ବାଲେଶ୍ୱର ଅଫିସ, ୨୪।୬-ବାଲେଶ୍ୱର ସହରରେ ମହାନାଳ ସମେତ ବିଭିନ୍ନ ନାଳଗୁଡିକ ପୋତି ହୋଇଯାଇଥିବାରୁ ବର୍ଷା ହେବାମାତ୍ରେ ସହରରେ କୃତ୍ରିମ ବନ୍ୟା ସୃଷ୍ଟି ହୋଇଥାଏ। ଏହାକୁ ନେଇ ଲୋକମାନେ ନାହିଁ ନ ଥିବା ହଇରାଣ ହେଉଛନ୍ତି। ଏହାର ସମାଧାନ ପାଇଁ ସହରବାସୀ ବାରମ୍ବାର ପୌରଞ୍ଚଳ ଅଧିକାରୀଙ୍କୁ ଲିଖିତ ଭାବେ ଜଣାଇଆସୁଥିଲେ। ଏପରିକି ନବନିର୍ବାଚିତ ବିଧାୟକ ମଦନମୋହନ ଦତ୍ତଙ୍କୁ ମଧ୍ୟ ଅବଗତ କରାଇଥିଲେ ା ବର୍ଷା ଋତୁ ଆଗକୁ ଆସୁଥିବାରୁ ବିଧାୟକ ଦତ୍ତ ମହାନାଳଗୁଡିକ ସଫା ହେବା ନିହାତି ଆବଶ୍ୟକ ଥିବା ଉପଲବ୍ଧି କରି ପୌରପାଳିକା ନିର୍ବାହୀଯନ୍ତ୍ରୀଙ୍କୁ ଭେଟି ଖୁବ୍ଶୀଘ୍ର ପଦକ୍ଷେପ ନେବା ପାଇଁ ଅନୁରୋଧ କରିଥିଲେ ା
ଏହି ପରିପ୍ରେକ୍ଷୀରେ ବିଧାୟକ ସୋମବାର ସହରର ମହାନାଳ ସଫେଇ କାର୍ଯ୍ୟକୁ ତଦାରଖ କରିଛନ୍ତି। ସମ୍ପୃକ୍ତ କାର୍ଯ୍ୟ ମୌସୁମୀ ଆସିବା ପୂର୍ବରୁ ଶେଷ କରିବା ପାଇଁ ପୌରପାଳିକା ନିର୍ବାହୀଯନ୍ତ୍ରୀଙ୍କୁ ଅନୁରୋଧ କରିଥିଲେ। ପୂର୍ବରୁ ସହର ରାସ୍ତା ଓ କଲଭର୍ଟଗୁଡିକର ସ୍ଥିତିକୁ ନିଜେ ବୁଲି ସମୀକ୍ଷା କରିବା ସହ ଏହାର ଏକ ରିପୋର୍ଟ ଜିଲାପାଳ ଓ ପୌରପାଳିକାର କାର୍ଯ୍ୟନିର୍ବାହୀ ଯନ୍ତ୍ରୀଙ୍କୁ ପ୍ରଦାନ କରିଛନ୍ତି ା ଆଗାମୀ ଦିନରେ ବର୍ଷାଦିନରେ ସହରରେ କୃତ୍ରିମ ବର୍ଷା ନ ହେବା ପାଇଁ ମିଳିତ ଉଦ୍ୟମ ଆବଶ୍ୟକତା ରହିଛି। ସହରରେ ସମ୍ପୂର୍ଣ୍ଣ ୩୫ କି.ମି. ମହାନାଳ ସଫେଇ କରାଯିବାର ବ୍ୟବସ୍ଥା ହୋଇଛି ବୋଲି ପୌରପାଳିକାର କାର୍ଯ୍ୟନିର୍ବାହୀ ଯନ୍ତ୍ରୀ ପ୍ରଦୀପ କୁମାର ନାୟକ କହିଛନ୍ତି। ଅନ୍ୟମାନଙ୍କ ମଧ୍ୟରେ ସୀତାକାନ୍ତ ସ୍ବାଇଁ, ଚିତ୍ତରଞ୍ଜନ ପଣ୍ଡା, ସୁଜିତ ଦେବ, ଯୋଗେନ ରଣା, ରାଧାକାନ୍ତ ଦାସ, ଗଙ୍ଗାଧର ରାଉତ, ସର୍ବେଶ୍ୱର ପାତ୍ର, ପିଙ୍କି ପ୍ରଧାନ, ଶ୍ରୀୟା ଦାସ, ରଣଜିତ୍ ପୃଷ୍ଟି, ବିକାଶ ପାଢୀ, ବିବେକ ମହାନ୍ତି, ଧିରଜ ମହାନ୍ତି, ଅରୂପ ଜେନା, ସେକ୍ ଅଫଜଲ ଓ ଗୈାରାଙ୍ଗ ଦାସ ପ୍ରମୁଖ ଉପସ୍ଥିତ ଥିଲେ ା
