ମହିଳା ଫିଫା ବିଶ୍ୱକପ୍‌: କ୍ୱାର୍ଟରରେ ଫ୍ରାନ୍ସ, ଇଂଲଣ୍ଡ
4:00 pmJune 9, 2020 / 21

ପ୍ୟାରିସ,୨୩ା୬(ଏଏଫ୍‌ପି): ମହିଳା ଫିଫା ବିଶ୍ୱକପ୍‌ ଆୟୋଜକ ଫ୍ରାନ୍ସ ଓ ଇଂଲଣ୍ଡ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ମ୍ୟାଚ୍‌ର ଅତିରିକ୍ତ ମିନିଟ୍‌ରେ ଆମାଣ୍ଡିନେ ହେନ୍‌ରୀଙ୍କ ଗୋଲ ଯୋଗୁ ଫ୍ରାନ୍ସ ୨-୧ ଗୋଲରେ ବ୍ରାଜିଲକୁ ହରାଇ ବିଶ୍ୱକପ୍‌ରୁ ବିଦା କରିଛି। ଆୟୋଜକ ଦଳ ପାଇଁ ଭାଲେରି ଗଭିନ (୫୨ ତମ ମିନିଟ୍‌) ଗୋଲ କରିଥିବାବେଳେ ଥାଇସା(୬୩ତମ)ଙ୍କ ଗୋଲ ବଳରେ ବ୍ରାଜିଲ ମ୍ୟାଚ୍‌କୁ ଫେରିଥିଲା। ମ୍ୟାଚ୍‌ ବରାବର ରହିବା ପରେ ଏକ୍ସେଟ୍ରା ଟାଇମ୍‌ର ସହାୟତା ନିଆଯାଇଥିଲା। ଏଥିରେ ଅଧିନାୟିକା ହେନ୍‌ରୀ (୧୦୬ତମ) ଗୋଲ ଦେଇ ବ୍ରାଜିଲକୁ ବିଜୟୀ କରାଇଥିଲେ। ଅନ୍ୟ ଏକ ପ୍ରିକ୍ୱାର୍ଟର ଫାଇନାଲ ମ୍ୟାଚ୍‌ରେ ଇଂଲଣ୍ଡ ୩-୦ ଗୋଲରେ କାମେରୁନକୁ ହରାଇ ଦେଇଛି। ବିଜୟୀ ଦଳ ଲାଗି ଅଧିନାୟିକା ଷ୍ଟେଫ ହଗଟନ (୧୪ତମ), ଇଲେନ ହ୍ବାଇଟ୍‌ (୪୫+୪) ଓ ଆଲେକ୍ସ ଗ୍ରୀନଉଡ୍‌ (୫୮ତମ) ସ୍କୋର କରିଥିଲେ। ଏହି ମ୍ୟାଚ୍‌ରେ ଅମ୍ପାୟରଙ୍କ ନିଷ୍ପତ୍ତି ଉପରେ କାମେରୁନ ଖେଳାଳିମାନେ ଅସ୍ବାଭାବିକ ପ୍ରତିକ୍ରିୟା ଦେଇଥିଲେ। ଏକଦା ଖେଳାଳିମାନେ ରେଫରିଙ୍କୁ ପଡ଼ିଆରୁ ଚାଲିଯିବାକୁ ଧମକାଇଥିଲେ।