଶାଙ୍କ ପ୍ରାଦୁର୍ଭାବ ବୃଦ୍ଧି ଯୋଗୁ ରାତିରେ ରହିବା କଷ୍ଟକର ହେଉଛି ା
ବର୍ଷା ଦିନ ପୂର୍ବରୁ ଡ୍ରେନ୍ର ପୁନରୁଦ୍ଧାର ତଥା ମରାମତି ଲାଗି ପଦକ୍ଷେପ ଗ୍ରହଣ କରାଯିବାକୁ ଅଞ୍ଚଳାବାସୀ ଦାବି କରିଛନ୍ତି ା
ବର୍ତ୍ତମାନ ଓଡିଆରପିରେ ଉକ୍ତ ଅଞ୍ଚଳ ସମେତ ସହରର ଅନେକ ଅଞ୍ଚଳର ଡ୍ରେନ୍ ଓ ରାସ୍ତା ମରାମତି ପାଇଁ ଟେଣ୍ଡର ସରିଛି ା ଖୁବଶୀଘ୍ର ତ୍ରିବେଣୀ ନଗର ସମେତ ସହରର ଅନ୍ୟାନ୍ୟ ଅଞ୍ଚଳର ମଧ୍ୟ ଡ୍ରେନେଜ ନିର୍ମାଣ କାର୍ଯ୍ୟ ଆରମ୍ଭ ହେବା ନେଇ ନିଗମ କମିଶନ ଚକ୍ରବର୍ତ୍ତୀ ସିଂ ରାଠୋର ସୂଚନା ଦେଇଛନ୍ତି ା
